រថយន្តកុងតឺន័រកិនស្ត្រីម្នាក់ សំប៉ែតក្បាល

ដោយ ៖ សុផល 30/ 06 / 2009
ksn-news

ឧប្បត្តិហេតុគ្រោះថ្នាក់ចរាចរ ដ៏គួរឲ្យរន្ធត់មួយបានកើតមានឡើង កាលពីវេលាម៉ោង៨ និង២០នាទី ព្រឹកថ្ងៃទី៣០ ខែមិថុនា ឆ្នាំ២០០៩ នៅតាមបណ្តោយផ្លូវចោមចៅ ត្រង់ចំណុចមុខរោងចក្រកាត់ដេរ ៦ជាន់ ស្ថិតនៅក្នុងភូមិ ត្រពាំងថ្លឹង សង្កាត់ចោមចៅ ខណ្ឌដង្កោ ក្រុងភ្នំពេញ បង្កឡើងដោយសារតែរថយន្តកុងតឺន័រ មួយគ្រឿងកិនពីក្រោយ និងកិនបែកក្បាល ។

រថយន្តបង្កហេតុ និងម៉ូតូជនរងគ្រោះ

លោកអនុសេនីយ៍ទោសុត សារឿន នាយផ្នែកចរាចរ និងសណ្តាប់ធ្នាប់ខណ្ឌដង្កោ បានឲ្យដឹងថា ជនរងគ្រោះ ដែលបានស្លាប់បាត់បង់ជីវិត ក្នុងគ្រោះថ្នាក់ចរាចរនោះ មានឈ្មោះ អ៊ុំ ធី ភេទស្រី អាយុ២៧ឆ្នាំ រស់នៅភូមិថ្មី ឃុំសំរោង ទង ស្រុកសំរោងទង ខេត្តកំពង់ស្ពឺ ប្តីជនរងគ្រោះឈ្មោះ ជឹម រ៉េន ភេទប្រុស អាយុ ៤១ឆ្នាំ ស្នាក់នៅភូមិឃុំខាងលើ របួសស្រាល រីឯម៉ូតូរងគ្រោះម៉ាកC125 ស៊េរី០៤ ពណ៌ខ្មៅ ពាក់ស្លាកលេខ កំពង់ស្ពឺ 1A-2268 ចំណែកម្ចាស់រថយន្តបង្ក ឈ្មោះទី ពុធត្រា ភេទប្រុស អាយុ២៧ឆ្នាំ ស្នាក់នៅភូមិជ្រៃ កោង សង្កាត់ចោមចៅ ខណ្ឌដង្កោ ក្រុងភ្នំពេញ រថយន្តបង្កហេតុ ម៉ាកនីសាន់ ពណ៌ពងមាន់លាយផ្ទៃមេឃ ប្រភេទរថយន្តកុងតឺន័រ ពាក់ស្លាកលេខភ្នំពេញ 3A-4323 (ឃាត់ ទុក) ។ លោកអនុសេនីយ៍ទោបានបន្តថា នៅមុនពេលកើតហេតុ គេបានឃើញរថយន្តបង្កហេតុ និងម៉ូតូបាន ធ្វើដំណើរស្របទិសគ្នា ពីលិចមកកើតតាមបណ្តោយចោមចៅ លុះបើកមកដល់ចំណុចកើតហេតុរថយន្តបង្ក ហេតុបានបើកមកកៀរម៉ូតូ របស់ជនរងគ្រោះ បណ្តាលឲ្យចង្កូតម៉ូតូជាប់នឹងកាងរបស់រថយន្ត អូសចម្ងាយ ប្រហែល១៥ម៉ែត្រ ទើបរបូត បានបណ្តាលឲ្យជនរងគ្រោះធ្លាក់ចូលក្រោមរថយន្ត ពេលនោះរថយន្តបង្ក ហេតុបានកិនចំក្បាលរបស់ជនរងគ្រោះ សំប៉ែតបែកខួរ ធ្វើឲ្យជនរងគ្រោះស្លាប់ភ្លាមៗ នៅកន្លែងកើតហេតុ តែម្តង ។ លោកអនុសេនីយ៍ទោបានបញ្ជាក់ថា ក្រោយពីដឹងថា ជនរងគ្រោះបានស្លាប់ហើយនោះ ម្ចាស់រថយន្ត បង្កបានបើករថយន្តបត់ តែត្រូវសមត្ថកិច្ចយើងដេញតាមចាប់បានទាំងរថយន្តទាំងម្ចាស់ និងនាំយកមកកាន់ អធិការដ្ឋាននគរបាលខណ្ឌដង្កោ រួមទាំងម៉ូតូជនរងគ្រោះមួយគ្រឿងផងដែរ ដើម្បីធ្វើការដោះស្រាយគ្នាតាម ផ្លូវច្បាប់ ៕

ទិដ្ឋភាពប្រជាពលរដ្ឋចោមរោមមើលសពស្រ្តី ដែលត្រូវរថយន្តកុងតឺន័រកិនយ៉ាងអនោចអធម