ដោយ : សុពិសិដ្ឋ (ថ្ងៃទី 3 សីហា 2009)
CEN News
ភ្នំពេញ: នៅចុងសប្តាហ៍រយៈពេល ២ ថ្ងៃនេះ នៅរាជធានីភ្នំពេញ យ៉ាងហោចមានករណីគ្រោះថ្នាក់ចរាចរកើតឡើង ៧ លើក បណ្តាលឲ្យមនុស្ស ២ នាក់ស្លាប់ និង ១០ នាក់ទៀត រងរបួសធ្ងន់និងស្រាល ។ ONLINE សូមលើកយកតែករណីគ្រោះថ្នាក់ចរាចរ ២ ករណី ដែលបណ្តាលឲ្យមនុស្សស្លាប់មកបញ្ជាក់ដោយសង្ខេបប៉ុណ្ណោះ ។
ករណីទី១: នៅវេលាម៉ោង ៦ និង ៣០ នាទី ព្រលប់ថ្ងៃទី ០១ សីហា នៅចំណុចភូមិរលួស សង្កាត់ជើងឯក ខណ្ឌដង្កោ មានករណីរថយន្តបុកម៉ូតូនៅលើស្ពានថ្ម បណ្តាលឲ្យស្លាប់បុរសម្នាក់ភ្លាមៗ ។
ប៉ូលិសនិយាយថា រថយន្តបង្កម៉ាក HINO ពណ៌ព្រីងទុំដឹកដី ស្លាកលេខភ្នំពេញ 3B 2789 បើកបរដោយឈ្មោះ ហ៊ុយ ម៉េងកា ភេទប្រុស អាយុ ៤៩ ឆ្នាំ ស្នាក់នៅស្រុកដូនកែវ ខេត្តតាកែវ ត្រូវប៉ូលិសឃាត់ខ្លួន ។ ចំណែកជនរងគ្រោះឈ្មោះ យឹម ថាវរិទ្ធ ភេទប្រុស អាយុ ២១ ឆ្នាំ ស្នាក់នៅឃុំកណ្តឹង ស្រុកបាទី ខេត្តតាកែវ បើកបរម៉ូតូម៉ាក HONDA CUB ជ្រុងពណ៌ទឹកប៊ិច គ្មានស្លាកលេខ បានស្លាប់ភ្លាមៗ នៅកន្លែងកើតហេតុ ។
ប៉ូលិសបន្តថា មុនកើតហេតុរថយន្ត និងម៉ូតូ បានធ្វើដំណើរច្រាសទិសគ្នា លុះដល់លើស្ពានរថយន្តជ្រុលបុកម៉ូតូ បណ្តាលឲ្យឈ្មោះ យឹម ថាវរិទ្ធ ស្លាប់ភ្លាមៗ ។ រថយន្តព្យាយាមបើករត់ តែត្រូវបានសមត្ថកិច្ចតាមចាប់បាន បញ្ជូនទៅអធិការដ្ឋានប៉ូលិសខណ្ឌដង្កោ ចាត់ការតាមច្បាប់ ។ ចំណែកសពយុវជន យឹម ថាវរិទ្ធ ត្រូវបានក្រុមគ្រួសារយកទៅធ្វើបុណ្យនៅស្រុក ។
ករណីទី២: នៅវេលាម៉ោង ៧ និង ៣០ នាទីយប់ថ្ងៃដដែលនៅចំណុច អតីតស្ពានចាស់ ផ្លូវជាតិលេខ ៣ ចម្ងាយពីទំនប់ ៧ មករាប្រហែល ៥០ ម៉ែត្រ ស្ថិតក្នុងសង្កាត់ក្រាំងពទ្រ ខណ្ឌ ៧ មករា មានករណីរថយន្តបើកបុកម៉ូតូ រួចជ្រុលធ្លាក់ ពីលើស្ពាន ហើយអ្នកបើកបរស្លាប់ក្នុងទឹក រីឯអ្នកបើកម៉ូតូរងរបួសធ្ងន់ ។
ប៉ូលិសបានឲ្យដឹងថា រថយន្តបង្កម៉ាកកាមរីស៊េរី ៨៩ ពណ៌ផ្ទៃមេឃ ពាក់ស្លាកលេខ ខ 9042 ភព2 បើកបរដោយឈ្មោះ ឃុន ជឿន ភេទប្រុស អាយុ ៥២ ឆ្នាំ ស្នាក់នៅសង្កាត់ទួលស្វាយព្រៃI ខណ្ឌចំការមន (ស្លាប់ក្នុងទឹក) មុខរបររត់តាក់ស៊ី ។ ចំណែកម៉ូតូរងការខូចខាតម៉ាក VIVA ពណ៌ខ្មៅ ស្លាកលេខភ្នំពេញ 1J 2583 បើកបរដោយឈ្មោះ វ៉ាយ ប៊ុនធឿន ភេទប្រុស អាយុ ៣០ ឆ្នាំ មុខរបរបុគ្គលិកក្រុមហ៊ុន បណ្តុះពូជស្រូវ ស្នាក់នៅឃុំបាគូ ស្រុកកណ្តាលស្ទឹង រងរបួសធ្ងន់ កំពុងសម្រាក់មន្ទីរពេទ្យព្រះកុសមៈ ។
ប៉ូលិសបន្តថា មុនពេលកើតហេតុរថយន្តបើកតាមផ្លូវជាតិលេខ ៣ យ៉ាងលឿនពីត្បូងទៅជើង លុះដល់ស្ពានចាស់ក៏បុកម៉ូតូ VIVA ដែលកំពុងធ្វើដំណើរច្រាស់ទិសប៉ើងខ្ទាត ទៅម្ខាងបណ្តាលឲ្យអ្នកបើកម៉ូតូរបួសធ្ងន់ រីឯរថយន្តជ្រុលចង្កូត ធ្លាក់ចូលក្នុងទឹក បណ្តាលឲ្យអ្នកបើកបរស្លាប់ក្នុងទឹកតែម្តង ។ សពត្រូវបានក្រុមគ្រួសារដឹកទៅធ្វើបុណ្យ ចំណែកឯម៉ូតូ និងរថយន្តរក្សាទុកនៅការិយាល័យប៉ូលិសចរាចរ ក្រុងភ្នំពេញដោះស្រាយ ។
