Road Safety Awareness in Cambodia

សិក្ខាសាលាថ្នាក់ជាតិ ស្ដីពីកត្ដាហានិភ័យនៃការបើកបរក្រោមឥទ្ធិពលនៃជាតិស្រវឹង

2011-12-20T10:25:00.000+07:00

ឯកឧត្ដម តូច ចាន់កុសល រដ្ឋលេខាធិការ ក្រសួងសាធារណការ និងដឹកជញ្ជូន និងជាអនុប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក ថ្លែងក្នុងពិធីបើក សិក្ខាសាលាថ្នាក់ជាតិស្ដីពីកត្ដាហានិភ័យនៃការបើកបរក្រោមឥទ្ធិពលនៃជាតិស្រវឹង
គម្រោងសុវត្ថិភាពចរាចរណ៍បានឱ្យដឹងថាតាមរបាយការណ៍របស់ក្រសួងមហាផ្ទៃ ក្នុងរយៈពេល ១១ខែ ដើមឆ្នាំ២០១១ បានឱ្យដឹងថា គ្រោះថ្នាក់ចរាចរណ៍មានចំនួន ៤.៦០៧ករណី ជនរងគ្រោះ ថ្នាក់សរុបចំនួន ៩.៦១៦នាក់ ដែលក្នុងនោះមាន ជនរងគ្រោះដល់ស្លាប់មានចំនួន ១,៧៣១នាក់ រងរបួសធ្ងន់ចំនួន ៤,៤៨៧នាក់ និងរបួសស្រាល ៣,៣៩៨នាក់ ដោយមិនទាន់គិតដល់ការ បន្សល់ទុកនូវកូនកំព្រា ស្ដ្រីមេម៉ាយ ពិការភាព និងសោកនាដកម្មគ្រប់បែបយ៉ាង មកលើប្រជាជន ធ្វើឱ្យគោលនយោបាយ កាត់បន្ថយភាពក្រីក្ររបស់រាជរដ្ឋាភិបាលមានការលំបាក។ ម្យ៉ាងទៀត គ្រោះថ្នាក់ចរាចរណ៍បានទម្លាក់បន្ទុកស្ថានភាពហិរញ្ញវត្ថុដល់សមាជិកគ្រួសារ ដែលនៅរស់មាន ជីវិតដែលជាសមាជិកគ្រួសារ នៃជនរងគ្រោះទៀតផង។ និងតាមរបាយការណ៍ទិន្នន័យប្រព័ន្ធព័ត៌មានជនរងគ្រោះ និងគ្រោះថ្នាក់ចរាចរណ៍ផ្លូវគោកនៅ កម្ពុជាឆ្នាំ២០១០បានឱ្យដឹងថាក្នុងចំណោមអ្នករងគ្រោះថ្នាក់ចរាចរណ៍មាន ៧២% ជាអ្នកបើកបរ ម៉ូតូ ក្នុងនោះ ៧៣% ស្លាប់ដោយគ្រោះថ្នាក់ប៉ះទង្គិចក្បាល បើកបរលឿនហួស កំណត់មាន ៥១% និងបើកបរពេលស្រវឹងមាន ១៦%។ ហើយក្នុងឆ្នាំ២០១០ កន្លងទៅនេះ គ្រោះថ្នាក់ចរាចរណ៍ បានធ្វើឱ្យប្រទេសកម្ពុជាយើងខាតបង់ថវិកាអស់ ២៧៩ លានដុល្លាសហរដ្ឋអាមេរិក ដែលថវិកា នេះបើសិនជាគ្មានគ្រោះថ្នាក់ចរាចរណ៍ទេនោះ អាចយកទៅសាងសង់ជាប្រយោជន៍ដល់សង្គមជា ច្រើនដូចជា សាលារៀន មន្ទីរពេទ្យ ផ្លូវ ស្ពាន។ល។ ដូច្នេះបើ ប្រជាជនយើងជា អ្នកបើកបរ ម៉ូតូពាក់មួក សុវត្ថិភាពគ្រប់គ្នា គ្រប់ពេលវេលា បើកបរល្បឿនតាមច្បាប់កំណត់ និងបើកបរគ្មាន ជាតិស្រវឹងក្នុង ខ្លួនប្រាណ ពេលនោះគ្រោះថ្នាក់ចរាចរណ៍នឹងថយចុះមិនខាន។

ឯកឧត្តមក៏បានអំពាវនាវ ជាពិសេសចំពោះអ្នកប្រើប្រាស់ផ្លូវគ្រប់គ្នាឱ្យចូលរួមក្នុងការទប់ស្កាត់ កាត់បន្ថយគ្រោះ ថ្នាក់ចរាចរណ៍តាមរយៈការគោរពច្បាប់ ដោយពាក់មួកសុវត្ថិភាព ពាក់ខ្សែក្រវ៉ាត់សុវត្ថិភាព កុំបើក បរហួស ល្បឿនកំណត់ កុំបើកបរពេលស្រវឹងជាដើម។ មានតែការចូលរួមពីអ្នកប្រើប្រាស់ផ្លូវគ្រប់ គ្នាយ៉ាងផុលផុសទេ ទើបអាចទប់ស្កាត់គ្រោះថ្នាក់ចរាចរណ៍ឱ្យធ្លាក់មកកម្រិតទាបបំផុតបានដូច ដែល មានកំណត់ក្នុងគោលដៅ នៃផែនការបណ្ដាប្រទេសអាស៊ាន និង ផែនការទសវត្សសុវត្ថិភាព ចរាចរណ៍ផ្លូវគោកឆ្នាំ២០១១-២០២០ របស់អង្គការសហប្រជាជាតិ។ បើសិនជាអ្នកប្រើប្រាស់ផ្លូវ មិនបានចូលរួមក្នុងការងារសុវត្ថិភាពចរាចរណ៍ទេនោះផែនការសុវត្ថិភាពចរាចរណ៍ទាំងប៉ុន្មានច្បាស់ ជាមិនទទួល ជោគជ័យឡើយ។

និតិវិធីអនុវត្ត និងស៊ើបអង្គេតការអនុវត្តច្បាប់ចរាចរណ៍

2011-03-10T15:53:00.000+07:00

មន្ត្រីពាក់ព័ន្ធក្រោបឧវាទនាយកដ្ឋានសណ្តាប់ធ្នាប់សាធារណៈ និងការិយាល័យចរាចរណ៍ផ្លូវគោក២៤ខេត្ត-រាជធានីប្រមាន៧០នាក់ត្រូវបានផ្តល់ការហ្វឹកហ្វឹនអំពីការសើបអង្កេត និងបង្រ្កាប់បទល្មើសចរាចរណ៍។
បច្ចុប្បន្នគ្រោះថ្នាក់ចរាចរណ៍ត្រូវបានគេមើលឃើញថាជាគ្រោះមហត្តរាយមនុស្សជាតិដល់ធ្ងន់ធ្ងរដែលប៉ះពាល់ដល់សុខភាពសារធារណៈ និងកិច្ចអភិវឌ្ឍនជាតិ។ថ្លែងក្នុងពិធីបើកវគ្គវណ្តុះបណ្តាលនិតិវិធីប្រតិបត្តិការ របស់នគរបាលយុត្តិធម៌សម្រាប់បទល្មើសចរាចរណ៍ អគ្គស្នងការរងនគរបាលជាតិឯកឧត្តម យុន ឈុន្នី និងឯកឧត្តមគឹម សន្តិភាពអគ្គនាយករងនៃអគ្គនាយកដ្ឋានបច្ចេកទេសក្រសួងយុត្តិធម៌បានបញ្ជាក់ថាៈ វគ្គនេះគឺជាជំហានថ្មីមួយទៀតដើម្បីជំរុញការអនុវត្តច្បាប់ចរាចរណ៍ផ្លូវគោក ក្នុងគោលបំណងបំប៉នជំនាញដល់មន្រ្តីអនុវត្តច្បាប់ និងបំពេញការងារចរាចរណ៍ឱ្យរិតតែមានប្រសិទ្ធភាពមួយកំរិតទៀតក្នុងការស៊ើបអង្កេត បង្ក្រាប ដោះស្រាយនិងតាមដានរាល់បទល្មើសចរាចរណ៍នានា។
ឯកឧត្តមបានមានប្រសាសន៍ថាវគ្គនេះមានរយៈពេល៣ថ្ងៃគឺចាប់ពីថ្ងៃទី៩ដល់១១ខែមីនាឆ្នាំ២០១១ដែលសិក្ខាកាមទាំងអស់សុទ្ធតែមានតួនាទីក្នុងការដឹកនាំការក្នុងការអនុវត្តច្បាប់ចរាចរណ៍ឱ្យមានតម្លាភាពក្នុងការធ្វើឱ្យប្រសើរឡើងនូវការធ្វើចរាចរណ៍ក្នុងប្រទេសកម្ពុជា។ ឯកឧត្តមបានមានប្រសាសថាកន្លងមកការអនុវត្តច្បាប់ចរាចរណ៍ផ្លូវគោកហាក់នៅមានចន្លោះប្រហោងមួយចំនួនដែលត្រូវបំពេញបន្ថែមដូចជាការខ្វះខាតក្នុងការស៊ើបអង្កេត ការតាមដានគឺមិនទានមានការបណ្តុះបណ្តាលដល់មន្រ្តីនគរបាលឱ្យមានការយល់ដឹងជ្រៅជ្រះនៅឡើយទាំងនេះហើយដែលជាការខ្វះខាត និងជាឱ្យកាសធ្វើឱ្យជនល្មើសមួយចំនួនរួចផុតពីសំណាញ់ច្បាប់។
ឯកឧត្តមយុន ឈុន្នីបានសង្កត់ធ្នន់ថាការបណ្តុះបណ្តាលត្រូវតែមានការបណ្តុះបណ្តាលបន្ថែមទៀតដើម្បីឱ្យមន្រ្តីនគរបាលចរាចរណ៍មានវិជ្ជាជិវៈ និងមានជំនាញច្បាស់លាស់ក្នុងការអនុវត្តការងារ និងដើម្បីកុំឱ្យប្រជាពលរដ្ឋមានការថ្នាំងថ្នាក់ចំពោះមន្រ្តីនគរបាលយើង។
ឯកឧត្តមក៏បានសំណូមពរផងដែរសូមឱ្យអស់លោកជាសិក្ខាកាមទាំងអស់យកចិត្តទុកដាក់ និងយកជំនាញដែលទទួលបានក្នុងវគ្គបណ្តុះបណ្តាលនេះទៅបំរើប្រជាពលរដ្ឋ និងប្រើប្រាស់ជំនាញដែលមានឱ្យអស់លទ្ធភាពក្នុងការបំរើប្រជាពលរដ្ឋ៕

Road safety a growing concern: NGOs

2011-03-10T08:51:00.001+07:00

Wednesday, 09 March 2011 15:01 Tep Nimol

A group of 13 Cambodian NGOs issued a joint statement on Monday expressing concern over a rise in deadly traffic accidents, particularly along National Road 4 connecting Phnom Penh to Sihanoukville.

The Affiliated Network for Social Accountability in East Asia and the Pacific said in a statement that accidents in Cambodia are most often caused by drunken driving, speeding, unsafe transportation of goods, unlicensed motorists, drivers falling asleep at the wheel and general carelessness.

The group suggested five steps the government could take to bring about a reduction in road accidents.

The recommendations included the installation of cameras along national roads to monitor speeding, sobriety checkpoints at toll booths along National Road 4 that would also distribute safety leaflets, a reduction in the shift schedules for transportation lorry drivers, multiple drivers for lorries and better monitoring of auto licences.

The statement followed an accident on National Road 4 last week that left 19 dead and 8 severely injured when a lorry transporting steel collided with a minivan in Preah Sihanouk province’s Bit Trang commune.

Preap Chanvibol, director of the Land Transportation Department at the Ministry of Public Works and Transport, said the department would meet with officials from the Ministry of Interior today to discuss strategies for reducing traffic accidents in the country.

He added that data from January to March shows 33 percent of traffic accidents were caused by carelessness, 30 percent by speeding and 15 percent by drunken driving.

In 2010, more than 1,600 people died from traffic accidents, down from 1,717 in 2009, according to government figures.

A recent study by Belgium NGO Handicap International showed that traffic accidents in 2009 cost Cambodia more than US$248 million.
http://www.phnompenhpost.com/

ស្រវឹងជិះម៉ូតូឆ្លងផ្លូវត្រូវកុងតឺន័របុកស្លាប់២នាក់របួសធ្ងន់ម្នាក់

2011-03-09T14:01:00.001+07:00

កំពង់ស្ពឺ: យុវជន៣នាក់ជិះម៉ូតូទាំងស្រវឹងឆ្លងផ្លូវ ត្រូវរថយន្តកុងតឺន័របុក បណ្តាលឲ្យ២នាក់ស្លាប់ភ្លាមៗនៅកន្លែងកើតហេតុ និងម្នាក់ទៀត របួសធ្ងន់ តាមផ្លូវជាតិលេខ៤ ត្រង់ចំនុចក្លោងទ្វារចូលទៅកាន់ វត្តសុព័រទេពខាងកើត ស្ថិតក្នុងសង្កាត់សុព័រទេព ក្រុងច្បារមន ខេត្តកំពង់ស្ពឺ នៅវេលាម៉ោង ១៣និង៤០នាទី ថ្ងៃទី៧ ខែមីនា ឆ្នាំ២០១១ ។

ជនរងគ្រោះ ឈ្មោះ រឹន រដ្ឋា អាយុ២១ឆ្នាំ និងឈ្មោះ ធី ណារ័ត្ន អាយុ២០ឆ្នាំ នៅភូមិរលាំងសង្កែ សង្កាត់សុព័រទេព ក្រុងច្បារមន អ្នកទាំងពីរស្លាប់នៅកន្លែងកើតហេតុ និងម្នាក់ទៀត រងរបួសធ្ងន់ ឈ្មោះ ឃី ភីរម្យ អាយុ២៣ឆ្នាំ ក៏នៅភូមិ ឃុំជាមួយគ្នាដែរ ។

សាក្សីនៅកន្លែងកើតហេតុ បានឲ្យដឹងថា នៅវេលាដូចខាងលើ នៅពេលដែលពួកគេ ផឹកស៊ីស្រវឹងហើយនោះ យុវជនទាំង៣នាក់បានជិះម៉ូតូC 90 ចេញពីភូមិរំលោងប្រឃ្លះ សង្កាត់សុព័រទេព ។ មកដល់ក្លោងទ្វារចូលវត្តសុព័រទេព ពួកគេក៏បានជិះម៉ូតូទៅត្បូងបំណងឆ្លងផ្លូវជាតិលេខ ៤ ប៉ុន្តែនៅពេលកំពុងឆ្លងផ្លូវស្រាប់តែមានរថយន្ត សណ្តោងកុងតឺន័រ មួយគ្រឿងពាក់ស្លាកលេខ ក្រុងព្រះសីហនុ 3A0463 បានបើកបរតាមផ្លូវជាតិលេខ៤ដែរនោះ ក្នុងទិសដៅពីភ្នំពេញទៅក្រុងព្រះសីហនុ មកបុកម៉ូតូដែលកំពុងជិះឆ្លងកាត់ផ្លូវនេះតែម្តង ។ ក្រោយកើតហេតុ អ្នកបើកបររថយន្ត រត់គេចខ្លួនបាត់ ៕
CEN

បើករថយន្តបុកម៉ូតូស្លាប់ពីរនាក់ប្ដីប្រពន្ធដាក់មេប្រូចបានជាង៣០គីឡូម៉ែត្រនៅតែរត់មិនរួច

2011-03-09T13:55:00.000+07:00

ពោធិ៍សាត់ ៖ រថយន្តមួយគ្រឿងបានបើកយ៉ាងលឿនពីខេត្តពោធិ៍សាត់ សំដៅមករាជធានីភ្នំពេញតាមដងផ្លូវជាតិលេខ៥។ លុះធ្វើដំណើរបានពាក់កណ្ដាលផ្លូវមកដល់ចំណុចភូមិទទឹង ឃុំអន្លង់ត្នោត ស្រុកក្រគរ ខេត្តពោធិ៍សាត់ ក៏បានបុកជាមួយម៉ូតូមួយគ្រឿងជិះពីរនាក់ប្ដីប្រពន្ធធ្វើ ដំណើរបញ្ច្រាសទិសគ្នា យ៉ាងពេញទំហឹងបណ្ដាលឲ្យស្លាប់បាត់បង់ជីវិត។ ពេលរថយន្តបុកសម្លាប់មនុស្សពីរនាក់នោះរួចហើយក៏ធ្វើដំណើរបម្រុង គេចខ្លួនតាមដងផ្លូវជាតិលេខ៥មកភ្នំពេញ ក៏ត្រូវបានសមត្ថកិច្ចស្ទាក់ចាប់រថយន្តបានយកមកដោះស្រាយតាម ផ្លូវច្បាប់។

រថយន្តបង្កហេតុម៉ាកPAGERO ពណ៌ទឹកប្រាក់ ពាក់ស្លាកលេខភ្នំពេញ 2F4736 ធ្វើដំណើរពីទិសខាងលិច ទៅទិសខាងកើត អ្នកបើកបរមិនស្គាល់អត្តសញ្ញាណ។

ជនរងគ្រោះស្លាប់បាត់បង់ជីវិតមាន ឈ្មោះ គាង លី អាយុ៥៧ឆ្នាំ ភេទប្រុស ជាអ្នកបើកបរ និងប្រពន្ធដែលបានស្លាប់បាត់បង់ជីវិតដែរនោះមានឈ្មោះមោល សុភាព ភេទស្រី អាយុ៤៩ឆ្នាំ មានទីលំនៅភូមិវាលវង់ ឃុំស្នាអន្សា ស្រុកក្រគរ ខេត្តពោធិ៍សាត់។

សមត្ថកិច្ចបានឲ្យដឹងថា គ្រោះថ្នាក់ចរាចរបានកើតឡើងកាលពីវេលាម៉ោង៣និង១០នាទី រសៀលថ្ងៃទី៨ ខែមីនា ឆ្នាំ២០១១ នៅចំណុចភូមិទទឹង ឃុំអន្លង់ត្នោត ស្រុកក្រគរ ខេត្តពោធិ៍សាត់ បង្កឡើងដោយរថយន្តPAGERO ធ្វើដំណើរយ៉ាងលឿនហើយអ្នកបើកបរងងុយដេកពេលធ្វើដំណើរ ក៏បានបុកម៉ូតូយ៉ាងពេញទំហឹង ពេលកំពុងធ្វើដំណើរបញ្ច្រាសទិសគ្នា បណ្ដាលឲ្យប្ដីប្រពន្ធពីរនាក់បានប៉ើងចម្ងាយប្រមាណ៣០ម៉ែត្រ។ ពេលបុកម៉ូតូរួចក៏បើកគេចខ្លួនមកខេត្តកំពង់ឆ្នាំង តែពេលធ្វើដំណើរមកដល់ស្រុកបរិបូរណ៍ ក៏ត្រូវសមត្ថកិច្ចប៉ូលិសឃាត់ចាប់បានតែម្ដង។

សមត្ថកិច្ចប៉ូលិសបានឲ្យដឹងទៀតថា នៅក្រោយពេលកើតហេតុអ្នកបើកបររថយន្តបានព្យាយាមបើកគេចខ្លួនបាន ចម្ងាយប្រមាណ៣០គីឡូម៉ែត្រ មកដល់ស្រុកបរិបូណ៍ ខេត្តកំពង់ឆ្នាំង ក៏ត្រូវស្ទាក់ចាប់បានយកមកដោះស្រាយតាមផ្លូវច្បាប់។ ប៉ុន្តែអ្នកបើកបររថយន្តបានរត់គេចខ្លួនបាត់ស្រមោលនៅពេលឃើញ សមត្ថកិច្ចកំពុងស្ទាក់ចាប់នៅតាមផ្លូវ៕
កម្ពុជាថ្មី

សោកនាដកម្ម គ្រោះថ្នាក់ចរាចររថយន្តបុកគ្នា ស្លាប់១៨នាក់ របួសធ្ងន់៧នាក់

2011-03-05T09:51:00.000+07:00

ព្រះសីហនុ ៖ សេចក្ដីរាយការណ៍ព័ត៌មានពីខេត្តព្រះសីហនុ បានឲ្យដឹងថានៅរសៀលថ្ងៃទី៤ ខែមីនា ឆ្នាំ២០១១នេះ មានសោកនាដកម្មគ្រោះថ្នាក់ចរចររថយន្តបុកជាមួយរថយន្ត បានបណ្ដាល ឲ្យមនុស្សប្រុសស្រី១៨នាក់បាត់បង់ជីវិតនៅនឹងកន្លែង និងមនុស្សជាច្រើននាក់ទៀត កំពុងសង្រ្គោះ បន្ទាន់។

សមត្ថកិច្ចបានឲ្យដឹងថា នៅមុនពេលកើតហេតុមានរថយន្តកុងតឺន័រដឹកដែក ធ្វើដំណើរពីខេត្តព្រះសីហនុ បំណងទៅទីក្រុងភ្នំពេញ ចំណែករថយន្តតូរីសដែលធ្វើដំណើរពីផ្សារទម្លាប់ ស្រុកគីរីវង់ ខេត្តតាកែវ បំណងទៅក្នុងពិធីមង្គលការនៅខេត្តព្រះសីហនុ លុះមកដល់ចំណោតអូរត្រាវ ព្រំប្រទល់ឃុំបិតត្រាំង និងសង្កាត់លេខ១ ក្រុងព្រះសីហនុ តៃកុងរថយន្តកុងតឺន័របានងងុយដេកបើកចូលចំណែកផ្លូវរបស់រថយន្តតូរីស រហូតបុកបង្គោលអមផ្លូវនៅខាងឆ្វេងដៃ។ ពេលនោះតៃកុងរថយន្តតូរីសបានបើកចុះចំណោត ដោយល្បឿនលឿនមិនអាចទប់ជាប់ក៏ស៊ីផ្លេខ្លាំងៗ។ តៃកុងរថយន្តកុងតឺន័របានភ្ញាក់ឡើងក៏ទាញចង្កូតត្រឡប់មកវិញ បុកគ្នាជាមួយរថយន្តតូរីសពេញទំហឹង បណ្ដាលឲ្យរថយន្តកុងតឺន័រ អូសរថយន្ត តូរីសប្រហែល៥០ម៉ែត្រ ខ្ទេចម៉ដ្ឋគ្មានសល់អ្វីនោះទេ។

មនុស្ស១៨នាក់ត្រូវបានស្លាប់យ៉ាងអាណោចអាធ័ម រួមទាំងតៃកុងរថយន្តកុងតឺន័រផង។ ចំណែកមនុស្ស៧នាក់ផ្សេងទៀតត្រូវបានដឹកយកទៅសង្រ្គោះនៅមន្ទីរ ពេទ្យ។

រថយន្តកុងតឺន័រជារបស់ក្រុមហ៊ុនឯកជន ឈ្មោះលាង សុខង៉េង ពាក់ស្លាកលេខ 3B0935 និង រថយន្តតូរីស ពណ៌ស ពាក់ស្លាកលេខ 2C9067 ខេត្តតាកែវ៕

Road violence

2011-01-12T18:15:00.002+07:00

ម្នាក់ស្លាប់១៧នាក់របួសក្នុងហេតុការណ៍គ្រោះថ្នាក់ចរាចរណ៍

2011-01-12T13:47:00.002+07:00

ដោយ ៖ ស បូរិន
នគរវត្ត
ភ្នំពេញ ៖ មនុស្សម្នាក់ស្លាប់ និង១៧នាក់រងរបួសធ្ងន់ និងស្រាលនៅក្នុងហេតុការណ៍គ្រោះថ្នាក់ចរាចរពីរករណីនៅកន្លែង ផ្សេងគ្នា កាលពីថ្ងៃ អាទិត្យទី៩ ខែមករា ឆ្នាំ២០១១ នៅក្នុងខណ្ឌដង្កោ។

ម ន្ដ្រីនគរបាលខណ្ឌដង្កោបានឱ្យដឹងថា ហេតុការណ៍គ្រោះថ្នាក់ចរាចរលើកទី១បានកើតឡើងកាលពីវេលាម៉ោង ១១:១០នាទី ថ្ងៃទី៩ មករា ២០១១ នៅលើកំណាត់ផ្លូវទំនប់កប់ស្រូវទល់មុខវិទ្យាស្ថានជាតិពហុប ច្ចេកវិទ្យាកម្ពុជា ស្ថិតក្នុងភូមិព្រៃត្រជាក់ សង្កាត់សំរោងក្រោម ខណ្ឌដង្កោ រាជធានីភ្នំពេញ។

មន្ដ្រីនគរបាលបានបញ្ជាក់ថា ហេតុការណ៍កើតឡើងរវាងរថយន្ដធុនទេសចរណ៍១២កៅអីពណ៌ខៀវ ពាក់ស្លាកលេខ កំពង់ឆ្នាំង ២A-០៦៦០ បើកបរដោយឈ្មោះ អៀង ធី ភេទប្រុស អាយុ៤៥ឆ្នាំ ស្នាក់នៅឃុំខ្នារ ស្រុកសាមគ្គីមានជ័យ ខេត្ដកំពង់ឆ្នាំង បានបើកបុកម៉ូតូមួយ គ្រឿងម៉ាកឆាលីពណ៌ស គ្មានស្លាកលេខ របស់ឈ្មោះចាន់ លី ភេទស្រី អាយុ២១ឆ្នាំ ជាអ្នកលក់ដូរ ស្នាក់នៅភូមិថ្មី សង្កាត់ភ្នំពេញថ្មី ខណ្ឌសែនសុខ។

ប្រភព ដដែលបានបញ្ជាក់ថា ក្នុងហេតុការណ៍នេះបណ្ដាលឱ្យអ្នកបើកម៉ូតូឆាលីរងរបួសធ្ងន់។ ចំណែករថយន្ដនេះ បានធ្លាក់ចូលប្រឡាយបណ្ដាលឱ្យអ្នក ដំណើរ១៧នាក់រងរបួសធ្ងន់ និងស្រាល។

ម ន្ដ្រីនគរបាលខណ្ឌដង្កោបានឱ្យដឹងទៀតថា មុនពេលកើតហេតុរថយន្ដបង្កបានបើកតាមផ្លូវទំនប់កប់ស្រូវក្នុង ទិសដៅពីខាងជើងមកខាងត្បូង។ លុះមកដល់ចំណុចកើតហេតុខាងលើស្រាប់តែ មានម៉ូតូឆាលីពណ៌សមួយគ្រឿងបើកបញ្ច្រាស់ទិស ហើយបានបត់ឆ្វេងឆ្លងផ្លូវ ដើម្បីយកកាហ្វេចូកវិទ្យាស្ថានកូរ៉េក្បែរនោះ ដោយពុំបានមើលមុខក្រោយ។ ពេលនោះរថយន្ដបានបុកម៉ូតូពីចំហៀង ប៉ើងខ្ទាតទៅម្ខាងធ្វើឱ្យនារីរងគ្រោះរបួសបាក់ជើង។

ពេល នោះរថយន្ដក៏រេចង្កូតមកខាងឆ្វេងដៃដាំក្បាលធ្លាក់ចូលប្រឡាយ ធ្វើឱ្យអ្នកជិះក្នុងរថយន្ដ១៧នាក់របួសតិចតួច។

ចំពោះ ករណីគ្រោះថ្នាក់ចរាចរទី២ មន្ដ្រីនគរបាលបានបញ្ជាក់ឱ្យដឹងថា កើតឡើងរវាងម៉ូតូ និងម៉ូតូគឺម៉ូតូម៉ាកសេ១០០កូរ៉េពណ៌ខៀវ ពាក់ស្លាកលេខ ណ៤១០៣ភព១ បើកដោយឈ្មោះខាន់ ហឿន ភេទប្រុស អាយុ៣៦ឆ្នាំ ជាអ្នករត់ម៉ូតូឌុបស្នាក់នៅភូមិត្រញំងថ្លឹង សង្កាត់ចោមចៅ ខណ្ឌដង្កោ។ អ្នកបើកម៉ូតូរូបនេះបានរងរបួសធ្ងន់ ហើយបានស្លាប់ពេលបញ្ជូនទៅដល់មន្ទីរពេទ្យ។

ប្រភពបានឱ្យដឹងទៀតថា ម៉ូតូខាងលើបានបុកជាមួយម៉ូតូកង់បីពណ៌ខៀវ ពាក់ស្លាកលេខ១AG-៨១៦១ បើកបរដោយបុរសម្នាក់ពុំស្គាល់ឈ្មោះ។

មន្ដ្រីនគរបាលបានបញ្ជាក់ថា ករណីគ្រោះថ្នាក់ចរាចរនេះ បានកើតឡើងកាលពីវេលាម៉ោង១៩:៣០នាទី ថ្ងៃទី៩ ខែមករា ឆ្នាំ២០១១ នៅចំណុចមុខផ្ទះសំណាក់មានជ័យ ភូមិត្រញំងថ្លឹង ផ្លូវចោមចៅ សង្កាត់ចោមចៅ ខណ្ឌដង្កោ។

ម ន្ដ្រីនគរបាលបញ្ជាក់ថា មុនពេលកើតហេតុ ម៉ូតូទាំងពីរបើកបញ្ច្រាស់ទិសគ្នា ហើយម៉ូតូសេ១០០កូរ៉េ ពណ៌ខៀវបើកដោយឈ្មោះខាន់ ហឿន បានបើកជែងនឹងរថយន្ដមួយគ្រឿង ហើយជ្រុលចូលចំណែកផ្លូវម្ខាងទៀត បណ្ដាលឱ្យបុករ៉ឺម៉កម៉ូតូកង់បីនោះពេញទំហឹងបណ្ដាលឱ្យរងរបួស ធ្ងន់ ហើយស្លាប់ពេលបញ្ជូនដល់មន្ទីរពេទ្យ។ រីឯអ្នកបើករ៉ឺម៉កកង់បីឃើញអ្នកបើកម៉ូតូបង្កនោះស្លាប់ក៏រត់ ចោលរ៉ឺម៉កនៅកន្លែងកើតហេតុ។

សមត្ថ កិច្ចបានបញ្ជូនទៅរក្សាទុកនៅអធិការដ្ឋាននគរបាលខណ្ឌដង្កោ។ ឯករណីគ្រោះថ្នាក់ចរាចរទីមួយរថយន្ដ និងម៉ូតូសមត្ថកិច្ចបញ្ជូនទៅរក្សាទុក ជាបណ្ដោះអាសន្ននៅការិយាល័យចរាចរណ៍ជើងគោករាជធានីភ្នំពេញ៕

សិស្សវិទ្យាល័យពីរនាក់ស្លាប់ក្នុងគ្រោះថ្នាក់ចរាចរណ៍ពេលជិះម៉ូតូទៅរៀន

2011-01-09T10:41:00.000+07:00

ដោយ ៖ ជា ស្រស់
នរគវត្ត
ខេត្ដសៀមរាប៖ យុវតីជាសិស្សវិទ្យាល័យហ៊ុន សែន សៀមរាប ពីរនាក់បានស្លាប់យ៉ាងអណោច អធ័មនៅកន្លែងកើតហេតុក្នុងគ្រោះថ្នាក់ចរាចរណ៍ ខណៈពេលពួកគេជិះម៉ូតូ០១គ្រឿងទៅសាលារៀន កាលពីវេលាម៉ោង៨ព្រឹកថ្ងៃទី០៨ ខែមករា ឆ្នាំ២០១១ នៅលើកំណាត់ផ្លូវមិត្ដភាពកម្ពុជា -កូរ៉េ ស្ថិតក្នុងភូមិ វាល សង្កាត់គោកចក ក្រុងសៀមរាប ខេត្ដសៀមរាប។

ជន រងគ្រោះទាំងពីរនាក់ដែលស្លាប់នៅក្នុងឧប្បត្ដិហេតុនេះជាសិស្ស រៀននៅថ្នាក់ទី១២ នៃវិទ្យាល័យហ៊ុនសែនសៀមរាប ក្នុងនោះមានឈ្មោះ ហ៊ាន ស្រីមុំ អាយុ១៨ឆ្នាំ មានទីលំនៅភូមិមណ្ឌល៣ សង្កាត់ស្លក្រាម ក្រុងសៀមរាប និងឈ្មោះ យឹម កែវកន្និដ្ឋា អាយុ១៨ឆ្នាំ មានទីលំនៅភូមិខ្វៀន សង្កាត់គោកចក ក្រុងសៀមរាប ។

ក្រុម មន្ដ្រីនគរបាលចរាចរណ៍ផ្លូវគោកខេត្ដសៀមរាបបានឱ្យដឹងថា តាមការពិនិត្យជាក់ស្ដែងនៅ កន្លែងកើតហេតុ សម្ថកិច្ចបានធ្វើការសន្និដ្ឋានជាជំហានដំបូងថា រថយន្ដស្ទូចក្បាលសទ្រុងខៀវលាយស ម៉ាក FUSO អត់ ស្លាកលេខបើកបរពីទិសខាងត្បូងទៅជើង ចំណែកម៉ូតូរបស់ជនរងគ្រោះបើកបរឌុបគ្នា ពីជើងទៅត្បូង លុះមកដល់ចំណុចកើតហេតុរថយន្ដនេះបានទាក់ខ្សែភ្លើងដែលកាត់ ទទឹងផ្លូវបណ្ដាលឱ្យដាច់ និងបាក់បង្គោលឈើពីរដើមបោកទៅលើម៉ូតូជនរងគ្រោះធ្វើឱ្យពួកគេ ដួលខ្ទាតមកលើផ្លូវត្រូវរថយន្ដ កិនខ្ទេចក្បាលតែម្ដងស្លាប់ភ្លាមៗ។

ចំណែកម៉ូតូជនរងគ្រោះម៉ាកហុងដា C100 ព៌ណក្រហមសេរី២០០២ ពាក់ស្លាកលេខ សៀមរាប 1E 9147 ពុំ មានការខូចខាតធំដុំនោះទេ។ មន្ដ្រីនគរបាលចរាចរណ៍បានបន្ដថា បន្ទាប់ពីបង្កហេតុហើយអ្នកបើកបរបានបើករថយន្ដរត់គេចរហូតដល់ ផ្លូវឡើងទៅបារាយណ៍ទឹកថ្លា ក្នុងភូមិបន្ទាយឈើ សង្កាត់ទឹកវិល ក្រុងសៀមរាបទើបអ្នកបើកបរឈប់រថយន្ដហើយបើកទ្វាររត់គេចខ្លួន ។

ក្រុម នគរបាលបានបន្ដថា រថយន្ដបង្កហេតុ និងម៉ូតូរបស់ជនរងគ្រោះត្រូវបាននាំយកមករក្សាទុកនៅការរិយា ល័យនគរបាលចរាចរណ៍ផ្លូវគោកដើម្បីចាត់ការតាមនិតិវិធី៕

រថយន្ដបុកស្ដ្រីម្នាក់ស្លាប់ហើយបើកគេចបាត់

2011-01-08T11:44:00.001+07:00

ដោយ ៖ សហការី
ខេត្ដក្រចេះ៖ ស្ដ្រីម្នាក់បានស្លាប់ យ៉ាងអាណោចអាធ័មបំផុតក្នុងហេតុ ការណ៍គ្រោះថ្នាក់ចរាចរមួយលើកំណាត់ផ្លូវជាតិលេខ៧៣ ក្នុងភូមិដីថ្មី ឃុំព្រែក សាម៉ាន់ ស្រុកឆ្លូង ខេត្ដក្រចេះ កាលពី វេលាម៉ោង៩:៣០នាទីយប់ ថ្ងៃទី៦ ខែ មករា ឆ្នាំ២០១១ តែសមត្ថកិច្ចនៅពុំ ទាន់កំណត់មុខសញ្ញារថយន្ដបង្កហេតុ នោះនៅឡើយ ។

នគរបាល ប៉ុស្ដិ៍រដ្ឋបាលព្រែកសាម៉ាន់បានរាយការណ៍ថា ស្ដ្រីរងគ្រោះឈ្មោះ លឹប សុំ អាយុ៥០ឆ្នាំ រស់នៅភូមិ ដីថ្មី ឃុំព្រែកសាម៉ាន់ ស្រុកឆ្លូង ខេត្ដក្រចេះ ត្រូវរថយន្ដបុកស្លាប់ភ្លាមៗពេលគាត់ កំពុងជិះកង់ត្រឡប់មកផ្ទះបន្ទាប់ពីបញ្ចប់ការងារច្រូកស្រូវ ឱ្យគេ ។ សមត្ថកិច្ចនៅ ពុំទាន់រកឃើញប្រភេទរថយន្ដដែលបុក ជនរងគ្រោះបណ្ដាលឱ្យស្លាប់នៅឡើយ ។

សាក្សី នៅកន្លែងកើតហេតុបាន និយាយថា នៅវេលាម៉ោងខាងលើគេ បានឃើញស្ដ្រីឈ្មោះលឹប សុំ ជាជនជាតិ ខ្មែរអ៊‌ិស្លាមបានជិះកង់ពីទិសខាងលិច ទៅទិសខាងកើត។ លុះបន្ដិចក្រោយមក ក៏ជួបនូវគ្រោះថ្នាក់ចរាចរដេកដួលក្នុង ថ្លុកឈាមលើផ្លូវជាតិជាមួយនឹងកង់ កញ្ចាស់ដែលគាត់បានជិះមកពីស៊ីឈ្មួលច្រូតស្រូវ ។

ប្រភព ព័ត៌មានពីអ្នកភូមិដែលរស់ នៅជាមួយជនរងគ្រោះបានឱ្យដឹងថា ជនរងគ្រោះជាអ្នកក្រីក្រគ្មានមុខរបរអ្វី ក្រៅពីស៊ីឈ្នួលច្រូកស្រូវឱ្យគេទេ ។ នៅ ពេលដែលជួបហេតុការណ៍នេះភ្លាមៗ រថយន្ដបង្កហេតុព្យាយាមបើករត់គេច បាត់ ។ អ្នកនៅក្បែរនោះក៏បានស្រែកឱ្យ រថ យន្ដនោះឈប់ដែរ តែដោយគ្មានវត្ដ មានសមត្ថកិច្ចនៅកន្លែងកើតហេតុ ទើបឱ្យរថយន្ដបង្កហេតុនោះរត់គេចបាត់ដោយសុវត្ថិភាព ។

