ដោយ ៖ កោះឯករាជ្យ
ខេត្ដក្រចេះ ៖ សាកសពបុរសពីរនាក់ត្រូវបានសមត្ថកិច្ចសំរេចធ្វើការបូជា កាលពីព្រឹកថ្ងៃទី២២ ឧសភា នៅក្នុងវត្ដវេឡុគង្គារាម ហៅវត្ដអូរឫស្សី ស្ថិតក្នុងភូមិអូរឫស្សី សង្កាត់អូរឫស្សី ក្រុងក្រចេះ បន្ទាប់ពីបានរក្សាទុករយៈពេលមួយថ្ងៃក្រោយពេលដែលជនទាំងពីរនាក់ នេះស្រវឹងស្រា ហើយបានជិះម៉ូតូបុកជាមួយរថយន្ដ បណ្ដាលឱ្យស្លាប់បាត់បង់ជីវិតនៅនឹងកន្លែង ។ ចំពោះអត្ដសញ្ញាណ របស់ជនរងគ្រោះទាំង២នាក់ សមត្ថកិច្ចមិនទាន់បានស្គាល់នៅឡើយទេ តែបានព្យាយាមស្វែងរកសាច់ញាតិក្រុមគ្រួសាររបស់ជនទាំងពីរនាក់នេះ ផងដែរប៉ុន្ដែរកមិនឃើញ ។ ទោះបីយ៉ាងណាបន្ទាប់ពីសមត្ថកិច្ចបានធ្វើការបូជាសពជនរងគ្រោះទាំង ពីររួចមកនៅល្ងាចថ្ងៃដដែលសមត្ថកិច្ចប៉ូលិសបានធ្វើការស្រាវជ្រាវរក ឃើញអត្ដសញាណរបស់ជនរងគ្រោះទាំងពីរនាក់ហើយដែលម្នាក់ឈ្មោះពុធ ថុន អាយុ៤០ឆ្នាំ មានទីលំនៅក្នុងភូមិព្រែកសាម៉ាន់ ឃុំព្រែកសាម៉ាន់ ស្រុកឆ្លូង ជាអ្នកឌុប និងម្នាក់ទៀតឈ្មោះកែវ សុខ អាយុ៣១ឆ្នាំ មានទីលំនៅក្នុងភូមិ-ឃុំជាមួយគ្នា។
មន្ដ្រីប៉ូលិសចរាចរជើងគោកបានឱ្យដឹងថា ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១២និង១៥ នាទីថ្ងៃត្រង់ ថ្ងៃទី២១ ឧសភា នៅលើកំណាត់ផ្លូវ ជាតិលេខ៧ អាស៊ាន ត្រង់ចំណុចផ្លូវបំបែកខ្លា ស្ទុះ ស្ថិតក្នុងភូមិសាស្ដ្រភូមិកាប៉ូ សង្កាត់អូរឫស្សី ក្រុងក្រចេះ រវាងម៉ូតូនិងរថយន្ដក្នុងទិសដៅបញ្ច្រាសគ្នា បានបង្កឱ្យមនុស្សពីរនាក់ ដែលជិះម៉ូតូត្រូវស្លាប់បាត់បង់ជីវិតនៅនឹងកន្លែងកើតហេតុភ្លាមៗ ។ លោកអនុសេនីយ៍ឯក អ៊ុំ សុភាព នាយរង ការិយាល័យប៉ូលិសចរាចរជើងគោក នៃស្នងការដ្ឋាននគរបាលខេត្ដ បានមានប្រសាសន៍ឱ្យដឹងថា នៅថ្ងៃកើតហេតុជនរងគ្រោះទាំងពីរនាក់ខាងលើបានជិះម៉ូតូធុន C១២៥ ពណ៌ខ្មៅ ពុំមានស្លាកលេខ ផលិតនៅប្រទេសចិន ក្នុងទិសដៅពីលិចទៅកើតដោយមានអាការស្រវឹងដាប លុះមកដល់ចំណុចកើតហេតុក៏បានរេចង្កូតទៅបុកបារ៉ាស់ស្លាកសញ្ញា បន្ថយល្បឿនរបស់ក្រុមចំរុះត្រួតពិនិត្យដែលនៅអែបនឹងចិញ្ចើមផ្លូវ បណ្ដាលឱ្យដួលបារ៉ាស់ ហើយអ្នកបើកបរម៉ូតូក៏ឈ្ងោកមុខអោនមើលជើង ។
