ដោយ : ចក្រី (ថ្ងៃទី 21 ឧសភា 2009)
កំពត: គោយន្តមួយគ្រឿងបើកឡើងផ្លូវជាតិទើបតែបានប្រហែល ២ ម៉ែត្រត្រូវរថយន្តទួរីស ដែលកំពុងបើកបរយ៉ាងលឿនបុកដាច់ខ្ទេចខ្ទាតម៉ាស៊ីន កង់ រប៉ាត់រប៉ាយ គួរឲ្យព្រឺក្បាល ។ ហេតុការណ៍នេះកើតឡើងនាវេលាម៉ោង ២ និង ៣៨ នាទី រសៀលថ្ងៃទី ២០ ខែឧសភា ឆ្នាំ២០០៩ លើដងផ្លូវជាតិលេខ ៣ ត្រង់ចំណុចមុខមន្ទីរពេទ្យចម្ការដូង ក្នុងទឹកដីភូមិកែបថ្មី ឃុំបឹងទូក ស្រុកទឹកឈូ ។ គ្រោះថ្នាក់នេះមិនបណ្ដាលឲ្យមនុស្សបាត់បង់ជីវិត ឬរងរបួសទេ ក្រៅពីគោយន្តត្រូវដាច់ខ្ទេចខ្ទី និងរថយន្តបង្កហេតុខូចខាតយ៉ាងដំណំផ្នែកខាងមុខ តែអ្នកនៅក្នុងរថយន្តទាំងអស់ស្រែកភ្លាត់មាត់ភ្លាត់ក ព្រលឹងចុងសក់ ញាប់ញ័រទាំងអស់គ្នា ព្រោះពេលបុកហើយរថយន្តបានរេធ្លាក់ចិញ្ចើមថ្នល់ក្នុងល្បឿនយ៉ាងលឿន បានគំនរថ្មជួយទប់ ទើបទៅមុខលែងរួច ។
អ្នកឃើញហេតុការណ៍បានរៀបរាប់ថា មុនពេលគ្រោះថ្នាក់កើតឡើង មានគោយន្តមួយគ្រឿង បើកចេញមកពីក្នុងបរិវេណមន្ទីរពេទ្យចម្ការដូង (មន្ទីរពេទ្យកំពុងសាងសង់) ទិសដៅពីជើងទៅត្បូង ឡើងលើផ្លូវជាតិលេខ ៣ ហើយអ្នកបើកបរបានចុះ បម្រុងកាច់ចង្កូតទៅទិសខាងលិច ។ គ្រាន់តែឡើងលើថ្នល់បានប្រហែល ២ ម៉ែត្រ ស្រាប់តែមានរថយន្តទួរីសមួយគ្រឿង បើកបរមកពីទិសខាងកើត ដោយល្បឿនយ៉ាងលឿន ហើយបុកគោយន្តពេញទំហឹង បណ្ដាលឲ្យដាច់ខ្ទេច ដោយនាំយកម៉ាស៊ីន (គោយន្ត) ទៅជាមួយ ធ្លាក់កណ្ដាលថ្នល់ចម្ងាយជិត ៥០ ម៉ែត្រ និងកង់គោយន្តមុខផ្នែកខាងស្ដាំខ្ទេច ធ្លាក់ក្នុងស្រែជាង ១០០ ម៉ែត្រពីកន្លែងបុក ។ ចំណែករថយន្តទួរីសបន្តរត់ទៅមុខរេពេញផ្លូវ រួចធ្លាក់ទៅចិញ្ចើមថ្នល់ បុកប៉ះគំនរថ្មបណ្ដាលឲ្យខូចខាតផ្នែកខាងមុខយ៉ាងធ្ងន់ធ្ងរ ទើបទៅមុខលែងរួច ។ មុនរថយន្តអស់ល្បឿនគេឮសម្រែកអ្នកជិះស្រែកខ្ញៀវខ្ញាពេញក្នុងរថយន្ត ហើយក្រោយមកនាំគ្នាចុះទាំងទឹកមុខស្លេកស្លាំង ញាប់ញ័រគ្រប់ៗគ្នា ដោយអារម្មណ៍តក់ស្លុតបំផុត ។ មិនយូរប៉ុន្មានអ្នកដំណើរទាំងនោះត្រូវបានរថយន្តទួរីសមួយគ្រឿង ផ្សេងទៀត មកផ្ទេរយកដើម្បីធ្វើដំណើបន្តទៅកាន់ក្រុងព្រះសីហនុ ។
