សម្ដេចហ៊ុន សែន សម្ពោធដាក់ឱ្យប្រើប្រាស់ស្ពានព្រះមុនីវង្សថ្មី និងបើកការដ្ឋានសាងសង់ស្ពាន អាកាស

ដោយ :វង្ស សុភ័ក្រ្ត
ksn-new.com
27 - 5 - 2009
នៅព្រឹកថ្ងៃទី២៧ ខែឧសភា ឆ្នាំ២០០៩ សម្ដេចហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា
បានអញ្ជើញជាអធិបតីភាពក្នុងការសម្ពោធដាក់ឱ្យប្រើស្ពានព្រះ មុនីវង្សថ្មីដែលបានសាងសង់ ស្រប គ្នាជាមួយនឹងស្ពានព្រះមុនីវង្សថ្មីចាស់ដែលបានសាងសង់ឡើងនៅក្នុងទសវត្សទី៦០និងជាការសម្ពោធ ការដ្ឋានការសង់ស្ពាន់អាកាសផងដែរ ។លោក កែប ជុតិមា អភិបាលរាជធានីភ្នំពេញ បានមាន ប្រសា សន៍ ថ្លែងនៅក្នុងពិធីសម្ពោធស្ពានព្រះមុនីវង្សថ្មីយ៉ាងដូចនេះថា ស្ពានព្រះមុនីវង្សចាស់ត្រូវបានសាង សង់ឡើងក្នុងឆ្នាំ១៩២៩ ដំបូងឡើយស្ពាននេះគឺជាស្ពានដែកមានឈ្មោះថា “ស្ពានជ្រោយ អាឱក” ហើយ ស្ពានដែកដ៏ចំណាស់នេះបានបាក់បាត់រូប រាងនៅអំឡុងទសវត្សទី៦០ ដោយ ត្រូវបាន សាង សង់ ឡើងជាថ្មីឡើងវិញធ្វើអំពីបេតុងអាមេ មានឈ្មោះថា “ស្ពានព្រះមុនីវង្ស” មកដល់ សព្វថ្ងៃ នេះ ។

លោក កែប ជុតិមា អភិបាលរាជធានីភ្នំពេញ បានមានប្រសាសន៍បញ្ជាក់ទៀតថា ស្ពានព្រះមុនីវង្ស តែងតែទទួលនូវការគំរាមកំហែងដោយចរន្ដទឹក ហូរ បុកបាក់ច្រាំងទន្លេនៅប៉ែកខាង ជើងច្បារអំពៅ ហើយបណ្ដាលឱ្យបាក់ច្រាំងទន្លេនៅប៉ែកខាងលិចក្បែរគល់ស្ពានថែមទៀត ។
លោក កែប ជុតិមា បានមានប្រសាសន៍បញ្ជាក់បន្ដទៀតថា ដោយសារតែស្ពានព្រះមុនីវង្សនេះមាន ភាព ចំណាស់និងទំហំរបស់ស្ពានដែលពុំអាចឆ្លើយ តបបាននឹងកំណើនប្រជាពលរដ្ឋ កំណើន សេដ្ឋ កិច្ច មធ្យោបាយយានយន្ដគ្រប់ប្រភេទនាពេលបច្ចុប្បន្ននិងទៅអនាគត់ដែលត្រូវកសាងផ្លូវជាតិលេខ ១ ឱ្យទៅ ជាផ្លូវអាស៊ានតភ្ជាប់រាជធានីភ្នំពេញ គឺចាំបាច់ត្រូវសាងសង់ស្ពានថ្មីមួយទៀត ។ យោងមូលហេតុខាងលើ សម្ដេចហ៊ុន សែនបានប្រគល់សិទ្ធដល់រូប លោក កែប ជុតិមា ជាអភិបាល រាជធានីភ្នំពេញតាមរយៈលិខិតសិទ្ធិប្រទានលេខ៨៥ស.ប្រ.ក ចុះថ្ងៃទី២៤ ខែតុលា ឆ្នាំ២០០៥ និងលិខិតរបស់ទីស្ដីការគណៈរដ្ឋមន្ដ្រី លេខខ១១ ស.ជ.ណ ចុះថ្ងៃទី២៦ ខែធ្នូ ឆ្នាំ២០០៥ ។

