ទិដ្ឋភាពគ្រោះថ្នាក់ចរាចរណ៌ដ៏គួរឲរន្ធត់ នៅលើផ្លូវជាតិលេខ៦ ភ្នំពេញ-សៀមរាប ដោយការបុកគ្នាយ៉ាងខ្លាំងក្លា ទិដ្ឋភាពកន្លែងកើតហេតុបុកគ្នា
កោះសន្តិភាព
ខេត្ដសៀមរាប ៖ យុវជន៣នាក់បានស្លាប់បាត់បង់ជីវិតនៅនឹងកន្លែង និង២នាក់ផ្សេងទៀតបានរងរបួសធ្ងន់នៅក្នុងឧប្បត្ដិ ហេតុគ្រោះថ្នាក់ចរាចរណ៍ដ៏សែនរន្ធត់មួយរវាងរថយន្ដចំណុះ៥តោនដឹក ទឹកកកជាមួយរថយន្ដហ៊ីណូចំណុះ៥តោនដូចគ្នា ដែលបើកបរបញ្ច្រាសទិសគ្នាលើដងផ្លូវជាតិលេខ៦ ។
ទាក់ទិននឹងករណីខាងលើនេះ ប៉ូលិសបានឱ្យដឹងថា ឧប្បត្ដិហេតុគ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៥ ទៀបភ្លឺថ្ងៃទី៧ មករា នៅលើដងផ្លូវជាតិលេខ៦ ត្រង់ចំណុចភូមិរកាកំបុត ឃុំត្រញំងធំ ស្រុកប្រាសាទបាគង ។ លោកអនុសេនីយ៍ត្រី ម៉ៅ រឿន អនុប្រធានផ្នែកសណ្ដាប់ធ្នាប់ចរាចរណ៍ស្រុកប្រាសាទបាគង ដែលបានចុះធ្វើការវាស់វែងនៅកន្លែងកើតហេតុបានប្រាប់កោះសន្ដិភាពឱ្យ ដឹងថា រថយន្ដទាំង២គ្រឿងដែលជួបគ្រោះថ្នាក់នោះមួយគ្រឿងជារថយន្ដកូរ៉េ ចំណុះ៥តោន ពណ៌ស ពាក់ស្លាកលេខសៀមរាប ៣A -០៧៩១ ដឹកទឹកកក បើកពីលិចទៅកើត ចំណែករថយន្ដមួយគ្រឿងទៀតម៉ាកហ៊ីណូចំណុះ៥តោនដូចគ្នា ពណ៌ខៀវ ពាក់ស្លាកលេខភ្នំពេញ ៣A-៧៤៦០ បើកពីកើតទៅលិច គឺបញ្ច្រាសទិសគ្នា ។ លោកអនុសេនីយ៍ត្រីបានបន្ដថា ពុំមានសាក្សីណាម្នាក់ឃើញហេតុការណ៍នេះដោយផ្ទាល់នោះទេ ក៏ប៉ុន្ដែបើតាមការ សន្និដ្ឋានជំហានដំបូងឃើញថា គ្រោះថ្នាក់ចរាចរណ៍នេះកើតឡើងដោយសារការមិនយោគយល់គ្នាក្នុងគ្រាបើកបរ គឺមិនព្រម ជៀសគ្នាទៅវិញទៅមក ទើបបុកគ្នាចំពីមុខយ៉ាងពេញទំហឹងបណ្ដាលឱ្យយុវជន៣នាក់ដែលជិះក្នុង រថយន្ដដឹកទឹកកកស្លាប់ភ្លាមៗមួយរំពេច និង២នាក់ទៀតដែលជិះក្នុងរថយន្ដហ៊ីណូរងរបួសធ្ងន់ ។
មន្ដ្រីប៉ូលិសដដែលបានឱ្យដឹងបន្ថែមថា ជនរងគ្រោះដែលស្លាប់បាត់បង់ជីវិតទាំង៣នាក់នោះមាន ១-ឈ្មោះសាំង ភេទប្រុស អាយុ២០ឆ្នាំ ជាអ្នកបើកបររថយន្ដកូរ៉េដឹក ទឹកកកខាងលើ, ២-ឈ្មោះជី យ៉េប ភេទប្រុស អាយុ២៣ឆ្នាំ ជាព្រូឡាន និង៣-ឈ្មោះ សុន ពេជ្រតារា ភេទប្រុស អាយុ២៣ឆ្នាំ ជាកម្មករ អ្នកទាំង៣នាក់នេះរស់នៅភូមិចុងកៅស៊ូ សង្កាត់ស្លក្រាម ក្រុងសៀមរាប។ ចំណែកជនរងគ្រោះដែលរបួសធ្ងន់ទាំង២នាក់នោះ ម្នាក់ឈ្មោះភៀន ភេទប្រុស ជាអ្នកបើកបររថយន្ដហ៊ីណូ និងម្នាក់ទៀតឈ្មោះស៊ឹម រតនៈ ភេទប្រុស អាយុ៤០ឆ្នាំ អ្នកទាំង២នាក់ នេះរស់នៅភូមិស្វាយ.ស ឃុំស្វាយ.ស ស្រុក ពាមរក៍ ខេត្ដព្រៃវែង ។
សូមបញ្ជាក់ផងដែរថា ក្នុងអំឡុងពេល៤ ខែចុងក្រោយនេះ នៅក្នុងភូមិសាស្ដ្រភូមិរកាកំបុត, ឃុំត្រញំងធំ ស្រុកប្រាសាទបាគង ជាប់ព្រំប្រទល់ស្រុកសូទ្រនិគម ខេត្ដសៀមរាប លើដងផ្លូវជាតិលេខ៦មានករណីគ្រោះថ្នាក់ចរាចរណ៍ធំៗចំនួន៣លើកមកហើយ ជាពិសេសនៅពេលយប់តែម្ដង បណ្ដាលឱ្យមនុស្ស៧នាក់ស្លាប់បាត់បង់ជីវិត ដែលទាមទារឱ្យអាជ្ញាធរពាក់ព័ន្ធរិះរកវិធានការផ្សព្វផ្សាយ ឬដាក់ស្លាកសញាឱ្យបានច្រើន ដើម្បីជាការដាស់អារម្មណ៍ដល់អ្នកបើកបរឱ្យមានការប្រុងប្រយ័ត្ន ខ្ពស់ចៀសវាងបើកបរក្នុងល្បឿនលឿន ហើយបាត់បង់ម្ចាស់ការពីដៃចង្កូត ៕
Kulir 100°
-
← Previous revision Revision as of 03:17, 19 April 2024
Line 43: Line 43:
== Production ==
== Production ==
''Kulir 100'' is the first Tamil film direct...
1 hour ago
No comments:
Post a Comment