បុរស​២​នាក់​ស្លាប់​មួយ​រំពេច​បន្ទាប់​ពី​រថយន្ដ​បើក​កៀរ និង​រ៉ឺ​ម៉ក​កិន

កោះសន្តិភាព
ដោយ ៖ កោះឯករាជ្យ
រាជធានី​ភ្នំពេញ ៖ បុរស​២​នាក់​បានស្លាប់​បាត់បង់​ជីវិត​មួយ​រំពេច​គួរ​ឱ្យ​រន្ធត់ ខណៈ ជិះ​ម៉ូតូឌុប​គ្នា​តាម​ផ្លូវជាតិ​លេខ​១ ហើយ​ត្រូវរថយន្ដ​បើក​កៀរ​ឱ្យ​ដួល​ខ្ទាត​ទៅ​កណ្ដាល​ថ្នល់ និង​ចៃដន្យ​ត្រូវ​រ៉ឺ​ម៉ក​ដឹក​អង្ករ​មក​ដល់​កិន​បែកក្បាល កាលពី​វេលា​ម៉ោង​៥​ល្ងាច​ថ្ងៃ​ទី​៤ មេ​សា នៅ​មុខ​វិទ្យាល័យ​ច្បារ​អំពៅ ។អ្នក​ស្លាប់​ទី​១-​ឈ្មោះ​សុខ ភា​រុណ អាយុ ៣០​ឆ្នាំ អ្នក​ស្លាប់​ទី​២-​ឈ្មោះ​ប៉ែន គ​ន្ធា អាយុ ៣២​ឆ្នាំ ពួក​គេ​រស់នៅ​ស្រុក​កៀនស្វាយ ។ សាក្សី​បាន​និយាយ​ថា មុន​ពេល​កើតហេតុ គេឃើញ​បុរស​ទាំង​២​នាក់​ជិះ​ម៉ូតូ​ម៉ាក​ឃ្លី​ក ពណ៌ខ្មៅ ពាក់​ស្លាក​លេខ ភ្នំពេញ ១V​-៨០៤៣ ឌុ​បគ្នា​ធ្វើ​ដំណើរ​ចេញពី​ទិស​ស្ពាន​ព្រះ​មុនី​វង្ស ឆ្ពោះទៅ​ផ្ទះ​របស់​ពួក​គេ នៅ​ក្នុងស្រុក​កៀនស្វាយ លុះ​ពេល​ទៅ​ដល់​មុខ​វិទ្យាល័យ​ច្បារអំពៅ ស្រាប់តែ​មាន​រថយន្ដ​មួយ​បើក​មកកៀរ​ឱ្យ​ដួល ហើយ​ត្រូវ​រ៉ឺ​ម៉ក​ដឹក​អង្ករ​មក​ដល់កិន​ក្បាល​បែក​បណ្ដាល​ឱ្យ​ស្លាប់​ទាំង​២ ​នៅ​នឹងកន្លែង ។ចំណែក​រថយន្ដ​បាន​បើក​រត់គេច​ខ្លួន​បាត់ រីឯ​រ៉ឺ​ម៉ក​ដឹក​អង្ករ​ក៏​បើក​រត់គេច​ខ្លួន​បាត់​ដូច​គ្នា ដែរ ពុំ​មាន​សមត្ថកិច្ច​ណា​តាម​ចាប់​ឃាត់​បានទេ ។
អានបន្ថែម