នៅ ក្នុងស្រុកឆ្លូងសមត្ថកិច្ចបានបណ្ដាក់គ្នាដូចខ្យងនៅលើផ្លូវ ជាតិមិនគួរណាឱ្យរថយន្ដបង្កគ្រោះថ្នាក់នោះរត់គេខ្លួនដោយ គេចវេះពីការទទួលខុសត្រូវ តាមផ្លូវច្បាប់យ៉ាងនេះឡើយ ៕

៥នាក់ស្លាប់ ដោយសារគ្រោះថ្នាក់ចរាចរណ៍ នៅពេជ្រនិល

2011-01-08T11:36:00.000+07:00

ដោយ ៖ វិទ្យុនគរវត្ត
យ៉ាង ហោចណាស់ មានមនុស្ស៥នាក់បានស្លាប់ និងម្នាក់របូសធ្ងន់ ដោយសារគ្រោះថ្នាក់ចរាចរណ៍ ក្រឡាប់រថយន្តធ្លាក់ជ្រោះពេជ្រនិល ក្នុងខេត្តកំពង់ស្ពឺ។

ស្នង ការរងនគរបាលខេត្តកំពង់ស្ពឺ លោកវរសេនីយ៍ឯកសមសាមួន បានមានប្រសាសន៍ថា ហេតុការណ៍បានកើតឡើង តាំងពីម៉ោងមួយរសៀល ថ្ងៃទី៧មករា នៅគ្រាដែលរថយន្ត២បើកទិសស្របគ្នា និងរថយន្តមួយធុន Land Cruiser និងរថយន្តមួយទៀតធុន Camry បើកសំដៅទៅខេត្តព្រះសីហនុ។ រថយន្តធុន Land Cruiser ផ្ទុកមនុស្ស៦នាក់ បានធ្លាក់ចេញពីផ្លូវជាតិលេខ៤ ចូលទៅក្នុងជ្រោះពេជ្រនិល ចំណែករថយន្ត Camry ត្រូវគេរាយការណ៍ថា វិះតែនឹងធ្លាក់ចូលទៅក្នុងជ្រោះនោះដែរ។

មនុស្ស ៥នាក់ក្នុងរថយន្ត Land Cruiser ដែលសុទ្ធតែជាសមាជិកក្នុងគ្រួសារបានស្លាប់ និងម្នាក់ទៀតរងរបួសធ្ងន់។ រថយន្តធុន Camry ត្រូវគេនិយាយថា ជាកម្មសិទ្ធិរបស់ប៉ូលីស ព្រហ្មទណ្ឌខ័ណ្ឌ៧មករា។

មិន មានសេចក្តីរាយការណ៍ថា តើមនុស្សនៅក្នុងរថយន្ត Camry បានរត់គេចទៅណានោះទេ។ ប៉ូលីស កំពុងតាមរកមូកហេតុ ដែលនាំអោយមានគ្រោះថ្នាក់ចរាចរណ៍នោះ។

Safe School Zone

2011-01-06T17:33:00.000+07:00

ចំនួនគ្រោះថ្នាក់ចរាចរឆ្នាំ២០១០មានការថយចុះ៥០៣លើកនិងស្លាប់ថយចុះ៥នាក់

2011-01-06T11:41:00.000+07:00

kampucheathmey
សំអឿន
ភ្នំពេញ៖យោងតាមរបាយការណ៏របស់នាយកដ្ឋាន សណ្ដាប់ធា្នប់នៃអគ្គ ស្នងការដ្ឋាននគរបាលជាតិបានឲ្យដឹងថាគ្រោះថ្នាក់ចរាចរឆ្នាំ២០១០ មានចំនួន៥៥១៨លើកបណ្ដាលឲ្យស្លាប់ចំនួន១៦៤៩នាក់។ចំនួននេះបើ ប្រៀបធៀបទៅឆ្នាំ២០០៩កន្លងទៅឃើញថាមានការថយចុះ៥០៣លើកនិងស្លាប់ ថយចុះ៥នាក់។

របាយការណ៏ខាងលើបានឲ្យដឹងទៀតថាក្នុងចំណោមគ្រោះថ្នាក់ចរាចរ ៥៥១៨លើកនោះមានអ្នករងរបួសធ្ងន់ចំនួន៤៩៩០នាក់ថយចុះជាងឆ្នាំ មុន៤៧នាក់របួសស្រាល៤៥៥០នាក់ថយចុះជាងឆ្នាំមុន៧២៣នាក់បណ្ដាល អោយខូចខាតម៉ូតូចំនួន៥៩៨៧គ្រឿងថយចុះ៥៦១គ្រឿងរថយន្តធនតូចចំនួន ១៨៥៤គ្រឿងថយចុះ៥១គ្រឿងនិងរថយន្តធនធំចំនួន៥១០គ្រឿងថយចុះ៧៧ គ្រឿង។

ចំពោះមូលហេតុដែលបណ្ដាលឲ្យមានគ្រោះថ្នាក់ចរាចរមានបើកបរលើស ល្បឿនកំណត់៤៥ភាគរយបើកបរមិនគោរពសិទ្ធិអាទិភាពចំនួន១៣ភាគរយបើកបរ ធ្វេសប្រហែសចំនួន១២ភាគរយបើកបរក្នុងពេលស្រវឹង១២ភាគរយបើកបរ ប្រជែងគ្រោះថ្នាក់៨ភាគរយបើកបរមិនប្រកាន់ស្ដាំ៣ភាគរយបើកបរមិនគោរព ភ្លើងសញ្ញាចរាចរ១ភាគរយ កត្តាសុខភាព១ភាគរយកត្តាយានយន្ត២ភាគរយកត្តាផ្លូវ១ភាគរយនិងកត្តា ផ្សេងៗ១ភាគរយ។

របាយការណ៏ដដែលបានបញ្ជាក់ឲ្យដឹងថាមូលហេតុដែលធ្វើអោយចំនួន គ្រោះថ្នាក់ចរាចរនៅក្នុងឆ្នាំ២០១០មានការថយចុះជាងឆ្នាំ២០០៩នោះ ដោយសារតែមន្ត្រីនគរបាលបានរឹតបន្តឹងការអនុវត្តន៏បានម៉ឹងម៉ាត់ ដែលធ្វើអោយប្រជាពលរដ្ឋមានការគោរពច្បាប់ចរាចរយ៉ាងច្រើន៕

ស្រវឹងធ្លាក់ភ្នែកបើករថយន្តបុករបាំងចែកទ្រូងផ្លូវរួចចុះពីលើរថយន្តទាញដបស្រាផឹកថែមទៀត

2011-01-06T11:39:00.001+07:00

kampucheathmey
ភ្នំពេញ៖រថយន្តម៉ាកឡង់គ្រីស័រសេរី៩៨មួយ គ្រឿងដែលគេដឹងថាបើកបរដោយបុរសម្នាក់ស្ថិតក្នុងស្ថាន ភាពស្រវឹងធ្លាក់ភ្នែកបានបញ្ជាចង្កូតបោះពួយលើផ្លូវ សហព័ន្ធរុស្ស៊ីបណ្ដាលអោយបុករបាំងចែកទ្រូងផ្លូវយ៉ាងពេញ ទំហឹងបាក់ខូចខាតអស់ជាង៣០ម៉ែត្រហើយបែកកង់មុខនិង ផ្ទុះពោងសុវត្ថិភាពប៉ុន្តែសំណាងល្អអ្នកបើកបរអាចរួច ផុតពីគ្រោះថ្នាក់ហើយចុះពីលើរថយន្តទាញដបស្រាផឹក បញ្ឈឺសមត្ថកិច្ចមូលដ្ឋានថែមទៀត។

ហេតុការណ៍នេះបានកើតឡើងនៅវេលាម៉ោង២និង ០៥នាទីរំលងអធ្រាត្រឈានចូលថ្ងៃទី០៥ខែមករាឆ្នាំ២០១១ នៅចំណុចមុខក្ដាន់ពីរផ្លូវសហព័ន្ធរុស្ស៊ីក្នុងសង្កាត់ ស្រះចកខណ្ឌដូនពេញ។

រថយន្តបង្កហេតុអោយខូចខាតទ្រព្យសម្បត្តិ រដ្ឋនោះម៉ាកឡង់គ្រីស័រពណ៌ស្លែគ្មានស្លាកលេខបើកដោយ បុរសម្នាក់ដែលគេមិនស្គាល់ឈ្មោះប៉ុន្តែគេដឹងថាអ្នក បើកបររូបនោះជាមិត្តភក្តិរបស់ថៅកែក្លឹបប្លាទីនឹម ស្ថិតនៅផ្លូវលេខ៤៧ក្នុងសង្កាត់ស្រះចកខណ្ឌដូនពេញ។ចំណែក របាំងចែកទ្រូងផ្លូវបាក់ខូចខាតអស់៥កង់និងស្រុញវៀច ខុសធម្មតាប្រហែលជាង៣០ម៉ែត្រ។

ប្រភពព័ត៌មានពីសមត្ថកិច្ចដែលបានឃើញហេតុការណ៍ នោះបានប្រាប់ឲ្យដឹងថានៅវេលាម៉ោងកើតហេតុគេបានឃើញ រថយន្តបង្កហេតុបានបើកបោះពួយយ៉ាងលឿននិងរ៉េពេញ ផ្លូវដែលទំនងជាស្រវឹងធ្លាក់ភ្នែកបានធ្វើដំណើរពីកើត ទៅលិចលុះមកដល់ចំណុចកើតហេតុក៏បានបុករបាំងចែកទ្រូង ផ្លូវយ៉ាងពេញទំហឹងបណ្ដាលឲ្យបាក់ក្បាលនាគមួយកង់ខាង មុខហើយដោយរថយន្តនោះបែកកង់មុខខាងឆ្វេងដែលតៃកុងប្រុង បន្តបើករត់ទៅមុខទៀតក៏បុកទ្រូងចែកផ្លូវថែមទៀត ប្រហែល៣០ម៉ែត្របាក់អស់៤កង់ទើបបន្តដំណើរទៅមុខលេង រួច។បន្ទាប់មកអ្នកបើកបររូបនោះបានចុះពីលើរថយន្ត គាប់ជួនសមត្ថកិច្ចមូលដ្ឋានមកដល់ហើយបុរសនោះក៏ទាញដប ស្រាយកមកផឹកបញ្ឈឺសមត្ថកិច្ចថែមទៀត ពេលនោះបុរសរូបនោះបានលើកទូរស័ព្ទតេហៅមិត្ត ភក្តិដែលជិះរថយន្តម៉ាកសឺដែសមកទទួលរូបគេទៅបាត់ភ្លាម ៗផងដែរ៕រស្មី

រយៈពេល៣ខែប៉ូលិសរកឃើញអ្នកសេពគ្រឿងស្រវឹងពេលបើកបរជាង៩ពាន់នាក់ក្នុង៣ខេត្ត

2011-01-06T11:37:00.001+07:00

ភ្នំពេញ៖មន្ត្រីនាយកដ្ឋានសណ្តាប់ធ្នាប់នៃ អគ្គស្នងការដ្ឋាននគរបាលជាតិបាននិយាយឲ្យដឹងកាលពីរសៀល ថ្ងៃទី៥ខែមករាឆ្នាំ២០១១ឲ្យដឹងថាក្នុងរយៈពេល៣ខែ គឺចាប់ពីខែតុលាដល់ខែធ្នូឆ្នាំ២០១០យើងបានពិនិត្យ រកឃើញសារជាតិអាកុលរបស់អ្នកបើកបរចំនួន៩០៣៦នាក់ក្នុង នោះរាជធានីភ្នំពេញចំនួន២២០១នាក់ខេត្តកណ្ដាល៤៦៤៨នាក់និង ខេត្តកំពង់ស្ពឺ២១៨៧នាក់។

មន្រ្តីដដែលខាងលើបាននិយាយឲ្យដឹងទៀតថា យើងបានចាប់ផ្ដើមអនុវត្តន៏ការត្រួតពិនិត្យជាតិអាកុលនៅ ក្នុងខ្លួនអ្នកបើកបរនេះចាប់តាំងពីថ្ងៃទី១ខែតុលា ឆ្នាំ២០១០មកម្លេះដោយធ្វើការត្រួតពិនិត្យខេត្តក្រុង ចំនួន៣គឺនៅរាជធានីភ្នំពេញខេត្តកណ្ដាលនិងខេត្តកំពង់ស្ពឺ ដោយចាប់ផ្តើមត្រួតពិនិត្យចាប់ពីម៉ោង៩យប់ដល់ម៉ោង១ អាធ្រាត្រ។មន្ត្រីរូបនោះបានបន្តថាបច្ចុប្បន្ននេះយើង បានទទួលឧបករណ៍ត្រួតពិនិត្យជាតិអាកុលពីម្ចាស់ជំនួយចំនួន ២៣គ្រឿងប៉ុណ្ណោះ។យើងចង់ដាក់ពង្រាយនៅតាមបណ្ដាខេត្ត ផ្សេងៗទៀតដែរតែដោយសារតែឧបករណ៍មានចំនួនតិចទើបសម្រេច ដាក់ត្រួតពិនិត្យតែនៅតាមរាជធានីខេត្តទាំងបីខាងលើ។

ចំពោះការផាកពិន័យក្នុងការត្រួតពិនិត្យ សារធាតុអាកុលរបស់អ្នកបើកបរនោះគឺអ្នកបើកបរទាំងឡាយ ណាដែលមានសារធាតុអាកុលក្នុងខ្លួនចាប់ពី០,២៥ដល់០,៣៩ មីលីក្រាមក្នុងមួយលីត្រខ្យល់និងត្រូវពិន័យតាមច្បាប់ ចរាចរផ្លូវគោកដូចជាអ្នកជិះម៉ូតូផាកពិន័យ៦ពាន់រៀល អ្នកបើកបររថយន្តធន់តូចផាកពិន័យ១ម៉ឺន២ពាន់រៀលនិង អ្នកបើកបររថយន្តធន់ធំផាកពិន័យ២ម៉ឺន៥ពាន់រៀល។

មន្រ្តីដដែលខាងលើបានឲ្យដឹងថាក្នុងរយៈពេល ៣ខែដែលយើងចាប់ផ្តើមអនុវត្តន៏ច្បាប់ចរាចរស្ដីពីការ ត្រួតពិនិត្យសារធាតុអាកុលក្នុងខ្លួនអ្នកបើកបររួចមកយើង រកឃើញអ្នកបើកបរដែលបានប្រើប្រាស់សារធាតុអាកុលចាប់ពី ០,២៥ដល់០,៣៩មីលីក្រាមក្នុងមួយលីត្រខ្យល់ចំនួន៩០៣៦នាក់ ក្នុងនោះមានអ្នកបើកបរម៉ូតូនិងរថយន្តធន់តូចនិងធំ ក្នុងរាជធានីភ្នំពេញចំនួន២២០១នាក់ខេត្តកណ្ដាល៤៦៤៨នាក់ និងខេត្តកំពង់ស្ពឺ២១៨៧នាក់។

បន្ទាប់ពីមានការត្រួតពិនិត្យសារធាតុអាកុល របស់អ្នកបើកបររួចមកគេសង្កេតឃើញថាអ្នកបើកបរភាគ ច្រើនមានការយល់ដឹងច្រើនពីច្បាប់ចរាចរ។ការយល់ដឹងរបស់ ពួកគាត់ទាំងនេះហើយបានធ្វើឲ្យអត្រាគ្រោះថ្នាក់ចរាចរ នៅក្នុងប្រទេសកម្ពុជាក្នុងឆ្នាំ២០១០កន្លងមកនេះមានការ ថយចុះគួរឲ្យកត់សម្គាល់គឺមានចំនួន៥៥១៨លើកបណ្ដាល ឲ្យស្លាប់១៦៤៩នាក់។ចំនួននេះបើប្រៀបធៀបទៅឆ្នាំ២០០៩ កន្លងទៅឃើញថាមានការថយចុះ៥០៣លើកនិងស្លាប់ថយចុះ៥ នាក់។

មន្រ្តីខាងលើបានអំពាវនាវនិងសំណូមពរដល់ អ្នកបើកបរមេត្តាកុំប្រើប្រាស់គ្រឿងស្រវឹងបក្នុងពេលបើក បរព្រោះវានាំឲ្យបង្កនូវគ្រោះថ្នាក់ដល់ខ្លួនឯងផងនិង ដល់អ្នកដ៏ទៃផង។ជាងនេះទៅទៀតអាចឈានទៅដល់សេចក្ដី ស្លាប់ទៀតផង។

ក្នុងចំណោមគ្រោះថ្នាក់ចរាចរទាំង៥៥១៨លើកនោះ មានគ្រោះថ្នាក់ពេលបើកបរប្រើគ្រឿងស្រវឹងចំនួន១២ភាគរយ ។ចំណែកឯក្រសួងសុខាភិបាលកាលពីថ្ងៃទី៣១ខែធ្នូឆ្នាំ ២០១០បានចេញសេចក្តីជូនដំណឹងមួយដោយធ្វើការអំពាវនាវដល់ ប្រជាពលរដ្ឋទាំងអស់មេត្តាកាត់បន្ថយឬបញ្ឈប់ការសេពសុរា និងគ្រឿងស្រវឹងដើម្បីថែរក្សាសុខភាពផ្ទាល់ខ្លួនរក្សា ភាពថ្លៃថ្នូរក្នុងសង្គមសន្សំសំចៃថវិកាសម្រាប់ គ្រួសារនិងចូលរួមកាត់បន្ថយការខាតបង់របស់រាជ រដ្ឋាភិបាល។ជាងនេះទៅទៀតដើម្បីកាត់បន្ថយគ្រោះថ្នាក់ ចរាចរផងដែរ៕

ក្រសួងសុខាភិបាលអំពាវនាវឲ្យប្រជាពលរដ្ឋកាត់បន្ថយឬបញ្ឈប់ការសេពសុរានិងគ្រឿងស្រវឹង

2011-01-06T11:36:00.001+07:00

ភ្នំពេញ ៖ក្រសួងសុខាភិបាលសូមអំពាវនាវដល់ប្រជាពលរដ្ឋ ទាំងអស់សូមមេត្តាជួយកាត់បន្ថយការសេពសុរាឬគ្រឿងស្រវឹងដើម្បី ថែរក្សាសុខភាពផ្ទាល់ខ្លួនរក្សាភាពថ្លៃថ្នូរក្នុងសង្គមសន្សំសំចៃ ថវិកាសម្រាប់គ្រួសារនិងចូលរួមកាត់បន្ថយការខាតបង់របស់រាជ រដ្ឋាភិបាល។

យោងតាមសេចក្ដីជូនដំណឹងរបស់ក្រសួងសុខាភិបាលចុះថ្ងៃ ទី៣១ខែធ្នូឆ្នាំ២០១០ដែលចុះហត្ថលេខាដោយលោកវេជ្ជបណ្ឌិតម៉មប៊ុន ហេងរដ្ឋមន្ត្រីក្រសួងសុខាភិបាលបានអោយដឹងថាក្រសួងសុខាភិបាលសូម ជម្រាបជូនប្រជាពលរដ្ឋដែលរស់នៅក្នុងព្រះរាជាណាចក្រកម្ពុជាអោយបាន ជ្រាបថា សព្វថ្ងៃនេះតាមការសិក្សាបានសង្កេតឃើញថាប្រជាជនកម្ពុជាយើងដែល មានអាយុ២៥ទៅ៦៤ឆ្នាំមានចំនួន៦៥ភាគរយជាអ្នកសេពសុរាឬគ្រឿង ស្រវឹងផ្សេងៗ។

លោករដ្ឋមន្ត្រីបានថ្លែងនៅក្នុងសេចក្ដីជូនដំណឹងឲ្យ ដឹងថាការសេពសុរានិងគ្រឿងស្រវឹងបានផ្ដល់នូវផលវិបាកយ៉ាង ធ្ងន់ធ្ងរដល់សាមីខ្លួននិងសង្គមដូចជាប្រឈមមុខនិងការកើតជំងឺ រលាកថ្លើម ក្រិនថ្លើម រលាកក្រពះ ជំងឺបេះដូង សរសៃឈាម។ល។ និងអាចឈានដល់ការស្លាប់បាត់បង់ជីវិត។បណ្ដាលអោយមានគ្រោះថ្នាក់ ចរាចរបង្កជារបួសធ្ងន់ធ្ងរឬស្លាប់ដល់អ្នកបើកបរនិងអ្នកដ៏ទៃ។

បើតាមរបាយការណ៍របស់នាយកដ្ឋានសណ្ដាប់ធ្នាប់នៃអគ្គ ស្នងការដ្ឋាននគរបាលជាតិបានអោយដឹងថានៅក្នុងឆ្នាំ២០១០មានករណី គ្រោះថ្នាក់ចរាចរចំនួន៥៥១៨លើកក្នុងនោះបណ្ដាលអោយស្លាប់ចំនួន១៦៤៩ នាក់។ក្នុងចំណោមគ្រោះថ្នាក់ចរាចរនោះមាន១២ភាគរយបណ្ដាលមកពី អ្នកបើកបរសេពគ្រឿងស្រវឹង។

លោកវេជ្ជបណ្ឌិតម៉មប៊ុនហេងបាននិយាយក្នុងសេចក្ដីជូន ដំណឹងដដែលនោះអោយដឹងថាក្រៅពីនេះការសេពសុរានិងគ្រឿងស្រវឹងក៏ បង្កអោយមាននូវអំពើហិង្សាក្នុងគ្រួសាររឺបង្កជម្លោះនៅតាម ភោជនីយដ្ឋានឬនៅទីកន្លែងសាធារណៈ។ប្រឈមនិងការឆ្លងមេរោគអេដស៍ចំពោះ អ្នកស្រវឹងដែលភ្លេចភ្លាំងស្មារតីឬបាត់ម្ចាស់ការនិងអាចបណ្ដាល អោយពុលស្លាប់ចំពោះស្រាដែលផលិតរឺលាយផ្សំពុំបានត្រឹមត្រូវតាម លក្ខណៈបច្ចេកទេសរឺបន្ថែមសារធាតុពុលដូចជាម៉េតាណុលរឺថ្នាំអង់ ទ្រីន។ជាក់ស្ដែងនៅឆ្នាំ១៩៩៦មានពុលស្រាស្លាប់ចំនួន៤៥នាក់ដោយ សារលាយថ្នាំអង់ទ្រីន នៅឆ្នាំ១៩៩៨មានពុលស្រាស្លាប់ចំនួន៥០នាក់ដោយសារលាយម៉េតាណុល និងនៅឆ្នាំ២០១០មានករណីសង្ស័យពុលស្រាកើតឡើងមួយទៀតស្ថិតនៅភូមិ ព្រះធាតុឃុំព្រះធាតុស្រុកអូររាំងឪខេត្តកំពង់ចាមបណ្ដាលអោយមាន អ្នកឈឺនិងស្លាប់ចំនួន៤នាក់។

ដោយសារតែមានបញ្ហាដូចដែលបានរៀបរាប់ខាងលើនេះហើយ ក្រសួងសុខាភិបាលសូមអំពាវនាវដល់ប្រជាពលរដ្ឋទាំងអស់សូមមេត្តាជួយ កាត់បន្ថយឬបញ្ឈប់ការសេពសុរានិងគ្រឿងស្រវឹងដើម្បីថែរក្សាសុខភាព ផ្ទាល់ខ្លួនរក្សាភាពថ្លៃថ្នូរក្នុងសង្គមសន្សំសំចៃថវិកាសម្រាប់ គ្រួសារនិងចូលរួមកាត់បន្ថយការខាតបង់របស់រាជរដ្ឋាភិបាល៕

បើករថយន្តចាក់កួបុករបងសាលាមត្តេយ្យវត្តកោះប្រាវ

2011-01-05T13:45:00.000+07:00

Koh
ដោយ ៖ កោះឯករាជ្យ
រាជធានីភ្នំពេញ ៖ រថយន្តកូរ៉ូឡាមួយគ្រឿង ពាក់ស្លាកលេខ ភ្នំពេញ 2M 0300 ដែលគេដឹងថា បើកបរដោយយុវជនស្ទាវ បានជ្រុលចង្កូតទៅបុករបងសាលាមត្តេយ្យវត្តកោះ ស្ថិតនៅផ្ទះលេខ៩១ ផ្លូវលេខ៦៣ សង្កាត់បឹងរាំង ខណ្ឌដូនពេញ កាលពីវេលាម៉ោង១១ និង២០នាទីយប់ថ្ងៃទី៣ មករា ២០១០ បណ្តាលឱ្យបាក់របងថ្មជាង២ម៉ែត្រ ។ សាក្សីម្នាក់ដែលឃើញហេតុការណ៍បានឱ្យដឹងថា មុនពេលកើតហេតុគេឃើញរថយន្តមួយ គ្រឿងម៉ាកកូរ៉ូឡា ពណ៌ស្ករ ពាក់ស្លាកលេខភ្នំពេញ 2M 0300 បើកតាមបណ្តោយវិថីត្រសក់ផ្អែម លុះមកដល់មុខសាលាមត្តេយ្យវត្តកោះ ក៏បានបើកឡើងចិញ្ចើមថ្នល់ ដើម្បីចតរថយន្ត និងចូលទៅក្នុងក្លឹបកំសាន្តទល់មុខសាលាមត្តេយ្យវត្តកោះនោះ ។

ប៉ុន្តែនៅពេលនោះមិនដឹងជាយ៉ាងម៉េច ស្រាប់តែអ្នកបើកបរមិនជាន់ហ្វ្រាំង បែរជាជាន់ហ្ការក៏ជ្រុលទៅបុករបងសាលាមត្តេយ្យវត្តកោះទាំងកំរោល បណ្តាលឱ្យបាក់របងថ្មសង្កត់លើដំបូលរថយន្ត និងបែកកញ្ចក់រថយន្តទៀតផង ហើយបើសិនជាកុំបានរបងថ្មដែលបាក់កល់ទ្រូងរថយន្ត ម្ល៉េះរថយន្តនេះជ្រុលទៅបុកថ្នាក់រៀនកូនសិស្សបាត់ទៅហើយ ។ ក្រោយពីបុករបងថ្មសាលាមត្តេយ្យវត្តកោះទៅមុខលែងរួច គេឃើញម្ចាស់រថយន្តបើកទ្វាររថយន្តមកខាងក្រៅ និងសុំចរចាចេញសំណងថ្លៃខូចខាតរបងដោយមិនចាំបាច់សមត្ថកិច្ច ដោះស្រាយនោះទេ ។ ពុំមានប្រភពណាមួយបញ្ចេញឱ្យដឹងថា ភាគីម្ចាស់រថយន្តបង្កចេញសំណងថ្លៃខូចខាតរបងក្នុងតំលៃប៉ុន្មានឡើយ ហើយរថយន្តនោះក៏ត្រូវបានគេហៅរថយន្តស្ទូចមកស្ទូចយកទៅបាត់ដែរ ។ នៅក្នុងហេតុការណ៍នេះដែរ ពុំមានមនុស្សណាម្នាក់ស្លាប់ឬរបួសនោះទេ ហើយក៏ពុំមានរំខានដល់នគរបាលប៉ុសិ៍្តឡើយ ៕

VIGO បើកបុកបង្កាន់ដៃស្ពានព្រះមុនីវង្សចាស់ធ្លាក់ពីលើស្ពានរបួសពីរនាក់

2010-12-27T09:25:00.000+07:00

CEN
ដោយ : សុពិសិដ្ឋ
ភ្នំពេញ: រថយន្ត VIGO បានបុកបង្កាន់ដៃស្ពានព្រះមុនីវង្សចាស់ប៉ែកខាងកើតបាក់ជាង៩ម៉ែត្រ និងក្រឡាប់ធ្លាក់ពីលើស្ពាន បណ្តាលឲ្យអ្នកបើកបរ និងអ្នកជិះជាមួយម្នាក់ទៀតរងរបួស កាលពីម៉ោង១:២៥នាទី ទៀបភ្លឺឈានចូលថ្ងៃទី២៦ ខែធ្នូ ២០១០ ។

រថយន្តបង្កម៉ាក VIGO ពណ៌ខ្មៅ ពាក់ស្លាកលេខ ភ្នំពេញ 2G3200 បើកបរដោយឈ្មោះ សុខ លី អាយុ២៩ឆ្នាំ មុខរបរ លក់តុទូ និងអ្នករួមដំណើរម្នាក់ទៀតឈ្មោះ សុខ ចាន់មី ស្នាក់នៅភូមិកណ្តាល សង្កាត់ច្បារអំពៅ II រងរបួសរលាត់ដៃរលាត់ជើង និងឈាមច្រមុះ បានឡើងម៉ូតូកងបីទៅពេទ្យដោយខ្លួនឯង ។

មុនកើតហេតុគេបានឃើញរថយន្តខាងលើ បើកចេញពីផ្លូវ៣៦៩ ពីជើងទៅត្បូង ហើយបានបត់ឡើងស្ពានយ៉ាងលឿន បានប្រទះនឹងម៉ូតូ មួយគ្រឿងក៏បានបើកគេច ទើបបណ្តាលឲ្យរថយន្តរេចង្កូត ទៅបុកបង្កាន់ដៃស្ពានបាក់អស់ ៩:៥០ម៉ែត្រ និងក្រឡាប់៤-៥ ត្រឡប់ ធ្លាក់ចុះពីលើស្ពាន ដោយរថយន្តនៅឈរបែរក្បាលពីលិចមកកើតវិញ ៕

ម៉ូតូ អត់ភ្លើងបំភ្លឺដូចគ្នា អត់ពាក់មួកសុវត្ថិភាពដូចគ្នា អត់កញ្ចក់ដូចគ្នា ស្រវឹងដូចគ្នា បុកគ្នាស្លាប់១ របួសធ្ងន់២នាក់

2010-12-24T12:54:00.000+07:00

កម្ពុជាថ្មី
ភ្នំពេញ ៖ ម៉ូតូអត់ភ្លើងចង្កៀងបំភ្លឺផ្លូវដូចគ្នា បានបើកបញ្ច្រាសទិសគ្នា ដោយអ្នកបើកបរមាន សភាពស្រវឹងជោកជាំដូចគ្នា បានបើកម៉ូតូយ៉ាងលឿនបុកគ្នាពេញទំហឹងបណ្ដាលឲ្យមានមនុស្ស ម្នាក់បានស្លាប់នៅនឹងកន្លែង និង២នាក់ផ្សេងទៀតបានរងរបួសធ្ងន់ដឹកទៅសង្រ្គោះនៅមន្ទីរពេទ្យ។

ហេតុការណ៍បានកើតឡើងកាលពីវេលាម៉ោង ១០និង១០នាទីយប់ថ្ងៃទី២២ ខែធ្នូ ឆ្នាំ២០១០ នៅចំណុចមុខផ្ទះលេខ២០២A ផ្លូវ៣៧១ ភូមិក្បាលទំនប់ សង្កាត់បឹងទំពន់ ខណ្ឌមានជ័យ រាជធានី ភ្នំពេញ។ ជនរងគ្រោះរហូតដល់បាត់បង់ជីវិតមានឈ្មោះតាក់ រ៉ា ភេទប្រុស អាយុ២៦ឆ្នាំ ជាកម្មករ មានទីលំនៅឃុំកោះស្លា ស្រុកឈូក ខេត្តកំពត ជិះម៉ូតូម៉ាកវីវ៉ា ពាក់ស្លាកលេខ 1H8180 ភព១។ ចំណែកឯជនរងរបួសធ្ងន់ទាំង២នាក់ មានទី១-ឈ្មោះ ម៉ិច ប៊ុនលាភ ភេទប្រុស អាយុ២៨ឆ្នាំ មានទី លំនៅភូមិចុងបឹងក្រោយ ឃុំផ្ទះកណ្ដាល ស្រុកស្រីសន្ធរខេត្តកំពង់ចាម និងម្នាក់ទៀតឈ្មោះសួន សុខែម ភេទប្រុស អាយុ២៨ឆ្នាំ មានទីលំនៅភូមិ ឃុំជាមួយជនរងគ្រោះដែរ។

សមត្ថកិច្ចបានឲ្យដឹងថា នៅមុនពេលកើតហេតុម៉ូតូវីវ៉ាបានបើកពីត្បូងទៅជើង តាមបណ្ដោយ ផ្លូវ៣៧១លុះមកដល់ផ្លូវកោងដោយសារតែម៉ូតូរបស់ខ្លួនអត់មាន ភ្លើងបំភ្លឺ អ្នកបើកបរគ្មានមួកការពារ សុវត្ថិភាព គ្មានកញ្ចក់ ក៏បានបុកជាមួយម៉ូតូមួយគ្រឿងទៀតម៉ាកCUBជ្រុង ពណ៌ទឹកប៊ិច ពាក់ស្លាក លេខ ង៣០៥១ ដែលគ្មានភ្លើងបំភ្លឺផ្លូវ គ្មានមួកការពារសុវត្ថិភាព គ្មានកញ្ចក់ និងមានសភាពស្រវឹង ដូចគ្នាពេញទំហឹង បណ្ដាលឲ្យមនុស្សផ្លោងគលើគ្នា ហើយអ្នកបើកបរម៉ូតូវីវ៉ា បានស្លាប់ភ្លាមៗនៅ នឹងកន្លែងកើតហេតុ។ ចំណែក២នាក់ផ្សេងទៀតបានរងរបួសធ្ងន់ដឹកទៅសង្រ្គោះនៅមន្ទីរ ពេទ្យ៕

ដាច់ជើងម្ខាងស្លាប់: ជនជាតិកូរ៉េស្រវឹងស្រាបើកឡានបុក

2010-12-23T10:47:00.000+07:00

ដោយ : បាយ័ន
សៀមរាប: បុរសម្នាក់មានរបួសដាច់ជើងឆ្វេងចេញពីខ្លួន ហើយបានស្លាប់នៅកន្លែងកើតហេតុ កាលពីវេលាម៉ោង១០យប់ថ្ងៃទី២០ធ្នូ ២០១០ ត្រង់ចំណុចមុខផ្ទះមេភូមិដែលជាឪពុកអ្នកស្លាប់ នៅលើដងផ្លូវជាតិលេខ៦ ស្ថិតក្នុងភូមិបឹងខ្នាវ ឃុំខ្នាត ស្រុកពួក ខេត្តសៀមរាម ខណៈពេលអ្នកស្លាប់ជិះកង់ចេញពីផ្ទះរបស់ខ្លួន ក្នុងបំណងឆ្ពោះទៅទិសខាងលិច ហើយត្រូវរថយន្តជនជាតិកូរ៉េបើកបុកពេញមួយទំហឹងតែម្តង ។

អ្នកស្លាប់ឈ្មោះទន់ ហិប អាយុ២៦ឆ្នាំ ស្នាក់នៅក្នុងភូមិកើតហេតុ ត្រូវរថយន្តម៉ាកកាមរី ឆ្នាំ១៩៩៥ ពាក់ស្លាកលេខសៀមរាប 2A 0728 បើកបរដោយជនជាតិកូរ៉េ ឈ្មោះ Cho Dae Youen ភេទប្រុស អាយុ៥១ឆ្នាំ ស្នាក់នៅផ្ទះជួល ក្រុងសៀមរាប បើកបុកស្លាប់ភ្លាមៗ ។

ប្រភពពីកន្លែងកើតហេតុបានឲ្យដឹងថា មុនពេលកើតហេតុ គេឃើញរថយន្តបើកតាមផ្លូវខាងលើពីកើតទៅលិច លុះដល់ចំណុចកើតហេតុ ក៏បុកជនរងគ្រោះដែលកំពុងជិះកង់ចេញពីផ្ទះស្លាប់ភ្លាមៗតែម្តង ។ ក្រោយពេលកើតហេតុរថយន្តបង្កបានព្យាយាមបើករត់បានចម្ងាយប្រមាណជា ២០០ម៉ែត្រ ក៏ឈប់ ព្រោះតែកង់ជនរងគ្រោះគៀបជាប់កង់ឡាន ទើបទៅមុខលែងរូច។

ប៉ូលិសបានឃាត់ខ្លួនជនជាតិកូរ៉េ និងរថយន្តយកទៅអធិការដ្ឋាននគរបាលស្រុកពួកដើម្បីដោះស្រាយតាមច្បាប់ ៕

កុងតឺន័រក្រុមហ៊ុនក្បឿងស៊ីផេកម៉ូរៀ កិនមនុស្សផ្ទុះក្បាល

2010-12-23T10:41:00.000+07:00

ដោយ : សុពិសិដ្ឋ
ភ្នំពេញ: បុរសម្នាក់បានផ្ទុះក្បាលស្លាប់ភ្លាមៗ កាលពីវេលាម៉ោង៦និង៣០នាទីល្ងាច ថ្ងៃទី២១ ធ្នូ នេះ នៅចំណុចស្ពានថ្មចំការដូង មុខផ្ទះលេខ២៣៧ ស្ថិតផ្លូវមុនីរ៉េត សង្កាត់ស្ទឹងមានជ័យ ខណ្ឌមានជ័យ ខណៈពេលរថយន្តបង្កនិងម៉ូតូបើកបញ្ច្រាសទិសគ្នា ប៉ះដៃចង្កូតម៉ូតូដូល ឡានកិនបែកក្បាលតែម្តង។

អ្នកស្លាប់មានឈ្មោះសុខ ហេង អាយុ៣១ឆ្នាំ ជាកម្មករសំណង់ស្នាក់នៅភូមិ-ឃុំក្បាលកោះ ស្រុកកៀនស្វាយ ខេត្តកណ្តាល ជិះម៉ូតូម៉ាកសង់កូរ៉េ ពណ៌ក្រហម បានផ្ទុះក្បាលស្លាប់ ។

ចំណែករថយន្តបង្កម៉ាក Mitsubishi ពណ៌ស ស្លាក់លេខ ក ០២៤០ ភព២ កុងតឺន័រសណ្តោងរ៉ឺម៉ក ជាកម្មសិទ្ធិក្រុមហ៊ុនក្បឿងស៊ីផេកម៉ូរៀ សញ្ញារូបដំរី តៃកុងឡានរត់បាត់ នៅសល់តែព្រួឡាន ។

