ដោយ : សុពិសិដ្ឋ (ថ្ងៃទី 20 កក្កដា 2009)
CEN News
ភ្នំពេញ: នៅរាជធានីភ្នំពេញ រយៈពេល ១ ថ្ងៃ (ថ្ងៃអាទិត្យ) មានករណីគ្រោះថ្នាក់ចរាចរកើតឡើងចំនួន ៥ លើក បណ្តាលឲ្យបុរស ៣ នាក់ ស្លាប់ និងមនុស្ស ៩ នាក់ទៀតរងរបួសធ្ងន់ និងស្រាល ។ ONLINE សូមលើកយកករណីគ្រោះថ្នាក់ធំៗ ៣ ករណី ដែលបណ្តាលឲ្យមនុស្សស្លាប់ប៉ុណ្ណោះ ។
ករណីទី១ : វេលាម៉ោង ៤ និង ៤០ នាទីល្ងាចថ្ងៃទី ១៩ កក្កដានេះ នៅតាមមហាវិថីព្រះនរោត្តមកែងផ្លូវ ៣០៦ សង្កាត់ទន្លេបាសាក់ ខណ្ឌចំការមន មានករណីរថយន្តសង្គ្រោះមន្ទីរពេទ្យបង្អែកស្រុកកៀនស្វាយ បើកបុកម៉ូតូបណ្តាលឲ្យលោកតាម្នាក់ស្លាប់ និងយាយរបួសធ្ងន់ ។
ប៉ូលិសនិយាយថា រថយន្តបង្ក HYUNDAI ពណ៌ស ពាក់ស្លាកលេខ 0704 រាជការ ជារថយន្តសង្គ្រោះមន្ទីរពេទ្យបង្អែកស្រុកកៀនស្វាយ អ្នកបើកបររត់បាត់ ។ ចំណែកជនរងគ្រោះឈ្មោះ អាន គឹមសាង អាយុ ៦៦ ឆ្នាំ ស្នាក់នៅផ្ទះ 12A ផ្លូវ 36 សង្កាត់ស្ទឹងមានជ័យ ខណ្ឌមានជ័យ រងរបួសធ្ងន់ហើយស្លាប់ ក្រោយពេលបញ្ជូនដល់មន្ទីរពេទ្យកាល់ម៉ែតប្រមាណ ៣ ម៉ោង ។ ជនរងគ្រោះបើកម៉ូតូម៉ាក HONDA CUB ជ្រុង C 50 ពណ៌ទឹកសមុទ្រ ពាក់ស្លាកលេខ ឌ 7646 ភព1 ឌុបប្រពន្ធឈ្មោះ ថោង ម៉ុច រងរបួសធ្ងន់ ។
ប៉ូលិសបញ្ជាក់ថា មុនកើតហេតុរថយន្តសង្គ្រោះ បានដឹកអ្នកជំងឺពីមន្ទីរពេទ្យបង្អែកស្រុកកៀនស្វាយ ៣ នាក់ មកមន្ទីរពេទ្យកាល់ម៉ែត ។ ខណៈពេលកំពុងបើកតាមផ្លូវព្រះមុនីវង្ស ពីត្បូងទៅជើងដល់ចំណុចខាងលើក៏បុកម៉ូតូពីក្រោយពេញមួយទំហឹងតែម្តង ។
ករណីទី២ : នៅវេលាម៉ោង ៦ និង ៣០ នាទី ព្រលប់ថ្ងៃដដែល នៅតាមផ្លូវចោមចៅ ភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ មានករណីគ្រោះថ្នាក់ចរាចរ កើតឡើងរវាងរថយន្ត និងម៉ូតូបណ្តាលឲ្យបុរសម្នាក់ស្លាប់ និងម្នាក់ទៀតរបួសធ្ងន់ ។
ប៉ូលិសនិយាយថា រថយន្តបង្កម៉ាក FUSO ដឹកដីពណ៌ក្រហម ពាក់ស្លាកលេខ 6304 ភព3 អ្នកបើកបររត់បាត់ ។ ចំណែកជនរងគ្រោះឈ្មោះ សុខ សុណា ភេទប្រុស អាយុ ២៤ ឆ្នាំ ស្នាក់នៅឃុំចំប៉ី ស្រុកបាទី ខេត្តតាកែវ (ស្លាប់នៅនឹងកន្លែង) បើកបរម៉ូតូម៉ាក VIVA ពណ៌ខ្មៅ គ្មានស្លាកលេខ និងអ្នករួមដំណើរឈ្មោះ ឃឿន សុជា ភេទប្រុស អាយុ ២៣ ឆ្នាំ របួសធ្ងន់កំពុងព្យាបាលនៅមន្ទីរពេទ្យព្រះកុសមៈ ។
ប៉ូលិសបញ្ជាក់ថា មុនកើតហេតុរថយន្ត បានធ្វើដំណើរតាមផ្លូវចោមចៅពីលិចទៅកើត ឆ្ពោះមកសង្កាត់ស្ទឹងមានជ័យ ។ លុះធ្វើដំណើរដល់ចំណុចខាងលើ ម៉ូតូ VIVA បានបើកវ៉ារថយន្តក្នុងទិសដៅស្របគ្នា បណ្តាលឲ្យប៉ះដៃចង្កូតដួល ហើយរថយន្តកិនតែម្តងទៅ ។