ករណីទី៣: វេលាម៉ោង ១ និង ៣០ នាទី អធ្រាត្រថ្ងៃទី ១ សីហា នៅផ្លូវម៉ៅសេទុង សង្កាត់ផ្សារដេប៉ូII ខណ្ឌទួលគោក មានករណីរថយន្ត Land Cruiser ពណ៌ខ្មៅ ពាក់ស្លាកលេខភ្នំពេញ 2K 0428 បើកបរដោយស្រី្តម្នាក់ បើកពីត្បូងទៅជើង បុករបាំងចែកទ្រូងផ្លូវ បណ្តាលឲ្យស្ត្រីម្នាក់នេះសន្លប់ធំ (ពុំទាន់ស្គាល់ឈ្មោះ) ត្រូវបានរថយន្តសាមុយដឹកទៅសង្គ្រោះ នៅមន្ទីរពេទ្យ ។ រថយន្តស្ទូចដាក់សាលារាជធានីភ្នំពេញ ។
ករណីទី៤: វេលាម៉ោង ១១ និង ៣០ នាទីថ្ងៃដដែល នៅចំណុចផ្លូវ ៥៧ កែង ៨២ សង្កាត់បឹងកេងកងI ខណ្ឌចំការមន មានករណីរថយន្ត បុកជាមួយម៉ូតូបណ្តាលឲ្យបុរសម្នាក់របួសធ្ងន់ ។ ជនរងគ្រោះឈ្មោះ យ៉េង ធី ភេទប្រុស អាយុ ៣៨ឆ្នាំ របួសធ្ងន់ អ្នករួមដំណើរឈ្មោះ សាន កុសល ភេទប្រុស អាយុ ៣២ ឆ្នាំ របួសធ្ងន់ ។ អ្នកបើកបររថយន្តឈ្មោះ នូ ឡា ភេទប្រុស អាយុ ២៨ ឆ្នាំ ត្រូវប៉ូលិសឃាត់ ។ ម៉ូតូ និងរថយន្តរក្សាទុក នៅការិយាល័យប៉ូលិសចរាចរក្រុងភ្នំពេញ ។
ករណីទី៥: វេលាម៉ោង ១ យប់ថ្ងៃដដែល នៅផ្លូវ ២៧១ មុខផ្ទះលេខ ៣១៥ Eo សង្កាត់ទំនប់ទឹក ខណ្ឌចំការមន មានករណីម៉ូតូបុកម៉ូតូរបួសធ្ងន់ម្នាក់ ពុំទាន់ស្គាល់ឈ្មោះ (សន្លប់ធំ) ភាគីម្ខាងទៀតបើកម៉ូតូសង់កូរ៉េ រត់ចោលម៉ូតូ ។
ករណីទី៦: វេលាម៉ោង ៨ និង ៥០ នាទីយប់ នៅផ្លូវម៉ៅសេទុង មុខផ្ទះលេខ ២៥ Eo សង្កាត់ទំនប់ទឹក ខណ្ឌចំការមន មានករណីម៉ូតូបុកម៉ូតូរបួសធ្ងន់ ៣ នាក់ ។ អ្នកបើកបរម៉ូតូ HONDA C 125 សន្លប់ធំអត់ស្គាល់ឈ្មោះ និងអ្នកបើកម៉ូតូ ១ គ្រឿងទៀត ឈ្មោះ ឈឹម សុធារ័ក្ស ភេទប្រុស អាយុ ២៨ ឆ្នាំ របួសធ្ងន់ ។ ម៉ូតូទាំង ២ រក្សាទុកនៅខណ្ឌ ។
ករណីទី៧: នៅវេលាម៉ោង ៥ ព្រឹកថ្ងៃទី ២ សីហា នៅចំណុចផ្លូវសុរ៉ាម្រិត កែងផ្លូវឧកញ៉ាស៊ូស្រ៊ុន សង្កាត់ចតុមុខ ខណ្ឌដូនពេញ មានជនជាតិប៉ាគីស្ថានម្នាក់ បើករថយន្តបុកម៉ូតូ របួស ២ នាក់ ប្តីប្រពន្ធ ។ អ្នកបើកបររថយន្តឈ្មោះ សាន់ ហា ភេទប្រុស អាយុ ៣៦ឆ្នាំ ជនជាតិប៉ាគីស្ថាន ។ ២ នាក់ប្តីប្រពន្ធដែលរបួសធ្ងន់ ឈ្មោះ វ៉ាន ហេង ភេទប្រុស អាយុ ៤៣ ឆ្នាំ មុខរបរយោធា និងប្រពន្ធឈ្មោះ ស៊ុន វ៉ាង ។ រថយន្ត និងម៉ូតូរក្សាទុកនៅការិយាល័យប៉ូលិសចរាចរក្រុងភ្នំពេញ ៕
Talk:Gary Bensley
-
add to EAP cricket task force
← Previous revision Revision as of 12:49, 21 December 2024
Line 1: Line 1:
{{WikiProject banner shell|class=Stub|listas=Be...
52 minutes ago
No comments:
Post a Comment