ប្រភពពីកន្លែងកើតហេតុបានឲ្យដឹងថា ម៉ូតូបើកតាមផ្លូវមុនីរ៉េត ពីជើង ទៅត្បូង ចំណែកឯឡានបើកច្រាសទិសគ្នា ។លុះមកដល់កន្លែងកើតគ្រោះថ្នាក់ដៃចង្កូតម៉ូតូបើកប៉ះឡាន បណ្តាលឲ្យដូលចូលក្រោមឡានកិនផ្ទុះក្បាលស្លាប់។ រថយន្តបានព្យាយាមបើករត់ដល់មុខប៉េអឹមក្រុង ទើបចាប់បាន ហើយតៃកុងរត់គេចខ្លួនបាត់ ។

គូបញ្ជាក់ថា កន្លែងគ្រោះថ្នាក់ខាងលើកាលពីថ្ងៃទី១៩ វិច្ឆិកា ២០១០ មានករណីឡានកុងតឺន័របុកនារី២នាក់ស្លាប់ភ្លាមៗម្តងរួចមកហើយ, ហើយប្រជាពលរដ្ឋដែលរស់នៅកន្លែងនោះបាននិយាយថា ទីនេះក្លាយជាកន្លែងជើងកបមួយគូឲ្យភ័យខ្លាច ។

ស្លាប់ម្នាក់ របួសធ្ងន់២នាក់ ក្នុងគ្រោះថ្នាក់ម៉ូតូបុកម៉ូតូ

2010-12-23T10:37:00.000+07:00

ដោយ : សុពិសិដ្ឋ
ភ្នំពេញ: បុរសម្នាក់ស្លាប់និង២នាក់ទៀតរបួសធ្ងន់ ក្នុងគ្រោះថ្នាក់ចរាចរណ៍រវាងម៉ូតូនិងម៉ូតូកាលពីវេលាម៉ោង១០និង១០ នាទីយប់ថ្ងៃទី២២ធ្នូ នេះ នៅចំណុចមុខផ្ទះ202 A ផ្លូវ៣៧១ ភូមិក្បាលទំនប់ សង្កាត់បឹងទំពុន ខណ្ឌមានជ័យ បន្ទាប់ពីម៉ូតូទាំងពីរគ្រឿងបើកអត់មានភ្លើងបំភ្លឺផ្លូវ ហើយបុកគ្នាក្នុងទិសដៅបញ្ច្រាសគ្នា ។

ភាគីម្ខាងម៉ូតូម៉ាកហុងដា CUB ជ្រុង សេ៥០ ពណ៌ទឹកប៊ិច ស្លាកលេខ ម ៣០៥១ ភព បើកបរដោយឈ្មោះប៊ិច ប៊ុនលាភ ភេទប្រុស អាយុ២៨ឆ្នាំ និងរួមដំណើរឈ្មោះ សួន សុខខែម ភេទប្រុសអាយុ ២៥ឆ្នាំ ស្នាក់នៅភូមិចុងបឹងក្រៅ ឃុំផ្ទះកណ្តាល ស្រុកស្រីសន្ធរ ខេត្តកំពង់ចាម ជាមួយគ្នា ។ ពួកគេមានរបួសជាទម្ងន់ ត្រូវបានរថយន្តមន្ទីរពេទ្យឯកជនចំនួន២ យកទៅសង្គ្រោះ ។

ចំណែកភាគីម្ខាងទៀត ម៉ូតូម៉ាកវីវ៉ា ពណ៌ខ្មៅ ស្លាកលេខ 1H 8180 ភ្នំពេញ បើកបរដោយឈ្មោះតាក់ រ៉ា ភេទប្រុស អាយុជាង២៦ឆ្នាំ មុចរបរ កម្មកររោងចក្រកាត់ដេរ មានស្រុកកំណើតនៅ ឃុំកោះស្លា ស្រុក/ខេត្តកំពត បានស្លាប់នៅនឹងកន្លែងកើតហេតុ ។

ប្រភពពីកន្លែងកើតហេតុបានឲ្យដឹងថា ដំបូងឡើយ ម៉ូតូវីវ៉ា បើកតាមផ្លូវ៣៧១ពីត្បូងទៅជើង ចំណែកឯម៉ូតូCubបើក្នុងទិសដៅបញ្ច្រាសគ្នា ។ លុះមកដល់ចំណុចកើតហេតុ ក៏បុកគ្នាចំកណ្តាលថ្នល់ពេញមួយទំហឹងតែម្តង ។

សាក្សីនិយាយថា មូលហេតុដែលបណ្តាលឲ្យបុកគ្នា គឺម៉ូតូទាំងពីរគ្រឿងអត់មានភ្លើងសំរាប់បំភ្លឺផ្លូវ ៕

រថយន្តសង្រ្គោះបន្ទាន់គ្លីនីកឯកជនសែន សុខ ជាន់ម៉ូតូ៣គ្រឿង

2010-11-14T08:51:00.000+07:00

កម្ពុជាថ្មី
សៀមរាប ៖ រថយន្តសង្រ្គោះបន្ទាន់ របស់គ្លីនីកឯកជន សែន សុខ ដែលមានទីតាំងនៅទីរួម ខេត្តសៀមរាប ដោយសារតែអ្នកបើកបរគ្មានការប្រុងប្រយ័ត្ន ក៏បន្ថែមល្បឿនក្នុងស្ថានភាពផ្លូវកែងហើយជ្រុលចង្កូតទៅព្រលះ ម៉ូតូ៣គ្រឿង ដែលធ្វើដំណើរបញ្ច្រាសទិសគ្នា។

សាក្សីនៅកន្លែងកើតហេតុបាននិយាយថា នៅយប់ថ្ងៃទី១១ ខែវិច្ឆិកា ឆ្នាំ២០១០ វេលាម៉ោង៧និង៣០នាទីយប់ ដោយសារតែរថយន្តសង្រ្គោះបន្ទាន់របស់គ្លីនីកឯកជន សែន សុខ នៅខេត្តសៀមរាប ប្រញាប់ទៅដឹកអ្នករងរបួសគ្រោះថ្នាក់ចរាចរនៅម្ដុំស្ពាននាគ ក៏បើកសឺរ៉ែន បន្ថែមល្បឿន បួងចង្កូតយ៉ាងខ្លាំង នៅត្រង់ចំណុចផ្លូវកែង ម្ដុំមុខមន្ទីរពេទ្យកុមារជីវរ្ម័នទី៧ ឆ្ពោះទៅស្ពាននាគ ហើយក៏ជ្រុលចង្កូតទៅបុកនឹងម៉ូតូ៣គ្រឿង ដែលធ្វើដំណើរបញ្ច្រាសទិសគ្នាពីកើតទៅលិច រហូតអូសចម្ងាយជាង១០០ម៉ែត្រ ក្នុងសង្កាត់ស្លក្រាម ក្រុងសៀមរាប ខេត្តសៀមរាប។

សមត្ថកិច្ចប៉ូលិសបានឲ្យដឹងថា អ្នកបើកបររថយន្តសាមុយនោះមានឈ្មោះពេញ ថៃ ភេទ ប្រុស អាយុ២៥ឆ្នាំ និងអ្នករួមដំណើរម្នាក់ទៀតឈ្មោះយ៉ន ឆុន ភេទប្រុស អាយុ២៧ឆ្នាំ បានបើកបរ រថយន្តសង្រ្គោះបន្ទាន់ ពាក់ស្លាកលេខ ពោធិ៍សាត់ 2A0236 តម្រង់មកបុកម៉ូតូមួយគ្រឿងម៉ាក ហុង ដា ១២៥ ពណ៌ខ្មៅ សេរី០៩ ដែលមានអ្នកជិះ៣នាក់ឪពុកម្ដាយនិងកូន ហើយរថយន្តក៏រ៉េចង្កូតទៅ បុកម៉ូតូ២គ្រឿងទៀតមានម៉ាក ស្មាស់រេវ៉ូ និងមួយគ្រឿងទៀតម៉ាកសង់ ពណ៌ខ្មៅ បណ្ដាលឲ្យ ម៉ូតូទាំង៣គ្រោះថ្នាក់ដួលពេញផ្លូវ។

សមត្ថកិច្ចប៉ូលិសចរាចរ និងកងអន្តរាគមន៍ បានទីដល់កន្លែងកើតហេតុ និងបានឃាត់ខ្លួន អ្នកបើកបររថយន្តសង្រ្គោះបន្ទាន់ នៅស្នងការនគរបាលខេត្តសៀមរាប រង់ចាំការដោះស្រាយតាម ផ្លូវច្បាប់៕

ហម សំបូរ

ស្ត្រីជើងខ្លាំងម្នាក់ៈ ថយបុកគេហើយ ស្រែកជេរគេទៀត!

2010-11-12T16:47:00.001+07:00

ដោយ៖ ស្ថាបនា 3/11/2010 បន្ទាយមានជ័យ

ស្រ្តីជើង ខ្លាំងម្នាក់បានយករថយន្ត ក្នុងម៉ោងធ្វើការ បើកមកចូលព្យាបាលនៅមន្ទីពេទ្យឯកជនមួយកន្លែង រួចបានរយ៉ែរថយន្តចេញពីមុខមន្ទីពេទ្យ ដោយមិនប្រុងប្រយ័ត្ន ក៏ទៅបុកម៉ូតូមួយគ្រឿង ដែលកំពុងចតស្ងៀម។ ហេតុការណ៍រថយន្តបុកម៉ូតូនេះ បានកើតឡើង កាលពីព្រឹកថ្ងៃទី៣០ តុលា ២០១០ ម៉ោង ១០:១៥នាទី ដែលស្ថិតនៅក្នុងភូមិក្បាលស្ពាន សង្កាត់ និងក្រុងប៉ោយប៉ែត ខេត្តបន្ទាយមានជ័យ នៅតាមដងផ្លូវជាតិលេខ៥ ទល់មុខរ៉ារថភ្លើងចាស់។

ប៉ូលីសចរចារធ្វើការដោះស្រាយ រវាងម្ចាស់រថយន្តបង្កហេតុ និងម្ចាស់ម៉ូតូរងគ្រោះ
ស្ត្រី ជើងខ្លាំងរូបនោះ ដែលមិនស្គាល់ឈ្មោះ ថាជាប្រពន្ធលោកធំណានោះ បានយករថយន្តរបស់រដ្ឋមកប្រើប្រាស់ ក្នុងម៉ោងធ្វើការនោះ ម៉ាកឡង់គ្រីសឺរ ពាក់ស្លាកលេខ រដ្ឋ 34 2004 ពណ៌ខ្មៅ រីឯម្ចាស់ម៉ូតូរងគ្រោះ មានឈ្មោះ ស៊ុន ម៉េងហ៊ាង ភេទប្រុស អាយុ ១៩ឆ្នាំ រស់នៅភូមិខាងលើ ដែលម៉ូតូរបស់គេ ម៉ាកសង់ចិន សេរី ២០១០ ពណ៌ខ្មៅ គ្មានស្លាកលេខ ។ ម្ចាស់ម៉ូតូរងគ្រោះ ស៊ុន ហ៊ាង បានរៀបរាប់ប្រាប់ម្នាក់ងារខ្មែរស្ថាបនាថា "មុនដំបូង ខ្ញុំបានដឹកប្រពន្ធរបស់ខ្ញុំទៅផ្សារ ហើយពេលមកដល់កន្លែងកើតហេតុ ខ្ញុំបានចតមួយភ្លាត ដោយឲ្យប្រពន្ធខ្ញុំចាំម៉ូតូ រួចខ្ញុំទៅយកទូរស័ព្ទ នៅកន្លែងជាង ស្ថិតនៅទល់មុខកន្លែងខ្ញុំចតម៉ូតូ ហើយពេលដើរដល់ផ្ទះជាង ក៏ស្រាប់តែឮសូរលាន់ផាំង ពេលនោះខ្ញុំក៏ងាកមើលក្រោយ ក៏ស្រាប់តែឃើញរថយន្ត បុកម៉ូតូរបស់ខ្ញុំដួលទៅហើយ ហើយពេលខ្ញុំទៅពិនិត្យឃើញ បាក់ជន្ទុលផ្អែកខាងធ្វេង និងបាក់កាបាំងចំហៀង ផ្នែកខាងស្តាំ" ។ ស្រ្តីចំណាស់ ដែលបង្កហេតុ បានចុះពីរថយន្ត មកស្រែកស្តីបន្ទោសឲ្យម្ចាស់ម៉ូតូរងគ្រោះថា រ៉ែងឥតមើលឡានអាញ់ថយទេឬ! អញថយមកហើយ រ៉ែងម៉េចក៏មិនយកម៉ូតូចេញ ហើយបានជេរស្រែកឡូឡាថា "អាចុយម្រាយ" រ៉ែងមើលឡានអញរបកថ្នាំអស់ហើយ ត្រូវតែសង បាញ់ថ្នាំឲ្យអាញ់វិញ។

សូម បញ្ជាក់ផងដែរថា នៅក្នុងរថយន្ត មានផ្លាកឡូហ្គោ អង្គរបញ្ជាការដ្ឋាន លេខរៀង 1126-2010 និងមានមួក នៅក្នុងរថយន្តផងដែរ ប៉ុន្តែមួកនោះ គេសង្កេតឃើញថា ជាមួករបស់ស្ថាប័នប៉ូលីស ស័ក្តិបួនកន្លះ។ បើតាមប្រភពនៅកន្លែងហេតុកើត បានឲ្យដឹងថា ស្រ្តីវ័យចំណាស់ ដែលយករថយន្តរដ្ឋ មកប្រើប្រាស់ជាលក្ខណៈឯកជននោះ គឺជាប្រពន្ធលោកស័ក្តិ៥ ខាងប៉ូលីស គឺរថយន្តរបស់រដ្ឋ ផ្លាកឡូហ្គោ បញ្ជាការដ្ឋានអង្គរ មួកប៉ូលីស។
គួរកត់ សម្គាល់ផងដែរថា នៅក្នុងខេត្តបន្ទាយមានជ័យ គេតែងសង្កេតឃើញថា មានរថយន្តមួយចំនួន បិទឡូហ្គោអង្គរ ន.ប ខ.ម និងពេលខ្លះគេឃើញយករថយន្ត នៅក្នុងអង្គភាព ពាក់ស្លាកលេខរដ្ឋ យកទៅដឺកទំនិញ តាមច្រករបៀង ខុសច្បាប់ទៀតផង។ ចំណែករថយន្ត បិទឡូហ្គោអង្គរ ន.ប ខ.ម សម្បូរទៅដោយអ្នករកស៊ី និងអ្នកបើកបររត់ឡានតាក់ស៊ីជាដើម ។
រីឯ រថយន្តបង្កហេតុ និងម៉ូតូរងគ្រោះ ខាងលើ ក៏ត្រូវបានខាងប៉ូលីសចរាចរសណ្តាប់ធ្នាប់ក្រុងប៉ោយប៉ែត បានធ្វើការដោះស្រាយនៅកន្លែងកើតហេតុផងដែរ តែដោះស្រាយមិនចេញ ក៏សម្រេចបញ្ជួនទាំងរថយន្ត និងម៉ូតូ ទៅអធិការដ្ឋានក្រុង ប៉ោយប៉ែត ដើម្បីដោះស្រាយ ទៅតាមនិតិវិធីច្បាប់ចរាចរសណ្តាប់ធ្នាប់ជើងគោក ប៉ុន្តែម្ចាស់ម៉ូតូ បានប្រាប់ភ្នាក់ងារខ្មែរស្ថាបនា នៅកន្លែងអធិការដ្ឋានក្រុងថា ស្រ្តីដែលជាម្ចាស់រថយន្ត បានប្រាប់ម្ចាស់ម៉ូតូថា គាត់ នឹងចេញសង ធ្វើឲ្យពាក់កណ្តាល ហើយពាក់កណ្តាលទៀត ចេញធ្វើខ្លួនឯងទៅ។ ប្រជាពលរដ្ឋនៅក្បែរកន្លែងកើតហេតុ បាននិយាយថា រថយន្តដែលថយបុកម៉ូតូនេះ គឺខុសទាំងស្រុង ពីព្រោះ ថយបុកម៉ូតូរបស់គេ ដែលកំពុងថតស្ងៀម ដោយគ្មានការប្រុងប្រយ័ត្ន និងធ្វេសប្រហែស៕

GRSP ASIA ROAD SAFETY SEMINAR, SIEM REAP, CAMBODIA NOVEMBER 3-5 2010

2010-11-03T16:51:00.000+07:00

Road safety seminar to highlight Asian road safety innovation

More than 150 leading road safety experts, practitioners, business representatives and government officials from around the world will gather in Siem Reap, Cambodia, on 3-5 November for the Global Road Safety Partnership’s (GRSP) Asia Road Safety Seminar. This is a key regional event in which participants will share strategies for reducing road-crash related injury and discuss the implementation of the United Nations’ Decade of Action for Road Safety 2011-2020.

Held last year in Singapore, this year’s event is being run with the support of the Government of Cambodia through its National Road Safety Committee (NRSC).

“Asia has a critical role to play in addressing the road safety crisis,” said Andrew Pearce, CEO of GRSP. “A region with diverse cultures, growing economies and rapid motorization, Asia is at the front-line of the road safety crisis, suffers heavily from a crisis that claims 1.3 million lives worldwide annually.”

“Fortunately, Asia has also become a hotbed for road safety innovation, where best practices have proven to make a difference in changing behaviour and reducing road crash related death and injury,” he added. “Those attending the seminar will hear about numerous cases in which multi-sector road safety interventions in Asia have provided proven, life-saving results and inspired other efforts around the world.”

Some of the road safety interventions to be featured include:
• Programmes to promote helmet use in Cambodia, Thailand and Vietnam that have led to quantifiable increases in helmet wearing, and in the case of Cambodia and Vietnam, they resulted in clear reductions in motorcycle related death and injury.
• Road infrastructure projects in Malaysia, Philippines, Vietnam, Korea and Bangladesh using the latest technology to identify safety issues and design road improvements.
• Updates on projects in China that have improved safety pedestrians, cyclists and motorcyclists.

Participants will also learn about and discuss:
• Updates on the world’s largest donation to global road safety to date, the Bloomberg Philanthropies funded US$125 million RS10 project that targets 10 countries including Cambodia.
• Updates on the region’s participation in the Global Road Safety Initiative (GRSI), the world’s largest private sector collaboration for road safety.
• Discussions on how Asia can best prepare for the United Nations’ Decade of Action for Road Safety, which offers an opportunity to increase political commitment, funding and global visibility for one of the world’s leading health crises.
• The role of youth in the Decade of Action for Road Safety.
• The Asian Development Bank’s Sustainable Transport Initiative.

The GRSP Asia Road Safety Seminar has become a key platform for developing effective responses to this global, man-made humanitarian crisis. Each year, 1.3 million people are killed on the world’s roads and 90 per cent of these fatalities are in developing countries. This death toll is set to rise dramatically over the next decade unless action is taken. In March this year, the United Nations passed a resolution calling for a Decade of Action for Road Safety in 2011-2020.

His Excellency Mr Tram Iv Tek, Minister for Public Works and Transport and Chairman of the NRSC will open the seminar on Wednesday 3 November. The seminar will continue on Thursday 4 November, and be followed by an International Road Assessment Programme (iRAP) workshop to be held on Friday 5 November.

The theme of the GRSP Asia Seminar 2010 in Siem Reap is Preparing for the Decade of Action. This will focus on ensuring that the United Nations Decade of Action for Road Safety is effective as a means of reducing road trauma in the region. The seminar’s key objectives this year are to:
• stimulate planning for the Decade of Action
• develop networks to support information, good practice and knowledge sharing
• update representatives on global, regional and country developments
• review progress on implementation of key initiatives in the region, including iRAP and the Good Practice Manuals
• highlight key road safety issues for countries in Asia, with a focus on children and youth.

The seminar has been supported over the years by GRSP through its corporately funded Global Road Safety Initiative (GRSI) programme, with funds provided by Ford, General Motors, Honda, Michelin, Renault, Shell and Toyota.

This year’s event is also supported by the International Road Assessment Program (iRAP), FIA Foundation, Asian Development Bank, and Western Pacific Regional Office of the World Health Organisation (WHO).

GRSP is a global partnership between business, civil society and governmental organizations collaborating to improve road safety conditions around the world. It was initiated by the World Bank Group in 1999, and is a hosted program of the International Federation of Red Cross and Red Crescent Societies (IFRC). GRSP undertakes a range of activities in low and middle income countries worldwide, ranging from program delivery and demonstration projects to capacity building and advocacy.

ក្រុមអ្នកជំនាញ និងតំណាងរដ្ឋាភិបាល ពិភាក្សា ដើម្បីលើកកម្ពស់ការអនុវត្តន៍ការងារសុវត្ថិភាពចរាចរណ៍

2010-10-26T19:11:00.000+07:00

CEN
ភ្នំពេញ: អ្នកជំនាញចរាចរណ៍ជាតិ និងអន្តរជាតិ ព្រមទាំងតំណាងរដ្ឋាភិបាល និងអ្នករៀបចំគោលនយោបាយសុវត្ថិភាពចរាចរណ៍ ប្រមាណ ២០០ នាក់ នឹងចូលរួមក្នុងសិក្ខាសាលអន្តរជាតិមួយ ឈ្មោះថា សុវត្ថិភាពចរាចរណ៍នៅអាស៊ី និងការត្រៀមឆ្ពោះទៅទសវត្សរ៍ នៃសកម្មភាពសុវត្ថិភាពចរាចរណ៍។ សិក្ខាសាលានេះ នឹងប្រព្រឹត្តិទៅនៅក្រុងសៀមរាប ចាប់ពីថ្ងៃទី៣ និងថ្ងៃទី៤ ខែវិច្ឆិកា ឆ្នាំ២០១០ នៅសណ្ឋាគារ សុខា ខេត្តសៀមរាប។

តាមលិខិតអញ្ជើញអ្នកយកព័ត៌មាន ដើម្បីចូលរួមសិក្ខាសាលានោះ បានបង្ហាញថា សិក្ខាសាលាអន្តរជាតិ ដែលរៀបចំឡើងដោយ គណៈកម្មាធិការជាតិសុវត្ថិភាពចរាចរណ៍ផ្លូវគោកនៃកម្ពុជា និងអង្គការសម្ព័ន្ធដៃគូដើម្បីសុវត្ថិភាពចរាចរណ៍សកល គឺដើម្បីលើកកម្ពស់ការអនុវត្តន៍ការងារសុវត្ថិភាពចរាចរណ៍ នៅបណ្តាប្រទេសនៅទ្វីបអាស៊ី និងលើកទិសដៅការងារសុវត្ថិភាពចរាចរណ៍ប្រចាំទសវត្សរ៍។

ពិធីបើកសិក្ខាសាលា ស្តីពីសុវត្ថិភាពចរាចរណ៍នៅអាស៊ី នាថ្ងៃទី៣ ខែវិច្ឆិកា ឆ្នាំ២០១០ ប្រារព្ធឡើងក្រោមអធិតីភាពដ៏ខ្ពង់ខ្ពស់របស់លោក ត្រាំ អ៊ីវតឹក រដ្ឋមន្ត្រីក្រសួងសាធារណៈការ និងដឹកជញ្ជូន និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោកនៃកម្ពុជា ។

របាយការណ៍របស់ក្រសួងមហាផ្ទៃ បានបង្ហាញថា ក្នុងរយៈពេល ៦ ខែ ឆ្នាំ២០១០ គ្រោះថ្នាក់ចរាចរមានចំនួន ៣.០៤០ ករណី ដែលមានជនរងគ្រោះសរុបចំនួន ៦.៣៤៦ នាក់។ ក្នុងនោះ មានជនរងគ្រោះដល់ស្លាប់ចំនួន ៩៣១ នាក់ រងរបួសធ្ងន់ចំនួន ២.៨៥៣ នាក់ និងរបួសស្រាលចំនួន ២.៥៦២ នាក់។

ក្នុងរយៈពេលប៉ុន្មានឆ្នាំចុងក្រោយនេះ ការស្លាប់ដោយគ្រោះថ្នាក់ចរាចរនៅកម្ពុជា មានការកើនឡើងជាលំដាប់ ជារៀងរាល់ថ្ងៃគួរឲ្យព្រួយបារម្ភ។ គ្រោះថ្នាក់ចរាចរណ៍ បានក្លាយជាវិញ្ញាសារចម្បង និងជាការព្រួយបារម្ភបំផុតរបស់រដ្ឋាភិបាលកម្ពុជា ដែលបានចាត់ទុកថា ជាគ្រោះមហន្តរាយដ៏ធំទី២ បន្ទាប់ពីជម្ងឺអេដស៍។

ស្ថិតិគ្រោះថ្នាក់ចរាចរ ឆ្នាំ២០០៩ របស់អង្គការជនពិការអន្តរជាតិ ប៊ែលហ្សិក បានបង្ហាញថា គ្រោះថ្នាក់ចរាចរណ៍ នៅឆ្នាំ២០០៩ បានធ្វើឲ្យប្រទេសកម្ពុជា ខាតបង់ថវិកាអស់ ២៤៨ លានដុល្លារអាមេរិក ដែលថវិកានេះ បើសិនជាគ្មានគ្រោះថ្នាក់ចរាចរណ៍ទេនោះ អាចយកទៅសាងសង់ជាប្រយោជន៍សង្គមជាច្រើន ដូចជា សាលារៀន មន្ទីរពេទ្យ ផ្លូវ ស្ពាន ។ល។

ប្រព័ន្ធព័ត៌មានជនរងគ្រោះ និងគ្រោះថ្នាក់ចរាចរណ៍ផ្លូវគោកនៅកម្ពុជា របស់អង្គការជនពិការអន្តរជាតិបែលហ្សិក បានបង្ហាញថា គ្រោះថ្នាក់ចរាចរណ៍ បានបណ្តាឲ្យមានអ្នករងគ្រោះ ២១.៥១៩ នាក់ ដោយមានអ្នកស្លាប់ ១.៧១៧ នាក់ និងរបួសធ្ងន់ចំនួន ៧.០២២ នាក់។

របាយការណ៍ដដែល បានបង្ហាញថា ការស្លាប់ និងរបួស ដែលឈានដល់ពិការភាព ដោយសារតែគ្រោះថ្នាក់ចរាចរណ៍ ពាក់ព័ន្ធនឹងការបើកបរហួសល្បឿនកំណត់ ការបើកបរនៅពេលស្រវឹង គួបផ្សំនឹងអត្រាពាក់មួកសុវត្ថិភាពនៅទាប ជាពិសេសក្នុងចំណោមអ្នករួមដំណើរ និងកុមារ។

របាយការណ៍ បានបង្ហាញថា ៧០% នៃអ្នកស្លាប់ បានរងគ្រោះ ដោយសារការបើកបរហួសល្បឿនកំណត់ និងការបើកបរពេលស្រវឹង។ រីឯគ្រោះថ្នាក់ ៧០% នៃអ្នកជិះម៉ូតូ ដែលរងគ្រោះរហូតដល់ស្លាប់ មានរបួសក្បាល៕

នារីទំនើងម្នាក់បើករថយន្តបុកបង្កាន់ដៃស្ពានព្រះមុនីវង្សចាស់ប៊ិះធ្លាក់ចូលទន្លេ

2010-10-22T13:41:00.000+07:00

កម្ពុជាថ្មី

ភ្នំពេញ ៖ នារីម្នាក់រួមនឹងអ្នកដំណើរ២នាក់ទៀត ប្រុសម្នាក់ស្រីម្នាក់ ដែលគេដឹងថា សុទ្ធតែជនជាតិ វៀតណាម បានបើករថយន្តម៉ាកកូរ៉ូឡា បោះពួយយ៉ាងលឿនទៅបុកបង្កាន់ដៃស្ពានព្រះមុនីវង្សចាស់ ក្នុងទឹក ដីខណ្ឌមានជ័យ រាជធានីភ្នំពេញ កាលពីវេលាម៉ោង២២និង៣០នាទី យប់ថ្ងៃទី២០ ខែតុលា ឆ្នាំ២០១០។

ប៉ូលិសចរាចរក្រុងភ្នំពេញបាននិយាយថា អ្នកបើកបររថយន្តបង្កហេតុមានឈ្មោះសុខ ស្រីពៅ ភេទស្រី អាយុ២១ឆ្នាំ ជាជនជាតិវៀតណាម មានទីលំនៅសង្កាត់ព្រែកប្រា ខណ្ឌមានជ័យ និងអ្នករួមដំណើរ២នាក់ទៀត ម្នាក់ឈ្មោះអាហ៊ុង ភេទស្រី អាយុ២១ឆ្នាំ និងអ្នករួមដំណើរម្នាក់ទៀតឈ្មោះអាលីម ភេទប្រុស អាយុ២៧ឆ្នាំ មានទីលំនៅផ្ទះជួលសង្កាត់បឹងត្របែក។ រថយន្តបង្កម៉ាកកូរ៉ូឡា ពណ៌ទឹកប៊ិច ពាក់ស្លាកលេខភ្នំពេញ 2G9571 ជាកម្មសិទ្ធិរបស់ឈ្មោះសុខ ស្រីពៅ(ឈ្មោះខ្មែរ)។

សាក្សីនិយាយថា មុនពេលកើតហេតុរថយន្តកូរ៉ូឡា បានធ្វើដំណើរតាមផ្លូវជាតិលេខ១ ទិសដៅចូល ភ្នំពេញ ក្នុងល្បឿនយ៉ាងលឿន។ ពេលមកដល់ចំណុចឆ្លងកាត់ស្ពានព្រះមុនីវង្សចាស់ រថយន្តបានរេចង្កូតមក ខាងស្ដាំដៃបណ្ដាលឲ្យបុកបង្កាន់ដៃស្ពាន បាក់មួយប្រឡោះរថយន្ត ហើយរថយន្តកុំតែបានបង្កាន់ដៃស្ពានគាបជាប់ នឹងធ្លាក់ទឹកទន្លេបង្កវិនាសកម្មលើសពីការស្មានទៅទៀត។

ប៉ូលិសចរាចររាជធានីភ្នំពេញ បានបញ្ជាក់ថា មូលហេតុមកពីអ្នកបើកបរពិសាជាតិស្រវឹងជ្រុល ដែល គេដឹងថាទើបបញ្ចប់ការផឹកស៊ីនៅឯកៀនស្វាយ ហើយបោះពួយមកភ្នំពេញក៏ជួបឧប្បត្តិហេតុគួរឲ្យព្រឺក្បាលបែប នេះ។ ករណីនេះប៉ូលិសបានស្ទូចរថយន្តទៅរក្សាទុកនៅសាលារាជធានីភ្នំពេញ ដើម្បីដោះស្រាយតាមច្បាប់៕

ឡិចស៊ីសម្ចាស់ស្រវឹងបើកបោះពួយធ្លាក់ប្រឡាយទឹក

2010-10-12T20:36:00.000+07:00

កោះសន្តិភាព

រាជធានីភ្នំពេញ ៖ រថយនុ្តម៉ាកឡិចស៊ីសពណ៌ទឹកមាសមួយគ្រឿង ដែលគេអះអាងថា ម្ចាស់ស្រវឹងទើបតែចេញពីផឹកបានបើកបោះពួយ រេចង្កូតធ្លាក់ចូលប្រឡាយ តាមផ្លូវលេខ២០០៤ មុខសាលាអន្តរជាតិសង្កាត់ទឹកថ្លា ខណ្ឌសែនសុខ ហើយដេកនៅក្នុងទឹកប្រឡាយ អស់ប្រមាណជាង១ម៉ោង ទើបម្ចាស់ហៅរថយន្តមកស្ទួចដោយខ្លួនឯង។ អ្វីដែលធ្វើឱ្យមានការចាប់អារម្មណ៍ មុនពេលស្ទួច ម្ចាស់រថយន្តខ្លាចមានភាពអាម៉ាស់ ក៏បានឱ្យព្រូរថយន្តស្ទួចយកក្រមា និងខោអាវមកបិទស្លាកលេខមិនឱ្យគេស្គាល់។

គ្រោះថ្នាក់ចរាចរណ៍បើកធ្លាក់ប្រឡាយនេះតាម ប្រភពព័ត៌មានឱ្យដឹងថា កើតឡើងកាលពីវេលាម៉ោង១២និង៣០នាទីរំលងអធ្រាត្រចូលថ្ងៃទី១២ តុលា ឆ្នាំ២០១០។ នៅមុនពេលកើតហេតុគេឃើញរថយន្តម៉ាកឡិចស៊ីស លេខ៤៧០ ពណ៌ទឹកមាស មួយគ្រឿងខាងលើ បានធ្វើដំណើរតាមផ្លូវជាតិលេខ២០០៤ ក្នុងទិសដៅពីលិចទៅកើត ខណៈពេលដែលផ្លូវកំពុងតែលិចទឹកត្រឹមស្មងជើង។ នៅពេលធ្វើដំណើរមកដល់កន្លែងកើតហេតុ ថយន្តក៏បានរេចង្កូតទៅខាងស្តាំដៃ ហើយធ្លាក់ប្រឡាយទឹកស្ទើរតែលិចរថយន្ត។ តាមព័ត៌មានដដែលឱ្យដឹងទៀតថា ភ្លាមនោះគេឃើញមនុស្សដែលជិះក្នុងរថយន្តចំនួន២នាក់បានបើកទ្វារ ចេញពីក្នុងរថយន្ត បន្ទាប់មករថយន្តម៉ាកឡង់គ្រីស័រ ពណ៌ទឹកមាស មួយគ្រឿងទៀតដែលទំនងជាមិត្តភក្តិបានមកដល់ និងបានទាក់ទងហៅរថយន្តមកស្ទួច។

នៅយប់នោះគេឃើញអ្នកបើកបររួមទាំងមិត្តភក្តិ ស្ថិតក្នុងសភាពស្រវឹងជោកជាំដូចគ្នាដែលទើបតែចេញមកពីផឹក។ ដើម្បីបិទបាំងករណីអាក្រក់នាយប់នោះ គេឃើញម្ចាស់រថយន្តបានឱ្យព្រូរថយន្តស្ទួចយកក្រមា និងខោអាវចុះទៅក្នុងទឹកបិទស្លាកលេខរថយន្តតាំងពីក្នុងទឹក មកម៉្លេះ។ ទោះបីជាយ៉ាងណា មិនអាចបិទមុខខ្លួនឯងបានទេ។ ប្រមាណជាង១ម៉ោងក្រោយមកទើបរថយន្តស្ទួចយករថយន្តនោះចេញពីប្រឡាយ ហើយនាំទៅជួសជុល៕

ស្លាប់២៥នាក់ក្នុងឱកាសបុណ្យភ្ជុំបិណ្ឌ

2010-10-11T15:32:00.002+07:00

មានមនុស្សស្លាប់២៥នាក់ ក្នុងនោះប្រុស២២នាក់ រងរបួសធ្ងន់១២៣នាក់ ក្នុងនោះប្រុស១០១នាក់ រងរបួសស្រាល១១៦នាក់ ក្នុងនោះប្រុស៨៨នាក់ក្នុងឱកាសបុណ្យភ្ជុំបិណ្ឌ។
ការបើកបរហួសល្បឿនកំណត់ និងការបើកបរក្រោយពេលហូបជាតិស្រវឹងជាមូលហេតុចមំបងក្នុងហេតុការណ៏ខាងលើ។

៩ ខែដើមឆ្នាំគ្រោះថ្នាក់ចរាចរណ៍មានអ្នកស្លាប់កើនដល់ ១.២៨៥ នាក់

2010-10-02T11:40:00.000+07:00

រយៈពេល ៩ ខែ នៃឆ្នាំ២០១០ នេះអ្នកស្លាប់ និងរបួសដោយគ្រោះថ្នាក់ចរាច របានកើនដល់ចំនួន ៨.៥០០ នាក់ហើយ ។ គ្រោះថ្នាក់ចរាចរណ៍ទូទាំងប្រទេសក្នុងខែកញ្ញា មានការកើនឡើង បើធៀបទៅនឹងខែសីហានោះ នៅភ្នំពេញគ្រោះថ្នាក់ចរាចរណ៍ភាគច្រើន កើតមានឡើងតែនៅពេលយប់ ។
លោក ព្រាប ចន្ទ័វិបុល ប្រធាននាយកដ្ឋានដឹកជញ្ជូនផ្លូវគោក និងជាប្រធានផ្នែកអប់រំផ្សព្វផ្សាយច្បាប់់ចរាចរណ៍ នៃគណៈកម្មាធិការជាតិសុវត្ថិភាព ផ្លូវគោកបាននិយាយឲ្យដឹងថា យោងតាមរបាយការណ៍ ដែលទទួលបានមកពីអគ្គស្នងការនគរបាលជាតិ បង្ហាញឲ្យឃើញថា នៅក្នុងខែកញ្ញាកន្លងទៅនេះ នៅទូទាំងប្រទេសមានគ្រោះថ្នាក់ចរាចរណ៍ កើតឡើងចំនួន ៣៧៣ លើក បណ្តាលឲ្យស្លាប់មនុស្សចំនួន ១១៩ នាក់ របួសធ្ងន់ចំនួន ៣០២ នាក់ របួសស្រាល ២៥៤ នាក់ ។

ចំនួនគ្រោះថ្នាក់ចរាចរណ៍ និងចំនួនជនរងគ្រោះដោយគ្រោះថ្នាក់ចរាចរណ៍ នៅទូទាំងប្រទេស ក្នុងខែកញ្ញា ឆ្នាំ២០១០ បើធៀបទៅនឹងខែសីហា ចំនួនគ្រោះថ្នាក់មានការកើនឡើង ៤ ភាគរយ ជនរងគ្រោះដល់ស្លាប់កើនឡើង ១០ ភាគរយ និងរបួសធ្ងន់កើនឡើង ៣៤ ភាគរយ ។ ចំនួនជនរងគ្រោះ ដល់ស្លាប់ដោយគ្រោះថ្នាក់ចរាចរ ក្នុងរយៈពេល ៩ ខែនៃឆ្នាំ២០១០ បានកើនដល់ ១.២៨៥ នាក់ និងជងរងគ្រោះរបួសធ្ងន់ស្រាល បានកើនដល់ចំនួន ៧.២១៥ នាក់ហើយ ៕

