ដោយ ៖ កោះឯករាជ្យ
កៅសន្តិភាព
រាជធានីភ្នំពេញ ៖ រថយន្ដកាមរីស៊េរី២០០២ មួយគ្រឿង ពណ៌ត្រីឆ្លូញ ពាក់ស្លាក លេខភ្នំពេញ 2M-8315 បើកបរដោយក្មេងស្ទាវបានប្រណាំងគ្នាជាមួយរថយន្ដមែរសឺដេស ពណ៌ប្រផេះ ពាក់ស្លាកលេខភ្នំពេញ 2C-7559 ហើយប៉ះគ្នាបណ្ដាលឱ្យរេចង្កូតខ្ទាតឡើង ចិញ្ចេមផ្លូវបុកចូលទៅកន្លែងលក់ទឹកអំពៅ និងបុកចូលទៅជាប់នឹងជញ្ជាំងផ្ទះល្វែងទើបទៅមុខលែងរួច។ ហេតុការណ៍នេះត្រូវសមត្ថកិច្ចឱ្យដឹងថា បានកើតឡើងកាលពីវេលាម៉ោង១០និង៥០ នាទីព្រឹកថ្ងៃទី២៨ ខែកក្កដា នៅចំណុចផ្ទះលេខ២៦ ផ្លូវលេខ២០៤ សង្កាត់ទឹកល្អក់ទី៣ ខណ្ឌទួលគោក។ ទោះបីជាយ៉ាងណា មានតែក្មេងស្រីជំទង់ម្នាក់ដែលជាអ្នកបើកបររងរបួសស្រាលតែប៉ុណ្ណោះ ព្រោះរថយន្ដបានពោងការពារសុវត្ថិភាពជួយ។
តាមសាក្សីនៅកន្លែងកើតហេតុបានឱ្យដឹងថា ការកើតមានគ្រោះថ្នាក់នេះដោយសារតែអ្នកបើកបររថយន្ដកាមរីបើកប្រណាំង គ្នា ជាមួយរថយន្ដមែរសឺដេសដែលបើកបរដោយបុរសម្នាក់ ហើយបាន ខោកក្បាលរថយន្ដគ្នា បណ្ដាលឱ្យរេចង្កូតខ្ទាតចេញរៀងៗខ្លួនទៅបុកផ្ទះនៅអមផ្លូវ ។ ចំណែករថយន្ដមែរសឺដេស ក៏បានផ្ទុះពោងការពារសុវត្ថិភាពដែរ ។ នៅមុនពេលកើតហេតុគេឃើញរថយន្ដចំនួន៣គ្រឿងដែលជិះក្នុងនោះសុទ្ធសឹង ជាសិស្ស សាលា បានបើកប្រដេញគ្នាយ៉ាងសប្បាយដែលខ្លះអះអាងថា ប្រណាំងគ្នាតាមផ្លូវលេខ២០៤ ក្នុងទិសដៅពីលិចទៅកើត ។ ខណៈនោះគេឃើញរថយន្ដទាំង៣គ្រឿងបើកក្នុងល្បឿន ដែលរថយន្ដម៉ាកកាមរីពណ៌ត្រីឆ្លូញ ពាក់ស្លាក លេខភ្នំពេញ 2M-8315 បានបើកទន្ទឹមគ្នានឹងរថយន្ដមែរសឺដេសពណ៌ប្រផេះពាក់ស្លាកលេខ ភ្នំពេញ 2C-7559 ។ ចំណែករថយន្ដកាមរី ពណ៌ខ្មៅមួយគ្រឿងទៀតដេញប្រកិតតាមពីក្រោយ ។
តាមសាក្សីបន្ដទៀតថា នៅពេលធ្វើដំណើរ មកដល់ចំណុចខាងលើ រថយន្ដមែរសឺដេសបាន ខោកប៉ះរថយន្ដកាមរីស៊េរី២០០២ ពណ៌ត្រីឆ្លូញ ហើយរថយន្ដកាមរីបានរេចង្កូតទៅខាងស្ដាំដៃ ឡើងចិញ្ចើមផ្លូវកន្លែងលក់ទឹកអំពៅ និងបុក ចូលទៅលំនៅឋានលេខ២៦ពេញទំហឹង រហូតទៅជាប់នឹងជញ្ជាំងទើបទៅមុខលែងរួច។ បន្ទាប់ពីមានគ្រោះថ្នាក់នេះ គេឃើញក្មេង ស្រីម្នាក់ជាអ្នកបើកបររួមទាំងមិត្ដភក្ដិចំនួន ២នាក់ទៀតស្លៀកពាក់ឯកសណ្ឋានសិស្ស សាលាឯកជន បានចេញពីក្នុងរថយន្ដទាំងមុខ ស្លេកស្លាំងដោយអ្នកបើកបរបានរងរបួសផងដែរ។ តាមព័ត៌មានឱ្យដឹងថា ក្មេងស្រីជាអ្នកបើកបរត្រូវគេប្រាប់ថា ឈ្មោះចេង សោភា អាយុ១៧ឆ្នាំ ជាសិស្សសាលា ELT ។ នៅព្រឹក នោះដែរមិត្ដភក្ដិរបស់អ្នកបើកបរក៏បានចេញ មុខមកដោះស្រាយសងអស់ចំនួន៣០០ដុល្លារ ដល់ការខូចខាតទាំងអស់ ៕
Category:Chess clubs in Australia
-
top: added CatAutoTOC
← Previous revision Revision as of 23:17, 21 December 2024
Line 2: Line 2:
[[Category:Chess in Australia]]
[[Category:Chess in Aus...
2 hours ago
No comments:
Post a Comment