នារី ២ នាក់ បើករថយន្ត​បុក​សា្លក​ឈ្មោះ​ផ្លូវ និង​បង្គោល​ភ្លើង​បំភ្លឺ​ផ្លូវ​

CEN News
ដោយ : សុ​ពិសិដ្ឋ​
​ភ្នំពេញ​: នារី ២ នាក់​ទំនងជា​មិនសូវ​ពូកែ​ខាង​ដៃចង្កូត បាន​បើករថយន្ត COROLLA បុក​សា្លក​ឈ្មោះ​ផ្លូវ​ធ្វើ​អំពី​ថ្ម រួច​ជ្រុល​បុក​បង្គោល​ភ្លើង​បំភ្លឺ​ផ្លូវ បណ្តាលឲ្យ​រថយន្ត​ខូចខាត​យ៉ាង​ដំណំ និង​ស្លាក​ឈ្មោះ​ផ្លូវបែក​បាត់​ខ្ទេចខ្ទី ប៉ុន្តែ​សំណាងល្អ នារី​ទាំង ២ នាក់​គ្រាន់តែ​រងរបួស​ស្រាល​ប៉ុណ្ណោះ ។​

​ ហេតុការណ៍​គ្រោះថ្នាក់​ខាងលើ កើតឡើង​កាលពី​វេលា​ម៉ោង ២ រំលងអធ្រាត្រ​ថ្ងៃ​ទី ២០ វិ​ចិ្ឆ​កានេះ នៅ​លើ​មហាវិថី​មហា​សេនាប្រមុខ​គីម អ៊ី​ល​ស៊ុង កែង​មហាវិថី​សហព័ន្ធរុស្ស៊ី ស្ថិតក្នុង​សង្កាត់​ទឹកល្អក់​១ ខណ្ឌ​ទួលគោក ។​