ស្វែងយល់ពីគ្រោះថ្នាក់ចរាចរណ៍ក្នុងឱកាសបុណ្យភ្ជុំបិណ្ឌ

2010-10-02T11:27:00.001+07:00

គ្រោះថ្នាក់ចរាចរណ៍ក្នុងកំឡុងពេលបុណ្យជាតិធំៗត្រូវបានរកឃើញថាមានចំនួនកើនឡើងលើសពេលធម្មតា ពិសេសក្នុងពិធីបុណ្យភ្ជុំបិណ្ឌប្រពៃណីជាតិ។ តាមរបាយការណ៍នៃប្រព័ន្ធព័ត៌មានជនរងគ្រោះ និងគ្រោះថ្នាក់ចរាចរណ៍ផ្លូវគោកនៃអង្គការជនពិការអន្តរជាតិបែលហ្សិកបានឱ្យដឹងថា ក្នុងកំឡុងពេលមួយសប្ដាហ៍ គឹតចាប់ពីថ្ងៃទី១៦ដល់ទី២២ខែកញ្ញា ក្នងពិធីបុណ្យភ្ជុំបិណ្ឌ ឆ្នាំ២០០៩ មានមនុស្សស្លាប់៥០នាក់ និងជាច្រើននាក់ផ្សេងទៀតរងគ្រោះដោយគ្រោះថ្នាក់ចរាចរណ៍លើដងផ្លូវក្នុងព្រះរាជាណាចក្រកម្ពុជា។ ម៉ូតូជាយានដែលមានអត្រាគ្រោះថ្នាក់ខ្ពស់ជាងគេក្នុងហេតុការណ៍គ្រោះថ្នាក់ទាំងនោះ។
តើគ្រោះថ្នាក់ចរាចរណ៍ក្នុងឱកាសបុណ្យភ្ជុំបិណ្ឌបណ្តាលមកពីមូលហេតុអ្វី?
តាមរបាយការណ៍ដដែលបានឱ្យដឹងថា ភាគច្រើននៃគ្រោះថ្នាក់ចរាចរណ៍កើតដោយមូលហេតុមួយចំនួនដូចខាងក្រោម៖
- ការបើកបរហួសល្បឿនកំណត់
- ការពិសារជាតិស្រវឹងហើយបើកបរ
- ការធ្វើដំណើរតាមយានផ្ទុកលើសចំណុះ
- ការមិនគោរពសិទ្ធិអាទិភាព
មូលហេតុទាំងនេះកើតឡើងដោយសារកត្តាមនុស្សមានន័យថា មនុស្សជាអ្នកបង្កឱ្យមានគ្រោះថ្នាក់ចរាចរណ៍។ ដូចនេះគ្រោះថ្នាក់ចរាចរណ៍ពិតជាអាចកាត់បន្ថយបានប្រសិនបើអ្នកបើកបរទាំងឡាយចូលរួមគោរពច្បាប់ចរាចរណ៍បានល្អ ដោយចៀសឲ្យផុតពីកំហុសឆ្គងខាងលើនោះ។ ម្យ៉ាងទៀតអ្វីដែលត្រូវបានគួរចាប់អារម្មណ៍ខ្ពស់ក្នុងឱកាសបុណ្យភ្ជុំបិណ្ឌគឺ ការបើកបរក្រោយពេលពិសារជាតិស្រវឹង ព្រោះថាពេលបានជួបជុំញាតិមិត្តអាចបន្តដោយការពិសារជាតិស្រវឹង។ ជាទូទៅ ក្រោយពីពិសារជាតិស្រវឹង អ្នកបើកបរមិនអាចមានស្មារតីមាំមួនគ្រប់គ្រងខ្លួនឯងបានល្អ និងមានប្រតិកម្មរហ័សដូចពេលមិនទាន់ពិសារឡើយ។ ដូច្នេះ ការបើកបរក្រោយពេលពិសារជាតិស្រវឹងគឺមិនត្រឹមតែជាការយកជីវិតរបស់ខ្លួនផ្ទាល់ទៅប្រថុយទៅនឹងគ្រោះថ្នាក់នោះទេ តែថែមទាំងប្រមាថជីវិតអ្នករួមដំណើរលើយាន និងជិវិតអ្នកដំណើរផ្សេងទៀតនៅលើផ្លូវដែលពុំបានដឹងអ្វីសោះទៀតផង។

រួមគា្នកាត់បន្ថយគ្រោះថ្នាក់ចរាចរណ៍ក្នុងឱកាសបុណ្យភ្ជុំបិណ្ឌ
គិតដល់គ្រួសារ និងអ្នកដទៃ កុំបើកបរក្រោយពេលពិសារជាតិស្រវឹង

ជិះម៉ូតូបុកស្ត្រីម្នាក់ដើរតាមផ្លូវរួចដួលរបួសធ្ងន់ធ្ងរទាំងអស់គ្នា

2010-10-02T11:21:00.001+07:00

កោះសន្តិភាព
ដោយ ៖ កោះឯករាជ្យ

រាជធានីភ្នំពេញ ៖ ស្ត្រីម្នាក់បានរងរបួសយ៉ាងធ្ងន់ធ្ងរ ដោយសារតែបុរសម្នាក់ជិះម៉ូតូបុកពេញទំហឹងក្នុងខណៈពេលដែលរូបគាត់ កំពុងដើរតាមផ្លូវ ចំណែកឯបុរសនោះក៏ដួលម៉ូតូរងរបួសយ៉ាងធ្ងន់ធ្ងរដូចគ្នាដែរ ហើយត្រូវបានគេបញ្ជូនទៅកាន់មន្ទីរពេទ្យដើម្បីសង្គ្រោះទាំងអស់គ្នា ។ ឧប្បត្តិហេតុគ្រោះថ្នាក់នេះបានកើតឡើងកាលពី វេលាម៉ោង៤ និង៤៥នាទីរសៀលថ្ងៃទី៣០ កញ្ញា នៅលើកំណាត់ផ្លូវលេខ២០១០ ស្ថិតក្នុងភូមិក្រាំងអង្គ្រង សង្កាត់ក្រាំងធ្នង់ ខណ្ឌដង្កោ ។

ម៉ូតូដែលបើកបុកស្ត្រីរូបនេះម៉ាកស៊ុយហ្ស៊ុយ គីវីវ៉ា ពណ៌ខ្មៅ ស៊េរីឆ្នាំ២០០៨ ពាក់ស្លាក លេខភ្នំពេញ 1S 5588 បើកបរដោយបុរសម្នាក់ឈ្មោះខាត់ សុផៃ អាយុ២២ឆ្នាំ មានទីលំនៅភូមិត្រពាំងជើងស្រុក សង្កាត់ក្រាំងធ្នង់ ខណ្ឌដង្កោ ហើយបុរសនោះក៏រងរបួសបាក់ឆ្អឹងដងកាំបិតដែរ ។ ចំណែកឯស្ត្រីរងគ្រោះឈ្មោះស៊ុំ គង់ អាយុ៤៩ឆ្នាំ មុខរបរដើរថ្លឹងគីឡូ មានទីលំនៅក្នុងភូមិកើតហេតុខាងលើ រងរបួសបែកក្បាលយ៉ាងធ្ងន់ធ្ងរត្រូវបានគេដឹកទៅសង្គ្រោះនៅមន្ទីរ ពេទ្យព្រះកុសុមៈ ។

តាមប្រភពព័ត៌មានបានឱ្យដឹងថា នៅមុន ពេលកើតហេតុគេឃើញស្ត្រីរងគ្រោះដើរតាម ចិញ្ចើមផ្លូវតែម្នាក់ឯង ក្នុងទិសដៅពីលិចទៅកើត លុះពេលទៅដល់ចំណុចខាងលើ ស្រាប់តែម៉ូតូមួយគ្រឿងនោះដែលធ្វើដំណើរស្របទិសគ្នាទៅដល់ ក៏បុកស្ត្រីរូបនេះពីក្រោយពេញទំហឹង បណ្តាលឱ្យដួល និងរងរបួសទាំងអស់គ្នា ហើយម៉ូតូបានធ្លាក់ចូលទៅក្នុងប្រឡាយទឹកក្បែរផ្លូវនោះ ។ ប្រភពដដែលបានបន្តទៀតថា ក្រោយពេលកើតហេតុស្ត្រីរូបនេះត្រូវបានគេបញ្ជូនទៅសង្គ្រោះនៅមន្ទីរ ពេទ្យព្រះកុសុមៈ ចំណែកឯអ្នកបើកបរម៉ូតូដែលរងរបួសធ្ងន់ដែរនោះត្រូវ បានបញ្ជូនទៅកាន់មន្ទីរពេទ្យឯកជនចាន់វ៉ែន រីឯម៉ូតូត្រូវប៉ូលិសនាំយកទៅរក្សាទុករង់ចាំការដោះ ស្រាយគ្នាតាមផ្លូវច្បាប់ ៕

មន្ត្រីកងរាជអាវុធហត្ថចេញពីផឹកលាក់សាច់ក្លែមជាប់ម៉ូតូបុករថយន្តទួរីសខ្នាតធំដេកខ្ពាកលើថ្នល់

2010-10-02T11:17:00.001+07:00

កោះសន្តិភាព
ដោយ ៖ ខេមរិទ្ធ

ខេត្តស្វាយរៀង ៖ សម្លេងរថយន្តចាប់ហ្វ្រាំងអូសកង់ងឺតៗ បន្សល់ដានខ្មៅប្រវែង១២ម៉ែត្រ លើកំរាលថ្នល់កៅស៊ូ បន្ទាប់មកលាន់សូរផាំងគួរឱ្យភ្ញាក់ផ្អើល ហើយខណៈមនុស្សម្នានៅក្បែរនោះចោលភ្នែកមើលទៅឃើញមន្ត្រីកងរាជ អាវុធហត្ថម្នាក់ជិះម៉ូតូទៅបុកនឹងក្បាលរថយន្តទួរីសខ្នាតធំផ្នែក ខាងស្តាំ រួចហើយខ្ទាតទៅបោកក្បាលនឹងកញ្ចក់រថយន្ត បណ្តាលឱ្យស្រាំយ៉ាងខ្លាំង ចំណែកមន្ត្រីកងរាជអាវុធហត្ថរូបនេះ ក៏ធ្លាក់មកដីខ្ពាកដេកស្តូកស្តឹង ។

គ្រោះថ្នាក់ចរាចរណ៍ដែលមើលទៅគួរឱ្យញាក់សាច់នេះ បានកើតឡើងកាលពីវេលាម៉ោង៤និង៤០នាទី ថ្ងៃទី១ តុលា ២០១០ លើកំណាត់ផ្លូវជាតិលេខ១ ស្ថិតក្នុងសង្កាត់ស្វាយរៀង ក្រុងស្វាយរៀង រវាងម៉ូតូម៉ាកវ៉េវអេស (WAVE S) និងរថយន្តទួរីស៤៦កៅអី ដឹកភ្ញៀវទៅកាន់ប្រទេសវៀតណាម (ហូជីមិញ-សៀមរាប) ។ បុរសរងគ្រោះដែលសន្លប់ស្តូកស្តឹងឈ្មោះម៉ែន សុវណ្ណ អាយុ៣៩ឆ្នាំ ជាមន្ត្រីកងរាជអាវុធហត្ថខេត្ត ក្រោយពេលបុកឡានរងរបួសសន្លប់ត្រូវបានគេបញ្ជូនទៅសង្គ្រោះជីវិតនៅ មន្ទីរពេទ្យខេត្ត ។

អ្នកឃើញេហតុការណ៍បាននិយាយថា មុនពេលកើតហេតុ មន្ត្រីប៉េអឹមម៉ែន សុវណ្ណ បានជិះម៉ូតូចេញពីផ្លូវតូចឡើងមកផ្លូវជាតិលេខ១ ក៏វាក់នឹងរថយន្តទួរីស ដែលកំពុងបោះពួយពីទិសខាងលិចទៅកើត គឺឆ្ពោះទៅប្រទេសវៀតណាម បង្កឱ្យខាងរថយន្តចាប់ហ្វ្រាំងទាំងបង្ខំងឺតៗ អូសកង់១២ម៉ែត្រជាប់ដានខ្មៅ នៅលើថ្នល់កៅស៊ូ ហើយបុកគ្នាលាន់សូរផាំងតែម្តង បណ្តាលឱ្យអ្នកបើកម៉ូតូរងរបួសសន្លប់ស្តូកស្តឹង ។

រថយន្តទួរីស៤៦កៅអី ហូជីមិញ-សៀមរាបក្រពឹតចំហៀងខាងមុខផ្នែកស្តាំ និងស្រាំកញ្ចក់ រីឯភ្ញៀវនៅលើរថយន្តមិនមានអ្នកណារងរបួសទេ ។ ចំណែកម៉ូតូបែកបាក់យ៉ាងដំណំ និងត្រូវបានគេឆែកឃើញសាច់ក្លែម១ថង់ផង ទំនងចេញមកពីកន្លែងផឹកមួយតង់ ហើយឆ្ពោះទៅរកកន្លែងផឹកមួយតង់ទៀត ៕

ជាតិស្រវឹង និងគ្រោះថ្នាក់ចរាចរណ៍

2010-09-28T16:44:00.000+07:00

បច្ចុប្បន្នគ្រោះថ្នាក់ចរាចរណ៍បានក្លាយជាមូលហេតុចម្បង និងឈានមុខគេនៃការស្លាប់ និងពិការក្នុងប្រទេសកម្ពុជា។ តាមរបាយការណ៍នៃប្រព័ន្ធព័ត៌មានជនរងគ្រោះនិងគ្រោះថ្នាក់ចរាចរណ៍ផ្លូវគោកបានឲ្យដឹងថា កំហុសបណ្ដាលមកពីការបើកបរក្រោយពេលពិសារជាតិស្រវឹង ត្រូវបានជាប់ចំណាត់ទីពីរក្នុងចំណោមកំហុសនានាដែលនាំទៅដល់គ្រោះថ្នាក់ចរាចរណ៍ ។ កំហុសនេះ ពិតជាអាចចៀសវាងបាន បើសិនជាអ្នកបើកបរគ្រប់ៗរូបតាំងចិត្ត ចូលរួម។
គ្រាន់តែក្នុងឆ្នាំ២០០៩ មានជនរងគ្រោះដល់ស្លាប់ចំនូន២៨៤ នាក់ ដោយសារតែការបើកបរក្រោយពេលពិសារជាតិស្រវឹង ហើយ៧៩៧ នាក់ផ្សេងទៀតរងរបួសធ្ងន់ និង១, ២៤៧នាក់រងរបួសស្រាល។ ចំនួនគ្រោះថ្នាក់ដែលកើតឡើងដោយការបើកបរក្នុងពេលស្រវឹងច្រើនកើតមាននៅពេលយប់ជាងពេលថ្ងៃ ហើយចំនួនអ្នកស្លាប់ច្រើនកើតឡើងនៅចន្លោះម៉ោង៦ល្ងាច ដល់ម៉ោង១១និង៥៩នាទី។ ថ្ងៃសៅរ៍ និងថ្ងៃអាទិត្យត្រូវបានរកឃើញថាចំនួនគ្រោះថ្នាក់មានកម្រិត ខ្ពស់ជាងថ្ងៃផ្សេងទៀតនៃសប្ដាហ៍ ។
តើជាតិស្រវឹងឬជាតិអាល់កុលមានឥទ្ធិពលយ៉ាងណាចំពោះការបើកបរ?
អ្នកពិសារ ជាតិស្រវឹងតែងតែដឹងថារងការស្រវាំង ភ្នែក ការបញ្ជាចលនាជាពិសេសអវៈយវៈសម្របគ្នាមិនបានល្អឡើយ។ ខួរក្បាលធ្វើការស្ពឹកហើយរមែងធ្វើការវិនិច្ឆ័យមិនបានល្អ។ ហេតុនេះហើយទើបបានជាអ្នកពិសារជាតិស្រវឹង តែងមានប្រតិកម្មយឺតទៅនឹងសកម្មភាពអ្វីមួយ។ ឧទាហរណ៍ ដើរទ្រេតទ្រោតមិនត្រង់ផ្លូវ ចាប់កាន់វត្ថុមិនចំកន្លែង និងមានសកម្មភាពយឺតជាងពេលធម្មតាជាដើម ។ ចូរប្រមាណមើលថា បើសិនជាគេបើកបរយានយន្តនោះ តើគេមានការប្រឈមនឹងគ្រោះថ្នាក់ដល់កម្រិតណា?
អាល់កុល ឬជាតិស្រវឹងអាចធ្វើឱ្យប៉ះពាល់ដល់ការវិនិច្ឆ័យ និងធ្វើឱ្យមានការកើនឡើងនូវហានិភ័យនៃគ្រោះថ្នាក់ បើទោះជាកម្រិតជាតិអាល់កុលទាបក៏ដោយ។ កម្រិតជាតិអាល់កុលកាន់តែខ្ពស់នោះឱកាសគ្រោះថ្នាក់កាន់តែកើនឡើង និងផលប៉ះពាល់កាន់តែធ្ងន់។
តើត្រូវធ្វើយ៉ាងណាដើម្បីកាត់បន្ថយ គ្រោះថ្នាក់ចរាចរណ៍ដែលកើតឡើងដោយការបើកបរក្រោយពេលពិសារជាតិស្រវឹង?
ដើម្បីចូលរួមកាត់បន្ថយគ្រោះថ្នាក់ចរាចរណ៍ដោយការពិសារជាតិស្រវឹង អ្នកប្រើប្រាស់ផ្លូវ ទាំងអស់គួរស្វែងយល់ពីមធ្យោបាយមួយចំនួនដូចខាងក្រោមៈ
អ្នកបើកបរ១ ត្រូវស្វែងរកការពិសារជាតិស្រវឹងនៅកន្លែងដែលមិនតម្រូវឲ្យមានការធ្វើដំណើរទៅវិញទៅមក។ ឧ. ការពិសារ នៅផ្ទ
២ បើការពិសារ នៅខាងក្រៅសូមរកជំនួយពីអ្នកដែលមិនពិសារ ជាតិស្រវឹងមកទទួល ដូចជាបងប្អូន មិត្តភក្តិ , សាច់ញាតិ ឬសេវាដឹកជញ្ជូនដូចជារថយន្តឈ្នួល ម៉ូតូឌុប និងម៉ូតូកង់បីជាដើម។
អ្នកប្រើប្រាស់ផ្លូវផ្សេងទៀតៈ
អ្នកប្រើប្រាស់ផ្លូវទាំងអស់ត្រូវមានការប្រុងប្រយ័ត្នជានិច្ចចំពោះយានដទៃទៀតនៅលើដងផ្លូវ ព្រោះថាបើទោះបីលោកអ្នកបានគោរពច្បាប់ចរាចរណ៍យ៉ាងម៉ឺងម៉ាត់ក៏ដោយ ក៏យើងមិនអាចដឹងពីស្ថានភាពបើកបររបស់អ្នកទាំង នោះឡើយ ។មិនគួរធ្វើដំណើរជាមួយអ្នកបើកបរណាដែលយើងបានដឹង ឬមានការសង្ស័យ ថា គាត់បានពិសារជាតិស្រវឹងមុនពេលបើកបរ។
ការបើកបរក្រោយពេលពិសារជាតិស្រវឹងគឺជាការល្មើសច្បាប់ចរាចរណ៍ និងត្រូវប្រឈមនឹងគ្រោះថ្នាក់ទៀតផង។
មន្ត្រីនគរបាលចរាចរណ៍នឹង បន្តរឹតបន្តឹងការអនុវត្តន៍ច្បាប់លើអ្នកបើកបរក្រោយពេល ពិសារជាតិស្រវឹងចាប់ពីថ្ងៃទី១ ខែតុលា ឆ្នាំ២០១០នេះតទៅ។

Clinton Foundation Helps Road Safety Program in Cambodia and Other Asian Countries

2010-09-27T08:11:00.000+07:00

via CAAI

Thursday, 23 September 2010 08:32 DAP NEWS / VISOT

CAMBODIA, PHNOM PENH, SEPTEMBER 23, 2010-The Asia Injury Prevention (AIP) Foundation announced Thursday onstage at the Clinton Global Initiative a commitment to implement road safety programs in 94 schools across 4 countries over the next 3 years.

Greig Craft, president of the Asia Injury Prevention (AIP) Foundation said that these programs will reach 357,000 students, parents, and teachers through direct interventions and 81 million people indirectly through public awareness education in Cambodia, Vietnam, India, and Uganda.

Craft said that In Cambodia, everyday 5 people perish and 19 people suffer severe injuries that remove them from the work force because of road traffic crashes. In response, the Cambodia Helmet Vaccine Initiative plans to launch a road safety public awareness campaign that will reach over 3 million people in addition to school-based education programming projected to reach almost 40,000 students and 1,000 teachers.

Earlier this year, AIP Foundation in co-ordination with the Ministry of Interior, the National Road Safety Committee, the Ministry of Education, Youth and Sports, ANZ Royal Bank (Cambodia) Ltd. and Total Cambodge launched the “One Helmet. One Life.” helmet use campaign.

The AIP Foundation will implement these interventions acting as the lead NGO for the Global Helmet Vaccine Initiative, an international coalition launched in 2009 with founding partners the FIA Foundation, and World Bank Global Road Safety Facility. Recently, the Inter-American Development Bank (IDB) and the Centers for Disease Control (CDC) have joined this coalition. The Global Helmet Vaccine Initiative operates under the mission “a helmet on every head” in the UN’s Decade of Action for Road Safety (2011 to 2020). Helmets have been proven to reduce the likelihood of serious brain injury by 70% and fatality by 42%.

“We are honored to have our work recognized by Bill Clinton and the Clinton Global Initiative. This recognition highlights the importance of using helmets as a vaccine against the rising epidemic of traffic fatalities,” said Craft.

On September 21, Craft delivered a presentation on the Global Helmet Vaccine Initiative during the Promoting Safe Roads Action Network at the Clinton Global Initiative. In addition, the FIA Foundation announced a multi-year financial commitment to the Global Helmet Vaccine Initiative.

David Ward, Director General of the FIA Foundation, said:

“The Global Helmet Vaccine Initiative is the core element of our ten year, US $1 million a year, CGI commitment for improving road user behaviour during the Decade of Action. Ensuring motorcycle users always wear a helmet is one of the most cost effective ways to reduce death and injury. GHVI is delivering a vaccine that has the potential to save hundreds of thousands of lives.”

The AIP Foundation was pleased to receive an invitation to attend the Clinton Global Initiative, an international conference that promotes collaboration between the private sector, non-governmental organizations, and other global leaders to effectively confront the world’s most pressing problems with an emphasis on tangible results. In 2000, Bill Clinton launched AIP Foundation’s signature Helmets for Kids program in Vietnam. Since then, AIP Foundation has donated over 500,000 helmets to children in developing countries worldwide.

Traffic fatalities are on par with the death tolls from the world’s major diseases, including malaria and tuberculosis, though they receive a fraction of the attention. The WHO predicts that traffic fatalities will rise from the current rate of 1.2 million per year to 2 million per year by 2020. Children account for 40% of traffic fatalities and developing countries bear 96% of the global burden of child deaths.

តៃកុងស្ទើរភ្លើង បោះពួយឡង់គ្រីស័រព្រលះផ្ទះ២ល្វែងទាំងកំរោល

2010-09-24T10:26:00.001+07:00

កម្ពុជាថ្មី
ភ្នំពេញ ៖ លំនៅឋានប្រជាពលរដ្ឋ២ល្វែង រងការខូចខាតដោយសារតែរថយន្តឡង់គ្រីស័រ១ គ្រឿង ត្រូវបានតៃកុងបញ្ជាចង្កូត ជ្រុលទៅបុកទាំងកំរោល សំណាងពុំមានប្រជាពលរដ្ឋណាម្នាក់ ទទួលរងគ្រោះថ្នាក់ ក្នុងហេតុការណ៍នេះទេ។

គ្រោះថ្នាក់នេះបានកើតឡើងកាលពីវេលាម៉ោង១៧និង ៣៥នាទី ល្ងាចថ្ងៃទី២២ ខែកញ្ញា ឆ្នាំ ២០១០នៅចំណុចផ្ទះលេខ១៩AE0 និង១៧CE0 ផ្លូវលេខ១១១ សង្កាត់បឹងព្រលឹត ខណ្ឌ៧មករា។

តៃកុងបើករថយន្តឡង់គ្រីស័រពណ៌ស្លែ ពាក់ស្លាកលេខភ្នំពេញ 2L2232 បង្កហេតុនេះ ឈ្មោះ ប៊ុន សំណាង ភេទប្រុស អាយុ២៣ឆ្នាំ។

ប្រភពព័ត៌មានបានឲ្យដឹងថា មុនមានហេតុការណ៍នេះកើតឡើង គឺថៅកែផ្ទះសំណាក់យីហោ «ហេងឡុង» ដែលមានអាសយដ្ឋាននៅក្បែរចំណុចកើតហេតុ បានប្រើឲ្យឈ្មោះប៊ុន សំណាង ត្រូវ ជាក្មួយបើករថយន្តចេញពីផ្ទះសំណាក់ នៅពេលដែលបញ្ជាចង្កូតបានបន្តិច តៃកុងបង្កហេតុបានបើកប៉ះរថយន្តមួយគ្រឿងម៉ាកសាំយ៉ុង រួចក៏ជ្រុលចង្កូតទៅព្រលះលំនៅឋានប្រជាពលរដ្ឋ២ល្វែង ទាំងកំរោល បណ្ដាលឲ្យរថយន្តព្រមទាំងលំនៅឋានប្រជាពលរដ្ឋខូចខាតយ៉ាងដំណំ។

ក្រោយពីកើតហេតុ សមត្ថកិច្ចជំនាញនៃអធិការដ្ឋាននគរបាលខណ្ឌ៧មករា បានចុះអន្តរាគមន៍ដល់ចំណុចកើតហេតុ រួចនាំរថយន្តបង្កទៅរក្សាទុកនៅអធិការដ្ឋាន ដើម្បីរង់ចាំដោះស្រាយជាមួយម្ចាស់ផ្ទះរងគ្រោះ៕

ស្រវឹងស្រាធ្លាក់ភ្នែកបើករថយន្តLexus 470 បុកបង្គោលភ្លើងស្ដុប បង្គោលភ្លើង បាក់រាបដល់ដីរួចជ្រុលទៅបុកតូបលក់ទំនិញ

2010-09-23T11:49:00.000+07:00

កម្ពុជាថ្មី
ភ្នំពេញ ៖ រថយន្តLexus 470 មួយគ្រឿង មានអ្នកបើកបរនិងអ្នករួមដំណើរស្រវឹងធ្លាក់ភ្នែកដូច គ្នា បើកលឿនដូចហោះ ចាក់គួរត្រង់រង្វង់មូលអាងទឹកអូឡាំពិក ជ្រុលទៅបុកបង្គោលភ្លើងស្ដុប បង្គោលភ្លើងរាបដល់ដី រួចជ្រុលទៅបុកតូបលក់សម្ភារៈរបស់ប្រជាពលរដ្ឋខ្ទេចទៅមុខលែងរួច។

ហេតុការណ៍កើតឡើងកាលពីវេលាម៉ោង ១និង១៥នាទី យប់រំលងអធ្រាត្រ ចូលថ្ងៃទី២១ ខែ កញ្ញា ឆ្នាំ២០១០ នៅចំណុចរង្វង់មូលស្ដុបអាងទឹកអូរឡាំពិក ស្ថិតក្នុងសង្កាត់ទួលស្វាយព្រៃII ខណ្ឌ ចំការមន រាជធានីភ្នំពេញ។

សមត្ថកិច្ចបានឲ្យដឹងថា រថយន្តបង្កម៉ាក Lexus 470 ពណ៌ខ្មៅ ពាក់ស្លាកលេខ 2S 9887 បើក បរដោយបុរសម្នាក់ និងអ្នករួមដំណើរប្រមាណជា២-៣នាក់ទៀត មានសភាពស្រវឹងស្រាជោកជាំ ក្រោយពីបង្កហេតុរួច បាននាំគ្នាគេចខ្លួនបាត់អស់ ទុកតែរថយន្ត។

សមត្ថកិច្ចឲ្យដឹងផងដែរថា គ្រោះថ្នាក់ចរាចរនេះ បណ្ដាលមកពីអ្នកបើកបរផឹកស្រវឹងហើយ បើកក្នុងល្បឿនហួសកំណត់ លុះដល់ចំណុចផ្លូវបត់ក៏ជ្រុលចង្កូតបុកបង្គោលភ្លើង បង្គោលស្តុបតែម្ដង។
អានបន្ថែម

គ្រោះថ្នាក់ចរាចរ ២ លើក របួសធ្ងន់ស្រាល ៥ នាក់

2010-09-18T19:19:00.000+07:00

យ៉ាងហោចណាស់នៅថ្ងៃទី១៧ កញ្ញានេះ នៅរាជធានីភ្នំពេញ មានករណីគ្រោះថ្នាក់ចរាចរ ២ លើក បណ្តាលឲ្យមនុស្ស ៥នាក់របួសធ្ងន់ និងស្រាល ។
* ករណីទី ១ : វេលាម៉ោង ៤ និង ១០ នាទី ល្ងាចថ្ងៃទី ១៧ កញ្ញានេះ នៅចំណុចផ្លូវម៉ុងឫទ្ធី មុខដីឡូត៍ចាក់សសរគ្រឹះ សង្កាត់ភ្នំពេញថ្មី ខណ្ឌសែនសុខ មានករណីរថយន្តធំមួយគ្រឿង បើកបុកម៉ូតូរបួសបុរស ២នាក់ ហើយរថយន្តជ្រុកបុកអ្នកដើរម្នាក់ទៀតរបួសធ្ងន់ ។

ប៉ូលិសនិយាយថា រថយន្តបង្កម៉ាក HYUNDAI ពណ៌ស ស្លាកលេខ ម.០១៧០ ភព៣ បើកបរដោយឈ្មោះ ចាន់ នីណែត ភេទប្រុស អាយុ ២៤ឆ្នាំ ស្នាក់នៅផ្ទះជួលភូមិគ្រោលគោ សង្កាត់គីឡូម៉ែត្រលេខ៦ បានបើកតាមផ្លូវម៉ុងឫទ្ធី ពីកើតទៅលិច ជ្រុលបុកម៉ូតូម៉ាក SUZUKI Smauh ពណ៌ខ្មៅ ស្លាកលេខភ្នំពេញ 1N 9382 ដែលធ្វើដំណើរច្រាសទិសគ្នា របួសបុរស ២នាក់ គឺឈ្មោះ បៀក រស្មី ភេទប្រុស អាយុ ១៩ឆ្នាំ (អ្នកបើក) និងអ្នករួមដំណើរជាបុរសម្នាក់ទៀត ។ បន្ទាប់មករថយន្តជ្រុកបុកបុរសម្នាក់ទៀត កំពុងដើររបួសធ្ងន់ឈ្មោះ រិទ្ធី ចាន់ អាយុ ២៤ឆ្នាំ ។ រថយន្តដែលបើកបរខ្វះការប្រុងប្រយ័ត្ន ត្រូវប៉ូលិសឃាត់ទុកនៅខណ្ឌជាមួយម៉ូតូ ។

* ករណីទី ២ : វេលាម៉ោង ០០ និង ៥០ នាទី រំលងអធ្រាត្រ ថ្ងៃទី១៨ កញ្ញានេះ នៅចំណុចផ្លូវ២១៤ កែង ផ្លូវ ៥១ សង្កាត់បឹងរាំង ខណ្ឌដូនពេញ មានករណីរថយន្ត COROLLA បុក LEXUS ក្រឡាប់ ២-៣ ត្រឡប់ បណ្តាលឲ្យរបួស ២នាក់ ហើយរថយន្តបង្កបើករត់បាត់ ។

ប៉ូលិសនិយាយថា រថយន្ត COROLLA បង្កមិនចាំលេខ បានបើករថយន្តគេចបាត់ ។ ចំណែករថយន្តរងគ្រោះម៉ាក LEXUS LX 470 ពណ៌ស្ករ ស្លាកលេខ ភ្នំពេញ 2H 7885 បើកបរដោយឈ្មោះ សេង ប៉ុនថេង អាយុ ៣២ឆ្នាំ ជាមន្ត្រីប៉េអឹមលើផ្ទៃប្រទេស របួសធ្ងន់ និងអ្នករួមដំណើរឈ្មោះ ស្រ៊ី គឹមយូ ភេទប្រុស ជាមេធាវីរងរបួសស្រាល ។

សាក្សីនិយាយថា មុនកើតហេតុរថយន្ត LEXUS បើកតាមផ្លូវ ២១៤ ពីកើតទៅលិច ដល់ផ្លូវកែង ៥១ ស្រាប់តែរថយន្ត COROLLA បើកតាមផ្លូវ៥១ ពីជើងទៅត្បូងបុកចំទទឹងបណ្តាលឲ្យក្រឡាប់ ២-៣ ត្រឡប់ ហើយរថយន្តបង្កបើករត់បាត់ ។ បន្ទាប់ពីជនរងគ្រោះត្រូវបានគេដឹកទៅពេទ្យ ប៉ូលិសក៏ស្ទូចរថយន្តទៅរក្សាទុកនៅសង់ត្រាល់ ៕

អ្នកលក់នំបុ័ងដាក់សាច់ដែលរងរបួសធ្ងន់ ដោយសារឡិចស៊ីសបុក បានស្លាប់នៅក្នុងមន្ទីរពេទ្យហើយ

2010-09-04T12:14:00.000+07:00

កោះសន្តិផាព
ដោយ ៖ កោះឯករាជ្យ

រាជធានីភ្នំពេញ ៖ អ្នកលក់នំបុ័ងដាក់សាច់តាមរ៉ឺម៉កម៉ូតូឈ្មោះរស់ សារ៉ាក់ ដែលត្រូវរថយន្តឡិចស៊ីសពណ៌ស្ករបុក បណ្តាលឱ្យរងរបួសធ្ងន់នៅត្រង់ចំណុចខាងកើតវិទ្យាល័យហ៊ុន សែន ជម្ពូវ័ននោះ បានស្លាប់ហើយកាលពីវេលាម៉ោង៣រសៀលថ្ងៃទី២ កញ្ញា ២០១០ ខណៈគ្រូពេទ្យនៃ មន្ទីរពេទ្យកាល់ម៉ែតធ្វើការព្យាបាល និងជួយសង្គ្រោះអស់ពីលទ្ធភាព ។ សូមរំលឹកឡើងវិញថា មុននេះមានរថយន្តម៉ាកតូយ៉ូតាឡិចស៊ីស RX 300 មួយគ្រឿង បានក្រពឹតខ្ទេចមុខ ខូចខាតយ៉ាងខ្លាំង បន្ទាប់ពីបើកបោះពួយយ៉ាងលឿន ជ្រុលទៅបុករ៉ឺម៉កម៉ូតូអ្នកលក់នំបុ័ងសាច់មួយគ្រឿង រួចជ្រុលទៅបុកដើមចាមរី១ដើមពេញទំហឹង ហើយក៏ធ្លាក់ក្នុងប្រឡាយទឹកស្អុយ ទើបទៅមុខលែងរួច ។ គ្រោះថ្នាក់ចរាចរណ៍នោះបានកើតឡើងកាលពីវេលាម៉ោង៤និង៤០នាទីជិត ភ្លឺថ្ងៃទី១ កញ្ញា ២០១០ នៅលើកំណាត់ផ្លូវជាតិលេខ៤ ត្រង់ចំណុចខាងកើតវិទ្យាល័យហ៊ុនសែនជម្ពូវ័ន ភូមិព្រៃព្រីងខាងជើង សង្កាត់ចោមចៅ ខណ្ឌដង្កោ ។

រថយន្តម៉ាកឡិចស៊ីស RX 300 មួយគ្រឿងនោះពណ៌ស្ករ ពាក់ស្លាកលេខ កណ្តាល 2A-5408 បើកបរដោយយុវជនឈ្មោះជៀម ចលនា អាយុ១៩ឆ្នាំ មានទីលំនៅភូមិទី៤ សង្កាត់កំពង់ធំ ក្រុងស្ទឹងសែន ខេត្តកំពង់ធំ បានបុករ៉ឺម៉កម៉ូតូលក់នំបុ័ងមួយគ្រឿងម៉ាកគុបចង្កៀងមូល ពណ៌សំបកឪឡឹក បើកបរដោយបុរសឈ្មោះរស់ សារ៉ាក់ អាយុ៣១ឆ្នាំ មានទីលំនៅក្នុងភូមិអង្គកែវ សង្កាត់ចោមចៅ បណ្តាលឱ្យរងរបួសធ្ងន់ធ្ងរ ត្រូវបានគេបញ្ជូនទៅកាន់មន្ទីរពេទ្យកាល់ម៉ែតភ្លាមៗ ដើម្បីសង្គ្រោះ ប៉ុន្តែដោយសារមុខរបួសធ្ងន់ធ្ងរពេក ក៏បានស្លាប់ក្រោយពេលព្យាបាលមួយថ្ងៃ ។

ក្រោយកើតហេតុបន្តិច ប៉ូលិសចរាចរបានទៅដល់ធ្វើការវាស់វែង និងឃាត់ខ្លួនអ្នកបើកបររថយន្តឡិចស៊ីស ព្រមទាំងនាំយករថយន្ត និងរ៉ឺម៉កម៉ូតូទៅរក្សាទុកនៅអធិការដ្ឋាននគរបាលខណ្ឌដង្កោ ដើម្បីចាត់ការតាមច្បាប់ ។ ប៉ុន្តែមកដល់ថ្ងៃដែលជនរងគ្រោះស្លាប់គឺមិនឃើញអ្នកបើកបរ រថយន្តឡិចស៊ីសត្រូវបានឃាត់ខ្លួននៅអធិការដ្ឋាននោះទេ...ប៉ូលិសបាន បញ្ជាក់ថា ការចាកចេញទៅនៅក្រៅឃុំរបស់អ្នកបើកបររថយន្តគឺមានកិច្ចសន្យា (មិនមានតម្កល់ប្រាក់អ្វីទេ) ហៅចូលខ្លួនថ្មើរណា ត្រូវតែមកថ្មើរហ្នឹង ៕

