 |
រូបអាវស បែរខ្នងជាស្នងការរងខេត្ដបាត់ដំបងនិងប្រពន្ធរស្លៀករ៉ូបក្រហម បុរសពាក់អាវខ្មៅជាមេបញ្ជាការរងអាវុធហត្ថស្រុកកៀនស្វាយ |
ឧ ប្បត្ដិហេតុគ្រោះថ្នាក់ ចរាចរតូចតាចមួយ ប៉ុន្ដែបានបង្កើតឱ្យ មានភាពភ្ញាក់ផ្អើលដល់សមត្ថកិច្ចស្រុក កៀនស្វាយស្មានថាជាគ្រោះថ្នាក់ធំដុំ ធ្វើឱ្យ សមត្ថកិច្ចស្រុកប្រកូកប្រកាសស្ទាក់ចាប់ បង្ក្រាបដូចករណីបង្ក្រាបបទល្មើសធំៗ អ៊ីចឹង។
ហេតុការណ៍ ភ្ញាក់ផ្អើល ដែលផ្ដើមចេញ ពីគ្រោះថ្នាក់ចរាចរតូចតាចនេះ បានកើត ឡើងកាលពីយប់ថ្ងៃទី ១៧ ខែសីហា ឆ្នាំ ២០០៩ វេលាម៉ោង ២១ និង ៣០នាទីលើ ផ្លូវជាតិលេខ ១ ស្ថិតក្នុងភូមិដីឥដ្ឋកោះផុស ឃុំដីឥដ្ឋ ស្រុកកៀនស្វាយ ខេត្ដកណ្ដាល។ ក្នុងហេតុការណ៍នេះ ធ្វើឱ្យសមត្ថកិច្ចនគរ បាលស្រុកកៀនស្វាយ ដែលឈរជើងតាម បណ្ដោយផ្លូវជាតិលេខ១ ដាក់កម្លាំងស្ទាក់ ចាប់រថយន្ដ មិនតែប៉ុណ្ណោះក៏ធ្វើឱ្យប្រជា ពលរដ្ឋនៅចំណុចភូមិឃុំកើតហេតុខាងលើមានការហួសចិត្ដ ចំពោះឧប្បត្ដិហេតុរថយន្ដ ២ គ្រឿងប៉ះគ្នា ដែលម្ខាងមានតួនាទីជា ស្នងការរងនគរបាល ខេត្ដបាត់ដំបង និង ម្ខាងទៀតជាមេបញ្ជាការរងកងរាជអាវុធ ហត្ថស្រុកបារាយណ៍ ខេត្ដកំពង់ធំ។ រថយន្ដ ទាំងពីរគ្រឿងដែលប៉ះគ្នាខូចខាតបន្ដិចបន្ដួច នេះ មួយគ្រឿងម៉ាក កាមរី ពណ៌ ស គូថប៉ោង ចង្កូតស្ដាំ ពាក់ស្លាកលេខ នគរ បាល ២-០៦៦២ ជិះគ្នាពីរនាក់ប្ដីប្រពន្ធ រួមនឹងកូនស្រី បើកបរដោយលោក ម៉ែន រិទ្ធី មុខងារជាស្នងការរងនគរបាលខេត្ដ បាត់ដំបងមករៀន នៅសាលាបណ្ឌិតសភា នគរបាលកម្ពុជាដីឥដ្ឋ។ ចំណែករថយន្ដ ១ គ្រឿងទៀតម៉ាក CHEVROLET PICK- UP ពាក់ស្លាកលេខ ភ្នំពេញ ២្ញ ៦៩៧៩ ជិះគ្នា ២ នាក់ ប្រុសម្នាក់ ស្រីម្នាក់ បើកបរ ដោយឈ្មោះ សន សំនៀង អាយុ ២៨ ឆ្នាំ មានឋានៈជាមេបញ្ជាការរងកងរាជអាវុធ ហត្ថស្រុកបារាយណ៍ ខេត្ដកំពង់ធំ។
ដំណើររឿង ដែលកើតចេញពីិរថយន្ដ ប៉ះគ្នាខូចខាតបន្ដិចបន្ដួច ហើយបង្កើតការ ភ្ញាក់ផ្អើលដល់សមត្ថកិច្ចនេះ ប្រភពពី នគរបាលចរាចរណ៍ស្រុកបានឱ្យដឹងថា នៅ មុនពេលសមត្ថកិច្ចនគរបាល ប៉ុស្ដិ៍រួមនឹង អាជ្ញាធរភូមិឃុំដីឥដ្ឋ ដែលប្រចាំការបាន ធ្វើសកម្មភាពស្ទាក់ចាប់បានរថយន្ដកាមរី មួយគ្រឿង ដែលបើកបរដោយលោកស្នង ការរងខេត្ដជាមួយនឹងភរិយា គឺដើមហេតុ ដំបូងផ្ដើមចេញពីរថយន្ដទាំងពីរគ្រឿង បានប៉ះគ្នានៅពេទ្យចិនរាជធានីភ្នំពេញ ហើយក៏មានការប្រកែកគ្នារវាងលោកស្នងការរងជាមួយនឹងមេបញ្ជាការរងអាវុធ ហត្ថស្រុកវ័យក្មេង ។ ក្រោយមករថយន្ដ របស់លោកស្នងការរងក៏បើកទៅស្រុកកៀនស្វាយ ដែលជាកន្លែងលោកជួលស្នាក់នៅ សម្រាប់រៀនសូត្រ។ ពេលនោះលោកមេ បញ្ជាការរងអាវុធហត្ថ ដែលជិះរថយន្ដ ទំនើបបានដេញតាមពីក្រោយ ហើយទូរស័ព្ទ ខ្វាត់ខ្វែងឱ្យសមត្ថកិច្ចមូលដ្ឋានជួយអន្ដរា គមន៍ ទើបឃាត់ចាប់បាននៅចំណុចភូមិឃុំ ខាងលើ។
