ខេត្ដក្រចេះ ៖ គ្រោះថ្នាក់ចរាចរណ៍មួយដែលកើតឡើងរវាងរថយន្ដដឹកឈើប្រណីត និងម៉ូតូក្នុងទិសដៅបញ្ច្រាសគ្នា បណ្ដាលឱ្យស្ដ្រីជាអ្នកបើកម៉ូតូរងរបួសធ្ងន់ រីឯរថយន្ដក្រោយពេលកើតហេតុបានព្យាយាមបើករត់តែត្រូវកំលាំងប៉ូលិស តាមស្ទាក់ចាប់បាន ។ ហេតុការណ៍នេះបានកើតឡើងកាលពីវេលាម៉ោង១០និង៣០នាទីព្រឹកថ្ងៃទី៤ មករា នៅចំណុចក្នុងភូមិ ក្បាលជួរ ឃុំសំបុក ស្រុកចិត្របុរី ។
ស្ដ្រីរងគ្រោះឈ្មោះប៊ូ ណារី អាយុ២៣ឆ្នាំ មានទីលំនៅក្នុងភូមិកើតហេតុខាងលើបើកបរម៉ូតូម៉ាកវ៉េវអាល់ហ្វាពណ៌ ខៀវពុំមានស្លាកលេខ រីឯរថយន្ដម៉ាកកាមរីស៊េរីឆ្នាំ១៩៩១ ពណ៌ឈាមជ្រូក ពាក់ស្លាកលេខ ក្រចេះ 1A 0248 បើកបរក្នុងទិសដៅបញ្ច្រាសទិសគ្នា ។ ក្នុងការបើករត់តាមផ្លូវលំ អ្នកបើកបរបានព្យាយាមដោះស្លាកលេខរថយន្ដ និងទំលាក់ឈើអស់ពាក់កណ្ដាល ទើបកំលាំងប៉ូលិសតាមចាប់បានមកវិញក្រោយពេលកើតហេតុជិតមួយម៉ោង ។
តាមប្រភពព័ត៌មានពីកន្លែងកើតហេតុបានឱ្យដឹងថា នៅវេលាម៉ោងជាង១០ព្រឹក នោះគេឃើញរថយន្ដបង្កគ្រោះថ្នាក់មួយ គ្រឿងនេះដែលអ្នកបើកបរជាស្ដ្រីឈ្មោះមុំ ហៅច្រឹប មានទីលំនៅក្នុងស្រុកសំបូរ ខេត្ដក្រចេះ និងមានមុខរបរជាអ្នករកស៊ីដឹកឈើបានបើកបរក្នុងល្បឿនយ៉ាងលឿនក្នុង ទិសដៅពីជើងមកត្បូង។ លុះមកដល់ចំណុចខាងលើក៏បុកម៉ូតូរបស់ស្ដ្រីរងគ្រោះដែលកំពុងជិះ ម្នាក់ឯងចំពីមុខពេញមួយទំហឹង បណ្ដាលឱ្យស្ដ្រីជាអ្នកបើកម៉ូតូត្រូវខ្ទាតចេញហើយ សន្លប់នៅនឹងកន្លែងកើតហេតុ និងបញ្ជូនមកធ្វើការសង្គ្រោះនៅមន្ទីរពេទ្យតាមរថយន្ដសង្គ្រោះរបស់ ស្នងការដ្ឋានប៉ូលិសខេត្ដ ។
លោកអនុសេនីយ៍ទោអ៊ុន ហយ នាយប៉ុស្ដិ៍រដ្ឋបាលសំបុកបានឱ្យដឹងថា ដោយកំណត់បានមុខសញាច្បាស់លើភិនភាគ និងស្លាកស្នាមរបស់រថយន្ដបង្កហេតុ ទើបកំលាំងប៉ូលិសប៉ុស្ដិ៍រដ្ឋបាលសហការជាមួយកំលាំងប៉ូលិសស្រុកចិត្រ បុរី បានតាមប្រមាញ់ រថយន្ដនោះខណៈពេលដែលម្ចាស់រថយន្ដព្យាយាមបើករត់់គេចទៅក្បែរផ្ទះ ប្រជាពលរដ្ឋតាមផ្លូវលំមួយនៅក្នុងភូមិសំបុក ឃុំសំបុក ស្រុកចិត្របុរី ដោយដោះស្លាកលេខ និងលើកឈើចេញពីរថយន្ដនៅសល់តែឈើប្រភេទធ្នង់ពីរដុំ ធំ រីឯអ្នកបើកបរបានរត់គេចខ្លួនបាត់ ។ បច្ចុប្បន្នទាំងរថយន្ដទាំងឈើត្រូវបានសមត្ថកិច្ចនាំយកមករក្សាទុកនៅ អធិការដ្ឋានប៉ូលិសស្រុកចិត្របុរី ដើម្បីរង់ចាំការដោះស្រាយបន្ដ។
ប្រជាពលរដ្ឋដែលមានទីលំនៅតាមបណ្ដោយផ្លូវជាតិ មាត់ទន្លេ ក៏ដូចជាភ្ញៀវទេសចរជាតិនិងអន្ដរជាតិដែលធ្វើដំណើរទៅទស្សនាសត្វ ផ្សោតតាមដងទន្លេមេគង្គ និងរមណីយដ្ឋានព្រែកកាំពីវិហារវត្ដសសរ មួយរយក្នុងខេត្ដក្រចេះ បច្ចុប្បន្ននេះបាននិងកំពុងមានការព្រួយបារម្ភយ៉ាងខ្លាំំងទៅ លើសុវត្ថិភាពព្រោះថាផ្លូវនៃតំបន់ទេសចរណ៍របស់ខេត្ដបានប្រែក្លាយទៅជា ផ្លូវរថយន្ដដឹកឈើប្រណីតដែលបើកបរក្នុងល្បឿនលឿនគួរឱ្យខ្លាច ។ ឈើទាំងនេះត្រូវបានគេដឹងថា ក្រុមឈ្មួញដឹកជញ្ជូនចេញទៅត្រើយម្ខាងនៃស្រុកសំបូរ ហើយដឹកបន្ដតាមរថយន្ដគ្រប់ធុនយកទៅលក់បន្ដនៅស្រុកឆ្លូង ។ អ្នកព្រួយបារម្ភនិយាយថា បើរថយន្ដដឹកឈើទាំងនេះ បើកហួសល្បឿនកំណត់ដូច្នេះគ្រោះថ្នាក់នឹង អាចកើតមានជាយថាហេតុមកលើ ពួកគាត់ នៅពេលណាមួយមិនខានឡើយ។ សូមអាជ្ញា ធរចាត់វិធានការផង
No comments:
Post a Comment