រថយន្តអ៊ីស៊ុយហ៊្សុយបុកត្រាក់ទ័រពីក្រោយវេលាទៀបភ្លឺលើផ្លូវជាតិលេខ៤

2010-09-04T12:13:00.000+07:00

កោះសន្តិភាព
ដោយ ៖ កោះឯករាជ្យ
ខេត្តព្រះសីហនុ ៖ កាលពីថ្ងៃទី២៨ សីហា វេលាម៉ោង៤ទៀបភ្លឺ នៅតាមបណ្តោយផ្លូវជាតិលេខ៤ត្រង់ចន្លោះគីឡូម៉ែត្រលេខ១៧៧ និង១៧៨ ស្ថិតក្នុងភូមិវាលធំ ឃុំវាលរេញ ស្រុកព្រៃនប់ មានគ្រោះថ្នាក់ចរាចរណ៍មួយកើតឡើងរវាងរថយន្ត និងត្រាក់ទ័របណ្តាលឱ្យមនុស្សម្នាក់រងរបួសធ្ងន់ធ្ងរ ។ គ្រោះថ្នាក់ចរាចរណ៍នេះបានកើតឡើងដោយសាររថយន្តម៉ាកអ៊ីស៊ុយហ៊្សុយ ពណ៌ស្ករ ដឹកបន្លែ និងតាបប៊ីយ៉ែ ពាក់ស្លាកលេខភ្នំពេញ 2E 5565 ធ្វើដំណើរក្នុងទិសដៅពីភ្នំពេញទៅខេត្តព្រះសីហនុបើកបរដោយឈ្មោះនួន សារ៉ាត់ ភេទប្រុស អាយុ៣២ឆ្នាំ មានទីលំនៅមណ្ឌល១ សង្កាត់លេខ២ ក្រុងព្រះសីហនុ បានបុកពីក្រោយត្រាក់ទ័រ១គ្រឿងដែលធ្វើដំណើរក្នុងទិសដៅស្របគ្នា យ៉ាងពេញទំហឹងធ្វើឱ្យរថយន្តអ៊ីស៊ុយហ៊្សុយខ្ទេចមុខ និងក្រឡាប់ផ្អៀងកងក្បែរផ្លូវ ហើយត្រាក់ទ័របានធ្លាក់ចេញពី ផ្លូវជាតិដាច់កង់មួយចំហៀងខាងឆ្វេង ។

ហេតុការណ៍នេះបណ្តាលឱ្យអ្នកបើកបររថយន្តអ៊ីស៊ុយ ហ៊្សុយរងរបួសបាក់ភ្លៅខាងស្តាំយ៉ាងធ្ងន់ធ្ងរ ហើយត្រូវបានបញ្ជូនទៅកាន់មន្ទីរពេទ្យ ចំណែកអ្នកបើកបរត្រាក់ទ័រ បន្ទាប់ពីឃើញសភាពការណ៍មិនល្អក៏បានរត់គេចខ្លួនបាត់តែម្តង ។ ចំពោះព័ត៌មានលំអិតក្នុងពេលកើតហេតុគ្រោះថ្នាក់ចរាចរណ៍នេះពុំ មាននរណាម្នាក់អះ អាងថា បានឃើញជាក់ស្តែងទេ ព្រោះយប់ ងងឹត តែអាចសន្និដ្ឋានថា អ្នកបើកបររថយន្តអ៊ីស៊ុយហ៊្សុយទំនងមានបំណងបើកជែងត្រាក់ទ័រហើយ យកចង្កូតមិនផុត ទើបបណ្តាលឱ្យបុកពី ក្រោយយ៉ាងពេញទំហឹងលាន់ដូចរន្ទះបែបនេះ ។ ទោះបីជាយ៉ាងណា រថយន្តទាំងពីរខាងលើត្រូវបានសមត្ថកិច្ចប៉ូលិសស្រុកព្រៃនប់ស្ទូច យកទៅរក្សាទុកនៅអធិការដ្ឋាននគរបាលស្រុករង់ចាំដោះស្រាយជាក្រោយ ៕

ម៉ូតូវ៉េវបើករេចង្កូតបុករថយន្តកាមរីស្លាប់ម្នាក់របួស២នាក់

2010-09-04T12:12:00.000+07:00

កោះសន្តិភាព
ដោយ ៖ កោះឯករាជ្យ

រាជធានីភ្នំពេញ ៖ ម៉ូតូម៉ាកហុងដាវ៉េវ ពណ៌ក្រហមមួយគ្រឿង ពាក់ស្លាកលេខកណ្តាល 1B-6479 បានបើករេចង្កូតទៅបុករថយន្តម៉ាកកាមរី ពណ៌ទឹកមាស គ្មានស្លាកលេខមួយគ្រឿងដែលធ្វើដំណើរបញ្ច្រាសទិសគ្នា បណ្តាលឱ្យអ្នកបើកម៉ូតូបានស្លាប់នៅនឹងកន្លែង និងអ្នករួមដំណើរ២នាក់ទៀតបានរងរបួសត្រូវបញ្ជូនទៅសំរាកព្យា បាលនៅមន្ទីរពេទ្យកាល់ម៉ែត ។ គ្រោះថ្នាក់ចរាចរណ៍នេះត្រូវបានសមត្ថកិច្ចឱ្យដឹងថា កើតឡើងកាលពីវេលាម៉ោង៣និង៣០នាទីទៀបភ្លឺ ថ្ងៃទី១ កញ្ញា នៅចំណុចមុខផ្ទះលេខ៤A ផ្លូវជាតិលេខ៥ ក្នុងភូមិផ្សារតូច សង្កាត់ទួលសង្កែ ខណ្ឌឫស្សីកែវ ។ ជនរងគ្រោះដែលបានស្លាប់ក្នុងហេតុការណ៍គ្រោះថ្នាក់ចរាចរណ៍នេះ ឈ្មោះង្វៀង ចិនតាំ ភេទប្រុស អាយុ២៥ឆ្នាំ ជាជាងជួសជុលម៉ូតូ មានទីលំនៅក្នុងភូមិសាមគ្គី សង្កាត់ឫស្សីកែវ ។ ចំណែកអ្នករងរបួស២នាក់ ម្នាក់ឈ្មោះង្វៀង ទីកាំធី ភេទស្រី និងម្នាក់ទៀតឈ្មោះអ៊ុក លុង ភេទស្រី អាយុ២០ឆ្នាំ ជាអ្នកលក់កាហ្វេ នៅភូមិសាមគ្គី សង្កាត់ឫស្សីកែវ ខណ្ឌឫស្សីកែវ ។

តាមរបាយការណ៍ឱ្យដឹងថា ការកើតមានគ្រោះថ្នាក់ចរាចរណ៍នេះ ដោយសារភាគីម៉ូតូបើកបរមិនប្រកាន់ចំណែកផ្លូវរបស់ខ្លួន ហើយរេចង្កូតទៅបុករថយន្តម៉ាកកាមរី ដែលបើកក្នុងទិសដៅច្រាសគ្នា បណ្តាលឱ្យមានសោកនាដកម្មនេះកើតឡើង ។ តាមព័ត៌មានឱ្យដឹងទៀតថា នៅមុនពេលកើតហេតុម៉ូតូម៉ាកហុងដាវ៉េវខាងលើ ជិះគ្នា៣នាក់ បានធ្វើដំណើរតាមផ្លូវជាតិលេខ៥ ក្នុងទិសដៅពីត្បូងទៅជើង ។ នៅពេលធ្វើដំណើរមកដល់ចំណុចកើតហេតុក៏បានរេចង្កូតទៅឆ្វេងដៃចូល ចំណែកផ្លូវយានយន្តម្ខាងទៀត ទៅបុករថយន្តកាមរី ដែលធ្វើដំណើរច្រាសគ្នា បណ្តាលឱ្យអ្នកបើកម៉ូតូត្រូវស្លាប់នៅនឹងកន្លែង និងស្ត្រីរួមដំណើរ២នាក់ទៀតបានរងរបួស រីឯអ្នកបើកបររថយន្តបានគេចខ្លួនបាត់ ។ ក្រោយពីកើតហេតុរថយន្ត និងម៉ូតូត្រូវបានសមត្ថកិច្ចបញ្ជូនទៅកាន់ការិយាល័យចរាចរណ៍ជើង គោក ដើម្បីដោះស្រាយតាមផ្លូវច្បាប់ ៕

រថយន្ត និងម៉ូតូធ្វើដំណើរបញ្ច្រាសទិសគ្នាបុកស្លាប់ម្នាក់ឃាត់ខ្លួនអ្នកបើកបរ

2010-09-04T12:11:00.000+07:00

កោះសន្តិភាព
ដោយ ៖ កោះឯករាជ្យ
ខេត្តកណ្តាល ៖ បុរសម្នាក់ត្រូវរថយន្តបុកស្លាប់នៅនឹងកន្លែង ខណៈ បើកម៉ូតូបញ្ច្រាសទិសគ្នាលើកំណាត់ផ្លូវជាតិលេខ៤ កាលពីវេលាម៉ោង៦ និង៤០នាទីល្ងាចថ្ងៃទី៣០ សីហា ២០១០ ស្ថិតក្នុងភូមិព្រៃពពេល ឃុំ ពើក ស្រុកអង្គស្នួល ចំណែករថយន្តបានជ្រុលទៅធ្លាក់ស្នាមភ្លោះទៅមុខ លែងរួច បង្កឱ្យមានការភ្ញាក់ផ្អើល ។

ភាគីខាងរថយន្តឈ្មោះវង វែន អាយុ៣៥ឆ្នាំ ស្នាក់នៅក្រុមទី៥ មណ្ឌល៣ សង្កាត់លេខ១ ក្រុងព្រះសីហនុ ខេត្តព្រះសីហនុ ជាអ្នកបើកបររថយន្តម៉ាកនីស្សាន់១បាំងកន្លះ ពណ៌ស្ករ ពាក់ស្លាកលេខ កណ្តាល 2A-0106 ធ្វើដំណើរពីទិសខាងកើតទៅលិច ។ ចំណែក បុរសរងគ្រោះឈ្មោះលន់ វាសនា អាយុ២៥ឆ្នាំ ជាកម្មកររោងចក្រ ស្នាក់នៅ ភូមិម្កាក់ ឃុំដើមឫស្សី ស្រុកកណ្តាលស្ទឹង បើកម៉ូតូម៉ាកឌ្រីម C125 ស៊េរី២០១០ ពណ៌ខ្មៅ ពាក់ស្លាកលេខ 1AA-0405 ធ្វើដំណើរបញ្ច្រាស ទិសជាមួយរថយន្ត លុះទៅដល់ចំណុចកើតហេតុក៏បុកគ្នាតែម្តង ។

ឈ្មោះ លន់ វាសនា បានស្លាប់នៅនឹងកន្លែង ត្រូវសាច់ញាតិមកទទួលយកសពទៅ ធ្វើបុណ្យ រីឯរថយន្ត និងអ្នកបើកបរត្រូវប៉ូលិសយកទៅរក្សាទុកនៅ អធិការដ្ឋានដើម្បីដោះស្រាយតាមច្បាប់ ។

អាឆ្លាមស្ទើរភ្លើងត្រូវអាក្តាមយក្សខាំខ្ទេចមួយចំហៀងរបួសធ្ងន់១

2010-09-04T12:09:00.000+07:00

កោះសន្តិភាព
ដោយ ៖ កោះឯករាជ្យ

ខេត្តបាត់ដំបង ៖ រថយន្តកាមរីឆ្លាមមួយគ្រឿងបានត្រូវរថយន្តម៉ាកហ៊ីយ៉ាន់ដាយ បុកខ្ទេចមួយចំហៀង និងដាច់កង់ក្រោយមួយចំហៀងទៀត ហើយស្ត្រីម្នាក់ដែលអង្គុយក្នុងរថយន្តកាមរីនោះបានរងរបួសជា ទំងន់ ខណៈពេលដែលបើកបរកាត់ទទឹងផ្លូវគ្នា ។ ឧប្បតិ្តហេតុនេះត្រូវសមត្ថកិច្ចប្រាប់ថា បានកើតឡើងកាលពីវេលាម៉ោង៣ និង៣០នាទីរសៀលថ្ងៃទី២៩ សីហា នៅចំណុចផ្លូវបំបែកចុងស្ពានថ្ម (ស្ពានវត្តគរ) ត្រើយខាងកើត ស្ថិតក្នុងភូមិវត្ត
តាមឹម ឃុំអូរដំបង១ ស្រុកសង្កែ ។

មន្ត្រីនគរបាលសណ្តាប់ធ្នាប់ស្រុកសង្កែដែលចុះ ទៅពិនិត្យកន្លែងកើតហេតុបានឱ្យដឹងថា រថយន្តកាមរីឆ្លាមដែលរងការខូចខាតមួយចំហៀងខាងស្តាំនោះពណ៌ស ពាក់ស្លាកលេខបាត់ដំបង 2A 5075 អ្នកបើកបរឈ្មោះខឹម ផល្លា ភេទស្រីអាយុ១៧ឆ្នាំ រួមដំណើរជាមួយម្តាយឈ្មោះរី សុខា អាយុ៤០ឆ្នាំ រងរបួសធ្ងន់ ពួកគេរស់នៅចំណុចកើតហេតុខាងលើ ។ ដោយឡែករថយន្តម៉ាកហ៊ីយ៉ាន់ដាយ ពាក់ស្លាកលេខកំពង់ធំ 3A 0306 អ្នកបើកបរឈ្មោះលឹម ឈុន ភេទប្រុស អាយុ៥០ឆ្នាំ រស់នៅស្រុកបារាយណ៍ ខេត្តកំពង់ធំ ។ សមត្ថកិច្ចបានបញ្ជាក់ថា រថយន្តហ៊ីយ៉ាន់ដាយបានបុករថយន្តកាមរីពីចំហៀង ខណៈដែលរថយន្តបើកកាត់ពីមុខ បណ្តាលឱ្យរថយន្តកាមរីក្រពឹតមួយចំហៀងខាងស្តាំ និងដាច់កង់ ក្រោយខាងឆ្វេង ។

តាមអ្នកបើកបររថយន្តហ៊ីយ៉ាន់ដាយនិយាយថា គាត់បានបើកឆ្លងស្ពានពីទិសខាងលិចទៅកើត លុះដល់ពាក់កណ្តាលស្ពានគាត់បន្ថយល្បឿន ព្រោះឃើញរថយន្តកាមរីនោះមកពីជើង បំរុងឆ្លងកាត់ផ្លូវចុងស្ពានខាងមុខ ។ គាត់និយាយថា គ្រានោះគាត់ឃើញរថយន្តកាមរីនោះបត់ឆ្វេង ស្របផ្លូវគាត់ ប៉ុន្តែមិនដឹងជាយ៉ាងម៉េច ស្រាប់តែងាកចង្កូតទៅត្រង់វិញ ទើបធ្វើឱ្យគាត់ជាន់ហ្វ្រាំងមិនទាន់ក៏ជ្រុលចង្កូតបុកតែម្តង ។ តាមការបំភ្លឺពីសាក្សីជាច្រើននៅកន្លែងកើតហេតុបាននិយាយថា កំហុសបណ្តាលមកពីរថយន្តកាមរីនោះ ។

សាក្សីបានបញ្ជាក់ថា អ្នកបើកបររថយន្តកាមរីនោះ ពេលបើកមកដល់ចុងស្ពានម្តងបត់ឆ្វេងម្តងបត់ស្តាំ ទើបធ្វើឱ្យរថយន្តដឹកទំនិញជ្រុលទៅបុកតែម្តងទៅ ។ សាក្សីបានបន្តថា ស្ត្រីដែលអង្គុយក្នុងរថយន្តនោះរបួសបែកក្បាលដោយសារតែរថយន្តបុក ចំពីចំហៀង ។ ទោះបីជាបែបណា រថយន្តដែលមានគ្រោះ ថ្នាក់ទាំង២គ្រឿងនេះ ត្រូវបានកំលាំងនគរបាលសណ្តាប់ធ្នាប់ស្រុកសងែ្កនាំយកទៅរក្សាទុកនៅ អធិការដ្ឋានស្រុក ដើម្បីដោះស្រាយតាមផ្លូវច្បាប់ ៕

រថយន្តដឹកបង្គោលភ្លើងធ្លាក់ពីលើផ្លូវជាតិលេខ៦៧របួសធ្ងន់ស្រាល៧នាក់

2010-09-04T12:08:00.001+07:00

កោះសន្តិភាព
យ ៖ កោះឯករាជ្យ

ខេត្តឧត្តរមានជ័យ ៖ រថយន្តម៉ាកហ៊ីណូមួយគ្រឿងពណ៌ស ពាក់ស្លាកលេខភ្នំពេញ 3B 0685 ដែលមានមនុស្សជិះចំនួន៧នាក់ ដឹកបង្គោលភ្លើងរបស់ក្រុមហ៊ុនឧត្តមសម្បតិ្តញឹក សុខអៀង ចេញពីប្រទេសសៀមតាមច្រកទ្វារអន្តរជាតិជាំសាង៉ាំ លុះមកដល់ចំណុចចង្កេះភ្នំដងរែក ស្រាប់តែរថយន្តនោះបានរេចង្កូតធ្លាក់ពីលើផ្លូវជាតិលេខ៦៧ ទៅខាងឆ្វេងដៃ រួចជ្រុលទៅបុកថ្មភ្នំយ៉ាងពេញទំហឹងបណ្តាលឱ្យមនុស្សចំនួន២នាក់រង របួសធ្ងន់ និងចំនួន៥នាក់ទៀតរងរបួសស្រាល ឯរថយន្តខូចខាតអស់ផ្នែកខាងមុខ ។

អ្នករងគ្រោះ៧នាក់ ទី១-ឈ្មោះម៉ុន ទំ ភេទប្រុស អាយុ២៧ឆ្នាំ រងរបួសបែកក្បាលធ្ងន់ រស់នៅភូមិខ្នាចាស់ សង្កាត់សៀមរាប ក្រុងសៀមរាប ខេត្តសៀមរាប ទី២-ឈ្មោះយឿន ម៉ាប់ ភេទប្រុស អាយុ២៦ឆ្នាំ រងរបួសបាក់.កជើងខាងឆ្វេងធ្ងន់ធ្ងរ រស់នៅភូមិខ្នាថ្មី សង្កាត់ជ្រាវ ក្រុងសៀមរាប ខេត្តសៀមរាប ទី៣-ឈ្មោះអំពៅ ភេទប្រុស អាយុ៣១ឆ្នាំ របួសស្រាល ទី៤-ឈ្មោះហម ហុង ភេទប្រុស អាយុ១៨ឆ្នាំ របួសស្រាល ទី៥-ឈ្មោះសំអុន ភេទប្រុស អាយុ៣០ឆ្នាំ របួសស្រាល អ្នកទាំង៣នាក់រស់នៅភូមិខ្នាថ្មី សង្កាត់ជ្រាវ ក្រុងសៀមរាប ខេត្តសៀមរាប ទី៦-ឈ្មោះសៀង លីហា ភេទប្រុស អាយុ១៩ឆ្នាំ របួសស្រាល រស់នៅភូមិទួលប្រិច ឃុំត្រពាំងកក់ ស្រុកបាទី ខេត្តតាកែវ និងទី៧-ឈ្មោះមឿន ម៉ម ភេទប្រុស អាយុ១៩ឆ្នាំ របួសស្រាល រស់ នៅភូមិខ្នាចាស់ សង្កាត់សៀមរាប ក្រុងសៀមរាប ខេត្តសៀមរាប ។ ហេតុការណ៍គ្រោះថ្នាក់ចរាចរណ៍នេះ បានកើតឡើងក្នុងភូមិជើងភ្នំ ឃុំត្រពាំងប្រីយ៍ ស្រុកអន្លង់វែង កាលពីវេលាម៉ោង៣និង៣០នាទីរសៀលថ្ងៃទិ២៩ សីហា ឆ្នាំ២០១០ កន្លងទៅ ។

តាមមន្ត្រីប៉េអឹមមួយរូបឱ្យដឹងថា គ្រោះថ្នាក់នេះបណ្តាលមកពីរថយន្តដាច់ហ្វ្រាំងហើយរេចង្កូតធ្លាក់ ពីលើផ្លូវជាតិលេខ៦៧ជ្រុល ទៅបុកផ្ទាំងថ្មភ្នំយ៉ាងពេញទំហឹង បណ្តាលឱ្យមនុស្សដែលកំពុងជិះនៅលើរថយន្តរងរបួសធ្ងន់ និងស្រាលបែបនេះ តែសំណាងល្អពុំមានអ្នកណាម្នាក់ស្លាប់បាត់បង់ជីវិតទេ គ្រាន់តែមានមនុស្ស២នាក់ រងរបួសធ្ងន់ និង៥នាក់ រងរបួសស្រាល ។ ក្រោយកើតហេតុក៏មានការជួយពីអ្នកធ្វើដំណើរតាមដងផ្លូវឈប់រថយន្ត ឈប់ម៉ូតូធ្វើការជួយសង្គ្រោះទាន់ពេលដោយយកជនរងគ្រោះទាំងនោះទៅ កាន់មន្ទីរពេទ្យបង្អែកស្រុកអន្លង់វែង ។ ចំណែកអ្នករងរបួសធ្ងន់ចំនួន២នាក់ត្រូវបានគ្រូពេទ្យបង្អែកស្រុក ធ្វើការបញ្ជូនបន្តទៅមន្ទីរពេទ្យខេត្តសៀមរាប ។ រីឯរថយន្តដឹកបង្គោលភ្លើងគេឃើញខាងក្រុមហ៊ុនបានយករថយន្តមកស្ទូច ឡើងលើផ្លូវជាតិវិញនៅថ្ងៃដដែលនោះ ។ សូមបញ្ជាក់ថា ត្រង់ចំណុចកើតហេតុនេះ តែងតែកើតមានគ្រោះថ្នាក់ចរាចរណ៍ជាញឹកញាប់ណាស់រហូតដល់ស្លាប់ បាត់ បង់ជីវិតមនុស្សជាច្រើននាក់ផងដែរ ៕

ស្រវឹងជោកបើករថយន្តឡិចស៊ីសបុកតោថ្មស្លាប់ម្នាក់

2010-09-04T12:05:00.001+07:00

កោះាន្តិភាព
ដោយ ៖ កោះឯករាជ្យ

ខេត្តកំពង់ចាម ៖ រថយន្តឡិចស៊ីសមួយគ្រឿងថ្មីសន្លាងពណ៌.ស គ្មានស្លាកលេខ បានបោះពួយទៅបុកខឿនសំរាប់ដាក់តោថ្មនៅក្បាលស្ពានមាត់ឃ្មង់ ស្ថិតក្នុងភូមិទួលវិហារ ឃុំជីរោទី២ ស្រុកត្បូងឃ្មុំ យ៉ាងពេញទំហឹង កាលពីវេលាម៉ោង១ និង៣៥នាទីរំលងអធ្រាត្រឈានចូលថ្ងៃទី២៩ សីហា បណ្តាលឱ្យអ្នកបើកបរដែលស្រវឹងស្រាផងបានស្លាប់មុនពេលនាំ ទៅដល់មន្ទីរពេទ្យ៧ «D» ។ តាមមន្ត្រីនគរបាលចរាចរស្រុកត្បូងឃ្មុំបានឱ្យដឹងថា អ្នកបើកបររថយន្តឈ្មោះលី ហ៊ាង ភេទប្រុស អាយុ២៦ឆ្នាំ រស់នៅ ភូមិសួងលិច សង្កាត់សួង ក្រុងសួង បានចេញពីផឹកស៊ីនៅក្លឹបផ្លាហ្សាក្នុងក្រុងកំពង់ចាម ។ បុរសឈ្មោះលី ហ៊ាង បើករថយន្តតែម្នាក់ឯងដោយស្ថិតក្នុងសភាពស្រវឹងស្រាជោកជាំ លុះមកដល់ភូមិទួលវិហារក៏បុកខឿនសំរាប់ដាក់ទ្រតោថ្មក្បាលស្ពាន មាត់ឃ្មង់ឡើងក្រពឹតរួញក្រញង់តែម្តង ។

លោកគង់ ស៊ីហុង នាយប៉ុសិ៍្តរដ្ឋបាលឃុំជីរោទី២បានប្រាប់តាមទូរស័ព្ទថា ខណៈពេលដែលរថយន្តឡិចស៊ីសបុកខឿនតោថ្មនោះ គឺលាន់ឮខ្លាំងព្រោះ ជាពេលរំលងអធ្រាត្រ ហើយរថយន្តក៏បានផ្ទុះពោងសុវត្ថិភាពដែរ ។ ដោយសារ កំលាំងបុកខ្លាំងជាហេតុធ្វើឱ្យរថយន្តខូចខាតយ៉ាងដំណំ កៀបអ្នកបើកបរជាប់រងរបួសជាទំងន់ ហើយកំលាំងប៉ុសិ៍្ត និងប្រជាពលរដ្ឋនាំគ្នាគាស់ទាញទំរាំចេញរួចត្រូវចំណាយពេលប្រមាណ ៣៥នាទី និងបានហៅរថយន្តសាមុយមកដឹកជាបន្ទាន់នាំទៅសង្គ្រោះ តែក៏បានស្លាប់មុនពេលទៅដល់មន្ទីរពេទ្យ ។

មន្ត្រីនគរបាលចរាចរស្រុកត្បូងឃ្មុំបញ្ជាក់ថា អ្នករងគ្រោះឈ្មោះលី ហ៊ាងមិនដឹងថា ផឹកស្រាអស់ប៉ុន្មានទេ ដែលពេលមកដល់រង្វង់មូលក្បាលស្ពានគីហ៊្សុណា បំរុងនឹងបុករង្វង់មូលម្តង តែគេចទាន់ លុះពេលទៅដល់ភូមិទួលវិហារ ក៏ បុកខឿនបេតុង ដាក់ទ្រតោថ្មយ៉ាងពេញទំហឹង ដោយក្នុងរថយន្តជិះតែម្នាក់ឯងប៉ុណ្ណោះ ។ ក្រោយឧប្បតិ្តហេតុគ្រោះថ្នាក់នេះ រថយន្តត្រូវបានស្ទូចយកទៅរក្សាទុកនៅអធិការដ្ឋាននគរបាលស្រុក ត្បូងឃ្មុំដើម្បីដោះស្រាយតាមច្បាប់ ៕

រថយន្ត FUSO បើកកៀរម៉ូតូជ្រុលទៅបុកបង្គោលភ្លើងបាក់ដាច់ចរន្តអគ្គិសនីមួយយប់

2010-09-04T12:03:00.000+07:00

គោះសន្តិភាព
ដោយ ៖ កោះឯករាជ្យ

រាជធានីភ្នំពេញ ៖ រថយន្តម៉ាក FUSO ពណ៌ស ពាក់ស្លាកលេខកណ្តាល 3A-8251 បានបើកកៀរម៉ូតូហុងដា C125 ពណ៌ខ្មៅ ពាក់ស្លាកលេខកំពត 1A-1751 បណ្តាលឱ្យអ្នកបើក និងអ្នករួមដំណើររងរបួស ហើយរថយន្តនោះថែមទាំងជ្រុលចង្កូតទៅបុកបង្គោលភ្លើងពេញទំហឹង បណ្តាលឱ្យបាក់ដល់ដី និងដាច់ភ្លើងអគ្គិសនីមួយយប់ ។ គ្រោះថ្នាក់ចរាចរណ៍នេះកើតឡើងកាលពីវេលាម៉ោង៦ល្ងាច ថ្ងៃទី២៩ សីហា នៅតាមផ្លូវលេខ៥៩៨ ក្នុងសង្កាត់ច្រាំងចំរេះទី១ ខណ្ឌប្ញស្សីកែវ ។ ជនរងគ្រោះត្រូវប៉ូលិសឱ្យដឹងថា ឈ្មោះខក ឃីម ភេទប្រុស អាយុ៣២ឆ្នាំ ជាកម្មករសំណង់ ជាអ្នកបើកម៉ូតូ និងឈ្មោះហួន ភ័ណ្ឌ ភេទប្រុស អាយុ១៩ឆ្នាំ ជាកម្មករសំណង់ដែរ ។ អ្នកទាំង២មានទីលំនៅក្នុងភូមិស្តៅកោង ឃុំស្តៅកោង ស្រុកបាភ្នំ ខេត្តព្រៃវែង ។

សមត្ថកិច្ចឱ្យដឹងថា រថយន្តម៉ាក FUSO បើកបរដោយឈ្មោះសុខ ខា ភេទប្រុស អាយុ២៥ឆ្នាំ មានទីលំនៅក្នុងសង្កាត់ច្រាំងចំរេះទី១ ខណ្ឌប្ញស្សីកែវ បានធ្វើដំណើរតាមផ្លូវលេខ៥៩៨ ក្នុងទិសដៅពីត្បូងទៅជើង លុះដល់កន្លែងកើតហេតុបានកៀរម៉ូតូហុងដា C125 បណ្តាលឱ្យអ្នកជិះចំនួន២នាក់រងរបួស ។ ប្រភពដដែលបន្តទៀតថា បន្ទាប់ពីកៀរម៉ូតូនោះ ធ្វើឱ្យអ្នកបើកបររថយន្តបាត់បង់ម្ចាស់ការ ក៏រេចង្កូតទៅខាងស្តាំដៃបុកបង្គោលភ្លើងពេញទំហឹងបណ្តាលឱ្យ បាក់ និងធ្លាក់ខ្សែភ្លើង និងខ្សែក្នុងអុបទិកមួយចំនួន ។ រថយន្តបានជាប់នៅបង្គោលភ្លើងនោះ។ នៅល្ងាចនោះ ភ្លើងអគ្គិសនីបានដាច់ជាច្រើនម៉ោង ។ ប៉ូលិសបានស្ទូចរថយន្តនោះបញ្ជូនទៅកាន់ការិយាល័យចរាចរណ៍ជើងគោក ដើម្បីឱ្យសងការខូចខាត ៕

ស្រវឹងធ្លាក់ភ្នែកបើករថយន្តបុកដើមឈើដាច់កង់ម្ខាង

2010-09-04T12:01:00.001+07:00

កោះសន្តិភាព
ដោយ ៖ កោះឯករាជ្យ

រាជធានីភ្នំពេញ ៖ រថយន្តតូយ៉ូតាពីរបាំងមួយគ្រឿងបានរេចង្កូតទៅបុកដើមលឿងរាជលើ ចិញ្ចើមផ្លូវមួយទំហឹង បណ្តាលឱ្យដាច់កង់ម្ខាង កាលពីវេលាម៉ោងសូន្យនិង៣០នាទីរំលងអធ្រាត្រ ឈានចូលថ្ងៃទី៣០ សីហា ២០១០ នៅកែងផ្លូវលេខ៤៣២ និងលេខ២៧១ ស្ថិតក្នុងសង្កាត់ទំនប់ទឹក ខណ្ឌចំការមន ។ តាមសាក្សីនិយាយថា មុនពេលកើតហេតុគេឃើញរថយន្តមួយគ្រឿងនេះម៉ាកតូយ៉ូតាពីរបាំង ពណ៌ស ពាក់ស្លាកលេខភ្នំពេញ 2H-7176 បើកបរក្នុងល្បឿនលឿនលើកំណាត់ផ្លូវលេខ៤៣២ ឆ្ពោះទៅទិសខាងលិច លុះមកដល់កែងផ្លូវលេខ២៧១ ស្ថិតក្នុងសង្កាត់ទំនប់ទឹក ខណ្ឌចំការមន ស្រាប់តែរេចង្កូតមកខាងស្តាំដៃជ្រុលទៅបុកដើមលឿងរាជលើ ចិញ្ចើមផ្លូវ បណ្តាលឱ្យដាច់កង់ខាងស្តាំ ហើយជ្រុលទៅបុកខឿនផ្លូវទៀត ។

ក្រោយពីចងកំហឹងជាមួយដើមលឿងរាជ រហូតដាច់កង់ម្ខាងទៅមុខលែងរួច គេឃើញបុរសពីរនាក់បើកទ្វារចេញមកខាងក្រៅ ក្នុងស្ថានភាពស្រវឹងធ្លាក់ភ្នែក ហើយនាំគ្នាហៅម៉ូតូឌុបជិះចេញទៅបាត់ ។ ដោយឡែកនៅយប់ថ្ងៃដដែលវេលាម៉ោង៩មានរថយន្តមួយគ្រឿងម៉ាកកាមរី គូទហើម ពណ៌ស ដែលគេស្គាល់ថា ជារថយន្តសាលាបង្រៀនបើកបរដៃចំណាន (តាកែវ) បានបើកទៅបុករបាំងថ្មចែកផ្លូវលើកំណាត់មហាវិថីព្រះមុនីវង្ស មុខអតីតរោងចក្រកាត់ដេរគង់ហុង ស្ថិតក្នុងសង្កាត់ទន្លេបាសាក់ ខណ្ឌចំការមន បណ្តាលឱ្យខូចខាតរបាំងថ្ម និងរថយន្ត ។ ទោះបីជាយ៉ាងណា នៅក្នុងហេតុការណ៍នេះ ពុំមានមនុស្សណាម្នាក់ស្លាប់ ឬរងរបួសទេ ប៉ុន្តែមូលហេតុបណ្តាលឱ្យមានគ្រោះថ្នាក់នេះ ដោយសារអ្នកបើកបរហូបគ្រឿងស្រវឹង ។ រថយន្តបង្កត្រូវបានស្ទូចយកទៅ រក្សាទុកនៅសាលារាជធានីភ្នំពេញ ដើម្បីដោះស្រាយតាមច្បាប់ ៕

ដឹកធ្ងន់ផ្ទុះកង់ក្រឡាប់ចាក់ផ្លែឈើពេញផ្លូវជាតិលេខ៥

2010-09-04T11:59:00.000+07:00

កោះសន្តិភាព
ដោយ ៖ កោះឯករាជ្យ

ខេត្តពោធិ៍សាត់ ៖ រថយន្តដឹកផ្លែឈើមួយគ្រឿង បានផ្ទុះកង់ក្រឡាប់ពីរត្រឡប់ចាក់ផ្លែឈើរាយប៉ាយពេញថ្នល់ ប៉ុន្តែអ្នកបើកបរ និងព្រូដែលជិះក្នុងរថយន្តនោះគ្រាន់តែរបួសស្រាលប៉ុណ្ណោះ ។ គ្រោះថ្នាក់នេះបានកើតឡើងនៅលើកំណាត់ផ្លូវជាតិលេខ៥ ត្រង់ចំណុចភូមិក្រាំងធំឃុំអូរសណ្តាន់ ស្រុកក្រគរ កាលពីថ្ងៃទី២៨ សីហា ឆ្នាំ២០១០ វេលាម៉ោង៧ និង៣០នាទីព្រឹក ដោយសារផ្ទុកធ្ងន់លើសចំណុះហើយរថយន្តចាស់ទ្រុឌទ្រោម ។

លោកអនុសេនីយ៍ទោគង់ ប៊ុនណាក់ នាយប៉ុសិ៍្តនគរបាលរដ្ឋបាលអូរសណ្តាន់ឱ្យដឹងថា រថយន្តដែលក្រឡាប់នេះម៉ាកនីស្សាន់មួយបាំងកន្លះ ពណ៌ស្លែ ពាក់ស្លាកលេខ ១១០៤ ភព២ បើកបរដោយឈ្មោះទេព វ៉ាន់ឌី ភេទប្រុស អាយុ៣២ឆ្នាំ មានទីលំនៅក្នុងក្រុងសិរីសោភ័ណ ខេត្តបន្ទាយមានជ័យ និងព្រូរថយន្តរងរបួសស្រាល តែមិនស្គាល់ឈ្មោះ ព្រោះដឹកយកទៅមន្ទីរពេទ្យផុត ។ លោកនាយប៉ុសិ៍្តបន្តទៀតថា បើតាមការផ្តល់ព័ត៌មានពីប្រជាពលរដ្ឋគឺនាវេលាម៉ោង៧ និង៣០នាទីព្រឹកនោះគេឃើញរថយន្តនីស្សាន់មួយបាំងកន្លះមួយគ្រឿង នេះដឹកផ្លែឈើពេញធ្វើដំណើរលើផ្លូវជាតិលេខ៥ពីកើតទៅលិច ។

លុះមកដល់ចំណុចខាងលើបានផ្ទុះកង់ក្រោយខាងស្តាំ បោកក្រឡាប់ពីរត្រឡប់ចាក់ផ្លែឈើចោលរាយប៉ាយ ពេញលើថ្នល់ បណ្តាលឱ្យអ្នកបើកបរ និងព្រូដែលអង្គុយខាងក្នុងរងរបួសស្រាល ឯរថយន្តបែកកញ្ចក់ និងក្រពឹតដំបូល ។
លោកនាយប៉ុសិ៍្តមានប្រសាសន៍ ថា គ្រោះថ្នាក់នេះបណ្តាលមកពីផ្ទុកធ្ងន់លើសចំណុះ គួបផ្សំនឹងសំបកកង់រថយន្តសឹករេចរឹលចាស់ទ្រុឌទ្រោមទៀត ដែលម្ចាស់រថយន្តធ្វេសប្រហែសមិនបានផ្លាស់ប្តូរថ្មី ៕

ម៉ូតូបុកគ្នាបែរជារងគ្រោះក្មេងប្រុសរត់លេងលើចិញ្ចើមផ្លូវលំ

2010-09-04T11:56:00.000+07:00

កោះសន្តិភាព
ដោយ ៖ កោះឯករាជ្យ

ខេត្តកំពង់ឆ្នាំង ៖ ក្មេងប្រុសម្នាក់បានរងរបួសយ៉ាងធ្ងន់ធ្ងរ ខណៈកំពុងរត់លេងក្បែរចិញ្ចើមផ្លូវ ក្រាលក្រួសក្រហម ហើយត្រូវម៉ូតូ២គ្រឿងបុកគ្នានៅក្បែរនោះដែរ ដែលម៉ូតូភាគីម្ខាងមានលីជើងម៉ាស៊ីនផងនោះ បានដួលមកសង្កត់លើក្មេងប្រុសរូបនោះបណ្តាលឱ្យផុងលលាដ៍ ហើយត្រូវបានដឹកយកទៅមន្ទីរពេទ្យឯរាជធានីភ្នំពេញ បន្ទាប់ពីមន្ទីរពេទ្យខេត្តមិនមានលទ្ធភាពសង្គ្រោះ ។ ហេតុការណ៍នោះបានកើតឡើងកាលពីវេលាម៉ោង៥និង៣០នាទីល្ងាចថ្ងៃទី ២៨ សីហា នៅមុខសាលាសង្កាត់ផ្សារឆ្នាំង ក្រុងកំពង់ឆ្នាំង ។

