ខេត្ដកំពង់ឆ្នាំង ៖ យោងតាមរបាយ ការណ៍របស់ប៉ូលិសការិយាល័យកណ្ដាល សណ្ដាប់ធ្នាប់នៃស្នងការដ្ឋានខេត្ដបានឱ្យដឹងថា ក្នុងឆ្នាំ២០០៩ កន្លងទៅ គ្រោះថ្នាក់ចរាចរណ៍ផ្លូវគោកបានកើតឡើងចំនួន២១១លើក តិចជាងឆ្នាំ២០០៨ ចំនួន៤៨លើក បណ្ដាលឱ្យមនុស្សស្លាប់ចំនួន៥៥នាក់ (ស្រី ១១នាក់) របួសមនុស្ស៤៣៨នាក់ (ស្រី ១៤៦នាក់) ក្នុងនោះរបួសធ្ងន់១៨៧នាក់ (ស្រី៥៣នាក់) ខូចខាតរថយន្ដធ្ងន់ និង ស្រាល៩៤គ្រឿង ម៉ូតូ១៦៤គ្រឿង ម៉ូតូ សណ្ដោងរ៉ឺម៉ក៦គ្រឿង យានកែច្នៃ៤គ្រឿង កង់២២គ្រឿង ខូចរទេះគោ ក្របី សេះ៥គ្រឿង និងខូចខាតសំភារមួយចំនួនទៀត ។
ដោយឡែកចរាចរណ៍ផ្លូវទឹក បានកើតឡើងចំនួន២លើកស្មើនឹងឆ្នាំ២០០៨ដែរ ដោយបណ្ដាលឱ្យមនុស្សស្លាប់៣នាក់ (ស្រី ទាំង៣) របួសម្នាក់ (ប្រុស) និងខូចខាត កាណូត៣គ្រឿង។ ចំណែកគ្រោះថ្នាក់ផ្សេងៗ មានចំនួន៨៣លើក គឺលង់ទឹក២៤លើក អត្ដឃាត២០លើក រន្ទះបាញ់១២លើក ផឹកថ្នាំ ពុល៤លើក ធ្លាក់ពីចុងឈើ៧លើក ពស់ចឹក១លើក ចរន្ដអគ្គិសនីឆក់២លើក ដុតខ្លួនលើផ្ទះ២លើក ផ្លែដូងធ្លាក់ចំ១លើក ដេកស្លាប់៣លើក ដើមឈើដួលរលំសង្កត់ផ្ទះ១លើក និង ខ្យល់ព្យុះ១លើក ។
ហេតុការណ៍ទាំងនេះ បណ្ដាលឱ្យស្លាប់មនុស្ស៧៤នាក់ (ស្រី៨ នាក់) របួស៧នាក់ (ស្រី២នាក់) ងាប់គោ៥ ក្បាល ខូតខាតអស់ផ្ទះ១៨២ខ្នង (ខូចទាំង ស្រុង៧៩ខ្នង) ។
ការងាររៀបចំសណ្ដាប់ធ្នាប់អនាម័យបានចំនួន២៨២លើក គឺនៅជួរដើមស្រល់ផ្សារ ក្រោម ចុះត្រួតពិនិត្យកន្លែងកើតហេតុគ្រោះ ថ្នាក់ចរាចរណ៍បានចំនួន២១១លើក បំពេញ សំណុំរឿងគ្រោះថ្នាក់ចំនួន២.១៣៩ច្បាប់ ។
ចុះត្រួតពិនិត្យផាកពិន័យលើមធ្យោបាយ យានយន្ដល្មើសច្បាប់បានចំនួន៥.៣១៦គ្រឿង ស្មើនឹង៥.៣១៦សន្លឹកប័ណ្ណ ។ ចូលរួមបង្រៀនច្បាប់ចរាចរណ៍ ស្លាកសញាចរាចរណ៍ ផ្លូវគោកថ្មីដល់មន្ដ្រីក្នុងគណៈកម្មាធិការកាកបាទក្រហមកម្ពុជាខេត្ដ បានចំនួន១លើក ។ ឃាត់ម៉ូតូគ្មានស្លាកលេខបាន៣៣គ្រឿង (គ្មានពន្ធ២៦គ្រឿង និងមានពន្ធ៧គ្រឿង)។
សហការជាមួយមន្ដ្រីគយចាប់ម៉ូតូឱ្យបង់ពន្ធ៤៥ គ្រឿង។ សរុបមនុស្សដែលស្លាប់ដោយគ្រោះថ្នាក់ចរាចរណ៍ផ្លូវគោក ផ្លូវទឹក និង គ្រោះថ្នាក់ផ្សងៗមានចំនួន១៣២នាក់ ៕
No comments:
Post a Comment