កម្ពុជាថ្មី
ខេត្តកំពង់ធំ ៖ យុវជនម្នាក់ ត្រូវបានគេបញ្ជូនទៅសង្រ្គោះនៅមន្ទីរពេទ្យជាបន្ទាន់ បន្ទាប់ពីយុវជននេះរងរបួសធ្ងន់ ដោយសារតែជិះម៉ូតូម៉ាកស្ដេបលឿនស្លេវជ្រេគេ ជ្រេឯងក៏ ជ្រុលទៅបុកគូទ រថយន្ត កូរ៉េពីក្រោយពេញមួយទំហឹង កាលពីវេលាម៉ោង៩ព្រឹក ថ្ងៃទី២១ ខែមេសា ឆ្នាំ២០១០ នៅលើកំណាត់ផ្លូវជាតិលេខ៦A ស្ថិតនៅ ក្នុងសង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ។
យុវជនដែលរងរបួសធ្ងន់ក្នុងហេតុការណ៍គ្រោះថា្នក់ចរាចរនោះ ឈ្មោះ ម៉ៅ គឹម អាយុ១៩ឆ្នាំ នៅភូមិស្ដីប្រលិច សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ បានរងរបួសបែកក្បាលពីក្រោយ យ៉ាងដំណំ ដោយសារតែបោកក្បាលផ្ទប់នឹងថ្នល់នៅពេលបុកគូទរថយន្តពីក្រោយ ហើយខ្ទាតប៉ើងមកវិញ។
ប្រភពពី អ្នកឃើញហេតុការណ៍នៅកន្លែងកើតហេតុបាននិយាយឲ្យដឹងថា នៅមុនពេលកើត ហេតុ គេឃើញយុវជនម៉ៅ គីម នេះជិះម៉ូតូម៉ាកស្ដេប លឿនស្លេវក្នុងទិសដៅពីជើងទៅត្បូង ហើយពេលមកដល់កន្លែងកើតហេតុ មានអ្នកធ្វើដំណើរច្រើនកុះករ ប៉ុន្តែយុវជននោះពុំបន្ថយល្បឿននោះ ទេ គេបែរជាបើកម៉ូតូជ្រេពេញផ្លូវ ដើម្បីវ៉ាគេ ចៃដន្យក៏ជ្រុលចង្កូតទៅបុកគូទរថយន្តកូរ៉េពីក្រោយ បណ្ដាលឲ្យខ្ទាតធ្លាក់មកលើទ្រូងផ្លូវដួលដេកសន្លប់ស្ដូកស្ដឹង។
ក្រុម គ្រួសារយុវជនរងគ្រោះ បាននិយាយឲ្យកម្ពុជាថ្មីដឹងថា យុវជននេះទើបតែត្រឡប់ពីជួយ ហែជំនូនក្នុងពិធីការបងប្អូននៅសង្កាត់បល្ល័ង្ក ពេលមកដល់កន្លែងកើតហេតុក៏ជួបគ្រោះថ្នាក់យ៉ាង នេះតែម្ដង៕
No comments:
Post a Comment