មន្ត្រីប៉ូលិសចរាចរក្រុងបានឱ្យដឹងថា ក្មេងប្រុសរងគ្រោះរូបនោះឈ្មោះថា ចេក អាយុ៩ឆ្នាំ មានទីលំនៅក្នុងភូមិត្រពាំងបី សង្កាត់ផ្សារឆ្នាំង ។ ប្រភពដដែលបានបន្តថា មុនពេលកើតហេតុបុរសឈ្មោះប៊ុន ចាន់ អាយុ៥២ឆ្នាំ បានបើកម៉ូតូម៉ាក C100 កូរ៉េ ពណ៌ក្រហម ក្នុងទិសដៅពីជើងទៅត្បូង កាត់មុខវត្តយាយទេព ដោយមានឌុបមនុសុ្សម្នាក់ទៀតពីក្រោយដែលមានលីជើងម៉ាស៊ីនកាណូតនៅ លើស្មាផង ។ លុះមកដល់កន្លែងកើតហេតុម៉ូតូបានរ៉េចង្កូតទៅបុកម៉ូតូសង់ កូរ៉េដូចគ្នា ដែលបើកបរដោយឈ្មោះគ្រឹប ចាន់ អាយុ៣២ឆ្នាំ នៅភូមិប្អេរ សង្កាត់ប្អេរ ។ ពេលបុកនោះជើងម៉ាស៊ីនបានវាត់ទៅត្រូវកុមាររងគ្រោះដែលកំពុងរត់ លេងតាមផ្លូវបណ្តាលឱ្យផុងលលាដ៍របួសយ៉ាងធ្ងន់ធ្ងរ ហើយត្រូវយកទៅសង្គ្រោះនៅមន្ទីរពេទ្យធំឯរាជធានីភ្នំពេញ ។

ចំណែកឈ្មោះគ្រឹប ចាន់ ក៏រងរបួសបង្គួរដែរ ព្រោះបានបោកត្រូវនឹងជើងម៉ាស៊ីន រីឯម៉ូតូបានរងការខូចខាតផ្នែកខាងមុខធ្ងន់ធ្ងរដូចគ្នា ។ ប្រភពដដែលនេះ ក៏បានឱ្យដឹងដែរថា មុនពេលមានគ្រោះថ្នាក់នេះ ម៉ូតូដែលលីជើងម៉ាស៊ីនដោយអ្នកជិះពីក្រោយនោះក៏បានបើកទៅប៉ះ នឹងបុរសឈ្មោះគង់ កូយ អាយុ៥៤ឆ្នាំ ជាមេភូមិកណ្តាលផងដែរ គឺប៉ះនៅលើខ្នងទំនប់បារាំង ស្ថិតនៅក្នុងភូមិផ្សារឆ្នាំង បណ្តាលឱ្យមេភូមិរូបនោះរបួសធ្ងន់ ។ លុះប៉ះមេភូមិហើយអ្នកបើកបរទំនងប្រឹងបើករត់ក៏បានមកបុកគ្នា ជាមួយអ្នកជិះម៉ូតូមួយគ្រឿងទៀតនៅមុខវត្តយាយទេព ទើបដួលបោកទៅលើក្មេងប្រុសបណ្តាលឱ្យរបួសធ្ងន់បែបនេះ ។ ក្រោយពីកើតហេតុប៉ូលិសក៏បានឃាត់ខ្លួនបុរសឈ្មោះប៊ុន ចាន់ ដែលបង្កឱ្យមានគ្រោះថ្នាក់នេះ ព្រោះការដឹកជញ្ជូនរបៀបនេះ គឺមិនមានសុវត្ថិភាពទាល់តែសោះ បង្កឱ្យមានគ្រោះថ្នាក់មនុស្សដល់ទៅពីរកន្លែង ៕

មន្ត្រីប៉ូលិសពន្លត់អគ្គីភ័យបានស្លាប់នៅមន្ទីរពេទ្យក្រោយគ្រោះថ្នាក់ចរាចរ

2010-09-04T11:55:00.000+07:00

កើសន្តិភាព
ដោយ ៖ កោះឯករាជ្យ
ខេត្តបាត់ដំបង ៖ យោងតាមការផ្តល់ព័ត៌មានពីក្រុមគ្រួសារ និងមន្ត្រីនគរបាលការិយាល័យបង្ការ និងពន្លត់អគ្គីភ័យនៃស្នងការដ្ឋាននគរបាលខេត្ត បានឱ្យដឹងថា លោកម៉ក់ ហួន ប្រធានការិយាល័យពន្លត់អគ្គីភ័យបានស្លាប់ បាត់បង់ជីវិត នៅឯមន្ទីរពេទ្យកាល់ម៉ែត រាជធានីភ្នំពេញ ទៅហើយនៅវេលាម៉ោង១០ព្រឹក ថ្ងៃទី២៩ សីហា បន្ទាប់ពីក្រុមគ្រូពេទ្យបានប្រឹងប្រែងយ៉ាងខ្លាំង ដើម្បីជួយសង្គ្រោះជីវិតរបស់គាត់តែពុំបានសំរេចអស់រយៈពេល មួយថ្ងៃមួយយប់ រួចមក ។

លោកម៉ក់ ហួន អាយុ៥៣ឆ្នាំ ប្រធានការិយាល័យនគរបាលបង្ការ និងពន្លត់អគ្គីភ័យនៃស្នងការដ្ឋាននគរបាលខេត្តបាត់ដំបង រស់នៅភូមិវត្តគរ សង្កាត់វត្តគរ ក្រុងបាត់ដំបង ។ មន្ត្រីនគរបាលបានឱ្យដឹងថា លោកម៉ក់ ហួន បានជួបគ្រោះថ្នាក់ចរាចរណ៍ដោយសារក្រុមក្មេងស្ទាវ៣នាក់ ជិះម៉ូតូបុកគាត់បណ្តាលឱ្យគាត់ដួលបោកក្បាលរបួសធ្ងន់ធ្ងរ បើទោះបីជាគាត់បានពាក់មួកសុវត្ថិភាពហើយក្តី ។ ឧប្បតិ្តហេតុគ្រោះថ្នាក់នេះបានកើតឡើងនៅចំណុចផ្លូវបំបែកខាងមុខ ភោជនីយដ្ឋានតែតៃលី ផ្លូវលេខ១ ស្ថិតក្នុងភូមិកម្មករ សង្កាត់ស្វាយប៉ោ ក្រុងបាត់ដំបង កាលពីវេលាម៉ោង២និង១០នាទីយប់ ថ្ងៃទី២២ សីហា ។ ក្រោយពីបង្កគ្រោះថ្នាក់ ក្រុមក្មេងស្ទាវបានព្យាយាមរត់គេចខ្លួនបាត់អស់ដោយបន្សល់ទុកតែ ម៉ូតូម៉ាកវ៉េវ ដ៏កញ្ចាស់មួយគ្រឿងប៉ុណ្ណោះ ។

រថយន្តឡង់គ្រីស្ស័របើកបុករថយន្តកូរ៉ូឡា បត់ឆ្លងផ្លូវរបួស២នាក់

2010-09-04T11:53:00.000+07:00

កោះសន្តិភាព
ដោយ ៖ កោះឯករាជ្យ
រាជធានីភ្នំពេញ ៖ យ៉ាងហោចណាស់មនុស្ស២នាក់ បានរងរបួសក្នុងគ្រោះថ្នាក់ចរាចរណ៍មួយកាលពីវេលាម៉ោង១១និោង៣០ នាទីយប់ ថ្ងៃទី២៨ សីហា នៅចំណុចមុខផ្ទះលេខ១២៩C ផ្លូវលេខ១៩៨៦ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ដោយសាររថយន្តម៉ាកឡង់គ្រីស្ស័រ ពណ៌ខ្មៅមួយគ្រឿង មានស្លាកលេខ ONU-2799 បើកបុករថយន្តម៉ាកកូរ៉ូឡា ពណ៌ត្រាវ មានស្លាកលេខភ្នំពេញ 2J-4398 ដែលបត់ឆ្លងផ្លូវពេញទំហឹង ។

ជនរងគ្រោះក្នុងគ្រោះថ្នាក់ចរាចរណ៍នេះ ត្រូវប៉ូលិសឱ្យដឹងថា ឈ្មោះប៊ុន គឹមមករា ភេទប្រុស អាយុ១៧ឆ្នាំ ជាសិស្សមានទីលំនៅផ្ទះលេខ៤៣១ ភូមិជំពូវ័ន សង្កាត់ចោមចៅ ខណ្ឌដង្កោ ជាអ្នកបើកបររថយន្តកូរ៉ឡា និងម្នាក់ទៀតឈ្មោះឡុង រ៉ាវី ភេទប្រុស អាយុ២៧ឆ្នាំ មានទីលំនៅភូមិត្រពាំងឈូក សង្កាត់ទឹកថ្លា ខណ្ឌសែនសុខ ជាអ្នករួមដំណើរ ។

តាមមន្ត្រីប៉ូលិសមូលដ្ឋានឱ្យដឹងថា គ្រោះថ្នាក់នេះបង្កឡើងដោយរថយន្តម៉ាកឡង់គ្រីស្ស័រ ពណ៌ខ្មៅ មានស្លាកលេខ ONU បើកបរដោយឈ្មោះជិន ប៊ុនឡេង ភេទប្រុស អាយុ៤១ឆ្នាំ ធ្វើការនៅសាលាក្តីខ្មែរក្រហមបើកបោះពួយយ៉ាងលឿនទៅបុករថយន្ត កូរ៉ូឡា ជិះគ្នា២នាក់ដែលធ្វើដំណើរឆ្លងផ្លូវ គឺបុកចំកណ្តាលរថយន្តតែម្តង ។

ភ្លៀងធ្លាក់មួយមេធំ តាក់ស៊ីមួយគ្រឿង ចងកំហឹងរបាំងចែកផ្លូវបះជើង

2010-09-04T11:52:00.000+07:00

កោះសន្តិភាព
ដោយ ៖ កោះឯករាជ្យ

រាជធានីភ្នំពេញ ៖ រថយន្តតាក់ស៊ីក្នុងរាជធានីមួយគ្រឿង កាលពីវេលាម៉ោងជាង៨យប់ ថ្ងៃទី២៦ សីហា បានបើកបុករបាំងចែកទ្រូងផ្លូវ កាច់ជ្រុងវត្តមហាមន្ត្រី តាមបណ្តោយមហាវិថីព្រះសីហនុ ស្ថិតក្នុងសង្កាត់វាលវង់ ខណ្ឌ៧មករា បណ្តាលឱ្យរថយន្តក្រឡាប់ជើងទ្រមេឃ ប្រៀបដូចជាចងកំហឹង នឹងរបាំងចែកទ្រូងផ្លូវនោះតាំងពីពេលណាមក ។ រថយន្តនេះម៉ាក គី ផលិតនៅប្រទេសកូរ៉េ ពាក់ស្លាកលេខ 2I-8935 ភ្នំពេញ ដែលមានអ្នកបើកបរឈ្មោះសំ នី ភេទប្រុស អាយុ៣០ឆ្នាំ ស្នាក់នៅផ្ទះលេខ១៩ សង្កាត់ទំនប់ទឹក ខណ្ឌចំការមន ។

អ្នកបើកបររថយន្តនេះ បានរៀបរាប់ប្រាប់សមត្ថកិច្ច នៅកន្លែងកើតហេតុថា មុនពេលកើតហេតុ ខ្លួនបានបើករថយន្ត ពីទិសស្តុបអតីតពេទ្យចិន ទៅទិសខាងលិច លុះមកដល់ចំណុចកើតហេតុខាងលើ មានរថយន្តឡិចស៊ីសមួយគ្រឿង បើកវ៉ា ទៅមុខបានប៉ះក្បាលរថយន្តរបស់ខ្លួន ទើបបណ្តាលឱ្យរេចង្កូតទៅបុករបាំងចែកទ្រូងផ្លូវ រហូតក្រឡាប់ផ្ងារជើងឡើងលើ ។ សាក្សីឃើញហេតុការណ៍ផ្ទាល់ភ្នែកបានរៀបរាប់ឱ្យដឹងថា មុនពេលកើតហេតុមានរថយន្តឡិចស៊ីសមួយគ្រឿង បើកពីមុខរថយន្តតាក់ស៊ីនោះមែន លុះដល់ចំណុចខាងលើរថយន្តតាក់ស៊ី បានបើកជែងរថយន្តឡិចស៊ីស តែទៅមុខមិនរួចក៏បានប៉ះរថយន្តឡិចស៊ីសនោះ បណ្តាលឱ្យរេចង្កូតទៅបុករបាំងចែកផ្លូវតែម្តង ។

បន្ទាប់ពីកើតហេតុភ្លាមខ្លួន (សាក្សី) បានស្ទុះទៅជួយទាញទ្វាររថយន្តឱ្យអ្នកបើកបរចេញមកក្រៅ ប៉ុន្តែមិនឃើញរងរបួសអ្វីទេ ។ នៅកន្លែងកើតហេតុប៉ូលិសនិយាយថា អ្នកបើកបររថយន្តតាក់ស៊ីនោះធុំក្លិនស្រា តែអ្នកបើកបរបានបដិសេធថា គេអត់ផឹកស្រាទេ ។ រថយន្តត្រូវបានសមត្ថកិច្ចនគរបាលចរាចរស្ទូចយកទៅរក្សាទុកនៅ សាលារាជធានីភ្នំពេញ ដើម្បីឱ្យថៅកែក្រុមហ៊ុនតាក់ស៊ី សងការខូចខាតទ្រព្យសម្បត្តិសាធារណៈ ៕

ជិះម៉ូតូក្នុងល្បឿនលឿនដូចគ្នាបុកគ្នាពេញទំហឹងរបួសធ្ងន់ទាំង២

2010-09-04T11:50:00.000+07:00

កោះសន្និភាព
ដោយ ៖ កោះឯករាជ្យ

រាជធានីភ្នំពេញ ៖ មនុស្សពីរនាក់បានរងរបួសយ៉ាងធ្ងន់ធ្ងរសន្លប់បាត់ស្មារតីនៅនឹង កន្លែង ដោយសារឧប្បតិ្តហេតុគ្រោះថ្នាក់ចរាចរណ៍ ជិះម៉ូតូជ្រុលទៅបុកគ្នាពេញទំហឹង ក្នុងខណៈពេលដែលកំពុងបើកបរធ្វើដំណើរច្រាសទិសគ្នាតាមផ្លូវ ក្នុងល្បឿនលឿនដូចគ្នា ។ ឧប្បតិ្តហេតុគ្រោះថ្នាក់ចរាចរណ៍នោះបានកើតឡើងកាលពីវេលាម៉ោង១ និង៥នាទីរសៀល ថ្ងៃទី២៦ សីហា ឆ្នាំ២០១០ នៅលើកំណាត់មហាវិថីសហព័ន្ធរុស៊្សី មុខច្រកចូលព្រលានយន្តហោះអន្តរជាតិភ្នំពេញ ភូមិក្បាលដំរី សង្កាត់កាកាប ខណ្ឌដង្កោ រាជធានីភ្នំពេញ ។

ម៉ូតូទាំងពីរគ្រឿងដែលបានបើកបុកគ្នាពេញទំហឹង បណ្តាលឱ្យអ្នកបើកបរទាំងសងខាងរងរបួសធ្ងន់ធ្ងរនោះ មួយគ្រឿងម៉ាក យ៉ាម៉ាហា SIRIUS ពណ៌ខ្មៅលាយក្រហម ពាក់ស្លាកលេខកំពង់ចាម 1E-8816 និងម៉ូតូមួយគ្រឿងទៀតម៉ាក Citi C100 កូរ៉េ ពណ៌ក្រហម ពាក់ស្លាកលេខ ព-៤៨៥៧ ភព១ ហើយអ្នកបើកម៉ូតូទាំងពីរគ្រឿងនោះពុំត្រូវបានគេស្គាល់អត្ត សញ្ញាណឡើយ ព្រោះនៅពេលភ្លាមៗ នោះរងរបួសធ្ងន់សន្លប់បាត់ស្មារតីទាំងអស់គ្នា ។

តាមប្រភពព័ត៌មានបានឱ្យដឹងថា នៅមុនពេលកើតហេតុខាងលើ គេបានឃើញម៉ូតូទាំងពីរគ្រឿងនោះបើកបរធ្វើដំណើរច្រាសទិសគ្នា ដោយម៉ូតូម៉ាកយ៉ាម៉ាហា SIRIUS ធ្វើដំណើរក្នុងទិសដៅពីកើតទៅលិច ចំណែកឯម៉ូតូម៉ាក Citi C100 កូរ៉េ បើកបរធ្វើដំណើរក្នុងទិសដៅពីលិចទៅកើត ។ លុះទៅដល់ត្រង់ចំណុចកើតហេតុខាងលើ ម៉ូតូយ៉ាម៉ាហា SIRIUS បានបត់ឆ្លងផ្លូវពីជើងទៅត្បូង ហើយក៏ត្រូវម៉ូតូ C100 កូរ៉េ បុកពេញទំហឹង បណ្តាលឱ្យរងរបួសធ្ងន់ទាំងសងខាងតែម្តង ។ ប្រភពដដែលបានបន្តទៀតថា ក្រោយពេលកើតហេតុរថយន្តសង្គ្រោះបានដឹកអ្នករបួសទាំងពីរនាក់នោះ ទៅសង្គ្រោះនៅមន្ទីរពេទ្យជាបន្ទាន់ ចំណែកឯម៉ូតូទាំងពីរគ្រឿងរងនូវការខូចខាតដូចគ្នាត្រូវបាន ប៉ូលិសនាំយកទៅរក្សាទុកនៅអធិការដ្ឋានខណ្ឌដង្កោ រង់ចាំការដោះស្រាយគ្នាតាមផ្លូវច្បាប់ ៕

ក្បាលឡានដឹកកុងតឺន័រអ្នកបើកស្រវឹងបុករះរួចធ្លាក់ប្រឡាយ

2010-09-04T11:49:00.000+07:00

ដោយ ៖ កោះឯករាជ្យ
កោះសន្តិភាព

ខេត្តកណ្តាល ៖ រថយន្តសំរាប់ដឹកកុងតឺន័រមួយគ្រឿង បានធ្លាក់ចូលទៅក្នុងប្រឡាយទឹកស្អុយ ដោយសារតែអ្នកបើកបរស្រវឹងស្រាយ៉ាងជោកជាំ ហើយបានបើកជ្រែគេឯងយ៉ាងលឿន រេចង្កូតពេញផ្លូវ រួចបុកម៉ូតូអ្នកដំណើរតាមផ្លូវមួយគ្រឿង បន្ទាប់មកបើករត់ជ្រុលទៅបុករថយន្តម៉ាកឡិចស៊ីស១គ្រឿងទៀតពី ក្រោយ ទើបជ្រុលធ្លាក់ចូលប្រឡាយទឹកទៅមុខលែងរួចតែម្តង ។ ហេតុការណ៍នោះបានកើតឡើងកាលពីវេលា ម៉ោង៦ និង៥៥នាទីយប់ថ្ងៃទី២៤ សីហា ឆ្នាំ២០១០ នៅលើកំណាត់ផ្លូវជាតិលេខ៤ត្រង់ចំណុចភូមិអង្គស្នួលទី២ ឃុំពើក ស្រុកអង្គស្នួល ខេត្តកណ្តាល ។ រថយន្តបង្កហេតុនោះម៉ាកនី ស្សាន់ឌីសែល ពណ៌ត្រួយចេក ពាក់ស្លាកលេខភ្នំពេញ 3A-1664 ជាកម្មសិទិ្ធរបស់ក្រុមហ៊ុនផែស្ងួតតិចស្រ៊ុន ដែលបើកបរដោយជនស្ទាវមិនស្គាល់ឈ្មោះម្នាក់ដែលក្រោយពេលកើតហេតុ បានរត់គេចខ្លួនបាត់ស្រមោល ។

ចំណែកឯម៉ូតូរងគ្រោះម៉ាកហុងដា C125 ស៊េរីឆ្នាំ២០០៩ ពណ៌ខ្មៅ ពាក់ស្លាកលេខភ្នំពេញ 1AJ-9806 បើកបរដោយបុរសឈ្មោះអ៊ឺង វណ្ណៈ អាយុ៣២ឆ្នាំ មុខរបរអង្គរក្ស មានទីលំនៅភូមិជម្ពូវ័ន សង្កាត់ចោមចៅ ខណ្ឌដង្កោ រាជធានីភ្នំពេញ រងរបួសធ្ងន់ ។ រីឯរថយន្តមួយគ្រឿងទៀតដែលរងគ្រោះដោយសាររថយន្តបង្កបុកពីក្រោយ ដែរនោះម៉ាកតូយ៉ូតាឡិចស៊ីស ៤៧០ ពណ៌ខ្មៅ ពាក់ស្លាកលេខភ្នំពេញ 2J-3330 បើកបរដោយបុរសឈ្មោះជា វណ្ណា អាយុ៣២ឆ្នាំ មានទីលំនៅភូមិប៉ប្រកខាងត្បូង សង្កាត់កាកាប ខណ្ឌដង្កោ ។

តាមប្រភពព័ត៌មានបានឱ្យដឹងថា នៅមុនពេលកើតហេតុខាងលើ រថយន្តបង្កនោះអត់មានសណ្តោងកន្ទុយដឹកកុងតឺន័រទេ បានបើកបរធ្វើដំណើរក្នុងល្បឿនយ៉ាងលឿនគួរឱ្យខ្លាច ជ្រែរថយន្ត និងម៉ូតូដទៃទៀតនៅតាមផ្លូវជាបន្តបន្ទាប់ព្រោះអ្នកបើកបរស្រវឹង ស្រា និងជាជនស្ទាវទៀត ។ លុះពេលទៅដល់ត្រង់ចំណុចខាងកើតផ្សារថ្នល់ទទឹង ស្ថិតក្នុងឃុំដំណាក់អំពិល ស្រុកអង្គស្នួល ក៏បានបុកម៉ូតូC125 ស៊េរីឆ្នាំ២០០៩ ពីក្រោយបណ្តាលឱ្យដួល សំណាងល្អអ្នកបើកបរម៉ូតូខ្ទាតចេញគ្រាន់តែរងរបួសមិនស្លាប់ ។ ប្រភពដដែលបានបន្តទៀតថា ពេលនោះរថយន្តខាងលើមិនបានឈប់ឈ្ងៀមនោះទេ បានបន្ថែមល្បឿនកាន់តែលឿនថែមទៀតក្នុងគោលបំណងរត់គេចមិនទទួល ខុសត្រូវចំពោះគ្រោះថ្នាក់ដែលខ្លួនបង្កនោះឡើយ ។

លុះពេលបើកគេចបានចំងាយប្រមាណ៤គីឡូម៉ែត្រដល់ ត្រង់ចំណុចកើតហេតុខាងលើ ក៏បានជ្រុលទៅបុកគូទរថយន្តម៉ាកឡិចស៊ីសទើបរេចង្កូតវក់វី ធ្លាក់ចូលប្រឡាយទឹក និងវិលមួយជុំបែរមុខត្រឡប់ក្រោយសំដៅទៅទិសខាងលិចវិញទើបឈប់ ស្ងៀមនៅមួយកន្លែង ។ ប្រភពដដែលបានបន្តថា ក្រោយពេលកើតហេតុអ្នកបើកបររថយន្តបង្កនោះបានចុះរត់គេចខ្លួន ទៅបាត់ស្រមោលចោលរថយន្តទាំងភាពស្រវឹងជោក ហើយត្រូវបានកំលាំងកងរាជអាវុធហត្ថស្រុកអង្គស្នួលនាំយកទៅរក្សា ទុកដើម្បីដោះស្រាយតាមផ្លូវច្បាប់ ៕

រឿងដែល នគរបាល ចរាចរណ៍ គួរធ្វើ និងមិនគួរធ្វើ

2010-09-04T11:41:00.000+07:00

DAP

សមត្ថកិច្ចនគរបាល ចរាចរណ៍ មានតួនាទីក្នុងការរក្សា សណ្ដាប់ធ្នាប់តាមដងផ្លូវ ក៏ដូចជាណែនាំឱ្យប្រជាពលរដ្ឋ ទូទៅបាន យល់ដឹងអំពីច្បាប់ចរាចរណ៍ ដើម្បីចៀសវាងនូវគ្រោះថ្នាក់ ដែលកើតឡើងជាយថាហេតុ។ តួនាទីរបស់សមត្ថកិច្ចនគរបាល ចរាចរណ៍ មានសារសំខាន់ណាស់ ក្នុងការរក្សាសណ្ដាប់ធ្នាប់ តាមដងផ្លូវនិងទីសាធារណៈនានា ដើម្បីសម្រួលឱ្យប្រជាពល រដ្ឋធ្វើដំណើរទៅមកបានស្រួល ដោយពុំមានការកកស្ទះចរាចរណ៍។ ក៏ប៉ុន្ដែតាមពិតជាក់ស្ដែងនគរបាលចរាចរណ៍រាជធានី ភ្នំពេញ មួយចំនួនមិនបានអនុវត្ដន៍ ទៅតាមតួនាទីនិងភារកិច្ចរបស់ខ្លួន ឱ្យបានត្រឹមត្រូវទេ ផ្ទុយទៅវិញគេបានយកច្បាប់ ចរាចរណ៍ទៅធ្វើអាជីវកម្ម ដើម្បីជំរិតយកលុយពីប្រជាពលរដ្ឋ ទៅដាក់ក្នុងហោប៉ៅរបស់ខ្លួន ដោយគ្មានសេចក្ដីអៀនខ្មាស និងមិនខ្វល់ពីការរិះគន់អ្វីទាំងអស់។
ប្រជាពលរដ្ឋដែលជាអ្នករត់ម៉ូតូឌុប និងម៉ូតូកង់៣មួយចំនួន តែងតែរាយការណ៍ប្រាប់ អ្នកយកព័ត៌មានថា ពួកគាត់ធ្លាប់ ត្រូវសមត្ថកិច្ចនគរបាលចរាចរណ៍ គាបយកលុយនៅពេល ដែលពួកគាត់មានកំហុសបន្ដិចបន្ដួច ដូចជាភ្លេចពាក់មួកសុវត្ថិ ភាព ឬម៉ូតូគ្មានបំពាក់កញ្ចក់ និងគ្មានស្លាកលេខជាដើម។ បងប្អូនអ្នករត់ម៉ូតូឌុបនិងអ្នករត់ម៉ូតូកង់៣ បានលើកឡើងថា សមត្ថកិច្ចនគរបាលចរាចរណ៍ មិនដែលណែនាំពួកគាត់ឱ្យយល់ដឹងពីច្បាប់ ចរាចរណ៍ម្ដងណាទេ គឺក្រោយពេលស្ទាក់ឃាត់ សមត្ថកិច្ចទាំងនោះតែងតែតម្រូវឱ្យពួកគាត់ បង់លុយតាមការកំណត់របស់ពួកគេ។ ជាពិសេសក្រុមអ្នករត់ម៉ូតូឌុប បាន រៀបរាប់ថា នៅពេលដែលពួកគាត់មិនព្រមបង់លុយ តាមការកំណត់របស់នគរបាលចរាចរណ៍ទេនោះ គឺគេគំរាមលើក ម៉ូតូរបស់ពួកគាត់ដាក់លើរថយន្ដដឹកយកទៅទុកនៅការិយាល័យ នគរបាលចរាចរណ៍ជើងគោករាជធានី ដល់ពេលនោះពួក គាត់ត្រូវចំណាយលុយរាប់រយដុល្លារ ដើម្បីយកម៉ូតូមកវិញ។
ទន្ទឹមនឹងការរិៈគន់របស់អ្នករត់ម៉ូតូឌុប និងម៉ូតូកង់៣ដូចខាងលើនេះ គឺក្រុមអ្នកសង្កេតការណ៍មួយចំនួន បានកត់សម្គាល់ ថា សមត្ថកិច្ចនគរបាលចរាចរណ៍ ដែលឈរជើងតាមគោលដៅមួយចំនួនបានប្រព្រឹត្ដអំពើអាក្រក់ផ្ទុយពីតួនាទីនិងភារកិច្ច របស់ខ្លួនទាំងស្រុង។ ជាការពិតករណីខ្លះនគរបាល ចរាចរណ៍បានស្ទុះទៅចាប់ដៃម៉ូតូ ដែលប្រជាពលរដ្ឋកំពុងបើកបរ ដោយ សារតែអ្នកបើកបរម៉ូតូនោះ ពុំមានពាក់មួកសុវត្ថិភាព ឬម៉ូតូពុំមានកញ្ចក់។ សកម្មភាពបែបនេះ បានធ្វើឱ្យដួលម៉ូតូរបស់ ប្រជាពលរដ្ឋ ហើយអ្នកបើកបរពីក្រោយ បានបុកគូទម៉ូតូអ្នកជិះខាងមុខ បណ្ដាលឱ្យស្ទះចរាចរណ៍ទៀតផង។ ករណីបែប នេះ កើតឡើងជាញឹកញាប់នៅចំណុចភ្លើងស្ដុបក្បែរ គល់ស្ពានស្ទឹងមានជ័យនិងភ្លើងស្ដុបក្បែរមន្ទីរពេទ្យ ព្រះកុសុមៈ (ពេទ្យលោកសង្ឃ) ជាដើម។ បញ្ហានេះ ត្រូវបានប្រជាពលរដ្ឋធ្វើការរិះគន់ជាញឹកញាប់ ហើយសារព័ត៌មាននានា ក៏ចុះផ្សាយ ជាសាធារណៈដែរ ប៉ុន្ដែសមត្ថកិច្ចនគរបាលចរាចរណ៍ មិនព្រមលះបង់ទម្លាប់អាក្រក់របស់ខ្លួនទេ។
តាមសេចក្ដីរាយការណ៍មួយចំនួន បានឱ្យដឹងថា មានសមត្ថកិច្ចនគរបាលចរាចរណ៍ខ្លះ បានចល័តទីតាំងឈរជើងរបស់ ខ្លួនដើម្បីស្ទាក់ឃាត់ផាកពិន័យ ទៅលើអ្នកបើកបរម៉ូតូនិងរ៉ឺម៉កកង់៣ ដែលមិនពាក់មួកសុវត្ថិភាពឬមិនបំពាក់កញ្ចក់ សម្រាប់មើលក្រោយ។ សកម្មភាពរបស់សមត្ថកិច្ចទាំងនោះ គឺដើម្បីតែជំរិតយកប្រាក់ពីប្រជាពលរដ្ឋ ទៅតាមទំនើង ចិត្ដរបស់ពួកគេ ដោយពុំបានអនុវត្ដឱ្យត្រឹមត្រូវ តាមច្បាប់ចរាចរណ៍ឡើយ។ ករណីនេះកើតមានជាញឹកញាប់នៅក្នុងអាណា ចក្រខណ្ឌទួលគោក ដែលនាំឱ្យប្រជាពលរដ្ឋរិះគន់យ៉ាងខ្លាំង ព្រោះសមត្ថកិច្ចនគរបាលចរាចរណ៍ ពុំបានពន្យល់ពួកគាត់ឱ្យ បានយល់ដឹងអំពីច្បាប់ចរាចរណ៍ទាល់តែសោះ។ ពេលខ្លះសកម្មភាពរបស់សមត្ថកិច្ច នគរបាលចរាចរណ៍ ដែលមានកិច្ច សហការពីមន្ដ្រីកងរាជអាវុធហត្ថ មើលទៅគួរឱ្យទើសភ្នែកបំផុត ។ ទង្វើបែបនេះថ្នាក់ដឹកនាំការិយាល័យនគរបាល ចរាចរណ៍រាជធានី ភ្នំពេញ ត្រូវពិចារណាកែលំអឡើងវិញ ដើម្បីកុំឱ្យប្រឈមនឹងការរិះគន់ជុំទិសតទៅទៀត។
មជ្ឈដ្ឋានជាច្រើនបានផ្ដល់ជាអនុសាសន៍ថា អ្វីដែលសមត្ថកិច្ចនគរបាលចរាចរណ៍ គួរធ្វើគឺត្រូវណែនាំប្រជាពលរដ្ឋឱ្យយល់ ដឹងពីច្បាប់ចរាចរណ៍ ហើយត្រូវពិន័យមិនឱ្យខុសពីអ្វីដែលមាន ចែងនៅក្នុងច្បាប់នោះទេ។មានន័យថា នគរបាលចរាចរណ៍ ត្រូវអនុវត្ដតាមតួនាទីនិងភារកិច្ចរបស់ខ្លួន ដែលជាអ្នកបម្រើប្រជាពលរដ្ឋ មិនមែនត្រូវយកតួនាទីនោះទៅធ្វើបាបគាប សង្កត់ប្រជាពលរដ្ឋឡើយ ។ អ្វីដែលសមត្ថកិច្ចនគរបាលចរាចរណ៍មិនគួរធ្វើ គឺការយកច្បាប់ទៅធ្វើអាជីវកម្ម ដើម្បីផល ប្រយោជន៍ផ្ទាល់ខ្លួន ដែលធ្វើឱ្យប៉ះពាល់ដល់អារម្មណ៍ និងជីវភាពរស់នៅរបស់ប្រជាពលរដ្ឋ។ សរុបសេចក្ដីទៅនគរបាល ចរាចរណ៍ ត្រូវអនុវត្ដតាមតួនាទីរបស់ខ្លួនគឺជាកត្ដាសំខាន់បំផុត ដើម្បីរក្សាសណ្ដាប់តាមដងផ្លូវនិងកាត់បន្ថយគ្រោះថ្នាក់ ចរាចរណ៍ កុំឱ្យកើតឡើងច្រើនដូចសព្វថ្ងៃតទៅទៀត។

No more stealth tactics by city police

2010-09-03T13:44:00.000+07:00

PPpost
Chhay Channyda
PHNOM Penh’s top cop has ordered his officers to stop hiding behind trees during crackdowns on traffic violations.

Municipal Police Chief Touch Naruth said yesterday that he had ordered traffic police to lead by example in teaching drivers respect.

“It is important that traffic police keep safety on the road. Make sure that people respect you and the law,” Touch Naruth said yesterday as he relayed a message given during his Tuesday meeting. “Don’t just stand under trees and jump out to crack down on drivers without helmets or mirrors. It’s dangerous for you and drivers on the roads.”

Touch Naruth said traffic police should man checkpoints stationed at main intersections. Instead, he said, many officers spend an inordinate amount of time behind trees hoping to spot potential violations.

But Touch Naruth also criticised motorists who try to evade traffic police by pulling abrupt U-turns and speeding off in the opposite direction – dangerous manoeuvres that he said are likely to cause accidents.

Traffic police have also been instructed not to chase drivers fleeing potential fines, since many drivers are not suspected of crimes but are merely visitors from outside the capital who do not know the laws.

“You can chase them if they are criminals. If they do not wear helmets and you cannot fine them because they escaped you, let them be. Later, they will respect the law,” he said.

However, it appears not everyone agrees with the police chief’s strategy. Him Yan, director of the public order department at the Interior Ministry, said hiding behind trees is “an unavoidable strategy”.

“This strategy is to make people cease their bad habits,” Him Yan said. He said other countries also employ such measures to enforce the law.

But Long Chy, a 34-year-old motorbike-taxi driver, said that he blamed police for causing traffic accidents when trying to surprise rule-breakers.
“Police activities are much more anarchic than regular people’s,” he said.