ប៉ូលិសចរាចរណ៍ស្រុកទឹកឈូ បានប្រាប់ឲ្យដឹងថា អ្នកបើកបរគោយន្តជួបគ្រោះថ្នាក់ក្នុងហេតុការណ៍នោះឈ្មោះ នួន កុច ភេទប្រុស អាយុ ៣៦ ឆ្នាំ ទីលំនៅភូមិកែបថ្មី ឃុំបឹងទូក ស្រុកទឹកឈូ ខេត្តកំពត ។ ចំណែកអ្នកបើកបររថយន្តទួរីសឈ្មោះ ណុប ភារៈ ភេទប្រុស អាយុ ២៤ ឆ្នាំ រស់នៅ ឃុំអូរត្រេះ ស្រុកស្ទឹងហាវ ខេត្តព្រះសីហនុ ។
ក្រោយពេលធ្វើការវាស់វែងរួចរាល់ ប៉ូលិសបាននាំយកបំណែកគោយន្ត និងរថយន្តបង្កហេតុទៅរក្សាទុក ដើម្បីដោះស្រាយនាពេលក្រោយ ៕
អ្នកឃើញហេតុការណ៍បានរៀបរាប់ថា មុនពេលគ្រោះថ្នាក់កើតឡើង មានគោយន្តមួយគ្រឿង បើកចេញមកពីក្នុងបរិវេណមន្ទីរពេទ្យចម្ការដូង (មន្ទីរពេទ្យកំពុងសាងសង់) ទិសដៅពីជើងទៅត្បូង ឡើងលើផ្លូវជាតិលេខ ៣ ហើយអ្នកបើកបរបានចុះ បម្រុងកាច់ចង្កូតទៅទិសខាងលិច ។ គ្រាន់តែឡើងលើថ្នល់បានប្រហែល ២ ម៉ែត្រ ស្រាប់តែមានរថយន្តទួរីសមួយគ្រឿង បើកបរមកពីទិសខាងកើត ដោយល្បឿនយ៉ាងលឿន ហើយបុកគោយន្តពេញទំហឹង បណ្ដាលឲ្យដាច់ខ្ទេច ដោយនាំយកម៉ាស៊ីន (គោយន្ត) ទៅជាមួយ ធ្លាក់កណ្ដាលថ្នល់ចម្ងាយជិត ៥០ ម៉ែត្រ និងកង់គោយន្តមុខផ្នែកខាងស្ដាំខ្ទេច ធ្លាក់ក្នុងស្រែជាង ១០០ ម៉ែត្រពីកន្លែងបុក ។ ចំណែករថយន្តទួរីសបន្តរត់ទៅមុខរេពេញផ្លូវ រួចធ្លាក់ទៅចិញ្ចើមថ្នល់ បុកប៉ះគំនរថ្មបណ្ដាលឲ្យខូចខាតផ្នែកខាងមុខយ៉ាងធ្ងន់ធ្ងរ ទើបទៅមុខលែងរួច ។ មុនរថយន្តអស់ល្បឿនគេឮសម្រែកអ្នកជិះស្រែកខ្ញៀវខ្ញាពេញក្នុងរថយន្ត ហើយក្រោយមកនាំគ្នាចុះទាំងទឹកមុខស្លេកស្លាំង ញាប់ញ័រគ្រប់ៗគ្នា ដោយអារម្មណ៍តក់ស្លុតបំផុត ។ មិនយូរប៉ុន្មានអ្នកដំណើរទាំងនោះត្រូវបានរថយន្តទួរីសមួយគ្រឿង ផ្សេងទៀត មកផ្ទេរយកដើម្បីធ្វើដំណើបន្តទៅកាន់ក្រុងព្រះសីហនុ ។
ប៉ូលិសចរាចរណ៍ស្រុកទឹកឈូ បានប្រាប់ឲ្យដឹងថា អ្នកបើកបរគោយន្តជួបគ្រោះថ្នាក់ក្នុងហេតុការណ៍នោះឈ្មោះ នួន កុច ភេទប្រុស អាយុ ៣៦ ឆ្នាំ ទីលំនៅភូមិកែបថ្មី ឃុំបឹងទូក ស្រុកទឹកឈូ ខេត្តកំពត ។ ចំណែកអ្នកបើកបររថយន្តទួរីសឈ្មោះ ណុប ភារៈ ភេទប្រុស អាយុ ២៤ ឆ្នាំ រស់នៅ ឃុំអូរត្រេះ ស្រុកស្ទឹងហាវ ខេត្តព្រះសីហនុ ។
ក្រោយពេលធ្វើការវាស់វែងរួចរាល់ ប៉ូលិសបាននាំយកបំណែកគោយន្ត និងរថយន្តបង្កហេតុទៅរក្សាទុក ដើម្បីដោះស្រាយនាពេលក្រោយ ៕
No comments:
Post a Comment