ដោយ : សិរី (ថ្ងៃទី 27 មិថុនា 2009)
CEN News
ភ្នំពេញ: ការនិយមទទួលទានស្រាបៀរ និងស្រាបានបង្ហាញឱ្យឃើញពីនិន្នាការកើនឡើងជា លំដាប់នៅពេលបណ្តាញផ្សព្វផ្សាយនៅកម្ពុជាបើកចំហដោយសេរីនូវ ការផ្សព្វផ្សាយពាណិជ្ជកម្ម ស្រាបៀរ និងស្រា ដែលមានការបំប៉ោងពីគុណលើសពីការពិត ។
មន្ត្រីជំនាញសុខាភិបាលមួយរូបបាននិយាយក្នុងលក្ខខណ្ឌបែបអនាមិកថា “ ខ្ញុំឱ្យសួរទៅអ្នកផ្សាយពាណិជ្ជកម្មគេកំពុងរិះគន់ខ្លាំងមែនទែន អស្ចារ្យយ៉ាងហើយ ខ្ញុំអត់ដឹងធ្វើយ៉ាងម៉េចនោះទេ ” ។ មន្ត្រីរូបនោះបានបន្តថា “ ខ្ញុំគិតថា គ្រប់មជ្ឈដ្ឋានរួមទាំងអ្នកផ្សាយគួរតែគិតថា ការផ្សព្វផ្សាយមានប្រយោជន៍អី ប៉ះពាល់ដល់អ្នកណា ” ។
មន្ត្រីដដែលបាននិយាយដោយខឹងសម្បារថា “ ការផ្សាយបានលុយគេមិនគិតពីសុខភាពប្រជាជនទេ ការផ្សាយពន្លើសអ្វីជាការពិត គឺប៉ះពាល់ដល់សុខភាពប្រជាពលរដ្ឋ ” ។
លោកវេជ្ជបណ្ឌិត លឹម ថៃហាង ប្រធានមជ្ឈមណ្ឌលជាតិលើកកម្ពស់សុខភាពនៃក្រសួងសុខាភិបាល បានមានប្រសាសន៍ឱ្យដឹងកាលពីរសៀលថ្ងៃ ២៦ ខែមិថុនា កន្លងទៅថា ដោយមានការចង្អុលបង្ហាញពីលោកសាស្ត្រាចារ្យវេជ្ជបណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាល យើងបាន កំពុងអនុវត្តគោលនយោបាយ និងសេចក្តីណែនាំទាក់ទងទៅនឹងការផ្សព្វផ្សាយពាណិជ្ជកម្ម គ្រឿងស្រវឹងទាំងនោះ ។
លោកបានបន្តថា “ ការផ្សព្វផ្សាយទាំងនោះ គួរគិតពីសុខភាពប្រជាពលរដ្ឋមិនត្រូវផ្សាយលើសពីការពិតនោះទេ ។ ការផ្សាយគួរស្ថិតក្នុងកម្រិតណាមួយដើម្បីលក់ដាច់ ប៉ុន្តែកុំឱ្យប្រជាពលរដ្ឋយល់ច្រឡំ ” ។
លោកបានបន្ថែមទៀតថា ទោះជាយ៉ាងណាការទទួលទានគ្រឿងស្រវឹងក្នុងកម្រិតមួយអាចធើ្វឱ្យបាយ ឆ្ងាញ់ ប៉ុន្តែបើលើសធ្វើឱ្យគ្រោះថ្នាក់ដល់សុខភាពខ្លួនឯង និងអ្នកដទៃ ។
អ្វីដែលជាប្រតិកម្មពីសំណាក់យុវវ័យនោះ កញ្ញា ពុទ្ធី រ័ត្ន អ្នកសម្របសម្រួលក្រុមប្រឹក្សាយុវជនកម្ពុជា បាននិយាយថា ការទទួលទានស្រាបៀរ និងស្រាកើតមានគ្រប់កន្លែងដែលអ្នកទទួល ទានភាគច្រើនជាបុរស ។ កញ្ញាបានបន្តថា មូលហេតុដែលចូលចិត្តទទួលទានបុរសគិតថា ពេលជួបគ្នាយកស្រាមកផឹកដើម្បីសប្បាយ ។ ប៉ុន្តែយើងអាចយកការជជែកគ្នាលេង និងការពិភាក្សាបញ្ហាអ្វីមួយ ជាការសប្បាយជំនួសស្រាវិញ ។
កញ្ញា រ័ត្ន បានបន្ថែមថា “ ការប្រើប្រាស់គ្រឿងស្រវឹងមិនមែនជាការប្រសើរនោះទេ ព្រោះថា ការទទួលទានជ្រុលអាចបង្កឱ្យមានអំពើហិង្សា អាចមានគ្រោះថ្នាក់នៅពេលបើកបរ ព្រោះនៅពេលគាត់ស្រវឹងធ្វើឱ្យបាត់បង់ការគ្រប់គ្រងខ្លួនឯង ” ។
និយាយដល់ការកើនឡើងនៃយុវជនសេពគ្រឿងស្រវឹងនោះ កញ្ញា ពុទ្ធី រ័ត្ន បានឱ្យដឹងថា “ ខ្ញុំ បានឃើញនូវនិន្នាការកើនឡើងនូវក្រុមយុវជនផឹកគ្រឿងស្រវឹងនៅទីក្រុង និងនៅតាមបណ្តាខេត្តមួយចំនួន ដែលពួកគេភាគច្រើនអាយុក្រោម ៣០ឆ្នាំ ” ។
ការទទួលទានគ្រឿងស្រវឹងត្រូវបានរាយការណ៍ជាច្រើននៅក្នុងគ្រោះថ្នាក់ ចរាចរតាមដងផ្លូវ នៅក្នុងប្រទេសស្ទើរតែរៀងរាល់ថ្ងៃ ។