ប៉ូលិសចរាចរណ៏និងប៉ូលិសសណ្តាប់ធ្នាប់មានវិធានការក្តៅជ្រុល

2010-09-03T13:34:00.000+07:00

kmsdaily
ប៉ូលិសចរាចរណ៏ និងប៉ូលិសសណ្តាប់ធ្នាប់ត្រូវបានសាធារណមតិគ្រប់មជ្ឈដ្ឋានរិះគន់ ដោយត្រង់ៗថា ជាអ្នកអនុវត្តន៌ច្បាប់តាមរបៀបហុតទឹក សម្លឹងកាក ឬអាចនិយាយបានថា ជាមនុស្សដែលឃើញកន្ទេលធំ បន្លំដេកតែម្តង។

ជាក់ស្តែងប្រជាពលរដ្ឋបានចង្អុលបង្ហាញថា ក្រុមមន្រ្តីប៉ូលិសចរាចរណ៏ដែលនៅតាមផ្លូវសាធារណៈ ពិសេសគឺនៅតាមភ្លើងស្តុបស្ទើរពាសពេញទីក្រុងភ្នំពេញ បានព្យាយាមប្រើប្រាស់តួនាទីរបស់ខ្លួនទៅជំរិតយកលុយពីអ្នក បើកបរយានយន្តគ្រប់ប្រភេទ។ ហើយក្នុងនោះអ្នកដែលរងគ្រោះធ្ងន់ធ្ងរជាងគេ គឺអ្នកបើកបរទោចក្រយានយន្ត (ម៉ូតូ) តែម្តង។

ពេលខ្លះប៉ូលិសចរាចរណ៏ ហេតុតែចង់កាក់ម៉ូតូដើម្បីផាកពិន័យ គឺពួកអស់លោកហ៊ានស្ទុះរត់កាត់មុខរថយន្ត (ឡាន) ដែលកំពុងតែបើកបរដោយមិនខ្លាចឡានបុកក្ស័យសង្ខារឡើយ។

ពេលខ្លះទៀតប៉ូលិសចរាចរណ៏បានប្រើអំពើហិង្សាទៅលើអ្នកបើកបរម៉ូតូយ៉ាងឃោរឃៅបំផុត រហូតដល់ថ្នាក់វាយសំពងពីក្រោយ ឬស្ទាក់ផ្តួលម៉ូតូធ្វើឲ្យអ្នកបើកបរម៉ូតូដួលបែកមុខមាត់រលាត់ជើងដៃ ។ល។និង។ល។

ប្រជាពលរដ្ឋនៅក្នុងរាជធានីភ្នំពេញសូមផ្តល់ជាមតិខ្លះៗដល់អស់លោកប៉ូលិសចរាចរណ៏ដែលកំពុងតែប្រតិបត្តិ ការយ៉ាងក្តៅគគុកសព្វថ្ងៃនេះថា គួរតែពិចារណាឲ្យបានហ្មត់ចត់ផង មុននឹងប្រើប្រាស់វិធានការក្តៅទៅលើអ្នក ក្រីក្រតូចតាចគ្មានខ្នងបង្អែកទៅតាមច្បាប់ចរាចរណ៏ដ៏ថ្មីសន្លាងនោះ។

ជាមួយគ្នានេះ អស់លោកប៉ូលិសផ្នែកសណ្តាប់ធ្នាប់ក៏ប្រើអំណាច និងតួនាទីរបស់ខ្លួនជ្រុលហួសហេតុដែរ ពោល គឺសូម្បីតែអ្នកលក់ដូរកំប៉ិកកំប៉ុកគ្រាន់នឹងទិញអង្ករកំប៉ុងយកទៅដាំបាយចំអែត ក្រពះ ក៏អស់លោកមិនបន្ធូរដៃជាដាច់ខាត។

ជាក់ស្តែងគ្រាន់តែអ្នកលក់សណ្តែកដីមួយកញ្រ្ចែងនៅមុខព្រះបរមរាជវាំង និងអ្នកលក់ដូរកំប៉ិកកំប៉ុកដទៃទៀតនៅម្តុំព្រះអង្គដងកើរ ក៏ពួកគេមិនលើកលែងឲ្យដែរ។ ហើយមានពេលខ្លះពួកគេបានប្រើកម្លាំងបាយចាប់កញ្ឆក់ កញ្ឆែងធ្វើឲ្យកំពប់សណ្តែកដី ក៏ដូចជាអីវ៉ាន់ផ្សេងៗទៀតអារាត់អារាយពេញផ្លូវយ៉ាងអាក្រក់មើលបំផុត។

ប្រជាពលរដ្ឋខ្មែរជាទូទៅយល់ឃើញថា អស់លោកក្រុមមន្រ្តីប៉ូលិសណ្តាប់ធ្នាប់គួរតែហ៊ានរៀបចំសណ្តាប់ធ្នាប់ នៅកន្លែងលក់ដូរធំៗដូចជា នៅមុខភោជនីយដ្ឋានថ្មដា ផ្សារធំថ្មី និងទីដទៃទៀតដែលតែងតែធ្វើឲ្យបាត់បង់សណ្តាប់ធ្នាប់ និងកកស្ទះចរាចរណ៏ជារៀងរាល់ថ្ងៃទើបជាការប្រសើរ។

គួរបញ្ជាក់ថា ច្បាប់ចរាចរណ៏មិនសាហាវដូចអ្នកអនុវត្តច្បាប់ចរាចរណ៏សព្វថ្ងៃនេះទេ។ ឯការរៀបចំសណ្តាប់ ធ្នាប់ហាក់ដូចជាសាហាវលើសពីគោលការណ៏របស់សាលាក្រុងភ្នំពេញទៅទៀត ដែលគប្បីពិចារណាឡើងវិញជាបន្ទាន់៕

យានយន្តបើកបរមិនគោរពច្បាប់ចរាចរ លើស្ពានអាកាសត្រូវចាប់បញ្ជូនទៅស្នងការដ្ឋាន

2010-08-27T19:56:00.001+07:00

កម្ពុជាថ្មី
ភ្នំពេញ ៖ យានយន្តគ្រប់ប្រភេទ ដែលបើកបរមិនគោរពច្បាប់ចរាចរ នៅត្រង់គល់ស្ពានអាកាសចាប់ពី ថ្ងៃទី២៤ ខែសីហានេះតទៅ នឹងត្រូវចាប់បញ្ជូនទៅការិយាល័យចរាចរផ្លូវគោក នៃស្នងការដ្ឋាននគរបាលរាជ ធានីភ្នំពេញ។ នេះជាបទបញ្ជារបស់លោកឧត្ដមសេនីយ៍ស្នងការនគរបាលរាជធានីភ្នំពេញ និងគណៈបញ្ជាការឯកភាពរាជធានី។ នេះគឺជាវិធានការដើម្បីអនុវត្តច្បាប់ចរាចរផ្លូវគោក។

លោកវរសេនីយ៍ទោ ហេង ចាន់ធារី នាយការិយាល័យនគរបាលចរាចររាជធានីភ្នំពេញ បានប្រាប់កម្ពុជាថ្មីថា ដោយអនុវត្តលើវិធានការច្បាប់ចរាចរ និងបទបញ្ជារបស់គណៈបញ្ជាការឯកភាពរាជធានីភ្នំពេញ ក៏ដូចជាលោកឧត្ដមសេនីយ ស្នងការនគរបាលរាជធានី ជុំវិញការទប់ស្កាត់អំពើអនាធិបតេយ្យ ការធ្វើចរាចរ ដែលបង្កឡើងដោយអ្នកបើកបរយានជំនិះមិនគោរពច្បាប់ ពិសេសនៅចំណុចគល់ស្ពានអាកាស។

លោកនាយការិយាល័យ បានបន្តថា មកដល់ពេលនេះនគរបាលបានអនុវត្តវិធានការខាងលើមាន រយៈពេល៣ថ្ងៃមកហើយ ដោយឃាត់បានម៉ូតូល្មើសច្បាប់ ចំនួន១៨៥គ្រឿង ក្នុងនោះម៉ូតូ១គ្រឿងត្រូវបាន ពិន័យជាប្រាក់ចំនួន២៥.០០០រៀល គឺថ្លៃដឹកជញ្ជូន២ម៉ឺនរៀល និងថ្លៃពិន័យ៥ពាន់រៀល បន្ទាប់ពីអប់រំណែនាំ រយៈពេលកន្លះម៉ោងពីច្បាប់ចរាចរ។

លោកនាយការិយាល័យបានបញ្ជាក់ថា ការអនុវត្តវិធានការដែលល្មើសច្បាប់ចរាចរនេះ មិនមែនធ្វើតែ ត្រង់ចំណុចស្ពានអាកាសប៉ុណ្ណោះទេ គ្រប់គោលដៅទាំងអស់ក៏ត្រូវតែបន្តការអនុវត្តពិន័យដូចគ្នា៕

ក្រុងឲ្យក្រុមហ៊ុនឯកជនម៉ាឡេស៊ីមួយរៀបចំចំណតបង់ប្រាក់ នៅមហាវិថីព្រះមុនីវង្ស និងកម្ពុជាក្រោម

2010-08-21T21:50:00.000+07:00

cen
ភ្នំពេញ: មហាវិថីចំនួន ២ ខ្សែ នឹងត្រូវជ្រើសរើស សម្រាប់ធ្វើជាចំណតបង់ប្រាក់នាពេលដ៏ខ្លីខាងមុខនេះ ហើយសាលារាជធានីភ្នំពេញបានប្រគល់សិទ្ធិឲ្យក្រុមហ៊ុនឯកជនមួយ របស់ប្រទេសម៉ាឡេស៊ីឈ្មោះ EDISIJUTA (CAMDODIA) PTE LTD ជាអ្នករៀបចំធ្វើជាចំណតនៅតាមចិញ្ចើមផ្លូវ គឺមហាវិថីព្រះមុនីវង្ស និងមហាវិថីកម្ពុជាក្រោម ។

លោក ហួត ហៃ នាយករងរដ្ឋបាលសាលារាជធានីភ្នំពេញ បានប្រាប់អ្នកកាសែត កាលពីថ្ងៃទី២០ ខែសីហា ឆ្នាំ២០១០នេះថា ដើម្បីរៀបចំសណ្តាប់ធ្នាប់ និងរបៀបរៀបរយសាធារណៈ នៅរាជធានីភ្នំពេញឲ្យកាន់តែប្រសើរថែមទៀតនោះ សាលារាជធានីភ្នំពេញបានឯកភាពឲ្យក្រុមហ៊ុន EDISIJUTA (CAMDODIA) PTE LTD ជាក្រុមហ៊ុនរបស់ប្រទេសម៉ាឡេស៊ី ធ្វើការបៀចំចំណតបង់ប្រាក់ នៅរាជធានីភ្នំពេញដោយចាប់ផ្តើមដំបូង នៅមហាវិថីព្រះមុនីវង្ស និងមហាវិថីកម្ពុជាក្រោមដែលនឹងចាប់ដំណើរការនាពេលឆាប់ៗនេះ ។ កន្លងទៅនេះសាលារាជធានីភ្នំពេញ បានសាកល្បងធ្វើការរៀបចំចិតចិញ្ចើមផ្លូវហ្សាលឌឺហ្គោល ធ្វើជាចំណតបង់ប្រាក់មួយជាលើកដំបូង ទទួលបានជោគជ័យទោះបីមានការតវ៉ា និងមានការរិៈគន់ពីម្ចាស់ផ្ទះ និងម្ចាស់ហាងនៅចំណុច ដែលធ្វើការរៀបចំជាចំណតក្តី ។

លោក កែប ជុតិមា អភិបាលរាជធានីភ្នំពេញធ្លាប់បានអះអាងថា ទោះបីការរៀបចំចំណតបង់ប្រាក់ខាងលើនេះ ជួបបញ្ហាស្មុកស្មាញ និងមានការរិះគន់ខ្លះយ៉ាងណាក្តី ការធ្វើចំណតនៅផ្លូវហ្សាលដឺហ្គោល នៅតែកើតមានដដែលនេះ គឺជាបទពិសោធន៍សម្រាប់រាជធានីភ្នំពេញយកទៅធ្វើកន្លែងផ្សេងទៀត ៕

ស្រវឹងស្រាបោះពួយម៉ូតូបុកគូទរ៉ឺម៉កស្លាប់ខ្លួនឯង

2010-08-21T20:06:00.000+07:00

កម្ពុជាថ្មី
ភ្នំពេញ ៖ បុរសម្នាក់ រងរបួសរហូតដល់ស្លាប់ភ្លាមៗ ដោយសារតែស្រវឹងជិះម៉ូតូបោះពួយទៅបុកកន្ទុយ រ៉ឺម៉កដែលធ្វើដំណើរពីមុខ កាលពីវេលាម៉ោង១៧និង៥០នាទី ល្ងាចថ្ងៃទី២០ ខែសីហានេះ ត្រង់ចំណុចផ្លូវបេ តុងថ្មី ក្រុមទី៥ ភូមិដំណាក់ធំ២ សង្កាត់ស្ទឹងមានជ័យ ខណ្ឌមានជ័យ។

ប៉ូលិសឲ្យដឹងថា ជនរងគ្រោះឈ្មោះអន ឡុង ភេទប្រុស អាយុ២៧ឆ្នាំ មុខរបរជាកសិករ មានទីលំនៅ ភូមិទួលពង្រ សង្កាត់ចោមចៅ ខណ្ឌដង្កោ ជិះម៉ូតូ១គ្រឿងម៉ាកវ៉េវ ពណ៌ក្រហម ពាក់ស្លាកលេខភ្នំពេញ 1AG.0388។ ហេតុការនេះគឺបណ្ដាលមកពីជនរងគ្រោះខាងលើ ធ្វើចរាចរដោយមានជាតិស្រវឹងក្នុងខ្លួន ស្រប ពេលដែលមេឃកំពុងធ្លាក់ភ្លៀង ធ្វើឲ្យជនរងគ្រោះមិនអាចគ្រប់គ្រងការបើកបរបាន ក៏ទៅបុកកន្ទុយរ៉ឺម៉កពី ក្រោយ ដែលធ្វើដំណើរស្របទិសគ្នា បណ្ដាលឲ្យស្លាប់ភ្លាមៗ។

សពត្រូវបានក្រុមគ្រួសារយកទៅតម្កល់ធ្វើបុណ្យនៅលំនៅឋានតាមប្រពៃណី៕

សួន នទី

ស្រវឹងស្រាបែកក្បាល បោះពួយបុកបង្គោលភ្លើងពេញមួយទំហឹង

2010-08-21T20:03:00.000+07:00

កម្ពុជាថ្មី
កំពង់ចាម ៖ រថយន្តម៉ាក CRV ដ៏ថ្មីស្រឡាង១គ្រឿង បានបើកបោះពួយទៅបុកបង្គោលភ្លើងពេញ ទំហឹង បណ្ដាលឲ្យរថយន្តខ្ទេចផ្នែកខាងមុខ និងបង្គោលភ្លើងដែកអាលុយមីញូម ១ដើមដួលរលើង។ ចំណែក អ្នកជិះក្នុងរថយន្តដែលមានតែតៃកុងម្នាក់នោះ ពុំមានគ្រោះថ្នាក់អ្វីទេ ដោយសារពោងសុវត្ថិភាពបានផ្ទុះពេញ មកជួយការពារ។

ហេតុការណ៍នោះបានកើតឡើង កាលពីវេលាម៉ោង ៥និង១០នាទី ល្ងាចថ្ងៃទី២០ ខែសីហា ឆ្នាំ២០១០ នៅចំណុចមុខក្លោងទ្វារ សាលាខេត្តកំពង់ចាម ស្ថិតក្នុងភូមិទី៧ សង្កាត់កំពង់ចាម ក្រុងកំពង់ចាម។

សមត្ថកិច្ចបានឲ្យដឹងថា យុវជនដែលបើករថយន្តបុកបង្គោលភ្លើងនោះ មានឈ្មោះជិន ភារម្យ អាយុ២៣ឆ្នាំ មុខរបរជានិស្សិត សាកលវិទ្យាល័យ វេសស្ទេន មានទីលំនៅភូមិទី៧ សង្កាត់កំពង់ចាម ក្រុងកំពង់ចាម ខេត្តកំពង់ចាម។ នៅពេលប៉ូលិសសួរនាំ គេបានឆ្លើយថា ខ្លួនស្រវឹងស្រាពេលចេញពីផឹកស៊ីជាមួយមិត្តភក្ដិ នៅផ្ទះរបស់ខ្លួន រួចបានបើករថយន្តជូនមិត្តភក្ដិទៅផ្ទះ។ លុះមកដល់ចំណុចកើតហេតុ ដោយរថយន្តបើកក្នុងល្បឿនលឿនក៏យកចង្កូតមិនទាន់ ជ្រុលទៅមុខឡើងលើឃឿនថ្ម រួចបុកនិងបង្គោលភ្លើង១ដើមនៅទីនោះតែម្ដង។ ប៉ុន្តែសំណាងល្អ ដោយរថយន្តមានពោងសុវត្ថិភាពផ្ទុះចេញការពារ៕

Government Unveils Traffic Safety Initiative

2010-08-17T16:09:00.000+07:00

VOA.com
The government has unveiled a new set of measures to decrease the number of deaths on Cambodian roads.

The National Road Safety Action Plan calls for better designed roads, better law enforcement, better treatment of accident victims and other measures aimed at lowering the fatality rate 30 percent, or about 4,700 lives, over the next 10 years.

Nearly 1,000 people died on the roads in the first six months of 2010. That number is an apparent increase from the total 1,700 deaths in all of 2009.

The plan, devised by a multi-agency road safety committee, calls for increased funding and the development of expertise in order to improve road safety.

Improved safety will require better infrastructure, better trained drivers and speed and traffic flow management, according to the plan, released earlier this week.

ក្មួយលោកស្នងការបើកម៉ូតូច្រាសទិសបុករថយន្តអ្នកា សែត ប៉ូលិសឃុំខ្លួនអ្នកាសែតមួយយប់

2010-08-14T11:05:00.000+07:00

CEN
ភ្នំពេញ: អ្នកយកព័ត៌មានកាសែតកម្ពុជាថ្មីម្នាក់ ត្រូវបានលោកអធិការប៉ូលិសខណ្ឌដង្កោ ឃុំខ្លួនពេញមួយយប់ បន្ទាប់ពីមានម៉ូតូមួយគ្រឿង ដែលអ្នកបើកបរ អះអាងថា ក្នួយស្នងការ បើកម៉ូតូច្រាសទិស ទៅបុករថយន្តអ្នកកាសែត ។

ហេតុការណ៍ដ៏អយុត្តិធម៌ខាងលើកើតឡើងកាលពីវេលាម៉ោង ៨:៣០យប់ ថ្ងៃទី ១២ សីហា កន្លងទៅនេះ នៅចំណុចផ្លូវជាតិលេខ៤ ក្បែររង្វង់មូលចោមចៅ សង្កាត់ចោមចៅ ខណ្ឌដង្កោ ។

រថយន្តអ្នកកាសែតម៉ាក ស៊ស ពណ៌ប្រផេះ ស្លាកលេខភ្នំពេញ 2D 6960 បើញបរដោយលោក ឡាយ សុខុម អ្នកយកព័ត៌មានកាសែតកម្ពុជាថ្មី ។ ចំណែកម៉ូតូបង្កម៉ាកវីវ៉ាពណ៌ខ្មៅ ជិះគ្នា៣នាក់រងរបួសស្រាល ២នាក់ ។

លោក ឡាយ សុខុម បាននិយាយឲ្យដឹងថា មុនពេលកើតហេតុ លោកបានបើករថយន្តម្នាក់ឯងតាមផ្លូវជាតិលេខ៤ ពីកើតទៅលិច ។ លុះដល់ចំណុចខាងលើ ស្រាប់តែម៉ូតូបើកច្រាសទិស ពីលិចទៅកើត មកបុករថយន្តពីមុខតែម្តង ។ ការខូចខាតនិងរបួសមិនជាធ្ងន់ធ្ងរអ្វីទេ ហើយភាគីម៉ូតូបានយល់ព្រមសងការខូចខាត ។

ខណៈពេលលោក សុទ្ធ សារឿន ប្រធានផ្នែកចរាចរខណ្ឌដង្កោ មកវាស់វែងរួច ក៏នាំលោក ឡាយ សុខុម ទៅឃុំខ្លួនមួយយប់ គឺយោងតាមបញ្ជាលោក ប៊ន សំអាត អធិការប៉ូលិសខណ្ឌដង្កោ ។ លុះព្រឹកឡើងម៉ោង៧ ថ្ងៃទី១៣ សីហានេះ ទើបដោះលែង ។

ជុំវិញករណីឃាត់ខ្លួនអ្នកកាសែត ដែលមិនខុសឬប្រព្រឹត្តល្មើសអ្វីសោះ លោក ប៊ន សំអាត បានទម្លាក់ការទទួលខុសត្រូវរឿងឃុំខ្លួនទៅលោក សុទ្ធ សារឿន ។

លោក ឡាយ សុខុម បញ្ជាក់ថា លោកនឹងប្តឹង ពីលោក ប៊ន សំអាត ទៅតុលាការដើម្បីរកយុត្តិធម៌ ៕

រថយន្តបុកម៉ូតូស្លាប់ម្នាក់ ហើយបើករត់បាត់

2010-08-14T11:03:00.000+07:00

ភ្នំពេញ: រថយន្ត ១គ្រឿង មិនស្គាល់ម៉ាក បានបើកបុកម៉ូតូបណ្តាលឲ្យបុរសម្នាក់របួសធ្ងន់ ហើយបានស្លាប់ក្រោយពេលបញ្ជូនដល់មន្ទីរពេទ្យ ចំណែករថយន្តបើករត់គេចបាត់ ។

គ្រោះថ្នាក់ខាងលើកើតឡើងកាលពីវេលាម៉ោង ៨ និង ១៥ នាទីយប់ ថ្ងៃទី ១២ សីហា កន្លងទៅនេះ នៅចំណុចផ្លូវលេខ ៦៣ កែង ៣១០ សង្កាត់បឹងកេងកងI ខណ្ឌចំការមន ។

ប៉ូលិសនិយាយថា ជនរងគ្រោះឈ្មោះ ស្តើង ចំរើន ភេទប្រុស អាយុ ៤៨ឆ្នាំ មុខរបរបោកអ៊ុត ស្នាក់នៅផ្ទះលេខ ១៩១ E1 ផ្លូវ ៦៣ សង្កាត់បឹងកេងកងI បើកបរម៉ូតូម៉ាក សង់កូរ៉េ ពណ៌ប្រផេះ ស្លាកលេខ ឃ១៦៥២ ភព១ ។

ប៉ូលិសបន្តថា មុនកើតហេតុម៉ូតូបើកតាមផ្លូវ ៣១០ ពីកើតទៅលិច ហើយរថយន្តបង្កបើកតាមផ្លូវ ៦៣ ពីត្បូងទៅជើង បុកម៉ូតូចំទទឹងម៉ូតូពេញទំហឹងបណ្តាលឲ្យរបួសធ្ងន់ ។ ជនរងគ្រោះបានស្លាប់ក្រោយពេលបញ្ជូនដល់មន្ទីរពេទ្យកាល់ម៉ែត ៕

Road Crash and Victim Information System April report 2010

2010-08-12T14:35:00.002+07:00

In April 2010, a provisional number of 1,645 casualties resulting from 751 crashes were reported by the participating hospitals, health centres, and traffic police departments in the 24 reporting provinces. Among them, 192 were fatalities and 670 were severely injured. 1,357 vehicles were involved in those crashes. Compared to April 2009, the number of fatalities decreased by 4%.

The highest number of casualties in April 2010 was in Preah Sihnouk province (182 casualties).

In Phnom Penh, only Kuntha Bopha[1] and traffic police reported to RCVIS with total casualties of 56. Among them, 10 died and 29 were severely injured.

188 motorbike casualties wearing a helmet at the time of crashes. This number increased by 35% compared to March 2010. 34% of them were farmers, followed by worker (18%) and student (12%). The highest number of casualties that wearing a helmet was observed in Kandal province.

Key findings:
o General
- The main cause of crashes was speed related which contributed to almost 50% of the total fatalities and drink driving shared about 18% in this month.
- 60% of injury casualties and 55% of fatalities were aged between 15-29 years old. Among the age group, farmer shared the highest (46%) followed by students (23%) and workers (15%).
- 81% of fatal crashes happened on straight road and 12% happened on curve road.
o Khmer New Year (April 13th-17th, 2010)
- More than 40% of total casualties for the whole month were suffered during Khmer New Year. There were 734 casualties, among them 659 injuries and 65 fatalities were recorded during Khmer New Year. The average number of fatalities during this five-day holiday was more than double the average of the month (14 compared to 6.2).
- The peak of injury casualties was between 4pm and 5pm, but the peak of fatalities was between 6pm and 7pm.
- 75% of fatalities were aged between 15-34 years old.
- The highest injury casualties was observed on April 15th (the 2nd New Year day), but the highest fatalities was observed on April 14th (the 1st New Year day).
- 34% of crashes were head-on, followed by right-angle (26%) and hit pedestrian (13%).
- 7% of casualties were pedestrian. Among them, the highest risky group was aged between 5-9 years old.
- The highest number of fatalities was recorded in Siem Reap province, followed by Kandal province.
o Asian Highways
- 38% of fatalities were injured along the Asian highway network. Compared to March 2010, the total number of fatalities increased by 13%, a significant increase was observed at NR.1 (from 7 to 15 deaths).

បើកឡានកិនក្មេងអាយុ ១៦ ខែស្លាប់

2010-08-07T19:04:00.000+07:00

ភ្នំពេញ: រថយន្តកូរ៉ូឡា មួយគ្រឿងបើកកិនកុមារាម្នាក់អាយុ ១៦ ខែស្លាប់ ក្រោយពេលបញ្ជូនដល់មន្ទីពេទ្យ ។

ហេតុការណ៍នេះកើតឡើងកាលពីវេលាម៉ោង ៦ និង ៥០ នាទី ថ្ងៃទី៦ ខែសីហា ឆ្នាំ២០១០ ស្ថិតនៅផ្លូវលំ ភូមិប៉ប្រ៉កខាងត្បួង សង្កាត់កាកាប ខណ្ឌដង្កោ ។
ប៉ូលិសនិយាយថា រថយន្តបង្កម៉ាកកូរ៉ូឡា ពណ៌បៃតងចាស់ ពាក់ស្លាកលេខ ភ្នំពេញ 2J 2230 បើកបរដោយឈ្មោះ យ៉ែន សុខវលក្ខ័ ភេទស្រី អាយុ២៥ ឆ្នាំ ស្នាក់នៅភូមិកើតហេតុខាងលើ ។ ចំណែកឯកុមារងគ្រោះ ឈ្មោះ ម៉េង សុង អាយុ ១៦ ខែ ស្នាក់នៅកន្លែងកើតហេតុជាមួយគ្នា ។

ប៉ូលិសនិយាយថា មុនពេលកើតហេតុ កុមារារងគ្រោះបានរត់លេងនៅលើផ្លូវលំ ខាងមុខផ្ទះគាប់ជួនមានរថយន្តមួយគ្រឿងម៉ាកកូរ៉ូឡា បើកលើផ្លូវលំ ពីទិសខាងកើតទៅទិសខាងលិច ក៏បុកកុមារាម្នាក់បណ្តាលឲ្យរងរបួសធ្ងន់ បញ្ជូនទៅមន្ទីពេទ្យ រហូតដល់យប់ថ្ងៃដដែលកុមារារងគ្រោះក៏ស្លាប់ ៕

ជនជាតិកូរ៉េ ២ នាក់របួសធ្ងន់់ ដោយសារគ្រោះថ្នាក់ចរាចររវាងរថយន្ដនឹងរថយន្ដនៅបាត់ដំបង

2010-08-07T18:25:00.001+07:00

CEN
បាត់ដំបង: រថយន្ដកូរ៉េចំណុះ ៥ តោន បើកច្រាសទិសគ្នាពេលបែកកង់មុខខាងឆ្វេង បានរេទៅបុកជាមួយរថយន្ដទ្បិចសិសកូនកាត់អ៊ែរអ៊ិច៣០០ បណ្ដាលឱ្យរបួសធ្ងន់ជនជាតិកូរ៉េម្នាក់បាក់ដៃ និងបាក់ជើងជាប់ក្នុងទ្បាន កាលពីថ្ងៃទី៦ ខែសីហា ឆ្នាំ២០១០ វេលាម៉ោង ១៦ នៅចំណុចក្រុមទី១៧ ភូមិឃុំកំពង់ព្រះ ស្រុកសង្កែ ខេត្ដបាត់ដំបង ។

លោកអនុសេនីយ៍ឯក ទ្បុង សុខុម អធិការរងទទួលបន្ទុកចរាចរស្រុកបានឱ្យដឹងថា ជនរងគ្រោះមាន ឈ្មោះ គីម យ៉ុងអុន ភេទប្រុស អាយុ ៤៩ឆ្នាំ ជាអ្នកបើកបររថយន្ដទ្បិចសិស រងរបួសធ្ងន់បាក់ដៃស្ដាំ និងគ្រិចចង្កេះ និង ឈ្មោះ សាំង យ៉ុង ភេទប្រុស អាយុជាង ៥០ឆ្នាំ ជិះជាមួយគ្នារងរបួសធ្ងន់បាក់ចង្កេះ ទាំងពីរនាក់ជាជនជាតិកូរ៉េ ។

សាក្សីដែលបានឃើញហេតុការណ៍បានបំភ្លឺប្រាប់សមត្ថកិច្ចថា មុនពេលកើតហេតុមានរថយន្ដមួយគ្រឿងម៉ាកទ្បិចសិសកូនកាត់ពណ៌ស្ក ពាក់ស្លាកភ្នំពេញ 2M 2462 ធ្វើដំណើរពីទិសខាងលិចមកកើតតាមបណ្ដោយផ្លូវជាតិលេខ៥ ស្របពេល នោះមានរថយន្ដកូរ៉េពណ៌ស ១គ្រឿង ចំណុះ ៥ តោន ពាក់ស្លាកលេខភ្នំពេញ 3A 8602 បើកបរបញ្ច្រាសទិសគ្នាយ៉ាងលឿន ។ ពេលមកដល់ចំណុចកើតហេតុ ស្រាប់តែកង់មុខរបស់រថយន្ដកូរ៉េម៉ាកហ៊ីយ៉ាន់ដាយបានផ្ទុះកង់មុខ ខាងឆ្វេង ហើយវេរចង្កូតទៅបុករថយន្ដម៉ាកទ្បិចសិសពណ៌ស្ក មួយទំហឹងបណ្ដាលឱ្យខ្ទេចផ្នែកខាងមុខគាបជាប់តៃកុងទ្បាន និងអ្នកជិះអែបបណ្ដាលឱ្យរបួសធ្ងន់បាក់ដៃ បាក់ចង្កេះហើយទម្រាំគាស់យកអ្នករបួសរួចប្រើពេលជាង ១ម៉ោង ។ អ្នករបួសធ្ងន់់ត្រូវបានដឹកយកទៅ មន្ទីរពេទ្យអ៊ីមេគហ្សិនស៊ីខេត្ដបាត់ដំបង ។ ចំណែកអ្នកបើករថយន្ដកូរ៉េបានទុករថយន្ដចោលហើយរត់គេចខ្លួនបាត់ ៕

រថយន្ដបុកម៉ូតូបើកច្រាសទិសគ្នា ស្លាប់ជនជាតិបារាំងម្នាក់

2010-08-07T18:20:00.000+07:00

CEN
កំពត: ភ្ញៀវទេសចរណ៍ជនជាតិបារាំងម្នាក់បានបាត់បង់ជីវិតដោយគ្រោះថ្នាក់ ចរាចរ រវាងម៉ូតូជាមួយរថយន្ដធំបើកបញ្ច្រាសទិសគ្នា ខណៈពេលកំពុងមានភ្លៀងធ្លាក់ កាលពីវេលាម៉ោង ១២ និង ៤៥ នាទីរសៀល ថ្ងៃទី៧ ខែសីហា ឆ្នាំ២០១០ លើដងផ្លូវជាតិលេខ៣៣ ត្រង់ចំណុចភូមិត្រពាំងធំ ឃុំជុំគ្រៀល ស្រុកទឹកឈូ ។

ជនរងគ្រោះ ឈ្មោះ TEP JONATHAN ហៅ សុផល ភេទប្រុស អាយុ ២៩ឆ្នាំ ជាភ្ញៀវទេសចរណ៍ជនជាតិបារាំង ដែលទើបចូលមកស្នាក់នៅក្នុងក្រុងកំពត កាលពីថ្ងៃទី៣ ខែសីហា ឆ្នាំ២០១០ កន្លងទៅនេះ មានប៉ាស្ព័រលេខ P.07AL14060 ។

ស្ដ្រីជនជាតិបារាំងម្នាក់ដែលរួមដំណើរជាមួយជនរងគ្រោះបាននិយាយថា ជនរងគ្រោះកើតនៅប្រទេសបារាំង ដែលម្ដាយឪពុករបស់គាត់មានដើមកំណើតខ្មែរ ។ ស្ដ្រីរូបនោះនិយាយដោយខ្លីថា “ ខ្ញុំមិនចង់និយាយច្រើនទេ បើខ្ញុំនិយាយច្រើននាំឱ្យខ្ញុំខឹង ” ។

តាមសំដីអ្នករស់នៅក្បែរកន្លែងកើតហេតុបានរៀបរាប់ថា ពេលគ្រោះថ្នាក់នោះ មិនមានអ្នកណាម្នាក់បានឃើញផ្ទាល់ភ្នែកទេ ព្រោះកំពុងមានភ្លៀងធ្លាក់ខ្លាំង ប៉ុន្ដែបានឮសូរសំឡេងស្រែក ទើបពួកគាត់ចេញទៅមើល ស្រាប់តែឃើញជនរងគ្រោះដេកដួលនៅលើថ្នល់ និងឃើញឈាមហូរចេញពីក្បាលយ៉ាងច្រើនជាមួយនឹងដង្ហើមខ្សោយបំផុត ។ ជនរងគ្រោះត្រូវបានរថយន្ដសង្គ្រោះនាំ យកទៅកាន់មន្ទីរពេទ្យ តែជនរងគ្រោះបានស្លាប់តាមផ្លូវទៅហើយ ។

តាមសំដីមន្ដ្រីប៉េអឹមខេត្ដបានឱ្យដឹងថា ក្រោយកើតហេតុការណ៍ដោយមានការសង្ស័យ កម្លាំងប៉េអឹមបានធ្វើការដេញតាមរថយន្ដមួយគ្រឿងរហូតដល់ចំណុចផ្សារ ពងទឹក ក្នុងស្រុកដំណាក់ចង្អើរ ខេត្ដកែប ទើបនាំត្រឡប់មកក្រោយវិញ រួចប្រគល់ជូនស្នងការដ្ឋាន ដែលរថយន្ដនោះបើកបរដោយឈ្មោះ ស៊ុយ ចន្ថា ភេទប្រុស អាយុ ២៥ឆ្នាំ ទីលំនៅភូមិពាមឯក ឃុំដូនទាវ ស្រុកឯកភ្នំ ខេត្ដបាត់ដំបង ហើយរថយន្ដ នេះដឹកគ្រឿងសំណង់របស់ក្រុមហ៊ុនប៉ាវហ្វិក ៕

គ្រោះថ្នាក់ចរាចរស្លាប់៣នាក់ របួសធ្ងន់៥នាក់ មកពីអ្នកបើករថយន្តស្រវឹង

2010-08-05T13:48:00.001+07:00

កម្ពុជាថ្មី
បាត់ដំបង ៖ ករណីគ្រោះថ្នាក់ចរាចររវាងរថយន្ត បុករថយន្តបណ្ដាលឲ្យមនុស្សចំនួន៣នាក់ បានស្លាប់មួយរំពេច នៅកន្លែងកើតហេតុ របួសធ្ងន់៥នាក់ កាលពីវេលាម៉ោង២និង៣០នាទី ថ្ងៃទី២ ខែសីហា ឆ្នាំ២០១០ នៅភូមិដង្កត់ ឃុំស្ដៅ ស្រុករតនមណ្ឌល ខេត្តបាត់ដំបង។

ក្រោយពីមានករណីគ្រោះថ្នាក់ចរាចរ ដ៏រន្ធត់នេះរួចមក មានប្រជាពលរដ្ឋជាច្រើនបានឃើញ ហេតុការណ៍នេះប្រាប់កម្ពុជាថ្មីថា រថយន្តបង្កហេតុ ដែលបណ្ដាលឲ្យមនុស្សចំនួន៣នាក់ស្លាប់ របួស ធ្ងន់៥នាក់នោះ គឺបណ្ដាលមកពីអ្នកបើករថយន្តតាកូម៉ា បើកបរដោយអាណិកជនរស់នៅសហរដ្ឋ អាមេរិកឈ្មោះទៀង សុវណ្ណ បានផឹកស្រាស្រវឹង។

ប្រជាពលរដ្ឋឃើញហេតុការណ៍បាននិយាយថា គេបានឃើញរថយន្តតាកូម៉ា បានបើកធ្លាក់ ផ្លូវម្ដងរួចមកហើយ ក្រោយមកម្ចាស់រថយន្តនោះនៅតែបន្តការបើកបររថយន្តទៅមុខទៀត រហូតដល់កន្លែងកើតហេតុ ក៏បានបើករថយន្តខ្លួនបុករថយន្តកាមរីសេរី៨៩ ដែលធ្វើដំណើរពីលិចទៅកើត លាន់ដូចរន្ទះបាញ់បណ្ដាលឲ្យមនុស្សចំនួន៣នាក់បានស្លាប់ភ្លាមមួយ រំពេច និងមនុស្សចំនួន៥នាក់ ទៀតរងរបួសធ្ងន់។

សមត្ថកិច្ចមូលដ្ឋានមិនទាន់ហ៊ាននិយាយបកស្រាយ បំភ្លឺករណីគ្រោះថ្នាក់ចរាចរនេះនៅឡើយ ទេ ព្រោះកំពុងស្រាវជ្រាវព័ត៌មាននៅកន្លែងកើតហេតុ៕

គ្រោះថ្នាក់ចរាចរមួយជនរងគ្រោះអង្គុយចាំរថយន្តសង្រ្គោះជិត២ម៉ោង

2010-08-03T10:12:00.000+07:00

កម្ពុជាថ្មី

ខេត្តកំពង់ធំ ៖ ហេតុការណ៍គ្រោះថ្នាក់ចរាចរមួយ ទាំងព្រលឹមអុរលាន់ដូចរន្ទះ បណ្ដាលឲ្យ មានការភ្ញាក់ផ្អើលពីសំណាក់ប្រជាពលរដ្ឋ ដែលរស់នៅក្បែរកន្លែងកើតហេតុមកចោមរោមមើលរាប់ សិបនាក់។

ហេតុការណ៍នេះ បានកើតឡើងតាមបណ្ដោយផ្លូវជាតិលេខ៦A ត្រង់ចំណុចភូមិសំណាក ឃុំ កកោះ ស្រុកសន្ទុក ខេត្តកំពង់ធំ កាលពីថ្ងៃទី២ ខែសីហា ឆ្នាំ២០១០ នៅវេលាម៉ោង ៧និង៣០នាទី។

សាក្សីនៅកន្លែងកើតហេតុ បានប្រាប់កម្ពុជាថ្មីថាមុនពេលកើតហេតុគេបានឃើញម៉ូតូ២គ្រឿង ម៉ាកC100 ពណ៌ខ្មៅពាក់ស្លាកលេខ 1B9053 ខេត្តកណ្ដាល សេរី២០០៤ ជិះដោយមនុស្ស៤នាក់ ក្នុង នោះមានប្ដីប្រពន្ធកូនអាយុ១១ឆ្នាំម្នាក់ និងកូនក្មេងអាយុប្រមាណ១ខួបម្នាក់។ ពេលបើកមកដល់ចំណុចកើតហេតុក៏មានម៉ូតូមួយគ្រឿងម៉ាកវ៉េវ ពណ៌ឈាមជ្រូក បើកនៅពីមុខក៏បុកចំស្ដុប ពីក្រោយ បណ្ដាលឲ្យរ៉េដៃចង្កូត ដួលអូសប្រវែង២០ម៉ែត្រ។

សាក្សីបន្តថា ក្រោយមកក៏មានបុរស២នាក់ ដេកក្នុងថ្លុកឈាមសន្លប់កណ្ដាលថ្នល់និងស្រ្តីម្នាក់កំពុងពកូន ខ្ចី ដែលបានអុកគូទនៅកណ្ដាលថ្នល់ដោយមិនអាចងើបដើរបាន។ ចំណែកម៉ូតូវ៉េវក៏ភ័យស្លន់ស្លោលើកម៉ូតូរបស់ខ្លួន ហើយដាក់មេប្រូចយ៉ាងលឿនសំដៅទៅទិសខាងកើត។

លោកម៉ាត់ ប៉ូលី អធិការនគរបាលស្រុកសន្ទុក បានទទួលសេចក្ដីរាយការណ៍បែបនេះ ក៏ ចាត់កំលាំងស្ទាក់ចាប់បានម៉ូតូវ៉េវនៅចំណុចភូមិតាំងក្រសាំងរួម ទាំងមនុស្ស និងម៉ូតូ។ សមត្ថកិច្ចបាន ធ្វើការវាស់វែង និងធ្វើការទំនាក់ទំនងឲ្យរថយន្តសង្រ្គោះរបស់មន្ទីរពេទ្យខេត្ត កំពង់ធំមកដឹកជញ្ជូន។ ប៉ុន្តែជនរងគ្រោះត្រូវរង់ចាំរហូត២ម៉ោង។