សាលារាជធានីភ្នំពេញ និងក្រុមហ៊ុនវិនិយោគទុកឯកជនកម្ពុជាបានចុះហត្ថលេខា លើកិច្ចសន្យា នៅថ្ងៃទី១៧ខែមករា ឆ្នាំ២០០៦ដើមី្បអភិវឌ្ឍន៍កោះ ពេជ្រស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញឱ្យទៅជាទីក្រុងរណបថ្មីមួយដែលគ្រប់គ្រងតាមប្រព័ន្ធរដ្ឋបាលពិសេសជាមជ្ឈ មណ្ឌលពាណិជ្ជកម្ម វប្បធម៌ទេសចរណ៍ លំនៅឋានរមណីដ្ឋានប្រកបដោយសន្ដិសុខនិង​សុវត្ថិភាព។

លោក កែប ជុតិមា បានមានប្រសាសន៍បន្ដទៀតថា អនុវត្ដតាមកិច្ចសន្យានៃភាគីទាំង២ និងបន្ទាប់​ពីអ្នកឯកទេសនៃមន្ទីរជំនាញពាក់ព័ន្ធ បានធ្វើការ សិក្សារៀបចំគម្រោងសាង់​សង់និងដោះ​ស្រាយ​ផល​ប៉ះពាល់ចប់សព្វគ្រប់នៅថ្ងៃទី២៣ ខែធ្នូ ឆ្នាំ២០០៦ ។ ហើយបានបើកដំណើរសាងសង់​ស្ពានព្រះ​មុនីវង្សថ្មី ក្រោមអធិបតីភាពសម្ដេចហ៊ុន សែន ។ ស្ពានព្រះមុនីវង្សត្រូវបានសាងសង់ដោយក្រុមហ៊ុនវិនិយោគទុនអាណិកជនកម្ពុជាហើយ​​​​​ទទួល​ម៉ៅការបន្ដ ដោយក្រុមហ៊ុន ហ៊ីណូប៉ាស៊ីហ្វិច កូប៉េរ៉េស៊ិន នូវរាល់ដំណើរការសកម្មភាពសាង់សង់​សាលារាជធានីភ្នំពេញ តែបញ្ជូនអ្នកឯកទេសចុះធ្វើការត្រួតពិនិត្យលើ បច្ចេកទេស ។

ស្ពានព្រះមុនីវង្សថ្មី គឺមានលំនាំតាម ស្ពានព្រះមុនីវង្សចាស់ ទាំងរូបភាព និងកម្ពស់ ហើយស្ថាបនា​ពីបេតុង​អាមេមានទទឹង១៤ម៉ែត្រ បណ្ដោយ ចម្ងាយ២៦៩,៥០ម៉ែត្រ ហើយមានគម្លាតពី​ស្ពានព្រះ​មុនីវង្សចាស់ទៅទិសខាងត្បូងចម្ងាយ៣០ម៉ែត្រហួសពីគម្រោងការដើមមានគម្លាតតែ១០ម៉ែត្រ មាន​អំពូលអគ្គិសនីបំភ្លឺ មានបំពង់ទឹកស្អាតមានអង្កត់ផ្ចិតទំហំ១,២ម៉ែត្រ ដើមី្បចែកចាយទឹកស្អាត​ទៅទិស​ខាងកើតទន្លេ ។ ស្ពានព្រះមុនីវង្សថ្មីប្រើប្រាស់ រយៈពេលសាងសង់អស់ចំនួន២ឆ្នាំ ៥ខែ គិតបីថ្ងៃបើក​ការដ្ឋានសាងសង់ដែលមានការយឺតយ៉ាវជាងការកំណត់ គឺបណ្ដាលមក​ពីមូលហេតុពេលបុកគ្រឹះជួប នូវឧបសគ្គនឹងសំណង់ស្ពានចាស់ៗនៅរាយពាសពេញបាតទន្លេ ទើបត្រូវធ្វើការសិក្សាឡើងវិញ ស្ពាន​ព្រះមុនីវង្សថ្មីនេះចំណាយថវិកាសាងសង់អស់ចំនួន១០លាន ៤សែន ៨ម៉ឺនដុល្លារជាង ។

