ខេត្តឧត្តរមានជ័យ ៖ បុរសម្នាក់ ជាទាហានកងការពារ ព្រំដែន ៤០៣ ស្រវឹងស្រាបើកឡានបុក គេឯង បណ្ដាល ឲ្យដេកដួលពេញ ថ្នល់ជាតិលេខ៦៧ បណ្ដាលឲ្យស្លាប់និងរងរបួសធ្ងន់ និងស្រាល ចំនួន១០នាក់។
ករណីគ្រោះថ្នាក់ចរាចរដ៏គួរឲ្យរន្ធត់នោះ បានកើតឡើងកាលពីវេលាម៉ោង ៦និង១០នាទីល្ងាចថ្ងៃទី៨ ខែឧសភា ឆ្នាំ២០១០ នៅចំណុចថ្នល់ជាតិលេខ៦៧ ស្ថិតនៅក្នុងភូមិអភិវឌ្ឍ ឃុំត្រពាំង ប្រេយ៍ ស្រុកអន្លង់វែង ខេត្តឧត្ដរមានជ័យ។
បើតាមសាក្សីដែលបានឃើញហេតុការណ៍ផ្ទាល់ ភ្នែកបានឲ្យដឹងថា គាត់បានឃើញរថយន្ត ពណ៌ត្រេអ៊ី បើកពីទិសខាងត្បូងយ៉ាងលឿន ពេលមកដល់ចំណុចកើតហេតុខាងលើក៏ស្របពេលមានម៉ូតូចំនួន២គ្រឿង ចេញពីលេងម្ដុំផ្ទះតាម៉ុក ហើយស្របនិងមានត្រាក់ទ័រសណ្ដោងរថយន្តកូរ៉េ ផងនោះ ក៏ឃើញរថយន្តពណ៌ត្រេអ៊ីនោះបុកម៉ូតូមួយគ្រឿងទៀត ក៏វេចង្កូតទៅបុកតូបលក់អីវ៉ាន់ នៅចិញ្ចើមថ្នល់ចូលដល់ក្នុងផ្ទះគេទៀត ហើយក៏មានការផ្អើលឆោឡោឡើង នៅពេលនោះម្ចាស់ រថយន្តបង្កបានរត់គេចខ្លួនបាត់បន្សល់ទុកអ្នកស្លាប់ អ្នករងរបួសពាសពេញផ្លូវថ្នល់ជាតិលេខ៦៧។
លោកអនុសេនីយ៍ឯក ហាស់ ហេង អធិការរងទទួលបន្ទុកសណ្ដាប់ធ្នាប់ចរាចរស្រុក បានឲ្យ កម្ពុជាថ្មីដឹងថា រថយន្តដែលបង្កហេតុបានបុកគេឯងបណ្ដាលឲ្យស្លាប់និងរងរបួសជាច្រើន នោះ គឺជារថយន្តម៉ាកថៃគ័រ ពណ៌ត្រេអ៊ី ពាក់ស្លាកលេខខេមរភូមិន្ទ០២ ១៦៥៤ ដែលបានបើកពីទិសខាងត្បូង មកទិសខាងជើង បានបុករះម៉ូតូ និងរថយន្តកូរ៉េដោយតៃកុងរូបនោះ បានផឹកគ្រឿងស្រវឹង ជោកជាំ ទើបបណ្ដាលឲ្យហេតុការណ៍គ្រោះថ្នាក់ចរាចរបែបនេះ។ លោកបន្តថា អ្នកស្លាប់និងរងរបួស មាន ចំនួន១០នាក់ ក្នុងនោះក៏មានព្រះសង្ឃចំនួន៤អង្គ និងយាយជីចំនួន២រូបផងដែរ៕
No comments:
Post a Comment