បន្ទាប់ពីបុកបារ៉ាស់រួច ក៏រេចង្កូតម៉ូតូទៅខាងឆ្វេងដៃបុកជាមួយនឹងរថយន្ដ ដែលកំពុងតែធ្វើដំណើរបញ្ច្រាសទិសគ្នា ម៉ាកស្ព័រថេក ពណ៌ខ្មៅ ពាក់ស្លាកលេខទ.០៨២៧ ភព២ បើកបរដោយឈ្មោះគ្រុយ សេងខេង អាយុ២២ឆ្នាំ មានទីលំនៅក្នុងភូមិព្រែកតា ថឹង ឃុំបុសលាវ ស្រុកចិត្របុរី ចំពីមុខខាង ស្ដាំពេញមួយទំហឹង បណ្ដាលឱ្យជនរងគ្រោះ ជាអ្នកឌុបផ្លោងចេញពីម៉ូតូទៅបុកជាមួយនឹងទ្វារកញ្ចក់ខាងក្រោយ រថយន្ដខ្ទេចមុខធ្លាយខួរស្លាប់មួយរំពេច រីឯជនរងគ្រោះដែលជិះពីក្រោយក៏ផ្លោងចេញពីម៉ូតូបុកនិងទ្វា កញ្ចក់រថយន្ដខាងមុខបណ្ដាលឱ្យបាក់កស្លាប់នៅនឹងកន្លែងដូចគ្នា ។ មូលហេតុដែលបង្កឱ្យមានគ្រោះថ្នាក់ដ៏រន្ធត់នេះ គឺបណ្ដាលមកពីជនរងគ្រោះទាំងពីរនាក់ស្រវឹងហើយបើកបរយានយន្ដក្នុង ល្បឿនលឿន និងមិនមានស្មារតីប្រុងប្រយ័ត្ន ។
សាក្សីឃើញហេតុការណ៍បាន និយាយថា មុនពេលកើតហេតុគេឃើញជនរងគ្រោះទាំងពីរនាក់នេះបានជិះម៉ូតូយ៉ាងលឿន រេពេញផ្លូវដោយមានកាន់ដបស្រានិង សាច់ក្លែមផងដែរ ។ លោកនាយរងការិយាល័យប៉ូលិសចរាចរ ជើងគោកខេត្ដបានបន្ដថា ឆ្លងតាមការវាស់វែងនៅនឹងកន្លែងកើតហេតុឃើញថា ម៉ូតូរបស់ជនរងគ្រោះទាំងពីរនាក់នេះ គឺបានទៅបុកផ្នែកខាងស្ដាំនៃរថយន្ដដែលធ្វើដំណើរ បញ្ច្រាសទិសគ្នាតែម្ដង ។ បច្ចុប្បន្នទាំងម៉ូតូ និងរថយន្ដត្រូវបានយកមករក្សាទុកនៅស្នងការដ្ឋានដើម្បីរង់ចាំ ធ្វើការដោះស្រាយទៅតាមនីតិវិធី រីឯសាកសពរបស់ជនរងគ្រោះក៏ត្រូវបានធ្វើការបូជា និងប្រគល់ធាតុជូនទៅឱ្យក្រុមគ្រួសារ ។
អានបន្ថែម
Wikipedia talk:WikiProject Pakistan Super League/Popular pages
-
No assessment required for projects
← Previous revision Revision as of 07:19, 25 April 2024
Line 1: Line 1:
{{WikiProject Pakistan Super League|class=Pr...
1 hour ago
No comments:
Post a Comment