ដោយ : សេរី
CEN News
ភ្នំពេញ: ក្រសួងសាធារណការ និងដឹកជញ្ជូនមានផែនការគ្រប់គ្រងអ្នកបើកបររថយន្ត (ក្រុង) ដឹកជញ្ជូនអ្នកដំណើរ ដើម្បីអោយធានាបាននូវសុវត្ថិភាពដល់អ្នកដំណើរ ។ ការបង្កើតគម្រោងការនេះ ត្រូវបានគេធ្វើឡើងបន្ទាប់ពីមានរថយន្តដឹកអ្នកដំណើរមួយចំនួន បានជួបគ្រោះថ្នាក់ចរាចរជាបន្តបន្ទាប់ ដោយសារតែការបើកបរខ្វះការប្រុងប្រយ័ត្នរួចមក ។
លោក កែវ សាវិន ប្រធាននាយកដ្ឋានដឹកជញ្ជូននៃក្រសួងសាធារណការ បាននិយាយនៅថ្ងៃទី១៤ តុលាថា ដោយសព្វថ្ងៃចំនួនរថយន្ត(ក្រុង) ដឹកជញ្ជូនអ្នកដំណើរកាន់តែមានចំនួនច្រើនឡើង ហើយរថយន្តទាំងនោះ កន្លងទៅនេះបានជួបនឹងគ្រោះថ្នាក់ចរាចរជាញឹកញាប់ ដោយសារអ្នកបើកបរមួយចំនួន មានការធ្វេសប្រហែស និងខ្លះមានអត្តចរិកមិនសមរម្យជាអ្នកបើកបររថយន្តក្រុង ដែលមានអ្នកជិះរួមដំណើរជាមួយ មានចំនួនរហូតដល់ពី ៣០ ទៅ ៤០ នាក់ ។
ប្រភពខាងលើបានបន្តថា អ្នកបើកបរថយន្តដឹកជញ្ជូនអ្នកដំណើរ នឹងត្រូវបានធ្វើការគ្រប់គ្រងដោយអនុក្រឹត្យ ដែលពេលនេះអនុក្រឹត្យនោះកំពុងតែរៀបចំ ។ នៅពេលខាងមុខរថយន្តដឹកជញ្ជូនអ្នកដំណើរ ១ គ្រឿង ត្រូវមានអ្នកបើកបរ ២ នាក់ ដោយត្រូវផ្លាស់ប្តូរវេណគ្នាបើកបរក្នុងចម្ងាយ ១៥០ គីឡូម៉ែត្រម្តង ។ អ្នកបើកបរត្រូវមានការទទួលខុសត្រូវខ្ពស់ មានវិន័យត្រឹមត្រូវ មានឯកសណ្ឋានច្បាស់លាស់ដូចជា អ្នកបើកបរយន្តហោះ និងកប៉ាល់មិនមែនបើកបរដូចជា អ្នកបើករថយន្តប្រណាំងនោះឡើយ ។
ក្រុមហ៊ុនមានរថយន្តដឹកជញ្ជូនអ្នកដំណើរស្របច្បាប់សព្វថ្ងៃនេះ ត្រូវបានប្រភពខាងលើបញ្ជាក់ថា មានចំនួន ១០ ក្រុមហ៊ុន និងមានរថយន្តចំនួនដល់រាប់រយគ្រឿង ។ រថយន្តដឹកជញ្ជូនអ្នកដំណើរសព្វថ្ងៃនេះ បើប្រៀបធៀបទៅនឹងរយៈពេលប៉ុន្មានឆ្នាំមុនឃើញមានការរីកចម្រើនច្រើន ជារថយន្តទំនើបសម្រាប់បើកបរលើផ្លូវឆ្ងាយ ហើយអ្នកធ្វើដំណើរតាមរថយន្តទាំងនោះ ភាគច្រើនជាភ្ញៀវទេសចរណ៍ជាតិ និងអន្តរជាតិ ។
គួរនិយាយអោយដឹងថា រថយន្តដឹកជញ្ជូនអ្នកដំណើរកាលពីមុននេះ ត្រូវបានគេធ្វើការរិះគន់ច្រើនទៅលើអ្នកបើកបរមួយចំនួន ដោយសារតែខ្វះសុជីវធម៌ជាមួយអ្នកដំណើរ ការបើកបរមិនគិតពីសុវត្ថិភាពរបស់អ្នកដំណើរ ធ្វើអោយអ្នកដំណើរខ្លះបានសុំចុះនៅពាក់កណ្តាលផ្លូវក៏មាន ។ រថយន្តដឹកជញ្ជូនអ្នកដំណើរខ្លះអាងតែក្រុមហ៊ុនរបស់ខ្លួន មានបង់ការធានារាប់រង គឺគេបើកបរបង្កអោយមានគ្រោះថ្នាក់ច្រើនដល់យានយន្តដទៃ ដោយភ្លេចគិតដល់អ្នករួមដំណើរជាមួយទាំងស្រុងក៏មាន ។
លោក តូច ចាន់កុសល រដ្ឋលេខាធិការក្រសួងសាធារណការ និងដឹកជញ្ជូនបាននិយាយបាននិយាយដោយទទួលស្គាល់ នៅថ្ងៃទី១៤ តុលា ឆ្នាំ២០០៩ នេះថា រថយន្តក្រុងសព្វថ្ងៃនេះមានចំនួនកាន់តែច្រើន ហើយក្រសួងកំពុងរៀបចំច្បាប់ ដើម្បីធ្វើការគ្រប់គ្រងពួកគេ ដើម្បីឲ្យការបើកបររបស់ពយកគេធានាបាននូវសុវត្ថិភាព និងផាសុខភាពរបស់អ្នកដំណើរ ៕
The Drop (web series)
-
Episodes
← Previous revision Revision as of 02:10, 27 April 2024
Line 7: Line 7:
== Episodes ==
== Episodes ==
=== Season 1 (2023) ===
{{Episode table...
27 minutes ago
No comments:
Post a Comment