សម្ដេចហ៊ុន សែន បានមានប្រសាសន៍នៅក្នុងពិធីសម្ពោធដាក់ឱ្យប្រើប្រាស់ស្ពាន​ព្រះមុនីវង្សថ្មី​និងសម្ពោធការដ្ឋានសាងសង់ស្ពានអាកាស (២៧-០៥-០៩) យ៉ាងនេះថា សមិទ្ធិផលទាំងឡាយដែល​បានកើតឡើងដូចជាផ្លូវ ស្ពាន ដែលបានប្រែក្លាយពីផ្លូវដីទៅជាផ្លូវចាក់កៅស៊ូ ឬជាផ្លូវ​បេតុងដែលខ្លះ​តាម រូបមន្ដ៥០ បូក៥០ និងការស្ថាបនាសួនច្បារសាធារណៈនានាក្នុងក្រុងភ្នំពេញមិន​មែនកើត​ឡើង​​ដោយការស្រមើស្រមៃនោះទេ ប៉ុន្ដែគឺត្រូវបានកើតឡើង ដោយការរួមគ្នាអភិវឌ្ឍន៍ ។

សម្ដេចហ៊ុន សែន បានមានប្រសាសន៍បន្ដទៀតថា ស្ពានថ្មីនេះត្រូវបានសម្ដេចឪ សម្ដេចម៉ែ និង​ព្រះ​មហាក្សត្រយល់ព្រមតាមសំណើដាក់ឈ្មោះជា “ ស្ពានព្រះមុនីវង្សថ្មី ” ។សម្ដេចបានបន្ដថាយើង​សម្ពោធដាក់ឱ្យប្រើប្រាស់ស្ពានព្រះមុនីវង្សថ្មីភ្ជាប់ជាមួយស្ពានព្រះមុនីវង្សចាស់ ។ ទូលព្រះបង្គំសូម​យក ឱកាសនេះថ្លែងនូវអំណរគុណសម្ដេចឪ សម្ដេចម៉ែ និងព្រះមហាក្សត្រដែលព្រះអង្គបាន​យល់​ព្រមតាមសំណើរបស់សាលាក្រុងក៏ដូចជាទួលបង្គំជាខ្ញុំ ដើមី្ប ប្រសិទ្ធនាមស្ពានថ្មីនេះថា “ស្ពានព្រះ​មុនីវង្សថ្មី” ។

ស្ពានអាកាសដែលបានបើកការដ្ឋានសម្ពោធសាងសង់ គឺមានបណ្ដោយចម្ងាយ៣០៨ម៉ែត្រ កម្ពស់​ ៨ម៉ែត្រទទឹង១៤ម៉ែត្រ ហើយបើតាមប្រសាសន៍ របស់ សម្ដេចហ៊ុន សែន បានបញ្ជាក់ថាសំ​ណង់​ស្ពាន់អាកាសនិងសាង់សង់រួចរាល់នោរយៈពេលប្រមាណ១២ខែ ខាងមុខដែលនឹង​ត្រូវ​ចំ​ណាយ​​​ថវិកាអស់ ប្រមាណ៦លានដុល្លារ ហើយរួមទាំងការចំណាយថវិកាសាងសង់ស្ពាន​​ព្រះមុនីវង្សថ្មី គឺត្រូវចំណាយថវិកាអស់ជាង ១៦លានដុល្លារអាមេរិក ។

កញ្ញា ចាន់ រតនាវត្ដី ដែលមានលំនៅឋាននៅស្រុកគៀនស្វាយ ត្រើយខាងកើតទន្លេបាសាក់ បាន​សម្ដែងនូវការត្រេកអរយ៉ាងនៅបេលដែលសំណង់ ស្ពានព្រះមុនីវង្សថ្មីត្រូវបានសាងសង់រួចហើយ សម្ពោធដាក់ឱ្យប្រើប្រាស់ ។ កញ្ញាបានបញ្ជាក់ថា បន្ទាប់ពីស្ពានព្រះមុនីវង្សថ្មីត្រូវ​បានសាងសង់​រួចគឺ​ជួយកាត់ បន្ថយការកកស្ទះចរាចរណ៍ធ្វើដំណើរបានឆាប់រហ័យសជាងមុន ចំណេញពេលវេលា​ធ្វើ​ការងារ ព្រោះនៅពេលមានបុណ្យទានធំៗ ដូចជា ចូលឆ្នាំខ្មែរ ភ្ជុំ ចូលឆ្នាំចិន... ឬនៅរង្វង់មូល​ក្បាល​ថ្នល់ នឹងធ្វើឱ្យមានការកកស្ទះចរាចរយ៉ាងយូរ ។

ស្តានព្រះមុនិវង្សថ្មីដែលត្រូវបើកឲ្យប្រើប្រាស់