ប្រជាពលរដ្ឋ ដែលឈរមើលហេតុការណ៍បានធ្វើការរិះគន់យ៉ាងធ្ងន់ធ្ងរ លើផ្នែកបំរើសេវាកម្ម ជួយសង្រ្គោះបន្ទាន់របស់មន្ទីរពេទ្យខេត្តកំពង់ធំ ដែលមានការយឺតយ៉ាវ ក្នុងការជួយសង្រ្គោះ។ ពួក គាត់បានបន្តទៀតថា បើសិនមិនបានប្រជាពលរដ្ឋជួយយកកន្ទេលក្រាល ហើយឲ្យអ្នករងរបួសសំរាករង់ចាំរថយន្តពេទ្យទេនោះ ប្រហែលជាដាច់ខ្យល់ស្លាប់ទៅហើយ ព្រោះរង់ចាំជិត២ម៉ោង ទើប រថយន្តសង្រ្គោះមកដល់៕

Road Crash and Victim Information System 2009

2010-08-03T09:01:00.000+07:00

Open publication - Free publishing - More road crash

ជនជាតិបរទេស១២នាក់ ខ្មែរ២នាក់ របួសធ្ងន់និងស្រាលដោយសារតែរថយន្តក្រុងបុកគោក្រឡាប់

2010-07-30T09:02:00.001+07:00

កម្ពុជាថ្មី
ខេត្តកំពង់ធំ ៖ យ៉ាងហោចណាស់ ក៏មានមនុស្សរងរបួសធ្ងន់ និងស្រាល១២នាក់ ដោយសារ តែរថយន្តក្រុងដឹកភ្ញៀវទេសចរបើកលឿន ហួសកំណត់ទៅបុកគោមួយក្បាលបណ្ដាលឲ្យជាន់ហ្វ្រាំង អូសចម្ងាយ២៥ម៉ែត្រ ទើបក្រឡាប់ផ្ងារជើងកាលពីវេលាម៉ោង១២ និង១០នាទី ថ្ងៃត្រង់ ថ្ងៃទី២៧ ខែ កក្កដា ឆ្នាំ២០១០ ស្ថិតនៅលើកំណាត់ផ្លូវជាតិលេខ៦ ក្នុងសង្កាត់ស្រយូវ ក្រុងស្ទឹងសែន ខេត្តកំពង់ធំ។

មនុស្ស១៤នាក់ ដែលរងរបួសធ្ងន់៦នាក់ និង៨នាក់រងរបួសមធ្យម និងស្រាល ក្នុងឧប្បត្តិហេតុគ្រោះថ្នាក់ចរាចរនេះ គឺមានជនបរទេសចំនួន១២នាក់ និងខ្មែរ២នាក់។ ក្នុងនោះអ្នករងរបួសធ្ងន់ ៣នាក់ ត្រូវគេបញ្ជូនទៅមន្ទីរពេទ្យកាល់ម៉ែត ក្រុងភ្នំពេញ សល់ប៉ុន្មានបញ្ជូនមកសង្រ្គោះនៅមន្ទីរពេទ្យខេត្តកំពង់ធំ។

ជនបរទេសទាំង១២នាក់ ដែលរងរបួសនោះមានជនជាតិចិន១នាក់ កូរ៉េ១នាក់ ឥណ្ឌា១នាក់ ហូឡង់២នាក់ បារាំង៣នាក់ ញូហ្សឺលែន ២នាក់ និងអាមេរិកាំង២នាក់។ ចំណែកជនជាតិខ្មែរ២នាក់ គឺអ្នកបកប្រែភាសា១នាក់ និងអាណិកជនខ្មែរនៅបារាំង១នាក់។

រថយន្តក្រុងដែលបើកលឿនហួសកំណត់បណ្ដាលឲ្យគ្រោះ ថ្នាក់ចរាចរនោះ ជារបស់ក្រុមហ៊ុន អង្គរអ៊ិចប្រេស ពាក់ស្លាកលេខ 3A7266 (សៀមរាប-ភ្នំពេញ)។

ប្រភពព័ត៌មាននៅកន្លែងកើតហេតុបានឲ្យដឹងថា នៅមុនពេលកើតហេតុ គេឃើញរថយន្ត ក្រុងបើកក្នុងល្បឿនលឿនក្នុងទិសដៅពីជើងទៅត្បូង ពេលមកដល់កន្លែងកើតហេតុ ក៏បុកសត្វគោ ១ក្បាល កំពុងដើរឆ្លងផ្លូវ ហើយក៏ជាន់ហ្វ្រាំងអូសចម្ងាយប្រមាណ២៥ម៉ែត្រ ទើបក្រឡាប់ធ្លាក់ពីលើ ផ្លូវទៅខាងឆ្វេងដៃតែម្ដង។

មេការក្រុមហ៊ុនអង្គរអ៊ិចប្រេស បានឲ្យកម្ពុជាថ្មីដឹងតាមទូរស័ព្ទថា រថយន្តនេះដឹកមនុស្ស២៦ នាក់ ចេញពីខេត្តសៀមរាប នៅម៉ោង ៧និង៣០នាទីព្រឹក។

មន្រ្តីនគរបាលចរាចរបានឲ្យដឹងថា ឧប្បត្តិហេតុគ្រោះថ្នាក់ចរាចរនេះ គឺបង្ករឡើងពីសត្វគោ ១ក្បាល និងរថយន្តបើកល្បឿនហួសកំណត់ ទើបកើតមានឧប្បត្តិហេតុបែបនេះ៕

តែមួយថ្ងៃប៉ូលិសចរាចរខេត្ដឃាត់ម៉ូតូ១០៣គ្រឿងផាកពិន័យគុណនឹង ២ដង

2010-07-28T20:43:00.000+07:00

កោះសន្តិភាព
ដោយ ៖ កោះឯករាជ្យ

ខេត្ដកោះកុង ៖ ក្នុងរយៈពេលពេញមួយថ្ងៃ គឺថ្ងៃទី២៧ កក្កដា ២០១០ សមត្ថកិច្ចនគរបាល នៃស្នងការដ្ឋាននគរបាលខេត្ដ បានធ្វើការឃាត់ ចាប់ម៉ូតូដែលកំពុងធ្វើចរាចរណ៍ក្នុងទីរួមខេត្ដ ដែលពុំបានដាក់កញ្ចក់ និងអ្នកបើកបរពុំបានពាក់មួកសុវត្ថិភាព បានចំនួន១០៣គ្រឿង ដើម្បីយកមកធ្វើការផាកពិន័យ ។ វិធានការនេះត្រូវបានធ្វើឡើងតាមបញ្ជាលោកឧត្ដមសេនីយ៍ត្រីសំ ឃីតវៀន ស្នងការនគរបាលខេត្ដ និងជាការអនុវត្ដបទបញ្ជារបស់ស្រួងមហាផ្ទៃ ក៏ដូច ជាអគ្គស្នងការនគរបាលជាតិផងដែរ ព្រោះសុទ្ធសឹងជាម៉ូតូដែលបានផ្គើននឹងសេចក្ដីណែនាំ របស់ក្រសួងមហាផ្ទៃស្ដីពីសុវត្ថិភាពចរាចរណ៍ ។

លោកវរសេនីយ៍ត្រីអ៊ុក សុខា នាយរងការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្ដ បានបញ្ជាក់ឱ្យដឹងថា ម៉ូតូដែលសមត្ថកិច្ចរបស់លោកបានឃាត់ចាប់ទាំង១០៣គ្រឿងនោះ ត្រូវបានចេញបង្កាន់ដៃឱ្យទៅម្ចាស់ យានយន្ដហើយបានយកទៅរក្សាទុកនៅ ការិយាល័យនគរបាលចរាចរផ្លូវគោកដើម្បី ឱ្យម្ចាស់យានយន្ដចូលខ្លួនមកបង់ប្រាក់ផាកពិន័យ និងចៀសវាងមិនឱ្យកកស្ទះចរាចរណ៍ នៅតាមដងផ្លូវសាធារណៈផង ។ លោកអ៊ុក សុខាបានបញ្ជាក់ទៀតថា តាមគោលការណ៍ទោចក្រយានយន្ដដែលពុំមានដាក់កញ្ចក់មើលក្រោយ ត្រូវផាកពិន័យចំនួន៤ពាន់រៀល គុណនឹង២ដង ស្មើ៨ពាន់រៀល ហើយចំពោះអ្នកបើកបរដែលមិនមានពាក់មួកសុវត្ថិភាព ត្រូវផាក ពិន័យចំនួន៣ពាន់រៀល គុណនឹង២ដង ស្មើ៦ពាន់រៀល តែបើអត់កញ្ចក់ហើយអត់មួកទៀត នោះត្រូវបូកបញ្ចូលគ្នាទាំងអស់ ។

លោកអ៊ុក សុខា បានបន្ដទៀតថា ចំពោះម៉ូតូដែលអត់មានស្លាកលេខគ្រាន់តែធ្វើការណែនាំតែមិនផាកពិន័យ ទេ ព្រោះមានម៉ូតូខ្លះកំពុងចូលខ្លួនទៅធ្វើស្លាកលេខហើយតែមិនទាន់បាន ។ លោកបន្ដថា ចំនួនម៉ូតូទាំង១០៣គ្រឿងនេះ មានចំនួន២០គ្រឿងអត់មានកញ្ចក់មើលក្រោយ និង៨៣គ្រឿង អ្នកបើកបរមិនមានពាក់មួកសុវត្ថិភាព ហើយថវិកាដែលបានពីការផាកពិន័យទាំងនេះត្រូវបានប្រគល់ឱ្យ ក្រសួងមហាផ្ទៃចំនួន៦៥ភាគរយ ចំណែកមន្ដ្រីអនុវត្ដទទួលបាន៣៥ភាគរយដែលនេះជាគោលការណ៍របស់ ក្រសួងមហាផ្ទៃកំណត់ ។

លោកវរសេនីយ៍ត្រីអ៊ុក សុខា បានបញ្ជាក់ទៀតថា ការឃាត់ចាប់ម៉ូតូល្មើសច្បាប់ចរាចរណ៍ទាំងនេះ គឺជាវិធានការទ្រង់ទ្រាយធំមួយដែល កន្លងមកសមត្ថកិច្ចយើងធ្លាប់តែធ្វើការផាកពិន័យនៅលើដងផ្លូវសាធារណៈ ប៉ុណ្ណោះ តែ ម្ចាស់យានយន្ដហាក់ដូចមិនមានការរាងចាល សោះហេតុនេះបន្ទាប់ពីពេលនេះតទៅសមត្ថកិច្ចរបស់លោកនៅតែបន្ដការ ឃាត់ចាប់ចំពោះ ម៉ូតូល្មើសបែបនេះតាមវិធានការភ្លៀងរលឹម ៕

ក្មេងស្រីកូនអ្នកមានប្រណាំឡានស៊េរីទំនើបខ្ទាតចេញពីផ្លូវ ទម្លាយផ្ទះអ្នកភូមិ

2010-07-28T20:38:00.000+07:00

ដោយ ៖ កោះឯករាជ្យ
កៅសន្តិភាព

រាជធានីភ្នំពេញ ៖ រថយន្ដកាមរីស៊េរី២០០២ មួយគ្រឿង ពណ៌ត្រីឆ្លូញ ពាក់ស្លាក លេខភ្នំពេញ 2M-8315 បើកបរដោយក្មេងស្ទាវបានប្រណាំងគ្នាជាមួយរថយន្ដមែរសឺដេស ពណ៌ប្រផេះ ពាក់ស្លាកលេខភ្នំពេញ 2C-7559 ហើយប៉ះគ្នាបណ្ដាលឱ្យរេចង្កូតខ្ទាតឡើង ចិញ្ចេមផ្លូវបុកចូលទៅកន្លែងលក់ទឹកអំពៅ និងបុកចូលទៅជាប់នឹងជញ្ជាំងផ្ទះល្វែងទើបទៅមុខលែងរួច។ ហេតុការណ៍នេះត្រូវសមត្ថកិច្ចឱ្យដឹងថា បានកើតឡើងកាលពីវេលាម៉ោង១០និង៥០ នាទីព្រឹកថ្ងៃទី២៨ ខែកក្កដា នៅចំណុចផ្ទះលេខ២៦ ផ្លូវលេខ២០៤ សង្កាត់ទឹកល្អក់ទី៣ ខណ្ឌទួលគោក។ ទោះបីជាយ៉ាងណា មានតែក្មេងស្រីជំទង់ម្នាក់ដែលជាអ្នកបើកបររងរបួសស្រាលតែប៉ុណ្ណោះ ព្រោះរថយន្ដបានពោងការពារសុវត្ថិភាពជួយ។

តាមសាក្សីនៅកន្លែងកើតហេតុបានឱ្យដឹងថា ការកើតមានគ្រោះថ្នាក់នេះដោយសារតែអ្នកបើកបររថយន្ដកាមរីបើកប្រណាំង គ្នា ជាមួយរថយន្ដមែរសឺដេសដែលបើកបរដោយបុរសម្នាក់ ហើយបាន ខោកក្បាលរថយន្ដគ្នា បណ្ដាលឱ្យរេចង្កូតខ្ទាតចេញរៀងៗខ្លួនទៅបុកផ្ទះនៅអមផ្លូវ ។ ចំណែករថយន្ដមែរសឺដេស ក៏បានផ្ទុះពោងការពារសុវត្ថិភាពដែរ ។ នៅមុនពេលកើតហេតុគេឃើញរថយន្ដចំនួន៣គ្រឿងដែលជិះក្នុងនោះសុទ្ធសឹង ជាសិស្ស សាលា បានបើកប្រដេញគ្នាយ៉ាងសប្បាយដែលខ្លះអះអាងថា ប្រណាំងគ្នាតាមផ្លូវលេខ២០៤ ក្នុងទិសដៅពីលិចទៅកើត ។ ខណៈនោះគេឃើញរថយន្ដទាំង៣គ្រឿងបើកក្នុងល្បឿន ដែលរថយន្ដម៉ាកកាមរីពណ៌ត្រីឆ្លូញ ពាក់ស្លាក លេខភ្នំពេញ 2M-8315 បានបើកទន្ទឹមគ្នានឹងរថយន្ដមែរសឺដេសពណ៌ប្រផេះពាក់ស្លាកលេខ ភ្នំពេញ 2C-7559 ។ ចំណែករថយន្ដកាមរី ពណ៌ខ្មៅមួយគ្រឿងទៀតដេញប្រកិតតាមពីក្រោយ ។

តាមសាក្សីបន្ដទៀតថា នៅពេលធ្វើដំណើរ មកដល់ចំណុចខាងលើ រថយន្ដមែរសឺដេសបាន ខោកប៉ះរថយន្ដកាមរីស៊េរី២០០២ ពណ៌ត្រីឆ្លូញ ហើយរថយន្ដកាមរីបានរេចង្កូតទៅខាងស្ដាំដៃ ឡើងចិញ្ចើមផ្លូវកន្លែងលក់ទឹកអំពៅ និងបុក ចូលទៅលំនៅឋានលេខ២៦ពេញទំហឹង រហូតទៅជាប់នឹងជញ្ជាំងទើបទៅមុខលែងរួច។ បន្ទាប់ពីមានគ្រោះថ្នាក់នេះ គេឃើញក្មេង ស្រីម្នាក់ជាអ្នកបើកបររួមទាំងមិត្ដភក្ដិចំនួន ២នាក់ទៀតស្លៀកពាក់ឯកសណ្ឋានសិស្ស សាលាឯកជន បានចេញពីក្នុងរថយន្ដទាំងមុខ ស្លេកស្លាំងដោយអ្នកបើកបរបានរងរបួសផងដែរ។ តាមព័ត៌មានឱ្យដឹងថា ក្មេងស្រីជាអ្នកបើកបរត្រូវគេប្រាប់ថា ឈ្មោះចេង សោភា អាយុ១៧ឆ្នាំ ជាសិស្សសាលា ELT ។ នៅព្រឹក នោះដែរមិត្ដភក្ដិរបស់អ្នកបើកបរក៏បានចេញ មុខមកដោះស្រាយសងអស់ចំនួន៣០០ដុល្លារ ដល់ការខូចខាតទាំងអស់ ៕

រថយន្តដឹកសិស្ស បុកគូទគោយន្តខ្ទាតធ្លាក់ផ្លូវរបួស៧នាក់

2010-07-28T07:39:00.001+07:00

កម្ពុជាថ្មី
កំពង់ចាម ៖ រថយន្តមួយគ្រឿង របស់សាលាឯកជនឈ្មោះសាលាចំណេះទូទៅអន្តរជាតិសេតថិ៍ ដែលមានទីតាំងស្ថិតនៅក្នុងភូមិទី១០ សង្កាត់កំពង់ចាម ក្រុងកំពង់ចាម ខណៈពេលដែលកំពុងបើកដឹក សិស្សមកកាន់សាលារៀន បានបុកគូទគោយន្តពីក្រោយពេញមួយទំហឹង បណ្ដាលឲ្យគោយន្តខ្ទាត បត់ក្បាលមកក្រោយ ធ្លាក់ចូលទៅក្នុងរណ្ដៅមួយ នៅជាប់ចិញ្ចើមផ្លូវ។ ឯរថយន្តក៏ហោះចេញពីផ្លូវដែរ ក្នុងនោះមនុស្សជិះទាំងសងខាងរបួសធ្ងន់ស្រាលចំនួន៧នាក់។

ហេតុការណ៍នេះបានកើតឡើង កាលពីវេលាម៉ោង១៣ និង៤០នាទី ថ្ងៃទី២៦ ខែកក្កដា ឆ្នាំ ២០១០ នៅលើដងផ្លូវជាតិលេខ៧ ខាងត្បូងគល់ស្ពានគីហ្សូណា ប្រហែល១គីឡូម៉ែត្រ ស្ថិតក្នុងភូមិ ទន្លេបិតលើ ឃុំទន្លេបិត ស្រុកត្បូងឃ្មុំ ខេត្តកំពង់ចាម។

លោកអនុសេនីយត្រី ឆាយ វុទ្ធី នាយផ្នែកនគរបាលសណ្ដាប់ធ្នាប់សាធារណៈ ស្រុកត្បូងឃ្មុំ បានប្រាប់កម្ពុជាថ្មីថា រថយន្តរបស់សាលាឯកជនដែលបានបុកគូទគោយន្តខាងលើនេះម៉ាកសាំយ៉ុង ពណ៌ស ពាក់ស្លាកលេខ ភ្នំពេញ 2H3171 បើកបរដោយឈ្មោះបឿ អៀ ភេទប្រុស អាយុ២០ឆ្នាំ មាន ទីលំនៅភូមិបារាយ ឃុំខ្វិតធំ ស្រុកព្រៃឈរ ខេត្តកំពង់ចាម។ លោកបានបន្តថា កូនសិស្សជិះមាន ប្រមាណ១០នាក់ មាន៤នាក់រងរបួសស្រាលៗ។ចំណែកអ្នកជិះគោយន្តមានគ្នា៣នាក់របួស ទាំង៣។

លោកនាយផ្នែកបានបន្តថា រថយន្តនិងគោយន្តបើកស្របទិសគ្នា ពេលមកដល់កន្លែងកើត ហេតុ រថយន្តសាំយ៉ុងរបស់សាលាឯកជនខាងលើ បានបើកវ៉ាគោយន្ត ប៉ុន្តែយកចង្កូតមិនផុត ក៏បាន បុកគោយន្តបណ្ដាលឲ្យគោយន្តត្រឡប់គូទទៅមុខបត់ក្បាលមកក្រោយ ហើយខ្ទាតធ្លាក់ចូលរណ្ដៅ ជ្រៅដែលនៅជាប់និងចិញ្ចើមផ្លូវខាងស្ដាំដៃ។

ក្រោយពេលកើតហេតុសមត្ថកិច្ចបានទូរស័ព្ទហៅឡាន សាមុយ មកដឹកអ្នករបួសទៅមន្ទីរពេទ្យក្រុងកំពង់ចាម។ ចំណែករថយន្តនិងគោយន្តសមត្ថកិច្ចបានអូសយកទៅរក្សាទុកនៅអធិការ ដ្ឋាននគរបាលស្រុកត្បូងឃ្មុំ ដើម្បីធ្វើការដោះស្រាយ៕

អាកប្បកិរិយាអ្នកបើកបរម៉ូតូចំពោះសុវត្ថិភាពចរាចរណ៍

2010-07-27T09:32:00.002+07:00

អាកប្បកិរិយារបស់អ្នកបើកបរ ការអភិវឌ្ឍន៏ជំនាញ និងលទ្ធភាពក្នុងការអនុវត្តន៏ការគ្រប់គ្រងគ្រោះថ្នាក់ និងឥទ្ធិពលមិត្តភ័ក្ររួមដំណើរ មានឥទ្ធិពលលើសុវត្ថិភាពចរាចណ៍នៃអ្នកប្រើប្រាស់ម៉ូតូនិងរថយន្ត វាក៏អាស្រ័យតាមបញ្ហាមួយចំនួនដូចជាសម្ភារការពាររាងកាយ និងការបើកបរក្នុងពេលសុខភាពទន់ខ្សោយ និងភាពអត់ធន់ពេលបើកបរផងដែរ។
អាកប្បកិរិយារបស់អ្នកប្រើប្រាស់ម៉ូតូចំពោះសុវត្ថិភាពចរាចរណ៍ជារឿងសំខាន់។អ្នកប្រើប្រាស់ម៉ូតូមួយចំនួនយកចិត្តទុកដាក់លើសកម្មភាពបើកបរម៉ូតូខណះអ្នកមួយចំនួនទៀតមានការចាប់អារម្មរណ៍តិចតួច។ អ្នកប្រើប្រាស់ម៉ូតូជាច្រើនបង្ហាញ នូវភាពជឿជាក់លើប្រសិទ្ធភាពនៃកម្មវិធីបណ្តុះបណ្តាលដើម្បីលើកកំពស់ជំនាញរបស់គេ និងដើម្បីបង្កើននូវសុវត្ថិភាពពេលបើកបរផ្ទាល់ខ្លួន។តែពេលខ្លះភាពជឿជាក់ខ្លាំងពេកធ្វើឱ្យងាយមានគ្រោះថ្នាក់ទៅវិញដោយពួកគេខ្វះការប្រុងប្រយ័ត្នពេលបើកបរ។ ក្នុងប្រទេកកម្ពុជាមានអ្នកបើកបរជាច្រើនមិនទាន់បានទទួលការអប់រំ និងបណ្តុះបណ្តាលស្តីពីសុវត្ថិភាពចរាចរណ៍ និងប្រលងយកប័ណ្ណបើកបរ និងមិនយល់ពីសារអប់រំសុវត្ថិភាបចរាចរណ៍នៅឡើយ។
តាមការស្រាវជ្រាវចុងក្រោយរបស់អង្គការជនពិការអន្តរជាតិបែលហ្សិកបានឱ្យដឹងថាអ្នកប្រើប្រាស់ផ្លូវនៅកម្ពុជាពុំទាន់មានអាកប្បកិរិយាវិជ្ជមានចំពោះសុវត្ថិភាពចរាចរណ៍នៅឡើយ។
ជាមួយគ្នានោះ គ្រោះថ្នាក់ចរាចរណ៍បានសម្លាប់មនុស្សច្រើនជាង៤នាក់ជារៀងរាល់ថ្ងៃ ហើយខាតបង់ថវិកាប្រមាន២៤៨លានដុល្លាសហរដ្ឋអាមេរិចដោយគ្រោះថ្នាក់ចរាចរណ៍(របាយការណ៏ឆ្នាំ២០០៩)
មូលហេតុចំបងនៃគ្រោះថ្នាក់ចរាចរណ៍ភាគច្រើនបង្ករឡើងដោយកត្តា មនុស្សមានដូចជា ការបើកបរហួសល្បឿនកំណត់ ការបើករបក្នុងពេលស្រវឹង ការវ៉ាជែងក្នុងស្ថានភាពគ្រោះថ្នាក់ ពិសេសការមិនប្រើប្រាស់មួកសុវត្ថិភាពរបស់អ្នកប្រើប្រាស់ម៉ូតូ។
អ្នកបើកបរ និងអ្នកប្រើប្រាស់ផ្លូវទាំងអស់គួរគោរព និងមានអាកប្បកិរិយាវិជ្ជមានចំពោះសុវត្ថិភាពចរាចរណ៍ ពិសេសការពាក់មួកសុវត្ថិភាពអ្នកប្រើប្រាស់ម៉ូតូត្រូវពាក់មួកគ្រប់ពេលធ្វើដំណើរ។

ឡិចស៊ីស RX៣០០ ម្ចាស់វាចេញពីផឹកបុករថយន្ដទួរីសបានបង្គោលភ្លើងទប់

2010-07-24T22:12:00.001+07:00

កោះសន្តិភាព
ដោយ ៖ កោះឯករាជ្យ

រាជធានីភ្នំពេញ ៖ រថយន្ដម៉ាកឡិចស៊ីស RX300 ពណ៌ខ្មៅ ពាក់ស្លាកលេខ ភ្នំពេញ 2L-5254 មួយគ្រឿង ដែលគេអះអាងថា អ្នកបើកបរទើបចេញពីផឹកស្រវឹង បានបើកបោះពួយបុករថយន្ដទួរីសដឹកអ្នកដំណើរមួយគ្រឿងដែលធ្វើដំណើរ បញ្ច្រាសទិសគ្នា ហើយជ្រុលចង្កូតទៅបុកបង្គោលភ្លើងបំភ្លឺផ្លូវ បណ្ដាលឱ្យបាក់ដួលរាបដល់ដី ហើយរថយន្ដបានបោកផ្ទប់ទៅនឹងជញ្ជាំងរបង ដីឡូត៍រួចជ្រុលល្បឿនទៅមុខទៀត តែបានបង្គោលភ្លើងធំមួយជួយទប់ ទើបទៅមុខលែងរួច។ ទោះបីយ៉ាងណាអ្នកជិះនៅក្នុងរថយន្ដទាំង២គ្មាននរណាម្នាក់រងរបួស ធ្ងន់ធ្ងរឡើយ ។ គ្រោះថ្នាក់ចរាចរណ៍នេះត្រូវសមត្ថកិច្ច មូលដ្ឋានឱ្យដឹងថា កើតឡើងកាលពីវេលា ម៉ោង៨និង១០នាទីយប់ ថ្ងៃទី២២ កក្កដា នៅតាមផ្លូវជាតិលេខ៥ ក្នុងភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ ។

តាមព័ត៌មាននៅកន្លែងកើតហេតុបានឱ្យដឹងថា នៅមុនពេលកើតហេតុគេឃើញ រថយន្ដម៉ាកឡិចស៊ីសខាងលើជិះគ្នា៣នាក់ ទើបតែចេញពីផឹកនៅភោជនីយដ្ឋានមួយ ក្នុងសង្កាត់ស្វាយប៉ាក ធ្វើដំណើរតាមផ្លូវជាតិលេខ៥ ក្នុងទិសដៅពីជើងទៅត្បូងក្នុងគោលបំណងទៅផ្ទះក្បែរយឿត្រី គីឡូម៉ែត្រលេខ៩ ក្នុងសង្កាត់ច្រាំងចំរេះទី១ ។ នៅពេលធ្វើដំណើរមកជិតដល់ស្ថានីយ៍បូមទឹកគីឡូម៉ែត្រលេខ៥ ស្រាប់តែរថយន្ដនោះបានជ្រុលចង្កូត ទៅបុករថយន្ដទួរីសដឹកអ្នកដំណើរមួយគ្រឿង ពាក់ស្លាកលេខ ខ-៣៨៤០ ពេញទំហឹង បណ្ដាលឱ្យរថយន្ដទួរីសនោះខ្ទាតមក នៅទទឹងថ្នល់ ។

តាមព័ត៌មានខាងលើបានបន្ដទៀតថា ពេលបុករថយន្ដទួរីសហើយ រថយន្ដឡិចស៊ីសនោះ ក៏បានជ្រុលចង្កូតទៅបុកបង្គោលភ្លើងបំភ្លឺផ្លូវពេញទំហឹង បណ្ដាលឱ្យបាក់រាបដល់ដី ហើយបានជ្រុលល្បឿនទៅ បោកផ្ទប់នឹងរបងដីឡូត៍ និងបង្គោលភ្លើងធំ មួយដើមទៀត ទើបទៅមុខលែងរួច ។ ភ្លាមៗនោះគេឃើញអ្នកបើកបររួមទាំងមិត្ដភក្ដិចំនួន៣នាក់ ដែលសុទ្ធតែស្រវឹងធ្លាក់ភ្នែក បានចាកចេញពីក្នុងរថយន្ដដោយពុំឃើញ នរណាម្នាក់រងរបួសឡើយ ដោយសាររថយន្ដ នោះមានពោងការពារសុវត្ថិភាព ។ ក្រោយពេលកើតហេតុរថយន្ដទាំងពីរត្រូវបានសមត្ថកិច្ចបញ្ជូនទៅកាន់កា រិយាល័យចរាចរណ៍ជើងគោកនៃស្នងការដ្ក្ឋានរាជធានី ដើម្បីឱ្យម្ចាស់រថយន្ដបង្កហេតុចូលខ្លួន ដោះស្រាយសងការខូចខាត និងទទួលការផាកពិន័យទៅតាមផ្លូវច្បាប់ ៕

Road Safety Awareness in Cambodia

សិក្ខាសាលាថ្នាក់ជាតិ ស្ដីពីកត្ដាហានិភ័យនៃការបើកបរក្រោមឥទ្ធិពលនៃជាតិស្រវឹង

និតិវិធីអនុវត្ត និងស៊ើបអង្គេតការអនុវត្តច្បាប់ចរាចរណ៍

Road safety a growing concern: NGOs

ស្រវឹង​ជិះ​ម៉ូតូ​ឆ្លង​ផ្លូវត្រូវ​កុងតឺន័​របុក​ស្លាប់​២​នាក់​របួសធ្ងន់​ម្នាក់​

សោកនាដកម្ម ​គ្រោះថ្នាក់​ចរាចរ​រថយន្ត​បុក​គ្នា ស្លាប់​១៨​នាក់ របួស​​​​ធ្ងន់​៧​នាក់

Road violence

ម្នាក់​ស្លាប់​១៧នាក់​របួស​ក្នុង​ហេតុ​ការណ៍​គ្រោះ​ថ្នាក់​ចរាចរ​ណ៍

សិស្ស​វិទ្យា​ល័​យ​​​ពីរ​នាក់​ស្លាប់​ក្នុង​គ្រោះ​ថ្នាក់​ចរាចរណ៍​ពេល​ជិះ​ម៉ូ​តូ​ទៅ​រៀន​

រថ​យ​ន្ដ​បុក​ស្ដ្រី​ម្នាក់​ស្លាប់​ហើយ​បើក​គេច​បាត់​

៥នាក់​ស្លាប់​ ​ដោយសារ​គ្រោះ​ថ្នាក់​ចរាចរណ៍​ ​នៅ​ពេជ្រ​និល​

Safe School Zone

ចំនួន​គ្រោះ​ថ្នាក់​ចរាចរ​ឆ្នាំ​២០១០​មាន​ការ​ថយ​ចុះ​៥០៣​លើក​និង​ស្លាប់​ថយ​ចុះ​៥​នាក់

ក្រសួង​សុខាភិបាល​អំពាវ​នាវ​ឲ្យប្រជាពលរដ្ឋ​កាត់​បន្ថយ​ឬ​បញ្ឈប់​ការ​សេព​សុរា​និង​គ្រឿង​ស្រវឹង​

បើករថ​យន្ត​​ចាក់​កួ​បុករបង​សាលា​មត្តេយ្យ​វត្តកោះប្រាវ

VIGO បើក​បុក​បង្កាន់ដៃស្ពាន​ព្រះមុនីវង្ស​ចាស់​ធ្លាក់​ពីលើ​ស្ពាន​របួស​ពីរ​នាក់

ដាច់​ជើង​ម្ខាង​ស្លាប់​: ជនជាតិ​កូរ៉េ​ស្រវឹងស្រា​បើកឡាន​បុក​

កុងតឺន័រ​ក្រុមហ៊ុន​ក្បឿង​ស៊ី​ផេ​ក​ម៉ូរៀ កិន​មនុស្ស​ផ្ទុះ​ក្បាល​

ស្លាប់​ម្នាក់ របួសធ្ងន់​២​នាក់ ក្នុង​គ្រោះថ្នាក់​ម៉ូតូ​បុក​ម៉ូតូ​

រថយន្ត​សង្រ្គោះ​បន្ទាន់​គ្លីនីក​ឯកជន​សែន សុខ ជាន់​ម៉ូតូ​៣​គ្រឿង

ស្ត្រីជើង​ខ្លាំង​ម្នាក់ៈ ថយ​បុក​គេ​ហើយ​ ស្រែក​ជេរ​គេទៀត!​

GRSP ASIA ROAD SAFETY SEMINAR, SIEM REAP, CAMBODIA NOVEMBER 3-5 2010

នារី​ទំនើង​ម្នាក់​បើក​រថយន្ត​បុក​បង្កាន់​ដៃ​ស្ពាន​ព្រះ​មុនីវង្ស​ចាស់​ប៊ិះ​ធ្លាក់​ចូល​ទន្លេ

ឡិច​ស៊ីស​ម្ចាស់​ស្រវឹង​បើក​​បោះ​ពួយ​ធ្លាក់​ប្រឡាយ​ទឹក

ស្លាប់​២៥​​នាក់ក្នុង​​ឱកាស​បុណ្យ​ភ្ជុំបិណ្ឌ

៩ ខែ​ដើមឆ្នាំ​គ្រោះថ្នាក់​ចរាចរណ៍​មាន​អ្នកស្លាប់​កើន​ដល់ ១.២៨៥ នាក់

ស្វែងយល់ពីគ្រោះថ្នាក់ចរាចរណ៍ក្នុងឱកាសបុណ្យភ្ជុំបិណ្ឌ

ជិះ​ម៉ូតូបុក​ស្ត្រី​​ម្នាក់​ដើរ​តាមផ្លូវ​រួចដួល​របួសធ្ងន់​ធ្ងរ​ទាំង​អស់​គ្នា

ជាតិស្រវឹង និងគ្រោះថ្នាក់ចរាចរណ៍

Clinton Foundation Helps Road Safety Program in Cambodia and Other Asian Countries

តៃកុង​ស្ទើរ​ភ្លើង បោះ​ពួយ​ឡង់​គ្រីស័រ​ព្រលះ​ផ្ទះ​២​ល្វែង​ទាំង​កំរោល

គ្រោះថ្នាក់​ចរាចរ ២ ​លើក របួសធ្ងន់​ស្រាល ៥ ​នាក់​

អ្នក​លក់នំបុ័ង​ដាក់សាច់​ដែលរង​របួស​ធ្ងន់ ដោយសារ​ឡិចស៊ីស​បុក ​បាន​ស្លាប់​នៅក្នុង​មន្ទីរ​ពេទ្យ​ហើយ

រថ​យន្ត​អ៊ី​ស៊ុយហ៊្សុយបុក​​ត្រាក់ទ័រ​ពី​ក្រោយ​វេលាទៀបភ្លឺ​លើ​ផ្លូវ​ជាតិ​លេខ៤

ម៉ូតូ​វ៉េវ​បើក​រេ​ចង្កូត​បុក​រថយន្ត​កាមរី​ស្លាប់​ម្នាក់​របួស​២នាក់

រថយន្ត និង​ម៉ូតូ​ធ្វើ​ដំណើរ​បញ្ច្រាស​ទិស​គ្នា​បុក​ស្លាប់​ម្នាក់ឃាត់ខ្លួន​អ្នក​បើកបរ

អាឆ្លាមស្ទើរ​ភ្លើង​ត្រូវ​អាក្តាម​យក្ស​ខាំ​ខ្ទេច​មួយ​ចំហៀង​របួស​ធ្ងន់១

រថ​យន្ត​ដឹក​បង្គោល​ភ្លើង​ធ្លាក់​ពី​លើ​ផ្លូវជាតិ​លេខ៦៧​របួស​ធ្ងន់​ស្រាល​៧នាក់

ស្រវឹង​ជោ​កបើក​រថយន្ត​ឡិចស៊ីស​បុក​តោថ្ម​ស្លាប់ម្នាក់

រថយន្ត FUSO បើក​កៀរ​ម៉ូតូ​ជ្រុល​ទៅ​បុក​បង្គោល​ភ្លើង​បាក់​ដាច់​ចរន្ត​អគ្គិ​សនី​មួយ​យប់

ស្រវឹង​ធ្លាក់​ភ្នែក​បើក​រថយន្ត​បុក​ដើម​ឈើ​ដាច់​កង់​ម្ខាង

ដឹកធ្ងន់​ផ្ទុះ​កង់​ក្រឡាប់​ចាក់​ផ្លែ​ឈើ​ពេញ​ផ្លូវជាតិ​លេខ​៥

ម៉ូតូ​បុក​គ្នា​បែរ​ជា​រង​គ្រោះ​ក្មេង​ប្រុស​រត់​លេង​លើ​ចិញ្ចើម​ផ្លូវ​លំ

មន្ត្រីប៉ូលិស​ពន្លត់​អគ្គីភ័យ​បានស្លាប់​នៅ​មន្ទីរ​ពេទ្យ​ក្រោយ​គ្រោះថ្នាក់​ចរាចរ

រថយន្ត​ឡង់​គ្រី​ស្ស័រ​បើក​បុក​រថយន្ត​កូរ៉ូ​ឡា ​បត់​ឆ្លង​ផ្លូវ​របួស​២នាក់

ភ្លៀង​ធ្លាក់​មួយ​មេ​ធំ ​តាក់​ស៊ី​មួយ​គ្រឿង ​ចង​កំហឹង​របាំង​ចែក​ផ្លូវ​បះ​ជើង

ជិះ​ម៉ូតូ​ក្នុង​ល្បឿន​លឿន​ដូច​គ្នា​បុក​គ្នា​ពេញ​ទំហឹង​របួស​ធ្ងន់​ទាំង២

ក្បាល​ឡាន​ដឹកកុងតឺ​ន័រ​អ្នក​បើក​ស្រវឹង​បុក​រះ​រួច​ធ្លាក់​ប្រឡាយ