ដោយ : សុពិសិដ្ឋ
ភ្នំពេញ: បុរសម្នាក់ត្រូវបានរថយន្តសង្គ្រោះដឹកយកទៅទុកចោលរហូតដល់ស្លាប់ បន្ទាប់ពីគាត់មកពីស៊ីការ ហើយក៏បានដួលម៉ូតូ នៅចំណុចផ្លូវសម្ការដូង ភូមិឫស្សី សង្កាត់ស្ទឹងមានជ័យ ខណ្ឌមានជ័យ កាលពីវេលាម៉ោង
៧ និង ៤០ យប់ ថ្ងៃទី ០៧ មីនា ២០១០ ។
ជនរងគ្រោះឈ្មោះ ទី សុម៉ាឡា អាយុ ៤៩ ឆ្នាំ មុខរបរប្រធានការិយាល័យបៀវត្សរ៍នៃនាយកដ្ឋានបុគ្គលិកក្រសួងព័ត៌មាន ស្នាក់នៅផ្ទះលេខ 47A ផ្លូវលំ ក្រុម1 ភូមិ CPC សង្កាត់ទឹកថ្លា ខណ្ឌសែនសុខ ។ កាលពីល្ងាចថ្ងៃទី ៧ មីនា ថ្ងៃកើតហេតុជនរងគ្រោះជិះម៉ូតូម្នាក់ឯងទៅហូបការគេ នៅម្តុំភូមិឫស្សី ។ ដល់ម៉ោង ៧ និង ៣០ នាទី គាត់ក៏ត្រឡប់មកវិញតែម្នាក់ឯងតាមផ្លូវចម្ការដូង ដល់ចំណុចខាងលើក៏វិលមុខដួល ។ ពេលនោះប៉ូលិសខ្លាហោះ ដែលប្រចាំការទីនោះ ក៏ទូរស័ព្ទហៅឡានសង្គ្រោះដឹកទៅមន្ទីរពេទ្យ ។ មួយសន្ទុះក្រោយមក ក៏មានរថយន្តសង្គ្រោះរបស់សមាគមគ្រូពេទ្យគុណធម៌ អតីត ‹ពេទ្យបុប្ឆាមាស› បានដឹកជនរងគ្រោះយកទៅព្យាបាល ។ ជនរងគ្រោះអាចនិយាយបានដោយប្រាប់លេខទូរស័ព្ទអ្នកបើកបរ ជួយហៅបងប្អូនទៅជួយមើលជាពិសេសបង់លុយ ។
ដោយអ្នកបើកឡានពេទ្យនិយាយមិនច្បាស់ បងប្អូនជនរងគ្រោះ ក៏ទៅរកនៅពេទ្យចន្ទ្រាស្ទឹងមានជ័យ ទំរាំរកឃើញ ក៏ទៅដល់មុខសមាគមគ្រូពេទ្យគុណធម៌ ត្រូវគេទុកលើរថយន្តចោល ដោយគ្មានប្រដាប់ប្រដាសម្រាប់ជួយសង្គ្រោះឡើយ ។ ពេលស្ទាបខ្លួននៅក្តៅ ក្រុមគ្រួសារក៏ឲ្យឡានពេទ្យនេះដឹកទៅពេទ្យកាល់ម៉ែត ។ ដល់កាល់ម៉ែតគ្រូពេទ្យថាស្លាប់បាត់ ។ ឮសូរស្លាប់អ្នកបើកឡានពេទ្យរត់បាត់ ហើយរថយន្តត្រូវបានគេបញ្ជូនទៅក្រសួងមហាផ្ទៃចាត់ការតាមច្បាប់ ។
ពេទ្យបុប្ផាមាស ត្រូវក្រសួងសុខាភិបាលចេញលិខិតព្រមានមិនឲ្យដឹកអ្នករបួសតាមផ្លូវឡើយ……ឥឡូវស្រាប់តែ…. ៕
No comments:
Post a Comment