ម៉ូតូ​បុក​ជាមួយ​ម៉ូតូ ស្លាប់​បុរស​ចំណាស់​ម្នាក់

ដោយ : បាយ័ន​ (ថ្ងៃទី 27 មេសា 2009)



សៀមរាប​: លោកតា​អាយុ 60​ឆ្នាំ​ប្លាយ​ម្នាក់​បាន​បាត់បង់​ជីវិត​ក្រោយពី​បញ្ជូន​មក​សង្គ្រោះ​នៅ​ មន្ទី​ពេទ្យ ។ ក្រោយពី​គ្រោះថ្នាក់​ចរាចរ​រវាង​ម៉ូតូ​និង​ម៉ូតូ ។​

​ ហេតុការណ៍​គ្រោះថ្នាក់​ចរាចរ​ខាងលើ​បាន​កើតឡើង​នៅ​បណ្តោយ​ផ្លូវជាតិ​លេខ 6 ក្នុងភូមិ ចុង​កៅស៊ូ សង្កាត់​ស្លក្រាម ក្រុង​សៀមរាប វេលា​ម៉ោង 8 និង 35 នាទី ថ្ងៃទី​26 ខែ​មេសា ។​

​ សាក្សី​នៅ​កន្លែងកើតហេតុ​បាន​ប្រាប់​សមត្ថកិច្ច​ចរាច​រថា មុនពេល​កើតហេតុ លោកតា​ដែល​ជិះ​ម៉ូតូ CUP បើកបរ​ពី​ទិស​កើត​ទៅ​លិច ហើយ​ភាគី​ម្ខាង​ទៀត​ម៉ូតូ​ជិះ​គ្នា ៣​នាក់ ជិះ​ពី​លិច​ទៅ​កើត ហើយ​ក៏​បុក​គ្នា​យ៉ាង​ពេញទំហឹង​នៅ​កណ្តាល​ផ្លូវថ្នល់​តែម្តង ។​

​ នៅ​ថ្ងៃ​ទី​២៧ ខែ​មេសា នេះ​សមត្ថកិច្ច​បាន​បញ្ជាក់ថា ករណី​គ្រោះថ្នាក់​ចរាចរ​នេះ​មិន​ដឹង​ថា​ភាគី​ខាង​ណា​ជា​អ្នក​ខុស ប៉ុន្តែ​ម៉ូតូ​ទាំង​ពីរ​គ្រឿង​បាន​ត្រូវ​សមត្ថកិច្ច​នាំយក​មក​ទុក​នៅ​ ស្នងការ​ដើម្បី​ធ្វើ​ការដោះស្រាយ ៕