ជម្រុញឲ្យមានការអនុវត្ដច្បាប់ចរាចរណ៍ផ្លូវគោកឲ្យកាន់តែមានប្រសិទ្ធិភាពនៅកម្ពុជា

រាជធានីភ្នំពេញៈ កាលពីព្រឹកថ្ងៃទី១៦​ ខែកក្កដា ឆ្នាំ២០១៤​ក្រសួងមហាផ្ទៃបានរៀបចំការ ប្រជុំបូកសរុបលទ្ធផលការងារលេខាធិការដ្ឋានគណៈបញ្ជាការដឹកនាំបញ្ជាត្រួតពិនិត្យការអនុវត្តច្បាប់ចរាចរណ៍ផ្លូវគោក ឆមាសទី១ និងទិសដៅការងារ ឆមាសទី២ ឆ្នាំ២០១៤  ក្រោមការ ដឹកនាំ របស់ ឯកឧត្តម តេង សាវង្ស រដ្ឋលេខាធិការក្រសួងមហាផ្ទៃ ព្រមជាមួយនិងវត្តមាន របស់ អភិបាល អភិបាលរង ស្នងការ ស្នងការរង និងមន្រ្តីសាធារណការនិងដឹក ជញ្ជូនគ្រប់ខេត្តក្រុង ទាំងអស់ ព្រមទាំងតំណាងក្រសួងនានាដែលមានការពាក់ព័ន្ធជាច្រើនរូប។

គោលបំណងសំខាន់នៃការប្រជុំគឺពិនិត្យមើលឡើងវិញអំពីលទ្ធផលនៃការអនុវត្តច្បាប់ចរាចរណ៍ផ្លូវគោកនាឆមាសទី១ និងមានការពិភាក្សាលើដំណោះស្រាយចំពោះបញ្ហាប្រឈមនានា ដែល កើតមានឡើងនាពេលកន្លងមក និងលើកទឹសដៅអនុវត្តបន្តសម្រាប់ឆមាសទី២ ឆ្នាំ២០១៤ខាងមុខ ដែលមានជាអាទិ៍ការកសាងសមត្ថភាពមន្ត្រីនគរបាលចរាចរណ៍លើបច្ចេកទេសរឹតបន្តឹងច្បាប់បន្ត ធ្វើការផាកពិន័យលើករណីបើកបរហួសល្បឿនកំណត់ ការបើកបរក្រោមឥទ្ធិពលគ្រឿងស្រវឹង និងការមិនពាក់មួកសុវត្ថិភាព និងការចុះត្រួតពិនិត្យតាមគោលដៅដើមទីផ្ដោតលើប័ណ្ណបើកបរ លក្ខណៈបច្ចេកទេសយានយន្ត​ និងការដឹកជញ្ជូនជាដើម។

មានមតិផ្ដាំផ្ញើរមុនពេលបឹទកិច្ចប្រជុំ ឯកឧត្ដមតេង សាវង្ស បានលើកឡើងនូវគំនឹត ផ្ដួចផ្ដើមមួយចំនួនដើម្បីពិចារណា ក្នុងនោះក៏សំណូមពរឲ្យមន្រ្តីពាក់ព័ន្ធ ត្រូវតែដោះស្រាយជា បន្ទាន់រាល់បញ្ហាប្រឈមទាំងឡាយដែលមាននៅតាមមូលដ្ឋានរបស់ខ្លួន និងធ្វើយ៉ាងណាឲ្យ​មាន​ការអនុវត្តច្បាប់បានជាប់លាប់ដើម្បីជួយសង្គ្រោះជីវិតមនុស្សពីការស្លាប់និងរបួសដោយសារគ្រោះ​ថ្នាក់​ចរាចរណ៍ដែលកំពុងតែមានការកើនឡើងនិងក្លាយជាបន្ទុកដ៏ធ្ងន់ធ្ងរដល់សង្គម និងការ​អភិវឌ្ឍន៏​។

គួររំលឹកថា ចាប់ពីឆ្នាំ២០០៩កន្លងមក ដោយមានការជួយគាំទ្រអំពីកម្មវិធី សុវត្ថិភាព ចរាចរណ៍ផ្លូវគោកសកលនៃមូលនិធិប្លូមប៊ើកភីលែនត្រូភីអង្គការដៃគូរសុវត្ថិភាពចរាចរណ៍ ផ្លូវគោក សកល (GRSP) បានសហការ ជាមួយអគ្គស្នងការនគរបាលជាតិ ក្នុងការលើក កម្ពស់ សមត្ថភាព ភ្នាក់​​ងារនគរ​បាល ក្នុងការរឹតបន្តឹងច្បាប់ចរាចរណ៍ផ្លូវគោក ជាពិសេសការមិនពាក់មួកសុវត្ថិភាព និងការបើកបរ​ក្រោមឥទ្ធិពលនៃគ្រឿងស្រវឹងពេលយប់ ​ដែលជាមូលហេតុចំបងនាំឲ្យមាន​គ្រោះ​ថ្នាក់ចរាចរណ៍។

លោក គង់ សុវណ្ណ ប្រធានអង្គការដៃគូសុវត្ថិភាពចរាចរណ៍ផ្លូវគោក​សកលប្រចាំ​នៅ​ប្រទេស​កម្ពុជា បានថ្លែងថា៉ បទពិសោធដ៏មានជោគជ័យនៅប្រទេសជាច្រើន បានបង្ហាញថា ការរឹតបន្តឹងច្បាប់ជាប់ប្រចាំ គឺជាវិធានការដ៏មានប្រសិទ្ធិភាពបំផុត ក្នុងការកាត់បន្ថយគ្រោះថ្នាក់​ចរាចរណ៍ឲ្យធ្លាក់ចុះនៅកម្រឹតទាប​៉​។ លោកបន្ដថា ៉សម្រាប់ប្រទេសកម្ពុជា កាលបើមានការ​រឹតបន្ដឹងច្បាប់ចរាចរណ៍បានឆាប់និងជាប់លាប់កាលណា នឹងអាចជួយសង្រ្គោះ​ជិវិតប្រជាពលរដ្​ឋ​បាន​ច្រើនកាលនោះ៉​។​

សម្រាប់ព័តមានបន្ថែម សូមទាក់ទង៖

មាស ចាន់ឌី Tel: 012 79 36 37