ដោយ ៖ ខេមរិទ្ធ
ខេត្ដព្រះសីហនុ ៖ ស្ដ្រីវ័យកណ្ដាលម្នាក់ បានដេកស្លាប់ក្នុងថ្លុកឈាមយ៉ាងអាណោចអាធ័មកាលពីវេលាម៉ោង៤និង២០ នាទីរសៀល ថ្ងៃទី២០ ឧសភា នៅចំណុចស្ពានសេតេ ស្ថិតនៅក្នុងសង្កាត់លេខ៣ ក្រុងព្រះសីហនុ បន្ទាប់ពីត្រូវម៉ូតូយុវសិស្សមួយគ្រឿង ជិះគ្នា៣នាក់បុកយ៉ាងពេញទំហឹង ។
តាមប្រភពសាក្សីនៅកន្លែងកើតហេតុ បានឱ្យដឹងថា នៅវេលាកើតហេតុខាងលើគេ ឃើញស្ដ្រីរងគ្រោះរូបនេះ ជិះម៉ូតូមួយគ្រឿងម៉ាកឆាលី ពណ៌ស ក្នុងទិសដៅពីលិចទៅកើត លុះទៅដល់ចំណុចកើតហេតុ ក៏បានបត់ម៉ូតូមកឆ្វេងដៃ ខណៈនោះគេឃើញម៉ូតូមួយ គ្រឿងទៀតជិះគ្នា៣នាក់បើកក្នុងល្បឿនយ៉ាងលឿនក្នុងទិសដៅស្របគ្នា ក៏បានបុកម៉ូតូស្ដ្រីរងគ្រោះយ៉ាងពេញទំហឹងបណ្ដាលឱ្យ ស្ដ្រីនោះដួលបោកក្បាលទៅលើចិញ្ចើមផ្លូវ ស្លាប់ភ្លាមៗនៅនឹងកន្លែង ឯមួកការពារសុវត្ថិភាពបានខ្ទាតចេញពីក្បាល។ ប្រភពដដែល បានបន្ដទៀតថា បន្ទាប់ពីបុកម៉ូតូស្ដ្រីរងគ្រោះ រួចហើយយុវសិស្សស្ទាវទាំង៣នាក់នោះបាន លើកម៉ូតូបើកគេចខ្លួនបាត់ទៅ។
យោងតាមប្រភពពីសមត្ថកិច្ចប៉ូលិសចរា ចរឱ្យដឹងថា ស្ដ្រីរងគ្រោះដែលស្លាប់ក្នុងហេតុការណ៍គ្រោះថ្នាក់ចរាចរណ៍នេះ ឈ្មោះគួង អេងនី អាយុ៤៦ឆ្នាំ រស់នៅក្រុមទី២៦ ភូមិ៣ សង្កាត់លេខ៣ ក្រុងព្រះសីហនុ មានប្ដីឈ្មោះ កែ ស៊ីលាង ជាមន្ដ្រីអគ្គិសនីខេត្ដ។ សាកសព រងរបួសបាក់ជើងឆ្វេង និងបែកក្បាលផ្នែកខាងក្រោយ ។
No comments:
Post a Comment