លោក មាស ចាន់ឌី មន្ត្រីកម្មវិធីសុវត្ថិភាពចររាចរណ៍ នៃអង្គការជនពិការអន្តរជាតិបែលហ្សិក បានមានប្រសាសន៍ឱ្យដឹងថា កាលពីឆ្នាំ ២០០៨ អ្នកបើកបរដោយមានទទួលទានគ្រឿងស្រវឹងមាន របួសចំនួន ២៥.៧៩៦ នាក់ និងស្លាប់ ១.៦៣៨ នាក់ ក្នុងនោះបង្កដោយគ្រឿងស្រវឹងមានចំនួន ១៤ ភាគរយ ស្មើ ១.៤៨៨ លើក ។
លោកបានបន្តថា ចំណែកអ្នករងគ្រោះដោយជាប់ពាក់ព័ន្ធនឹងគ្រឿងស្រវឹងមានចំនួន ៣.៤២០ នាក់ ដែលរងគ្រោះស្លាប់ និងរបួស ។ លោកបានបន្ថែមថា អ្នកដែលជិះម៉ូតូដែលជាប់ពាក់ ព័ន្ធនឹងគ្រឿងស្រវឹងមានចំនួន ៣.១៤៧ នាក់ និងអ្នកបើកបររថយន្តមានពាក់ព័ន្ធគ្រឿងស្រវឹងមាន ចំនួន ១៥៤ ករណី ។
ជួបជាមួយក្រុមយុវជនដែលនិយមគ្រឿងស្រវឹង និងមិននិយមពួកគេមានការចាប់អារម្មណ៍ យ៉ាងណាពីបញ្ហានេះនោះ យុវជន គង់ វិចិត្រ ដែលរៀននៅវិទ្យាល័យបឹងត្របែក បាននិយាយថា ខ្ញុំធ្លាប់ផឹកគ្រឿងស្រវឹងដូចជាស្រា ប៊ីយ៉ែ ម្តងម្កាលដែរពេលមានពិធីជួបជុំមិត្តភ័ក្រ ប៉ុន្តែវាមិនធ្វើឱ្យខ្ញុំ ញៀននោះទេ ។
យុវជនរូបនោះបានទទួលស្គាល់ថា ធ្លាប់មានពេលស្រវឹងយូរៗម្តង ប៉ុន្តែមិនដែលមានគ្រោះថ្នាក់នៅពេលបើកបរនោះ ព្រោះគេតែងតែប្រុងប្រយ័ត្នជានិច្ចនៅពេលស្រវឹង ។
គង់ វិចិត្រ បានបន្តថា ការផឹកស្រាមិនស្រួលនោះទេ តែវាសប្បាយនៅពេលជួបមិត្តភ័ក្រ ប៉ុន្តែខ្ញុំទទួលស្គាល់ថា ពេលផឹកស្រវឹងខ្លាំងម្តងៗអាចធ្វើឱ្យខូចសុខភាពព្រោះពេលស្រវឹងម្តងៗ ខណៈពេលស្វាងធ្វើឱ្យឈឺក្បាល ឬ ក្រពះជាដើម ។
ប៉ិច ចន្ថា និស្សិតមួយរូបដែលអះអាងថា សិក្សានៅសាកលវិទ្យាល័យបញ្ញាសាស្ត្រ បាននិយាយឱ្យដឹងថា “ ខ្ញុំគិតថា គ្រឿងស្រវឹងមិនមែនជារឿងប្លែកនោះទេ ហើយសម្រាប់យុវជនមិន មែនតែខ្មែរទេ ទាំងបរទេស ក៏និយមដែរ ប៉ុន្តែសំខាន់អ្នកទទួលទានអាចគិតថា ផឹកកម្រិតណាអាចគ្រប់គ្រងខ្លួនឯងបានដើម្បីបង្ការគ្រោះថ្នាក់ ” ។
ប៉ិច ចន្ថា បានអះអាងថា មិនដែលគ្រោះថ្នាក់ចរាចរណ៍ដោយសារផឹកស្រានោះទេ ប៉ុន្តែគេមានមិត្តភ័ក្រធ្លាប់ជួបគ្រោះថ្នាក់ចរាចរណ៍ ។
ស៊ិន នារីរតន៍ រៀននៅវិទ្យាល័យទួលទំពូង បាននិយាយឱ្យដឹងថា នាងមិនដែលទទួលទានគ្រឿងស្រវឹងទេ ប៉ុន្តែនាងធ្លាប់ឃើញមិត្តភ័ក្ររៀនសាលាជាមួយគ្នាផឹក ។ នាងបាននិយាយបន្តថា សម្រាប់ប្រពៃណីខ្មែរស្ត្រីផឹកស្រាមិនល្អនោះទេ ហើយស្រាមិនមានអ្វីឆ្ងាញ់នោះទេ តាមមើលទៅ ។
ស៊ិន នារីរតន៍ បានបន្ថែមថា នាងឃើញស្ទើររាល់ថ្ងៃនូវក្រុមយុវជនផឹកគ្រឿងស្រវឹង ហើយឪពុករបស់នាងក៏ធ្លាប់ផឹកគ្រឿងស្រវឹងដែរ ពេលគាត់ជួបជុំមិត្តភ័ក្រគាត់ ៕
Marie Nilsson
-
← Previous revision Revision as of 13:56, 20 April 2024
Line 2: Line 2:
'''Marie Nilsson''' (born 20 February 1964) is a Swedish trade union leader.
'''...
27 minutes ago
No comments:
Post a Comment