Sunday, May 2, 2010

ក្បួន​ម៉ូតូ B.M.W របស់​ជន​ជាតិ​ថៃ បុក​ពលរដ្ឋ​ខ្មែរ​ម្នាក់​ស្លាប់

ម៉ូតូ​ មួយ​គ្រឿង ក្នុង​ក្បួន​ប្រណាំង​ម៉ូតូ B.M.W របស់​ជន​ ជាតិ​ថៃ ដែល​ចូល​មក​កម្ពុជា តាម​ច្រក​ទ្វារ អន្តរជាតិ​ប៉ោយ​ប៉ែត ទៅ​ទស្សនា​ប្រាសាទ​អង្គរវត្ត បាន​បើក​បុក​ម៉ូតូ​ពលរដ្ឋ​ខ្មែរ​​ដែល​កំពុង​តែ​បើក​តាម​ទិស ស្រប​គ្នា​មួយ​ទំហឹង​លើ​ផ្លូវ​ជាតិ​លេខ​៥ ត្រង់​ចំណុច​ក្បាល​ស្ពាន​ទឹក​ថ្លា ដែល​មាន​បង្កាន់​ដៃ​សង​ខាង​បណ្ដាល​ឲ្យ​បែក​បួក​សុវត្ថិភាព​​ខ្ទេច ហើយ​ធ្លាយ​ក្បាល​បែក​ចេញ​ខួរ​ស្លាប់​ភ្លាម​ៗ។ ហេតុ​ការណ៍ បាន​កើត​ឡើង​កាល​​ពី​ថ្ងៃ​ម៉ោង​១០ និង​២៥​នាទី ថ្ងៃ​ទី​១ ខែ​ឧសភា ឆ្នាំ​២០១០។

លោក ​ឈឿម សុផុន នាយ​ការិយាល័យ​ប៉ូលិស​ចរាចរ ផ្លូវ​គោក​នៃ​ស្នង​ការ​នគរបាល​ខេត្ត​បន្ទាយ មាន​ជ័យ បាន​ឲ្យ​កម្ពុជា​ថ្មី​ដឹង​ថា ម៉ូតូ​បង្ក​ហេតុ​ដែល​បុក​ម៉ូតូ​មួយ​គ្រឿង ដែល​កំពុង​តែ​បើក​បរ​នោះ​ឈ្មោះ ង៉ា ចន្ថា ភេទ​ប្រុស អាយុ​ជាង​២០​ឆ្នាំ មាន​ទី​លំ​នៅ​ភូមិ​ពង្រ ឃុំ​បន្ទាយ​នាង ស្រុក​មង្គល​បូរី ខេត្ត​បន្ទាយ​មាន​ជ័យ។ លុះ​ដល់​ចំណុច​ជិត​ដល់​ស្ពាន​ទឹក​ថ្លា ដែល​ស្ថិត​នៅ​ក្នុង​ភូមិ​សង្កាត់​ទឹក​ថ្លា ក៏​ត្រូវ​ម៉ូតូ​មួយ​គ្រឿង ម៉ាក B.M.W ពាក់​ ស្លាក​លេខ ដ..ដ ក្រុង​បាង​កក ៥៥៥ ដែល​ជា​ម៉ូតូ​ក្នុង​ក្បួន​ម៉ូតូ​ប្រណាំង​របស់​ជន​ជាតិ​ថៃ​ ទាំង ១៩​គ្រឿង។

ក្រោយ​ពេល ​កើត​ហេតុ ម៉ូតូ​បង្ក​ហេតុ និង​អ្នក​បើក​បរ​ជន​ជាតិ​ថៃ ត្រូវ​បាន​ប៉ូលិស​ចរាចរ​ផ្លូវ​គោក ឃាត់​​នាំ​យក​ទៅ​ការិយាល័យ ដើម្បី​ធ្វើ​កំណត់​ហេតុ តែ​មិន​បាន​ចាប់​​ឃាត់​ម៉ូតូ និង​អ្នក​បង្ក​ទៅ​តាម​ច្បាប់​ចរាចរ នៃ​ព្រះ​រា​ជា​ណា​ចក្រ​កម្ពុជា​ទៅ​តុលាការ​ទេ ព្រោះ​មាន​ក្រុមហ៊ុន​មក​ធានា​ទើប​ធ្វើ​ឲ្យ​ម៉ូតូ​បង្ក​ហេតុ និង​មនុស្ស​​បន្ត​ដំណើរ​ទៅ​មុខ​ទៀត៕

អានបន្ថែម

No comments: