ដោយ : សុពិសិដ្ឋ (ថ្ងៃទី 26 កញ្ញា 2009)
ភ្នំពេញ: បង្គោលធ្វើអំពីថ្មដែលជាបង្គោលភ្លើងចំនួនពីរដើមនៅសងខាងផ្លូវ ព្រះមុនីវង្សទល់មុខភោជនីយដ្ឋានបុទុមសមុទ្រ ស្ថិតនៅក្បែរមន្ទីរពេទ្យកាល់ម៉ែត ក្នុងសង្កាត់ស្រះចក ខណ្ឌដូនពេញ បានបាក់៣កំណាត់មួយដើម និងមួយដើមទៀតទ្រេតចង់ដល់ដី ដោយសាររថយន្តដឹកទំនិញធំៗពីរគ្រឿង ផ្ទុកលើសចំណុះសំពីងសំពោង ឆ្លងកាត់ទាក់ខ្សែកាបអូសបំបាក់បង្គោល ភ្លើងនេះកាលពីវេលាម៉ោង ៤ ទៀបភ្លឺ ថ្ងៃទី២៥ ខែកញ្ញា ឆ្នាំ២០០៩ ។
រថយន្តដឹកទំនិញពីរគ្រឿងដែលជាដើមហេតុទាក់ខ្សែកាបបំបាក់បង្គោល ភ្លើងខាងលើនេះ បានបន្តដំណើរទៅមុខគេចបាត់ស្រមោលដោយសុវត្ថិភាព ដោយពុំមានសមត្ថកិច្ចណាមួយដេញ តាមចាប់ឃាត់ទុកឲ្យសងការខូចខាតទ្រព្យសម្បត្តិសាធារណៈនេះឡើយ ។
សាក្សីនិយាយថា មុនពេលកើតហេតុ គេបានឃើញរថយន្តដឹកទំនិញធុនធំមួយគ្រឿងដឹកទំនិញសំពីងសំពោងលើស ចំណុះ ធ្វើដំណើរពីរង្វង់មូលស្តាតចាស់មកបណ្តោយឲ្យផ្លូវព្រះមុនីវង្ស ក្នុងទិសដៅពីជើងទៅត្បូង ។
ពេលមកដល់ចំណុចកើតហេតុខាងលើ រថយន្តនោះបានទាក់ខ្សែកាប នៅកាត់ទទឹងផ្លូវបណ្តាលឲ្យបង្គោលភ្លើងនៅសងខាងផ្លូងរាងទ្រេត បន្តិច ហើយរថយន្តដឹកទំនិញនោះបានបន្ត ដំណើរទៅមុខទៀត ដោយជ្រុះប៊ីដុងជ័រចំនួនពីរនៅកណ្តាលថ្នល់ ។
មួយសន្ទុះក្រោយមក ក៏មានរថយន្តដឹកទំនិញសំពីងសំពោងដូចគ្នាមួយទៀត មកដល់ក៏ទាក់ខ្សែកាបបន្ថែមទៀត បណ្តាលឲ្យខ្សែកាបធ្លាក់មកទើរលើរថយន្ត រីឯបង្គោលភ្លើងទាំងសង ខាងបាក់មួយដើម និងរំលំទ្រេតមួយដើម ។
ភ្លាមនោះគេបានឃើញព្រូឡានបាននាំគ្នាខំប្រឹងព្យាយាមលើកខ្សែកាប ចេញពីរថយន្ត ទម្លាក់មកផ្លូវថ្នល់ ហើយបន្តដំណើរទៅមុខបាត់ស្រមោលទៅ ។ រថយន្តដឹកទំនិញទាំងពីរគ្រឿងខាងលើនេះ សុទ្ធតែរថយន្តមានស្លាកលេខត្រឹមត្រូវ ប៉ុន្តែអ្នកដែលឃើញហេតុការណ៍ ពុំបានចាប់អារម្មណ៍កត់ស្លាកលេខរថយន្តនោះទុកទេ ។
សាក្សីបញ្ជាក់ថា បើចង់ដឹងថារថយន្តដឹកទំនិញពីរគ្រឿងនោះពាក់ស្លាកលេខប៉ុន្មាន ឬក៏ជារថយន្តរបស់ក្រុមហ៊ុនណាមួយនោះ មិនពិបាករកទេ ព្រោះប៉ូលិសចរាចរណ៍ដែលឈរជើង នៅរង្វង់មូលស្តាតចាស់ស្គាល់ច្បាស់លាស់ ព្រោះរាល់ពេលរថយន្តដឹកទំនិញទាំងអស់នេះមកដល់ គឺត្រូវឈប់បង់ថ្លៃគុយទាវកាហ្វេ ឲ្យប៉ូលិសឈរជើងនៅទីនោះ ហើយទើបបន្តដំណើរមកមុខទៀត ៕
ប៉ូលិសចរាចរ ខេត្តបានឱ្យដឹងថា បន្ទាប់ពីមានគ្រោះថ្នាក់ចរាចរនេះកើតឡើងបណ្ដាលឱ្យមនុស្ស ស្លាប់២នាក់ភ្លាមៗ អ្នកបើកបររថយន្តដែលចតឈប់បាននាំគ្នារត់គេចខ្លួនអស់។ ដោយឡែកសពអ្នកស្លាប់ជាប់នឹងកាប៊ីនរថយន្តត្រូវបានកម្លាំងសមត្ថកិច្ច និងក្រុមគ្រួសារជនរងគ្រោះរួមជាមួយអ្នកនៅជិតកន្លែងកើតហេតុជួយគាស់ យកសពប្រើពេលជាង៤ម៉ោងទើបយកចេញបានដើម្បីប្រគល់ជូនក្រុមគ្រួសារ រងគ្រោះទាំងតៃកុងនិងព្រូដឹកយកទៅធ្វើបុណ្យ។ រថយន្តទាំង២បានយកមករក្សាទុកនៅអធិការដ្ឋាននគរបាលចរាចរជើងគោគខេត្ត ដើម្បីដោះស្រាយគ្នាជាក្រោយ៕ លានគ្រន 
