CEN
បុរសម្នាក់បានបញ្ជារថយន្តជ្រុលបុកម៉ូតូមួយគ្រឿង នៅផ្លូវខ្វែងម្តុំសួនច្បារនាគបាញ់ទឹក បណ្តាលឲ្យបុរស ២ នាក់រងរបួស ហើយព្យាយាមបើករត់គេចដល់ម្តុំស្ពានជ្រោយចង្វា បុករះម៉ូតូចតស្ងៀម ៦ គ្រឿង និងរទេះរុញលក់ផ្លែឈើខូចខាត និងរបួសស្រាលបុរសបីនាក់ ។ រថយន្តនឹងម្ចាស់រថយន្ត ត្រូវប៉ូលិសចាប់បានក្រោយពេលបើករត់ដល់មុខមន្ទីរពេទ្យកាល់ម៉ែត ។
គ្រោះថ្នាក់កើតឡើងដំបូងនៅវេលាម៉ោង ១០ យប់ ថ្ងៃទី៩ ឧសភាកន្លងទៅនេះ នៅផ្លូវព្រះសីហនុកែងផ្លូវសុធារស ម្តុំនាគបាញ់ទឹក សង្កាត់ទន្លេបាសាក់ ខណ្ឌចំការមន ។
ប៉ូលិសបានឲ្យដឹងថា រថយន្តបង្កម៉ាកកាមរីពណ៌ស ស្លាកលេខភ្នំពេញ 2H 1852 បើកបរដោយឈ្មោះ ឡេង ហ៊ុយ ភេទប្រុស អាយុ ១៩ឆ្នាំ ស្នាក់នៅសង្កាត់ជ្រោយចង្វា ខណ្ឌឫស្សីកែវ ត្រូវប៉ូលិសឃាត់ខ្លួន ។ ភាគីម៉ូតូរងគ្រោះម៉ាក HONDA C125 ពណ៌ខ្មៅ ស្លាកលេខភ្នំពេញ 1A 5252 បើកបរដោយឈ្មោះ សេង ស៊ីនិត ភេទប្រុស អាយុ ២៦ឆ្នាំ ស្នាក់នៅផ្ទះលេខ៤៤៧ ផ្លូវសឡា សង្កាត់ទឹកថ្លារបួសធ្ងន់ និងអ្នករួមដំណើរឈ្មោះ ជុំ សុភ័ក្រ ភេទប្រុស អាយុ ២៥ឆ្នាំ របួសមធ្យម ដេកពេទ្យឯកជន ។
ប៉ូលិសបន្តថា មុនកើតហេតុ រថយន្តបានបើកតាមផ្លូវព្រះសីហនុ ពីលិចទៅកើតជ្រុលបុកម៉ូតូមួយគ្រឿង ដែលកំពុងបើកតាមផ្លូវសុធារសពីជើងទៅត្បូង បណ្តាលឲ្យបុរស ២ នាក់រងរបួស ។ រថយន្តបានព្យាយាមបើករត់គេចតាមផ្លូវស៊ីសុវត្ថិពីត្បូងទៅជើង ដល់ស្ពានជ្រោយចង្វាក៏បត់តាមផ្លូវលេខ៧២ ទៅលិច បុករះម៉ូតូចតស្ងៀមនៅមុខផ្ទះលេខ ២១៥៤ និងរទេះរុញលក់ផ្លែឈើខូចខាត ព្រមទាំងរបួសបុរស ៣នាក់ថែមទៀត ។ បន្ទាប់មកទៀតរថយន្តព្យាយាមបើករត់ឡើងតាមផ្លូវព្រះមុនីវង្ស ពីជើងទៅត្បូងដល់មុខមន្ទីរពេទ្យកាល់ម៉ែត ទើបសមត្ថកិច្ចចាប់ខ្លួនបាន ហើយបញ្ជូនទៅកាន់ការិយាល័យប៉ូលិសចរាចរផ្លូវគោក ចាត់ការតាមនីតិវិធី ៕
អានបន្ថែម
Geeklog
-
No need for redirect
← Previous revision Revision as of 14:37, 23 April 2024
Line 20: Line 20:
'''Geeklog''' is [[open-source software]] that works as ...
1 hour ago
No comments:
Post a Comment