បុរស​ម្នាក់​ស្លាប់ ដោយសារ​ជិះ​ម៉ូតូ​បុក​រថយន្ត​ចត​ស្ងៀម

CEn News
សិរីសោភ័ណ​-​បន្ទាយមានជ័យ: បុរស​ម្នាក់​បាន​ស្លាប់​ភ្លាមៗ​នៅ​កន្លែងកើតហេតុ បន្ទាប់​ពី​ជិះ​ម៉ូតូ​ទៅ​បុក​រថយន្ត​ចត​ស្ងៀម កាលពី​យប់​ថ្ងៃ​ទី​១៩ កក្កដា ២០១០ នៅ​ចំណុច​ភូមិ​១ សង្កាត់​ព្រះ​ព​ន្លា ក្រុង​សិរីសោភ័ណ ។​
​
​សមត្ថកិច្ច​បានឲ្យដឹងថា ជនរងគ្រោះ​មានឈ្មោះ ពេជ្រ ផៃ អាយុ​ ៥២​ឆ្នាំ មុខរបរ អ្នក​ចំការ រស់នៅ​ភូមិ​គោក​ព្នៅ ឃុំ​បន្ទាយ​នាង ស្រុក​មង្គលបុរី ។​
​
​សាក្សី​នៅ​កន្លែងកើតហេតុ​ឲ្យដឹង​ថា ជនរងគ្រោះ​បាន​ត្រឡប់​ពី​ចាំចំការ​ទៅផ្ទះ បើកបរ​ម៉ូតូ​ពី​លិច​ទៅ​កើត ក្នុង​ល្បឿន​លឿន លុះ​មកដល់​កន្លែងកើតហេតុ​មាន​រថយន្ត​មួយ​ធំ ចត​ស្ងៀម ក៏​បុក​ពីក្រោយ​ពេញទំហឹង បណ្តាលឲ្យ​ស្លាប់​ភ្លាមៗ នៅ​កន្លែងកើតហេតុ ។​
​
​គ្រោះថ្នាក់​នេះ​បង្កឡើង​ដោយ​រថយន្ត ចត​លើ​ថ្នល់​មិន​ដាក់​សញ្ញា ឬ​ភ្លើង​ព្រមាន​គ្រោះថ្នាក់ ៕