ក្រោយពី ឃាត់បានហើយ លោកមេ បញ្ជាការរងអាវុធហត្ថវ័យក្មេងរូបនោះ បានទៅដល់ ហើយប្រើប្រាស់ពាក្យសម្ដីពុំ សមរម្យនៅក្នុងហ្វូងមហាជន ដែលឈរ មើលសកម្មភាពនៃ ការស្ទាក់ចាប់នេះ។ ដោយទ្រាំមិនបាន លោកស្នងការរងខេត្ដ ក៏បានតបតពាក្យសម្ដីវិញ បង្កើនឱ្យមាន ការប្រកែកតឹងសរសៃក។ ពេលនោះលោក មេបញ្ជាការរងអាវុធហត្ថស្រុក បានស្រែក នៅក្នុងចំណោមប្រជាពលរដ្ឋ ដែលឈរ មើលហេតុការណ៍នេះថា ខ្ញុំជាក្មួយរបស់ ឯកឧត្ដម ហ៊ុន សាន។ សម្ដីនេះត្រូវបាន ប្រជាពលរដ្ឋ រួមនឹងអាជ្ញាធរសមត្ថកិច្ចធ្វើ ការរិះគន់ ដោយសារ ករណីគ្រោះថ្នាក់ខូច ខាតបន្ដិចបន្ដួច បែរជាយកឈ្មោះមន្ដ្រីជាន់ ខ្ពស់មកប្រើគំរាម មិនព្រមយកច្បាប់មក ធ្វើការដោះស្រាយឡើយ ហើយលោកមេ បញ្ជាការរងរូបនេះ ថែមទាំងបានបញ្ចេញ នូវចរិតក្រអឺតក្រទម ចង់បញ្ជាមកលើ សមត្ថកិច្ចមូលដ្ឋានថែមទៀត។
ពាក់ព័ន្ធ ទៅនឹងជម្លោះផ្ដើមចេញពី រថយន្ដប៉ះពាល់បន្ដិចបន្ដួចនេះ លោក ម៉ែន រិទ្ធី ស្នងការរងនគរបាលខេត្ដបាត់ដំបងនិង ជាអ្នកបើកបររថយន្ដម៉ាក កាមរី បានឱ្យ ដឹងនៅកន្លែងកើតហេតុថា មុនជួបហេតុ ការណ៍នេះ គឺលោកបានបើកបររថយន្ដមក ដល់ពេទ្យចិន ដោយរថយន្ដរបស់លោក បើកពីក្រោយ ហើយរថយន្ដរបស់លោក មេបញ្ជាការរងប៉េអឹមបើកពីមុខ ពេល នោះក៏មក កៀរចំកង់ខាងមុខ ហើយរថយន្ដ របស់លោកមេបញ្ជាការរងមិនបានឈប់ ដើម្បីដោះស្រាយឡើយ។ ឃើញដូច្នោះ លោកក៏បើកដេញស្ទាក់ចំនួន ៣ ដង ចុង ក្រោយស្ទាក់បាន តែត្រូវ លោក មេបញ្ជាការ រងវ័យក្មេងចុះមកចង្អុលមុខលោកហើយថតរូបថែមទៀត។ ដោយទ្រាំនូវចរិតបែប មើលងាយមិនបាន ពេលនោះប្រពន្ធរបស់ លោកខឹងពេកក៏ទះមួយកំភ្លៀង បណ្ដាល ឱ្យលោកមេបញ្ជាការរងឈាមច្រមុះ ក្រោយ មកលោកក៏បើករថយន្ដសំដៅមកសាលា ហើយក៏ត្រូវខាងលោកមេបញ្ជាការរង ដេញតាមពីក្រោយ រហូតមកដល់ចំណុច អាជ្ញាធរសមត្ថកិច្ច ដាក់បារ៉ាសស្ទាក់ឃាត់។
ក្រោយ កើតហេតុរថយន្ដទាំងពីរគ្រឿង ត្រូវបានយកមករក្សាទុកនៅអធិការដ្ឋាន នគរបាលស្រុកកៀនស្វាយ ដើម្បីឱ្យម្ចាស់ ករណី ដែលជាកន្លែងកើតហេតុនៅក្នុង ខណ្ឌចំការមនទៅទទួលយក មកធ្វើការដោះ ស្រាយ។
No comments:
Post a Comment