តារាចំរៀង និង​តារា​សម្ដែង​ដើរ​លេង​យប់​បើក​ទ្បាន​បុក​របាំង​ចែកផ្លូវ

ដោយ ៖ កោះជ័យ កោះសន្តិភាព
រាជធានី​ភ្នំពេញ ៖ រថយន្ដ​ឡិច​ស៊ី​ស ប្រភេទ​៤៧០ ពណ៌​ខ្មៅ គ្មាន​ស្លាក​លេខ​មួយគ្រឿង ដែល​ត្រូវ​បាន​គេ​អះអាង​ថា មាន​តារាចំរៀង និង​តារា​សម្ដែង​ស្រី​ៗ​ល្បីឈ្មោះ​ជិះ​ក្នុងនោះ​៣​នាក់ បាន​បោល​ទៅ​បុក​របាំង​ចែកផ្លូវ និង​គង​ជាប់​លើ​របាំង​ទៅ​មុខ​លែង​រួច កាលពីវេលា​ម៉ោង​ប្រហែល​១​និង​៣០​នាទី​រំលងអធ្រាត្រ​ថ្ងៃ​ទី​២៥ មីនា នៅ​ចំណុច​មុខ​វត្ដមហាមន្ដ្រី មហាវិថី​ព្រះ​សីហ​នុ សង្កាត់​វាលវង់ ខណ្ឌ​៧​មក​រា ។

ហេតុការណ៍​បុក​កើតឡើង​ភ្លាម អ្នក​ធ្វើដំណើរ​ពេល​រាត្រី​បាន​ចូល​ទៅ​ចោមរោម​មើលភ្លាម​ឃើញ​ថា រថយន្ដ​ឡិច​ស៊ី​ស​នោះ​មាន​ផ្ទុះពោង​សុវត្ថិភាព ហើយ​នារី​៣​នាក់​ដែល​ជាតារាចំរៀង និង​តារា​សម្ដែង​ល្បីឈ្មោះ​បានបើកទ្វារ​ចុះ​ចេញ​ទាំង​ភិតភ័យ ដោយ​មិនមាន​រង​របួស​អ្វី​ទេ។