ករណីទី៣: បុរសម្នាក់ដែលប៉ូលិសអះអាងថា ស្រវឹងស្រាបានបើករថយន្តជ្រុលចូលចំណែកផ្លូវម្ខាង ហើយបុកម៉ូតូ ១ គ្រឿង កំពុងធ្វើដំណើរច្រាសទិស បុកចំពីមុខពេញមួយទំហឹង ហើយបុរសម្នាក់ស្លាប់ភ្លាម និងបុរស ២ នាក់ទៀត ដែលរួមដំណើរជាមួយរងរបួសធ្ងន់ ។ ចំណែកបុរសដែលបើកបររថយន្ត ដែលត្រូវប៉ូលិសឃាត់ខ្លួន ក៏រងរបួសផងដែរ ។
គ្រោះថ្នាក់ខាងលើ បានកើតឡើងកាលពីវេលាម៉ោង ៩ និង ២០ នាទី យប់ថ្ងៃទី ១៩ កក្កដា កន្លងទៅនេះ នៅចំណុចផ្លូវជាតិលេខ ៤ (មុខក្រុមហ៊ុន AJ លក់គោយន្តរបស់កូរ៉េ) ស្ថិតក្នុងសង្កាត់ចោមចៅ ខណ្ឌដង្កោ ។
ប៉ូលិសនិយាយថា រថយន្តបង្កម៉ាក DAEWOO TICO ពណ៌ប្រផេះ ពាក់ស្លាកលេខ ច 7220 ភព2 បើកបរដោយឈ្មោះ អ៊ឹម ណារិន ភេទប្រុស អាយុ ២៦ ឆ្នាំ មុខរបរសន្តិសុខ G3 ស្នាក់នៅផ្ទះលេខ 32D ភូមិព្រៃព្រីង សង្កាត់ចោមចៅ ខណ្ឌដង្កោ ។ ចំណែកជនរងគ្រោះឈ្មោះ ដួង ឃុន ភេទប្រុស អាយុ ២៦ ឆ្នាំ មុខរបរកម្មកររោងចក្រ បើកបរម៉ូតូម៉ាក VIVA ពណ៌ខ្មៅ ស្លាកលេខភ្នំពេញ 1Y 1246 (ស្លាប់នៅនឹងកន្លែងកើតហេតុ) និងអ្នករួមដំណើរ ២ នាក់ទៀត ឈ្មោះ ដួង ប្រុញ ភេទប្រុស អាយុ ២២ ឆ្នាំ មុខរបរកម្មកររោងចក្រ និងឈ្មោះ ប៉ែន ថន ភេទប្រុស អាយុ ២២ ឆ្នាំ មុខរបរសន្តិសុខយាមឃ្លាំង ពួកគេទាំង ២ នាក់រងរបួសធ្ងន់ ។
ជុំវិញករណីគ្រោះថ្នាក់នេះ ប៉ូលិសអះអាងថា អ្នកបើកបររថយន្តបើកបរមិនប្រកាន់ស្តាំ និងហូបជាតិស្រវឹង ។ បច្ចុប្បន្នរថយន្ត និងម៉ូតូរក្សាទុកនៅការិយាល័យប៉ូលិសចរាចរផ្លូវគោក រាជធានីភ្នំពេញ ដោះស្រាយនៅពេលក្រោយ ។
ដោយឡែកនៅខណ្ឌដូនពេញ មានករណីគ្រោះថ្នាក់ចរាចរ ២ លើកទៀត បណ្តាលមនុស្ស ៥ នាក់រងរបួស គឺនៅម៉ោង ៩ និង ៣០ នាទីព្រឹកថ្ងៃទី ១៩ កក្កដា នៅចំណុចផ្លូវ ១០៨ មុខផ្ទះលេខ ៥ សង្កាត់វត្តភ្នំ មានករណីរថយន្តបុកក្មេងប្រុសអាយុ ៦ ឆ្នាំ រត់ឆ្លងថ្នល់បណ្តាលឲ្យរបួសធ្ងន់ និងនៅវេលាម៉ោង ១១ និង ៥ នាទីយប់ថ្ងៃដដែល នៅចំណុចផ្លូវព្រះនរោត្តមកែងផ្លូវ ១៧៨ (មុខអាកាសចរណ៍ស៊ីវិល) សង្កាត់ជ័យជំនះ មានករណីម៉ូតូនិងម៉ូតូបុកគ្នា បណ្តាលឲ្យរបួសធ្ងន់ ២ នាក់ និងស្រាល ២ នាក់ ៕
Sudden arrhythmic death syndrome
-
← Previous revision Revision as of 16:41, 19 April 2024
Line 16: Line 16:
| causes = * '''Ion channelopathies''':
Long QT syndrome (LQTS),
Brug...
Long QT syndrome (LQTS),
Brug...
13 minutes ago
No comments:
Post a Comment