កោះសន្តិភាព
ដោយ ៖ កោះឯករាជ្យ
រាជធានីភ្នំពេញ ៖ បុរសម្នាក់បានស្លាប់បាត់បង់ជីវិតនៅនឹងកន្លែងដោយសារតែរថយន្ដដឹក ទឹកត្រីរបស់ក្រុមហ៊ុនង៉ូវហេង បុកនឹងកិនខណៈបុរសនេះជិះម៉ូតូវ៉ារថយន្ដខាងលើ ហើយគេចរណ្ដៅ ក៏ជ្រុលទៅបុកជាមួយម៉ូតូមួយគ្រឿងផ្សេងទៀត បណ្ដាលឱ្យដួលខ្ទាតទៅកណ្ដាលថ្នល់ ហើយក៏ត្រូវរថយន្ដ នោះបុក និងកិនស្លាប់តែម្ដង ។ ឧប្បត្ដិហេតុគ្រោះថ្នាក់ចរាចរនេះកើតឡើងកាលពីវេលា ម៉ោង៦និង៤០នាទីព្រឹកថ្ងៃទី១៧ មិថុនា ឆ្នាំ ២០១០ នៅលើកំណាត់ផ្លូវព្រៃ.ស ត្រង់ចំណុចជិតវត្ដអង្គមេត្រី ភូមិព្រៃ.សខាងលិច សង្កាត់ព្រៃ.ស ខណ្ឌដង្កោ រាជធានីភ្នំពេញ ។
រថយន្ដដែលកិនមនុស្សស្លាប់នេះ ម៉ាកហ៊ីយ៉ាន់ដាយ ពណ៌សលាយក្រហម ពាក់ស្លាក លេខកំពត ៣A-០១៥៣ បើកបរដាយបុរសមិន ស្គាល់ឈ្មោះម្នាក់ជិះរថយន្ដដឹកទឹកត្រីរបស់ ក្រុមហ៊ុនផលិតទឹកត្រីង៉ូវហេង នៅខេត្ដកំពត។ ចំណែកឯម៉ូតូរងគ្រោះម៉ាកហុងដា C១២៥ ស៊េរីឆ្នាំ២០០៦ ពាក់ស្លាកលេខ ភ្នំពេញ ១M-៧៨៦៨ បើកបរដោយបុរសដែលស្លាប់ ឈ្មោះស៊ុន សាវ៉ន អាយុ២៧ឆ្នាំ មានទីលំនៅ ក្នុងភូមិព្រៃវែង ខាងកើត សង្កាត់ព្រៃវែង ខណ្ឌដង្កោ មុខរបរជាងម៉ាស៊ីន និងអ្នករួម ដំណើរម្នាក់ទៀតឈ្មោះអ៊ឹម ប៉េងលី ភេទប្រុស អាយុ១៩ឆ្នាំ ត្រូវជាប្អូនថ្លៃរងរបួសបាក់ដៃខាងឆ្វេង ។
No comments:
Post a Comment