ដោយ : សំរេច (ថ្ងៃទី 11 ឧសភា 2009)
កំពង់ធំ : នារីវ័យក្មេងម្នាក់បានបាត់បងជីវិតភ្លាមៗនៅកន្លែងកើតហេតុ ដោយសារគ្រោះថ្នាក់ចរាចរដែលបង្កឡើងដោយមិត្តប្រុសរបស់នាង ដែលកំពុងរួមដំណើរជាមួយគ្នា ជិះម៉ូតូទៅបុកបង្គោលដែកស្លាកសញ្ញាចរាចរ ។
គ្រោះថ្នាក់នេះ បានកើតឡើងនៅវេលាម៉ោង ១១ និង ៣០ នាទី ព្រឹកថ្ងៃទី ១០ ខែឧសភា នៅចំណុចភូមិវាលតូច ឃុំជ្រលង ស្រុកបារាយណ៍ ខេត្តកំពង់ធំ ។ នារីវ័យក្មេងនោះឈ្មោះ គីម ឆាយ អាយុ ២២ ឆ្នាំ សព្វថ្ងៃមានទីលំនៅភូមិមេសាង ស្រុកព្រៃវែង ខេត្តព្រៃវែង រីឯអ្នកឌុបរងរបួសមុខហូរឈាម ឈ្មោះ ឡា សព្វថ្ងៃមានទីលំនៅភូមិស្រះសំបួរ ឃុំពង្រ ស្រុកបារាយណ៍ ។
តាមប្រភពព័ត៌មានពីប្រជាពលរដ្ឋនៅកន្លែងកើតហេតុបាននិយាយឲ្យដឹងថា នៅមុនពេលកើតហេតុ គេឃើញយុវជនម្នាក់ជិះម៉ូតូឌុបនារីម្នាក់យ៉ាងលឿនក្នុងដំណើរពី ត្បូងទៅជើង ហើយអ្នកឌុបមានសភាពស្រវឹងស្រាផង ព្រោះអ្នកបើកបានមកស៊ីការនៅភូមិសូយោង ការពីថ្ងៃទី ៩ ខែឧសភា លុះព្រឹកឡើង ថ្ងៃទី ១០ ខែឧសភា ឈ្មោះ ឡា នេះបានផឹកស្រាថែមទៀត ។
សាក្សីបានបញ្ជាក់ទៀតថា អ្នកបើកម៉ូតូពេលទៅដល់កន្លែងកើតហេតុប្រហែលជា ងោករេចង្កូតធា្លក់ផ្លូវទៅស្ដាំ ហើយបានច្រឡោតម៉ូតូទៅបុកនឹងបង្គោលដែកសំគាល់ស្លាកសញ្ញាចរាចរពេញ មួយទំហឹង បណ្ដាលឲ្យអ្នកអង្គុយខាងក្រោយបោកត្រូវក្បាល និងខ្ទេចមុខមួយចំហៀងបណ្ដាលឲ្យស្លាប់ភ្លាមតែម្ដងទៅ ។
លោក ចាន់ ធូ ប៉ូលិសចរាចរស្រុកបារាយណ៍ ដែលបានចុះមកវ៉ាស់វែង និងពិនិត្យនៅកន្លែងកើតហេតុបាននិយាយឲ្យដឹងថា គ្រោះថ្នាក់នេះបណ្ដាលមកពីការធ្វេសប្រហែលរបស់អ្នកបើកដែលមានសភាព ស្រវឹងស្រាដោយខ្លួនឯង គឺមិនបានប៉ះទង្គិចរថយន្ត ឬម៉ូតូផ្សេងទៀតឡើយ ។ ម្យ៉ាងទៀតអ្នកជិះទាំងពីរនាក់នេះ មិនបានពាក់មួកសុវត្ថិភាពទៀតផង ទើបបណ្ដាលឲ្យគ្រោះថ្នាក់ដល់ស្លាប់យ៉ាងដូច្នេះ ៕
Mirmostafa Javadi
-
fix s tag
← Previous revision Revision as of 22:48, 2 May 2024
Line 83: Line 83:
! colspan=13 | [[IWF World Cup|IWF World Cup]]
! colspan=13 | [[IWF Wor...
1 hour ago
No comments:
Post a Comment