រថយន្ដ​ទ្បិ​ច​ស៊ី​ស​470 និង​ទួ​រី​ស​ហក់​ត្របាក់​គ្នា​របួស​ជិត​២០​នាក់

(កោះឯករាជ្យ)
កោះសន្តិភាព
រាជធានី​ភ្នំពេញ ៖ មនុស្ស​ប្រមាណ​២០នាក់ ដែល​គេ​ដឹង​ថាជា​កម្មករ​-​កម្មការិនី​ធ្វើដំណើរ​ទាំង​យប់​វិល​ត្រឡប់​ទៅ​ កាន់​ការងារនៅ​ឯ​រោងចក្រ​វិញ រង​របួសធ្ងន់ និង​ស្រាល ខណៈ​ជួប​គ្រោះថ្នាក់​ចរាចរ​រថយន្ដ​បុក​គ្នា
លាន់​កក្រើក​រាត្រី​នៅ​លើ​ មហាវិថី​ព្រះ​មុនី​វង្ស កែង​ផ្លូវ​លេខ​២១៤ សង្កាត់​បឹង​ព្រលឹត ខណ្ឌ​៧មក​រា។ យោង​តាម​ប្រភព​ព័ត៌មាន​ពី​កន្លែង​កើតហេតុ​បានឱ្យ​ដឹង​ថា រថយន្ដ​ដឹក​កម្មករ​-​កម្មការិនី​ប្រមាណ​២០​នាក់ ម៉ាក​ហ៊ី​យ៉ា​ន់​ដាយ ប្រភេទ​ទួ​រី​ស បាន​វិល​ត្រឡប់​មក​ពី​ស៊ី​ការ​គេនៅ​ខេត្ដកំពង់ធំ​វិញ ហើយ​ធ្វើ​ដំណើរ​ឆ្ពោះទៅ​កាន់​រោងចក្រ​កាត់ដេរ​យ៉ុ​ង​វ៉ា ក្រុង​តា​ខ្មៅ កាលពី​វេលា​ម៉ោង​២​និង​៣០​នាទី​រំលងអធ្រាត្រ​ថ្ងៃ​ទី​២៦កុម្ភៈ មក​ដល់​ចំណុច​កើតហេតុ ក៏​វាក់​នឹងរ​ថយ​ន្ដឡិច​ស៊ី​ស​ប្រភេទ ៤៧០ ពណ៌​ស្ករ បុក​គ្នា​លាន់​កក្រើក​រាត្រី បណ្ដាល​ឱ្យ​កម្មករ​-​កម្មការិនី​ប្រមាណ​២០នាក់​នោះ​រង​របួសធ្ងន់និង​ស្រាល។ រថយន្ដ​ហ៊ី​យ៉ា​ន់​ដាយ​គេ​ឃើញ​ក្រពឹត​ខ្លាំងក្លា​ចំហៀង​ខាងស្ដាំ ចំណែក​រថយន្ដ​ឡិច​ស៊ី​ស ក្រពឹត​មុខ​ខ្ទេច ផ្ទុះ​ពោង​ការពារ គេ​មិន​បានស្គាល់​អត្ដសញ្ញាណ​ម្ចាស់​រថយន្ដ​ឡិច​ស៊ី​សនោះ​ទេ ហើយ​ក៏​មិនដឹង​ថារង​របួស ឬ​យ៉ាងណា​នោះ​ដែរ ព្រោះ​បាន​គេចខ្លួន​បាត់។