ដោយមានកំណើនសេដ្ឋកិច្ចនារយៈពេលចុងក្រោយនេះ នាំឱ្យមានកំណើនមធ្យោបាយធ្វើដំណើរជាច្រើននៅលើដងផ្លូវ។ គិតមកដល់ឆ្នាំ២០០៩មានយានយន្តចុះបញ្ជីសរុបទូទាំងប្រទេសចំនួន១៤០០ ០០០គ្រឿង។ គ្រាន់តែក្នុងរយៈកាល៥ឆ្នាំចុងក្រោយនេះ ចំនួនយានយន្តបានកើនឡើងដល់ទៅ១៤២%។ ទន្ទឹមគ្នានោះដែរ ចំនួនគ្រោះថ្នាក់ចរាចរណ៍ណ៍មានការកើនឡើងរហូតដល់២១៧%។
តាមរបាយការណ៍ប្រព័ន្ធព័ត៌មានជនរងគ្រោះនិងគ្រោះថ្នាក់ចរាចរណ៍ផ្លូវគោកនៅកម្ពុជាបានឲ្យដឹងថាក្នុងឆ្នាំ២០០៩មានគ្រោះថ្នាក់ចរាចរណ៍១២ ៥៣៨ករណីដែលបណ្តាលឲ្យមានមនុស្ស១៧១៧នាក់ស្លាប់។ ៩៥%នៃគ្រោះថ្នាក់ បណ្ដាលមកពីកត្តាមនុស្ស ដែលក្នុងនោះការបើកបរហួសល្បឿនកំណត់ ឬក្នុងល្បឿនមិនសមស្របជាមូលហេតុចម្បងទីមួយដែលនាំឲ្យមានគ្រោះថ្នាក់ចរាចរណ៍។ ជនរងគ្រោះភាគច្រើនជាអ្នកប្រើប្រាស់ម៉ូតូ ដែលគេបានកំណត់ថាជាយានងាយរងគ្រោះបំផុត ដោយសារវាមិនមានបំពាក់ឧបករណ៍ការពារសុវត្ថិភាពដល់អ្នកប្រើប្រាស់ឡើយ ដូច្នេះអ្នកជិះត្រូវពាក់មួកសុវត្ថិភាពជាចាំបាច់។ តាមរបាយការណ៍ដដែលបានឲ្យដឹងថា ក្នុងឆ្នាំ២០០៩ អ្នកប្រើប្រាស់ម៉ូតូបាត់ បង់ជីវិតដោយគ្រោះថ្នាក់មានអត្រា ៧១% ក្នុងចំណោមអ្នកស្លាប់ទាំងអស់ ហើយ៧៦%មានរបួស ក្បាល។
យើងទាំងអស់គ្នាសុទ្ធតែមានចំណែកក្នុងការចូលរួមកាត់បន្ថយគ្រោះថ្នាក់ចរាចរណ៍ តាមរយៈ ការគោរពច្បាប់ចរាចរណ៍គ្រប់ពេលធ្វើដំណើរ ជាពិសេសត្រូវបើកបរក្នុងល្បឿនសមស្រប។ សម្រាប់អ្នកធ្វើដំណើរដោយម៉ូតូ ត្រូវពាក់មួកសុវត្ថិភាពគ្រប់ពេលធ្វើដំណើរ។
ការពារជីវិតអ្នក ពាក់មួកសុវត្ថិភាពត្រឹមត្រូវ។
សម្រាប់ព័ត៌មានបន្ថែម
ទូរស័ព្ទលេខ ០២៣ ២១៧ ២៩៨
E-mail: pea.kimvong@hib-cambodia.org
No comments:
Post a Comment