(ប្រុសកោះ)
ខេត្ដព្រះសីហនុ ៖ យ៉ាងហោចណាស់មនុស្ស៨នាក់ស្លាប់ក្នុងនោះមានក្មេង២នាក់ និងរងរបួសធ្ងន់-ស្រាល១១នាក់ ចំណែកគោ១ក្បាលបានងាប់ផងដែរ ក្នុងឧបទ្ទវហេតុគ្រោះថ្នាក់ចរាចរណ៍ដ៏គួរឱ្យរន្ធត់មួយលើកំណាត់ ផ្លូវជាតិលេខ៤ ស្ថិតក្នុងភូមិគិរីវ័ន ឃុំស្ទឹងឆាយ ស្រុកកំពង់សិលា កាលពីវេលាម៉ោង១២ថ្ងៃត្រង់ទី២ ឧសភា ឆ្នាំ២០១០ ។
អ្នកឃើញ ហេតុការណ៍បានឱ្យដឹងថា រថយន្ដធុនធំកង់១៦បើកបរបញ្ច្រាសទិសជាមួយរថយន្ដទួរីសប្រភេទ១២ កៅអី ហើយ បុកគ្នាលាន់ដូចរន្ទះ ខណៈរថយន្ដទួរីសបើកគេចសត្វគោឆ្លងផ្លូវ (ការសន្និដ្ឋានជំហានដំបូង) ។ រថយន្ដទួរីសបានវិលមួយជុំបែរក្បាលមករកភាពដើមវិញ ក្រពឹតមួយចំហៀងខាងឆ្វេងយ៉ាងខ្លាំង ចំណែកសត្វគោត្រូវរថយន្ដកង់១៦បុក និងកិនងាប់ជាប់ក្រោយរថយន្ដ ។
អ្នកបើកបររថយន្ដទួរីសរងរបួសបាក់ជើង ចំណែកអ្នកបើកបរថយន្ដកង់១៦រត់គេចខ្លួនបាត់ ខណៈដែលមានការភ្ញាក់ ផ្អើល ។ អ្នករបួសត្រូវបានគេបញ្ជូនទៅសង្គ្រោះនៅមន្ទីរពេទ្យស្រុកស្រែអំបិល ។ ព័ត៌មានលំអិតនឹងផ្សាយជូននៅពេលក្រោយ និងនៅលើទំព័រកាសែតកោះសន្ដិភាព ៕
No comments:
Post a Comment